Pensamentus di nha korason

1. Nhas pensamentu, ó Jeová,

Kel ki‿N ten na nha korason,

N krê pa sénpri‿es agrada-u

I p’es mostra-u nha gratidon.

I óras ki preokupason

Ta ben di noti, ta fronta-m,

Djuda-m pa‿N pensa sô na bo,

Pamodi bo ki ta kalma-m.

2. N krê konsentra‿i pensa más,

Na kuzas justu, linpu‿i bon,

Na kuzas ki ta traze-m pas,

Ki ta gia-m nha korason.

Bus pensamentu, ó Jeová,

Ami‿N ka pode nen konta-s.

Sen es dja‿N ka ta pode sta.

Pa tudu ténpu‿N krê ama-s.