RESPÓSTAS PA PERGUNTAS DI BÍBLIA
Deus ta púrdua nos pekadus?
É ka difísil poi Deus ta fika kontenti ku nos
Bíblia ta fla ma tudu algen é pekador. Nu erda kel tendénsia di peka di kel primeru ómi, Adon. Pur isu, alvês nu ta faze kuzas mariadu ki nu ta rapende dipôs. Fidju di Deus, Jizus Kristu, móre pa resgata-nu di pekadu. Pur isu, Deus pode púrdua nos pekadu. Kel-li é un prezenti di Deus. — Lé Romanos 3:23, 24.
Alguns algen ki faze pekadus gravi ta pergunta si Deus ta purdua-s. Inda ben ki Palavra di Deus ta fla: ‘Sangi di se Fidju, Jizus, ta linpa-nu di tudu pekadu.’ (1 João 1:7) Jeová sta prontu pa púrdua ti mésmu kes pekadu gravi, si nu mostra ma nu rapende di verdadi. — Lé Isaías 1:18.
Kuzê ki nu meste faze pa Deus purdua-nu?
Si nu krê pa Jeová Deus purdua-nu, nu meste prende sobri el i sobri kuzê ki el krê pa nu faze. (João 17:3) Jeová ta púrdua tudu pekadu di kes algen ki rapende i ki sforsa pa muda. — Lé Atos 3:19.
É ka difísil poi Deus ta fika kontenti ku nos. Jeová ta ntende nos frakéza. El ta mostra mizerikórdia i bondadi. Kel-li ka ta pô-u ku gana di prende sobri el i faze se vontadi? — Lé Salmo 103:13, 14.