Un intruduson pa Palavra di Deus

Na Bíblia nu ta atxa mensajen, ô palavra, di Deus pa nos oji. El ta inxina-nu ten un vida filís i kuzê ki nu pode faze pa Deus fika kontenti ku nos. Tanbê el ta responde kes pergunta li:

1 Ken ki é Deus?
2 Modi ki nu pode konxe Deus?
3 Ken ki skrebe Bíblia?
4 Óras ki Bíblia ta pâpia sobri siênsia el é izatu?
5 Kal ki é mensajen di Bíblia?
6 Kuzê ki Bíblia dja flaba sobri Misías?
7 Kuzê ki Bíblia dja flaba sobri nos ténpu?
8 Deus é kulpadu pa nos sufrimentu?
9 Pamodi ki nu ta sufri?
10 Kuzê ki Bíblia ta promete pa futuru?
11 Kuzê ki ta kontise óras ki algen móre?
12 Kal ki é speransa pa kes algen ki dja móre?
13 Kuzê ki Bíblia ta fla sobri trabadju?
14 Modi ki bu pode uza dinheru dretu?
15 Modi ki bu pode ser filís?
16 Modi ki bu pode lida ku preokupason?
17 Modi ki Bíblia pode djuda bu família?
18 Modi ki bu pode txiga pértu di Deus?
19 Di kuzê ki kes livru di Bíblia ta pâpia di el?
20 Modi ki bu pode tra más pruvetu di bu leitura di Bíblia?

MODI KI BU TA ATXA KES TESTU DI BÍBLIA

Bíblia ten 66 livru pikinoti. El sta divididu na dôs parti: un párti skrebedu na ebraiku i aramaiku (“Velhu testamentu”) i kel otu párti skrebedu na gregu (“Novu Testamentu”). Kes livru ki skrebedu na gregu é 27. Kes primeru livru ta kumesa ta konta stória di vida di Jizus Kristu. Kada livru di Bíblia sta divididu na kapítlus i versíklus. Óras ki ta parse un testu di Bíblia, kel primeru nunbru dipôs di nómi di livru é kapítlu, i kel nunbru ô nunbrus ki ta ben dipôs é versíklu ô versíklus. Pur izénplu, Mateus 1:1 krê fla Mateus kapítlu 1, versíklu 1.