LISON 53
Skodje diverson ki ta agrada Jeová
Jeová é ‘kel Deus filís.’ (1 Timóteo 1:11) El krê pa nu ser filís i pa nu goza vida. El ta fika kontenti óras ki nu ta tra ténpu pa nu diskansa i faze kuzas ki nu gosta. Na kel lison li, nu sta ben odja modi ki nu pode uza kel ténpu la di un manera ki nu ta fika kontenti i ki ta poi Jeová kontenti tanbê.
1. Di kuzê ki nu debe lenbra óras ki nu ta skodje un diverson?
Kuzê ki bu gosta di faze pa bu divirti? Alguns algen ta prifiri fika na kaza ta lé un livru, obi múzika, odja un filmi ô uza internet. Otus gosta di faze kuzas ku ses amigus, sima faze kaminhada, nada ô djuga bóla. Ka ta nporta kuzê ki nu gosta di faze, nu ten ki ten sertéza ma kel ki nu ta skodje divirti ku el sta di akordu ku ‘vontadi di Sinhor’. (Efésios 5:10) É inportanti nu ntende kel-li, dja ki txeu algen ta skodje divirti ku kes kuza ki Jeová ka gosta, sima violénsia, konportamentu seksual mariadu i fitisaria ô bruxaria. (Lé Salmo 11:5.) Kuzê ki ta djuda-nu skodje dretu kuzê ki nu ta divirti ku el?
Si nu skodje amigus ki ta ama Jeová, es pode ten bon influensia na nos i na kuzas ki nu ta skodje divirti ku el. Sima nu prende na lison 48, ‘ken ki ta anda ku algen ki ten sabedoria ta ganha sabedoria’. Má, si sénpri nu ta sta djuntu ku kes algen ki ka ta ruspeta leis di Deus, nu ‘ta ten prublémas.’ — Provérbios 13:20.
2. Pamodi ki é inportanti nu kontrola kantu ténpu nu ta gasta ta divirti?
Mésmu ki kel kuza ki nu skodje divirti ku el ka ten nada mariadu, nu meste toma kuidadu pa nu ka gasta txeu ténpu ku el. Pamodi sinon, nu pode fika sen ténpu pa faze kes kuza ki é más inportanti. Bíblia ta fla-nu pa nu ‘uza nos ténpu di midjór manera ki nu pode’. — Lé Efésios 5:15, 16.
SABE MÁS
Prende modi ki nu pode toma bons disizon sobri kuzê ki nu ta divirti ku el.
3. Ivita diverson ki é mariadu
Pamodi ki nu debe skodje dretu kes kuza ki nu ta divirti ku el? Odja VÍDIU, i dipôs pâpia sobri kes pergunta li:
Modi ki kes jogu na Roma antigu é sima alguns diverson ki ten oji?
Na vídiu, kuzê ki Daniel prende sobri diverson?
Lé Romanos 12:9, i dipôs pâpia sobri kel pergunta li:
Modi ki kel versíklu li pode djuda-u skodje kuzê ki bu ta divirti ku el?
Kal ki é alguns kuza ki Jeová ta ôdia? Lé Provérbios 6:16, 17 i Gálatas 5:19-21. Dipôs di lé kada testu, pâpia sobri kel pergunta li:
Kal ki é alguns kuza ki sta na kes versíklu li ki oji é normal pesoas divirti ku el?
Modi ki bu pode skodje dretu kuzê ki bu ta divirti ku el
Pergunta bu kabésa:
Kel diverson ten algun kuza ki Jeová ta ôdia?
El ta toma-m ténpu ki N podia uzaba pa faze kes kuza más inportanti?
El ta pô-m ta pasa txeu ténpu ku pesoas ki ka ta ama Jeová?
É mutu más suguru nu fika lonji di prigu. É pur isu ki nu debe fika lonji di kalker diverson ki nu ka ten sertéza si é bon pa nos.
4. Uza bu ténpu dretu
Odja VÍDIU, i dipôs pâpia sobri kel pergunta li:
Nbóra kel irmon na vídiu ka staba ta odja nada mariadu, modi ki kel-la bira un prubléma?
Lé Filipenses 1:10, i dipôs pâpia sobri kel pergunta li:
Modi ki kel versíklu li ta djuda-nu disidi kantu ténpu nu ta pasa ta divirti?
5. Skodje diverson ki é bon pa bo
Nbóra ten alguns tipu di diverson ki ka ta agrada Jeová, ten txeu diverson ki ta agrada-l. Lé Eclesiastes 8:15 i Filipenses 4:8, i dipôs pâpia sobri kel pergunta li:
Ki tipu di diverson bu gosta di faze ki é dretu?
Bu pode divirti ku kuzas ki é dretu
ALGUNS ALGEN TA FLA: “Ka ta nporta si kes kuza ki N ta divirti ku el ten violénsia, konportamentu seksual mariadu ô fitisaria. Sô ma N ka faze-s.”
Kuzê ki bu ta flaba?
REZUMU
Jeová krê pa nu skodje dretu nos diverson i pa nu divirti ku kuzas ki é bon pa nos.
Perguntas di rezumu
Ki tipu di diverson sérvus di Deus debe ivita?
Pamodi ki nu debe toma kuidadu ku kantu ténpu ki nu ta pasa ta divirti?
Pamodi ki bu krê skodje diverson ki ta agrada Jeová?
DJOBE MÁS
Odja ken ki debe disidi kuzê ki nu ta divirti ku el.
“Tistimunhas di Jeová ta proíbi alguns filmi, livrus ô múzikas?” (Artigu na jw.org)
Odja modi ki bu pode skodje dretu kuzê ki bu ta divirti ku el.
“Bu manera di divirti ta djuda-u?” (Sentinéla, 15 di otubru di 2011)
Na artigu “N konsigi ti dexa di faze diskriminason”, odja pamodi ki un ómi muda kuzê ki el ta divirtiba ku el.
“Bíblia ta muda vida di algen” (Sentinéla, 1 di febreru di 2010)
Odja kuzê ki djuda un mai toma un bon disizon sobri diverson ki ten fitisaria ô bruxaria.
Ivita kes tipu di diverson ki ten fitisaria ô bruxaria (2:02)