Salmu
Un múzika di Azafe.
82 Deus ta toma se lugar na meiu di kes algen ki sta djuntadu.*
Na meiu di kes deus, el ta faze se julgamentu:
2 “Ti ki ténpu nhos ta ben kontinua ta julga ku injustisa
I ta faze diferénsa pa djuda algen mau? (Selá)
3 Nhos difende* kes algen koitadu i kes ki ka ten pai.*
Nhos faze justisa pa kes ki sta dizanparadu i pa kes ki sta pasa nisisidadi.
4 Nhos salva kes algen koitadu i kes algen póbri.
Nhos libra-s di mô di kes algen mau.”
5 Es ka sabe nada i nen es ka ta intende nada.
Es ta anda na sukuru,
Ka ten justisa i nen ruspetu pa lei.*
6 “N fla: ‘Anhos é deus,*
Nhos tudu é fidju di kel Deus Más Grandi.
7 Má nhos ta ben móre sima tudu algen.
Nhos ta ben txiga fin sima kalker otu governanti!’”
8 Ó Deus, aji i julga kes algen na téra,
Pamodi tudu kes nason é di bo.