LISON 02
Bíblia ta da-nu speransa
Algen na mundu interu ta lida ku prublémas ki ta pô-s xinti tristi, preokupadu i ti ku dór. Dja bu kustuma pasa pa un situason ki pô-u ta xinti si? Talvês bu sta sufri pamodi un duénsa ô pamodi un algen ki bu ta ama móre. I bu pode pergunta bu kabésa: ‘Algun dia vida ta ben midjora?’ Bu ta ben gosta di sabe respósta ki Bíblia ta da.
1. Ki speransa Bíblia ta da-nu?
Bíblia ta splika-nu pamodi ki mundu sta xeiu di prublémas. Tanbê el ta da-nu un notísia sábi, ma ka ta dura Deus ta ben kaba ku tudu prublémas. Promésas di Bíblia pode da-nu ‘un futuru i un speransa.’ (Lé Jeremias 29:11, 12.) Es ta djuda-nu lida ku nos prublémas i ser filís mésmu gósi. Tanbê es ta da-nu sertéza ma nu ta ben ser filís pa tudu ténpu.
2. Kuzê ki Bíblia ta promete pa futuru?
Bíblia ta fla ma un dia ‘ka ta ben ten más mórti, nen ka ta ten más tristéza, nen txoru, nen dór.’ (Lé Apocalipse 21:4.) Kes prubléma ki pode pô-nu ta perde speransa oji, sima pobréza, injustisa, duénsa i mórti, ka ta ben ten más. Bíblia ta promete ma tudu algen ta ben vive sábi na un paraízu li na Téra pa tudu ténpu.
3. Modi ki bu pode ten sertéza ma kel ki Bíblia promete ta ben kunpri?
Txeu algen krê pa kuzas dretu kontise na ses vida, sô ki es ka ta konsigi ten sertéza ma kel ki es krê ta ben kontise. Má kuzê ki Bíblia ta fla é diferenti. Nu pode ten más kunfiansa na kuzê ki el ta fla si nu ‘studa Skrituras’ dretu. (Atus 17:11, Bíblia Na Prugrésu Di Traduson Pa Lingua Kabuverdianu, BPK) Sima bu ta ba ta studa Bíblia, bu ta konsigi sabe si bu pode kridita na kes kuza ki el ta fla sobri futuru.
SABE MÁS
Odja alguns kuza ki Bíblia ta promete pa futuru i modi ki speransa ki el ta da sta ta djuda pesoas oji.
4. Bíblia ta promete ma nu pode vive pa tudu ténpu sen sufrimentu
Odja alguns di kes promésa ki nu ta atxa na Bíblia. Kal di kes promésa ki bu gosta más txeu? Pamodi?
Lé kes testu di Bíblia ki sta na ladu di kada un di kes promésa, i dipôs pâpia sobri kes pergunta li:
Bu ta atxa ma kes testu di Bíblia li ta da speransa? Bu ta atxa tanbê ma el pode djuda bus família i bus amigu?
Imajina bu kabésa ta vive na un mundu undi
NINGEN KA TA BEN. . . |
TUDU ALGEN TA BEN. . . |
|---|---|
|
|
|
|
|
|
|
|
|
|
5. Promésas di Bíblia pode muda bu vida
Txeu algen oji sta dizanimadu ô ti xatiadu pamodi prublémas ki sta kontise na mundu. Alguns ta sforsa txeu pa kuzas midjora. Bíblia ta promete ma kuzas ta ben midjora. Odja modi ki es promésa sta ta djuda pesoas oji. Odja VÍDIU, i dipôs pâpia sobri kes pergunta li:
Na vídiu, ki tipu di injustisa staba ta inkomoda Rafika?
Nbóra injustisa ki el staba ta odja ka kaba, modi ki Bíblia djuda-l?
Kel speransa ki Bíblia ta da pa futuru pode djuda-nu óras ki nu sta dizanimadu i óras ki nu sta pasa pa prublémas. Lé Provérbios 17:22 i Romanos 12:12, i dipôs pâpia sobri kes pergunta li:
Bu ta atxa ma speransa ki Bíblia ta da pode muda bu vida gósi? Pamodi?
ALGUNS ALGEN TA FLA: “Kuzê ki Bíblia ta fla sobri futuru é bon dimás pa ser verdadi.”
Pamodi ki bu ta atxa ma é inportanti sabe si kuzê ki Bíblia ta fla é verdadi?
REZUMU
Bíblia ta promete un futuru filís. Sabe kel-li ta da-nu speransa i ta djuda-nu ten un vida más midjór gósi.
Perguntas di rezumu
Pamodi ki pesoas meste di speransa?
Kuzê ki Bíblia ta fla sobri futuru?
Modi ki ten un speransa pa futuru pode djuda-u gósi?
DJOBE MÁS
Prende modi ki speransa pode djuda-u óras ki bu ta pasa pa prublémas.
“Undi ki bu pode atxa speransa?” (Nhos korda!, 22 di abril di 2004)
Odja modi ki speransa pa futuru pode djuda kes algen ki ten un duénsa ki ka ten kura.
“Bíblia pode djuda kes ki sta vive ku un duénsa ki ka ten kura?” (Artigu na jw.org)
Óras ki bu odja kel vídiu li, imajina abo ku bu família ta vive sábi na kel Paraízu ki Bíblia ta promete.
Lé sobri modi ki speransa di Bíblia pa futuru muda vida di un ómi ki ta lutaba pa midjora kuzas na mundu.
“Gósi N ka ta atxa más ma N ten ki muda mundu” (Sentinéla, 1 di julhu di 2013)