Kuzê ki sientistas ka sabe

Sientistas ta konsigi fla modi ki universu i vida kumesa? Di manera sinplis, respósta é nau. Alguns algen ta fla ma sientistas ki ta studa universu ta konsigi splika modi ki el kumesa. Má, un profesor di astronomia,a ki ta atxa ma nu ka ta konsigi ten serteza si Deus ta izisti ô nau, fla: “Ti inda, nu ka konsigi splika modi ki universu kumesa.”

Di mésmu manera, un artigu na un revistab ki ta pâpia sobri modi ki vida kumesa, ta fla: “Pode ser inposível fla modi ki vida kumesa na téra: Maioria di kes kuza ki pode mostraba nos kuzê ki kontise lógu dipôs ki téra kriadu, dizaparse dja ten txeu ténpu.” Kes palavra li ta mostra ma siênsia inda ka responde kel pergunta li: Modi ki universu i vida kumesa?

Má talvês bu pode pergunta: ‘Si vida na téra kriadu, ken ki faze-l?’ Tanbê, pode ser ki dja bu faze kes pergunta li: ‘Si ta izisti mê un Kriador intilijenti i amorozu, pamodi ki el ta dexa-nu sufri? Pamodi ki ten txeu relijion diferenti? Pamodi ki el ta dexa kes algen ki ta adora-l faze txeu kuza mariadu?’

Siênsia ka ta pode da-nu respósta pa kes pergunta li. Má kel-li ka krê fla ma bu ka pode atxa respóstas ki bu pode kunfia na el. Na verdadi, txeu algen dja atxa bons respósta na Bíblia.

Alguns sientista tra ténpu pa studa Bíblia, i es fla ma es ta kridita na un Kriador. Si bu ta gostaba di sabe pamodi ki es ta pensa si, bai na jw.org. Bai na vídius di mésmu tipu i djobe “Opinions sobri modi ki vida kumesa”.