PERGUNTA 7
Kuzê ki Bíblia dja flaba sobri nos ténpu?
“Nason ta ben labanta kóntra nason i reinu kóntra reinu. . . Tudu kes kuza li é komésu di dór di frónta.”
“Ta ben parse un monti proféta falsu ki ta ben ingana un monti di algen, i dja ki maldadi ta bira txeu, amor di maioria di algen ta ben fria.”
“Óras ki nhos obi ta papiadu di géra i di notísias di géra, ka nhos dexa medu toma kónta di nhos. Kes kuza li ten ki kontise, má inda é ka fin.”
“Ta ben ten grandis tremor di téra, i ta ben ten falta di kumida i duénsas ki ta spadja na un lugar tras di kel otu. I pesoas ta ben odja kuzas ki ta da-s medu i grandis sinal di séu.”
“Na ténpu di fin, situason ta fika konplikadu i difísil di aguenta. Pamodi ómis ta ben ama sô ses kabésa, ta ama dinheru, ta ser konvensidu, aroganti, ta pâpia kóntra Deus, ka ta obi ku pai ku mai, ta ser ingratu, disleal, sen amor pa ningen, ka ta krê konkorda ku otus, ta ser kaluniador, diskontroladu, runhu, ka ta ama kuzas dretu, traidoris, temozus, xeiu di orgulhu, es ta krê sô pasa sábi envês di ama Deus, i es ta finji ma es ta adora Deus, má es ka ta mostra kel-li na ses manera di vive.”