Salmu
Kántiku di subida.
121 N ta labanta róstu pa kes montanha i N ta pergunta:
‘Ken ki ta ben djuda-m?’
2 Nha ajuda ta ben di Jeová,
Kel ki faze séu ku téra.
3 Nunka el ka ta ben dexa bu pé skorega.*
Kel ki ta proteje-u nunka ka ta ben fika ku sónu.
4 Kel ki ta proteje Israel,
Nunka ka ta ben fika ku sónu nen el ka ta durmi.
5 Jeová ta proteje-u.
Jeová é sima un sónbra ki sta na bu direita.
6 Di dia, sol ka ta ben kema-u,
Nen lua ka ta ben prujudika-u di noti.
7 Jeová ta ben proteje-u di tudu kuza mariadu.
El ta ben proteje bu vida.*
8 Jeová ta ben proteje-u na tudu kuza ki bu ta faze,*
Gósi i pa tudu ténpu.