Bansangu ya Zole
1 Salomo mwana ya Davidi vandaka kukuma kaka ngolo mingi na kimfumu na yandi; Yehowa Nzambi na yandi vandaka ti yandi mpi vandaka kumisaka yandi muntu ya nene mingi kibeni.+
2 Salomo tindaka bantu na kubinga Izraele ya mvimba, bamfumu ya mafunda mpi ya bankama, bazuzi, mpi bamfumu yonso ya Izraele ya mvimba, bamfumu ya banzo ya batata. 3 Na nima, Salomo ti dibundu ya mvimba kwendaka na kisika ya kunanguka na Gibeoni,+ sambu tenta ya lukutakanu ya Nzambi ya kieleka vandaka kuna; tenta yina Moize nsadi ya Yehowa salaka na ntoto-makanga. 4 Kansi, Davidi bakaka sanduku ya Nzambi ya kieleka na Kiriati-yearimi+ mpi nataka yo na kisika yina yandi yidikilaka yo; yandi tedimisilaka yo tenta na Yeruzalemi.+ 5 Mesa-kimenga ya kwivre+ yina Besalele+ mwana ya Uri mwana ya Hure salaka, bo tulaka yo na ntwala ya nzo-tenta ya Yehowa; mpi Salomo ti dibundu vandaka kusamba na ntwala na yo.* 6 Salomo pesaka makabu kuna na ntwala ya Yehowa, mpi yandi pesaka makabu ya kuyoka 1 000 na mesa-kimenga ya kwivre+ ya tenta ya lukutakanu.
7 Na mpimpa yina, Nzambi monanaka na Salomo mpi tubilaka yandi nde: “Lomba kima yina nge ke zola nde mono pesa nge.”+ 8 Ebuna Salomo tubilaka Nzambi nde: “Nge monisaka zola ya kwikama ya nene na tata na mono Davidi,+ mpi nge me kumisa mono ntotila na kisika na yandi.+ 9 Ntangu yai, O Yehowa Nzambi, bika nde mambu yina nge silaka na tata na mono Davidi kulungana,+ sambu nge me kumisa mono ntotila ya bantu yina kele mingi bonso bambuma ya zelo ya ntoto.+ 10 Ntangu yai, pesa mono mayele mpi nzayilu+ ya kutwadisa bantu yai,* sambu nani lenda sambisa bantu na nge yai ya mingi?”+
11 Ebuna Nzambi tubilaka Salomo nde: “Sambu yai nzala ya ntima na nge mpi nge me lomba ve bima ya kinsuni, bimvwama, mpi lukumu to lufwa* ya bantu yina ke mengaka nge, nge me lomba mpi ve luzingu ya nda,* kansi nge me lomba mayele mpi nzayilu sambu na kusambisa bantu na mono yina mono me tula nge ntotila na bo,+ 12 mono ta pesa nge mayele mpi nzayilu; kansi mono ta pesa nge mpi bima ya kinsuni, bimvwama, mpi lukumu yina ata ntotila mosi ve na ntwala na nge me vandaka ti yo, mpi ata ntotila mosi ve na nima na nge ta vandaka ti yo.”+
13 Yo yina Salomo katukaka na kisika ya kunanguka na Gibeoni,+ na ntwala ya tenta ya lukutakanu, ebuna yandi kwisaka na Yeruzalemi; mpi yandi yalaka Izraele. 14 Salomo landaka kubaka bapusu-pusu mpi bampunda* mingi; yandi vandaka ti bapusu-pusu 1 400 mpi bampunda* 12 000,+ mpi yandi tulaka yo na bambanza ya bapusu-pusu+ mpi pene-pene ya ntotila na Yeruzalemi.+ 15 Ntotila kumisaka arza ti wolo na Yeruzalemi mingi bonso matadi,+ mpi yandi kumisaka banti ya sedre mingi bonso banti ya sikomore na Shefela.+ 16 Bampunda ya Salomo vandaka kukatuka na Ezipte,+ mpi bantu ya mumbongo ya ntotila vandaka kusumba bampunda na bimvuka* na ntalu yina bo tulaka.+ 17 Ntalu ya konso pusu-pusu yina vandaka kukatuka na Ezipte vandaka mbongo 600 ya bibende, mpi ntalu ya mpunda mosi vandaka 150; na nima bo vandaka kunata yo na bantotila yonso ya bantu ya Heti mpi na bantotila ya Siria.