KÁNTIKU 139
Odja bu kabésa na Paraízu
1. Dja‿N sta odja-u djuntu ku mi,
Na Paraízu ki ta ben sta li.
Kel ki ta ten é sô amor,
Un mundu sábi ki ka ten dór.
Kes algen mau ka ta sta más,
Pamodi Reinu ta traze pas.
Ta txiga kel ténpu di ten salvason,
Ki nu ta ben kanta
di tudu korason:
(KORU)
“Nos Deus la na Séu, nu ta‿agradise-u
P’es téra novu, pa bensons k’é txeu.
Di fundu korason nu ta kanta pa bo.
Jeová, bu merese nos ónra i lovor.”
2. Odja-nu‿anos, nos tudu dôs,
Na mundu novu ki Deus ten pa nos.
Kes kuza ki ta tra-nu pas,
Nu ka ta odja nen obi más.
Promésas di nos Deus filís,
Nu ta ben odja, el ta kunpri-s.
El ta faze mortus labanta‿otu bês;
Nos vós ta ben djunta,
nu ta ben kanta ku‿es:
(KORU)
“Nos Deus la na Séu, nu ta‿agradise-u
P’es téra novu, pa bensons k’é txeu.
Di fundu korason nu ta kanta pa bo.
Jeová, bu merese nos ónra i lovor.”
(Odja tanbê Sal. 37:10, 11; Isa. 65:17; João 5:28 ; 2 Ped. 3:13.)