10 Ntangu Yoabi monaka nde bo vandaka kunwanisa yandi na ntwala mpi na nima, yandi solaka ndambu ya basoda ya kuluta mbote ya Izraele mpi tulaka bo na ndonga ya bitumba sambu bo kutana ti bantu ya Siria.+ 11 Yandi tulaka bantu yina bikalaka na nsi ya kiyeka* ya mpangi na yandi Abishai,+ sambu na kutula bo na ndonga ya bitumba sambu bo kutana ti bantu ya Amoni. 12 Ebuna yandi tubaka nde: “Kana bantu ya Siria+ kuluta mono na ngolo, nge fwete kwisa kusadisa mono; kansi kana bantu ya Amoni kuluta nge na ngolo, mono ta kwisa kusadisa nge. 13 Beto fwete vanda ngolo mpi kikesa+ sambu na bantu na beto mpi sambu na bambanza ya Nzambi na beto, ebuna Yehowa ta sala mambu yina kele mbote na meso na yandi.”