Nkunga
149 Beno kumisa Yah!*
2 Bika Izraele kuwa kiese sambu na Muntu ya Nene yina salaka yandi;+
Bika bana ya Sioni kuyangalala sambu na Ntotila na bo.
3 Bika bo kumisa zina na yandi ti makinu+
Mpi bo yimba bankunga* sambu na kukumisa yandi, ti ngoma ya fioti mpi kidare.+
4 Sambu Yehowa ke zolaka bantu na yandi.+
Yandi ke kumisaka bantu ya kudikulumusa kitoko mpi ke gulusaka bo.+
5 Bika bantu ya kwikama kuyangalala na nkembo;
Bo tula milolo ya kiese na bambeto na bo.+
6 Bika bankunga ya kukumisa Nzambi kuvanda na mungungu na bo,
Mpi mbele ya bitumba ya makasi zole kuvanda na maboko na bo,
7 Sambu na kuvutula mbi na makanda
Mpi kupesa bantu ndola,
8 Sambu na kukanga bantotila na bo miniololo
Mpi bantu na bo ya lukumu minioti ya bibende,
9 Sambu na kupesa bo ndola yina bo me sonikaka sambu na bo.+
Lukumu yai kele ya bantu na yandi yonso ya kwikama.
Beno kumisa Yah!*