Nkunga
Na ntwadisi; ya bo me tula na “Kintuntu ya Lisi ya Ngibusa.” Miktami.* Ya Davidi. Sambu na kulonga. Ntangu yandi nwanaka ti Arami-naharayimi mpi Arami-Soba, ebuna Yoabi vutukaka mpi fwaka bantu ya Edomi 12 000 na Muwanda ya Mungwa.+
60 O Nzambi, nge buyaka beto; nge bedisaka beto.+
Nge wilaka beto makasi; kansi ntangu yai ndima beto diaka!
2 Nge nikisaka ntoto; nge pasulaka yo.
Yidika bisika na yo yina pasukaka, sambu yo kele na kubeba.
3 Nge monisaka bantu na nge mpasi.
Nge nwisaka beto vinu yina ke sala nde beto tambula na lunziungu.+
4 Pesa* bantu yina ke waka nge boma kidimbu
Sambu bo tina mpi bo nieka sambu na kutina tolo-tolo.* (Sela)
5 Sambu bantu yina nge ke zolaka kuguluka,
Gulusa beto ti diboko na nge ya kitata mpi pesa beto mvutu.+
6 Nzambi me tuba na busantu na yandi* nde:
7 Gileadi ti Manase+ kele ya mono,
Mpi Efrayimi kele mpu* sambu na ntu na mono;
Yuda kele nti na mono ya kimfumu.+
8 Moabi kele dilonga na mono ya kuyobidila.+
Mono ta losa sandale na mono na Edomi.+
Mono ta tula milolo nde mono me nunga Filistia.”+
9 Nani ta nata mono na mbanza yina bo me ziunga?*
Nani ta twadisa mono tii na Edomi?+
10 O Nzambi, keti nge ve muntu me buyaka beto?
Nzambi na beto, keti nge ve muntu ke kwendaka diaka ve na bitumba ti basoda na beto?+
11 Sadisa beto na mpasi na beto,
Sambu luguluku yina ke katukaka na bantu kele na mfunu ve.+