Salmu
Un múzika di Davidi.
23 Jeová é nha Pastor.
Nada ka ta ben falta-m.
2 El ta pô-m ta deta na meiu di padja verdi
I el ta leba-m pa kes lugar ki ten txeu agu* pa N diskansa.
3 El ta torna da-m forsa.*
El ta gia-m na kes kaminhu di justisa pamodi se nómi.
4 Sikrê N anda na meiu di un rubera sukuru dimás,
N ka ta xinti medu di ninhun kuza mariadu,
Pamodi bu sta ku mi.
Bu vara i bu pó ta da-m suguransa.*
5 Bu ta pripara-m un méza dianti di nhas inimigu.
Bu ta freska nha kabésa ku óliu.
Nha kópu sta xeiu ti bóka.
6 N sabe ma bu bondadi i amor lial ta ben kunpanha-m tudu dia di nha vida.
N ta ben mora na kaza di Jeová pa tudu ténpu di nha vida.