YEREMIA

1 Yai bangogo ya Yeremia* mwana ya Hilkia, nganga-nzambi mosi ya Anatoti+ na ntoto ya Benyamini. 2 Ndinga ya Yehowa kwisilaka yandi na bilumbu ya Yoziasi+ mwana ya Amone,+ ntotila ya Yuda, na mvula ya 13 ya luyalu na yandi. 3 Yo kwisilaka yandi diaka na bilumbu ya Yehoyakimi+ mwana ya Yoziasi, ntotila ya Yuda, tii na nsuka ya mvula ya 11 ya Sidikiya+ mwana ya Yoziasi, ntotila ya Yuda, tii kuna bo nataka Yeruzalemi na insi ya nzenza na ngonda ya tanu.+

4 Ndinga ya Yehowa kwisilaka mono nde:

Mono kumisaka nge mbikudi sambu na makanda.”

 6 Kansi mono tubaka nde: “O Yehowa Mfumu ya Kuluta Nene!

Mono me zaba ve kutuba,+ sambu mono kele kaka leke.”*+

 7 Ebuna Yehowa tubilaka mono nde:

“Kutuba ve nde, ‘Mono kele kaka leke.’

9 Na nima, Yehowa tandulaka diboko mpi simbaka mono na munoko.+ Ebuna Yehowa tubilaka mono nde: “Mono me tula bangogo na mono na munoko na nge.+ 10 Tala, bubu yai mono me pesa nge kiyeka na zulu ya makanda mpi na zulu ya bimfumu, sambu na kutumuna mpi kubwisa, sambu na kufwa mpi kupanza, sambu na kutunga mpi kukuna.”+

11 Ndinga ya Yehowa kwisilaka mono diaka nde: “Yeremia, nge ke mona inki?” Mono tubaka nde: “Mono ke mona lutangu ya nti ya amande.”*

12 Yehowa tubilaka mono nde: “Nge me mona mbote, sambu mono kele ya kusikama kibeni na yina me tala ndinga na mono sambu na kulungisa yo.”

13 Ndinga ya Yehowa kwisilaka mono mbala ya zole nde: “Nge ke mona inki?” Mono tubaka nde: “Mono ke mona nzungu mosi* ke toka,* mpi munoko na yo ke zola kubwa na ndambu ya nordi.” 14 Ebuna Yehowa tubilaka mono nde:

2 Ndinga ya Yehowa kwisilaka mono nde: 2 “Kwenda mpi samuna na makutu ya Yeruzalemi nde, ‘Yehowa ke tuba nde:

 3 Izraele vandaka santu na meso ya Yehowa,+ bambuma ya ntete ya bima yina yandi katulaka na bilanga.”’

‘Konso muntu yina diaka yandi salaka mbi.

Mpasi vandaka kubwila bo,’ Yehowa muntu me tuba.”+

 5 Yehowa ke tuba nde:

 8 Banganga-nzambi yulaka ve nde, ‘Yehowa kele na wapi?’+

10 ‘Kansi beno sabuka na bantoto ya Kitimi+ yina kele na lweka ya nzadi-mungwa* mpi beno mona.

11 Keti dikanda mosi me katulaka banzambi na yo mpi me yingisaka yo na bayina kele ve banzambi?

Kansi bantu na mono me katulaka lukumu na mono mpi me yingisaka yo na kima yina me konda mfunu.+

14 ‘Keti Izraele kele nsadi to mpika yina me butuka na nzo?

Ebuna sambu na nki bo me bika nde bo botula yandi?

Bo me kumisa insi na yandi kima ya ke pesa boma.

Bo me yoka bambanza na yandi tiya, yo yina muntu mosi ve ke zinga kuna.

16 Bantu ya Nofi*+ mpi ya Tapanesi+ ke dia na zulu ya ntu na nge.

Kansi nge tubaka nde: “Mono ta sadila nge ve,”

23 Inki mutindu nge lenda tuba nde, ‘Mono me kudikumisa ve mvindu.

Mono me landa ve Babaale’?

Tala nzila na nge na muwanda.

Tadila mambu yina nge me sala.

Nani lenda kanga yandi nzila na ntangu yandi kele na nzala ya ngolo ya kuvukisa nitu?

Bayina yonso ke sosa yandi ta vanda ve na mfunu ya kudilembisa.

Bo ta mona yandi na nsungi* na yandi.

Kansi nge tubaka nde, ‘Kivuvu kele ve!+

27 Bo ke tubila nti nde, ‘Nge kele tata na mono,’+

Mpi bo ke tubila ditadi nde, ‘Nge muntu butaka mono.’

Bo ke pesa mono mukongo kansi luse ve.+

28 Ntangu yai, wapi banzambi na nge yina nge kudisadilaka?+

29 ‘Sambu na nki beno ke landa kunwana ti mono?

Sambu na nki beno yonso me kolama na ntwala na mono?’+ Yehowa muntu me tuba.

30 Mono me bula bana na nge kukonda kikuma.+

31 O ndonga ya bantu, beno tadila ndinga ya Yehowa.

Sambu na nki bantu na mono yai me tuba nde, ‘Beto ke tambula na kimpwanza.

Keti beto ta kwisa diaka ve na nge’?+

Kansi bantu na mono me vila mono bilumbu mingi.+

33 O nkento, nge ke yidika nzila na nge na mayele kibeni sambu na kusosa zola!

Nge me kudilonga na banzila ya mambu ya mbi.+

35 Kansi nge ke tuba nde, ‘Mono me sala kima ve.

Ya kieleka yandi ke wila mono diaka ve makasi.’

36 Sambu na nki nge ke mona mpamba nzila na nge ya ke soba-sobaka?

3 Bantu ke yula nde: “Kana muntu kukula nkento na yandi mpi nkento yina kuyambula yandi, ebuna yandi kuma nkento ya muntu ya nkaka, keti yandi lenda vutukila diaka nkento yina?”

Keti insi yina me kuma ve mvindu kibeni?+

 2 “Tala na ndambu ya bangumba ya fioti ya me konda banti.

Na wapi bo me ladisaka nge ve na kingolo-ngolo?

6 Na bilumbu ya ntotila Yoziasi,+ Yehowa tubilaka mono nde: “‘Keti nge me mona mambu yina Izraele ya kukonda kwikama me sala? Yandi me kwenda kusala kindumba+ na konso ngumba ya nda mpi na nsi ya konso nti yina kele ti matiti mingi. 7 Ata na nima ya kusala mambu yai yonso, mono landaka kusonga yandi na kuvutukila mono,+ kansi yandi vutukaka ve; mpi Yuda landaka kutala mpangi na yandi ya nkento yina kele muyekudi.+ 8 Ntangu mono monaka yo, mono kulaka Izraele ya kukonda kwikama ti mukanda ya kufwa makwela+ sambu na bizumba na yandi.+ Kansi Yuda mpangi na yandi ya nkento yina kele muyekudi waka boma ve; yandi mpi basikaka mpi salaka kindumba.+ 9 Yandi monaka kindumba na yandi mpamba, yandi landaka kukumisa insi mvindu, mpi yandi landaka kusala bizumba ti matadi mpi banti.+ 10 Ata mpidina, Yuda mpangi na yandi ya nkento yina kele muyekudi vutukilaka mono ve na ntima ya mvimba, kansi yandi salaka yo na luvunu,’ Yehowa muntu me tuba.”

11 Ebuna Yehowa tubilaka mono nde: “Izraele ya kukonda kwikama me monisa nde yandi kele ya lunungu kuluta Yuda yina kele muyekudi.+ 12 Kwenda mpi zabisa mambu yai na ndambu ya nordi:+

“‘“Vutuka, O nkolami Izraele,” Yehowa muntu me tuba.’+ ‘“Mono ta tala beno ve ti makasi,*+ sambu mono kele ya kwikama,” Yehowa muntu me tuba.’ ‘“Mono ta vanda ve na makasi kimakulu. 13 Ndima kaka mbi na nge, sambu nge me kolama na ntwala ya Yehowa Nzambi na nge. Nge landaka kuvukisa nitu ti* banzenza* na nsi ya konso nti yina kele ti matiti mingi, kansi nge vandaka ve kulemfukila ndinga na mono,” Yehowa muntu me tuba.’”

14 “Beno vutuka, beno bana yina kele bankolami,” Yehowa muntu me tuba. “Sambu mono me kuma mfumu na beno ya kieleka;* mpi mono ta baka beno, muntu mosi na mbanza mosi mpi bantu zole na dibuta mosi, ebuna mono ta nata beno na Sioni.+ 15 Mono ta pesa beno bangungudi yina ntima na mono+ me zola, mpi bo ta disa beno ti nzayilu mpi mayele ya kubakisa mambu mbote-mbote. 16 Beno ta kuma mingi mpi ta buta bambuma na insi yai na bilumbu yina,” Yehowa muntu me tuba.+ “Bo ta tuba diaka ve nde, ‘Sanduku ya kuwakana ya Yehowa!’ Yo ta kwisila bo diaka ve na mabanza, bo ta yibuka yo ve mpi bo ta konda yo ve, mpi bo ta sala yo diaka ve. 17 Na ntangu yina bo ta binga Yeruzalemi kiti ya kimfumu ya Yehowa;+ mpi bo ta vukisa makanda yonso na zina ya Yehowa na Yeruzalemi,+ ebuna bo ta landa diaka ve ntima na bo ya mbi na ntu-ngolo yonso.”

18 “Na bilumbu yina bo ta tambula kumosi, nzo ya Yuda ti nzo ya Izraele,+ mpi kumosi bo ta katuka na ntoto ya nordi mpi bo ta kwisa kukota na ntoto yina mono pesaka ba-nkaka na beno bonso dikabu.+ 19 Mpi mono yindulaka nde, ‘Tala mutindu mono tulaka nge na kati ya bana mpi mono pesaka nge ntoto ya mbote, dikabu ya kuluta kitoko na kati ya makanda!’*+ Mono yindulaka mpi nde nge ta binga mono, ‘Tata na mono!’ mpi nde nge ta yambula ve na kulanda mono. 20 ‘Ya kieleka mutindu nkento ke yekulaka bakala* na yandi mpi ke bikisaka yandi, mutindu mosi mpi nge, O nzo ya Izraele, nge me sadila mono mambu kukonda kwikama,’+ Yehowa muntu me tuba.”

22 “Beno vutuka, beno bana yina kele bankolami.

Mono ta belula kukolama na beno.”+

23 Ya kieleka, bangumba ya fioti mpi makelele yina kele na bangumba kele luvunu.+

Ya kieleka luguluku ya Izraele+ kele na Yehowa Nzambi na beto.

3 Sambu Yehowa ke tubila bantu ya Yuda mpi ya Yeruzalemi nde:

 5 Beno zabisa yo na Yuda, mpi beno zabisa yo na Yeruzalemi.

Beno boka mpi beno bula kibongo na insi ya mvimba.+

 6 Beno tedimisa kidimbu* na ndambu ya Sioni.

Beno sosa lutaninu, mpi beno telama ve kisika mosi,”

Sambu mono ke tinda mpasi ya ke katuka na ndambu ya nordi,+ mpasi ya ngolo.

Yandi me basika na kisika na yandi sambu na kukumisa insi na beno kima ya ke pesa boma.

Bambanza na beno ta kuma mayumbu, kukonda bantu.+

10 Ebuna mono tubaka nde: “O Yehowa Mfumu ya Kuluta Nene! Ya kieleka nge me kusa kibeni bantu yai+ mpi Yeruzalemi ntangu nge tubaka nde, ‘Beno ta vanda na ngemba,’+ kansi mbele ya bitumba kele na mingungu na beto.”*

11 Na ntangu yina, bo ta tubila bantu yai mpi Yeruzalemi nde:

12 Mupepe yonso ke katukaka na bisika yina na ntuma na mono.

Ntangu yai mono ta zengila bo nkanu.

Bampunda na yandi kele ntinu kuluta bango-zulu.+

Mawa na beto, sambu beto me beba!

14 O Yeruzalemi, yobisa ntima na nge mpi katula mambu ya mbi, sambu nge guluka.+

Tii nki ntangu nge ta landa kubumba bangindu ya mbi?

18 “Banzila na nge mpi bisalu na nge, bo ta vutudila nge yo.+

19 O mpasi na mono,* mpasi na mono!

Mono ke wa mpasi ya ngolo na kati ya ntima na mono.*

Ntima na mono ke bula na kati na mono.

Bo kele bana ya bazoba, bo me konda mayele ya kubakisa mambu.

23 Mono monaka insi, mpi tala! yo vandaka mpamba mpi kukonda bantu.+

Mono talaka na zulu, mpi nsemo na yo vandaka diaka ve.+

30 Ntangu yai ya bo me bebisa nge, nge ta sala nki?

Ntangu yandi ke tandula maboko na yandi,+ yandi ke tuba nde:

“Mawa na mono, sambu bantu yina ke fwaka bantu me lembisa mono!”*

5 Beno tambula-tambula na babala-bala ya Yeruzalemi.

Beno tala na nziunga mpi beno tula dikebi.

 2 Ata kana bo tuba nde: “Ya kieleka mutindu Yehowa kele na luzingu!”

Bo ta landa kuzenga kieleka na mambu ya luvunu.+

 3 O Yehowa, keti meso na nge ke sosaka ve kwikama?+

Nge bulaka bo, kansi yo salaka bo kima ve.*

Nge manisaka bo, kansi bo buyaka kundima ndola.+

 4 Kansi mono kuditubilaka nde: “Ya kieleka bantu yai fwete vanda bantu ya kukonda mfunu.

Konso muntu yina ke basika na nganda, yo ke pasula yandi bitini-bitini.

 7 Inki mutindu mono lenda lolula nge sambu na diambu yai?

 9 “Keti mono fwete sambisa bo ve sambu na mambu yai?” Yehowa muntu me tuba.

“Keti mono* fwete vutula ve mbi na dikanda ya mutindu yai?”+

Bika diambu yai kukumina bo!”

14 Yo yina Yehowa, Nzambi ya makesa, ke tuba nde:

15 “Mono ke tindila nge dikanda mosi yina ta katuka ntama, O nzo ya Izraele,”+ Yehowa muntu me tuba.

“Yo kele dikanda yina ke zingaka mingi,

17 Bo ta dia bima ya nge me katula na bilanga mpi mampa na nge.+

Bo ta dia bana na nge ya babakala mpi ya bankento.

Bo ta dia mameme na nge mpi bangombe na nge.

Bo ta dia banti na nge ya vinu mpi ya bafige.

Bo ta fwa bambanza na nge ya ngolo yina nge ke tudilaka ntima na mbele ya bitumba.”

18 “Kansi ata na bilumbu yina,” Yehowa muntu me tuba, “Mono ta manisa beno ve kibeni.+ 19 Ebuna ntangu bo ke yula nde, ‘Sambu na nki Yehowa Nzambi na beto me sala beto mambu yai yonso?’ nge fwete pesa bo mvutu nde, ‘Kaka mutindu beno yambulaka mono sambu na kusadila nzambi ya nzenza na insi na beno, mutindu mosi beno ta sadila banzenza na insi yina kele ve ya beno.’”+

21 “Beno wa, beno bazoba mpi bantu ya me konda mayele:*+

24 Mpi bo ke tuba ve na ntima na bo nde:

26 Sambu bantu ya mbi kele na kati ya bantu na mono.

Bo ke landa kutala, bonso ntangu bantu ya ke kangaka bandeke ke kondamaka.

Bo ke tula mutambu yina ke fwaka.

Bo ke kanga bantu.

Yo yina bo me kuma ngolo mpi bamvwama.

29 “Keti mono fwete sambisa bo ve sambu na mambu yai?” Yehowa muntu me tuba.

“Keti mono* fwete vutula ve mbi na dikanda ya mutindu yai?

30 Diambu mosi ya ke yitukisa mpi ya ke pesa boma me salama na insi yai:

Mpi bantu na mono ke zola nde yo vanda mutindu yina.+

Kansi beno ta sala nki ntangu nsuka ta kwisa?”

6 O bana ya Benyamini, beno sosa lutaninu, beno tina Yeruzalemi.

Sambu mpasi ke katuka na ndambu ya nordi, mpasi ya ngolo.+

 2 Mwana-nkento ya Sioni me fwanana ti nkento ya kitoko mpi ya mawete.+

 3 Bangungudi mpi bimvuka na bo ya bitwisi ta kwisa.

 4 “Beno yilama sambu na kunwana* bitumba ti yo!

Beno telama, mpi beto nwanisa yo na midi!”

 6 Sambu Yehowa ya makesa ke tuba nde:

“Beno zenga banti mpi beno sala mwa ngumba ya ntoto sambu na kunwanisa Yeruzalemi.+

 9 Yehowa ya makesa ke tuba nde:

“Bantu ya Izraele yina me bikala, bo ta lokuta bo kibeni mutindu bo ke lokutaka bambuma ya vinu ya nsuka na nti ya vinu.

Lutisa diaka diboko na nge bonso muntu yina ke katula bambuma na nti ya vinu.”

10 “Nani mono ta tubila mpi ta kebisa?

Nani ta wa?

Tala! Makutu na bo kele ya kukangama,* yo yina bo lenda tula ve dikebi.+

Sambu mono ta tandula diboko na mono sambu na kunwanisa bantu ya insi yai,” Yehowa muntu me tuba.

Kansi ngemba kele ve.+

15 Keti bo ke wa nsoni sambu na mambu ya nzanzi ya bo me sala?

Bo ke wa ve nsoni ata fioti!

Bo me zaba nkutu ve mutindu bo ke waka nsoni!+

Yo yina bo ta bwa na kati ya bantu yina me bwaka.

Ntangu mono ta pesa bo ndola, bo ta bula sakuba,” Yehowa muntu me tuba.

16 Yehowa ke tuba nde:

“Beno telama na bampambu ya banzila mpi beno tala.

Kansi bo ke tuba nde: “Beto ta tambula ve na kati na yo.”+

Kansi bo tubaka nde: “Beto ta tula ve dikebi.”+

18 “Yo yina, beno wa, O makanda!

19 Wa, O ntoto!

21 Yo yina, Yehowa ke tuba nde:

22 Yehowa ke tuba nde:

23 Bo ta simba munduki ya tolo-tolo mpi dikonga.

Bo kele nku mpi bo ta wila ve bantu mawa.

Bo me yilama na ndonga ya bitumba bonso muntu ya bitumba sambu na kunwanisa nge, O mwana-nkento ya Sioni.”

24 Beto me wa nsangu na yo.

29 Bima ya kupedisila tiya me zika.

Plomb ke basika na tiya na bo.

7 Yai mambu yina katukaka na Yehowa mpi kwisilaka Yeremia: 2 “Telama na kielo ya nzo ya Yehowa mpi zabisa nsangu yai kuna, ‘Beno wa ndinga ya Yehowa, beno yonso bantu ya Yuda yina ke kotaka na bakielo yai sambu na kufukama na ntwala ya Yehowa. 3 Yehowa ya makesa, Nzambi ya Izraele, ke tuba nde: “Beno tomisa banzila na beno mpi bisalu na beno, ebuna mono ta pesa beno nzila ya kulanda kuzinga na kisika yai.+ 4 Beno tula ve ntima na mambu ya luvunu mpi beno tuba ve nde, ‘Yai* tempelo ya Yehowa, tempelo ya Yehowa, tempelo ya Yehowa!’+ 5 Sambu kana beno tomisa kibeni banzila mpi bisalu na beno; kana beno sambisa kibeni na lunungu na kati ya muntu mpi nkweno na yandi;+ 6 kana beno niokula ve banzenza, bana-nsiona,* mpi mifwidi ya bankento;+ kana beno tiamuna ve menga ya bantu yina me sala kima ve na kisika yai; mpi kana beno landa ve banzambi ya nkaka ebuna yo natila beno mpasi;+ 7 mono ta pesa beno nzila ya kulanda kuzinga na kisika yai, na ntoto yina mono pesaka ba-nkaka na beno sambu na ntangu yonso.”’”*

8 “Kansi beno ke tula ntima na mambu ya luvunu+—yo ta nata mambote ve ata fioti. 9 Keti beno lenda yiba,+ kufwa bantu, kusala bizumba, kuzenga kieleka na luvunu,+ kupesa bimenga na Baale,*+ mpi kulanda banzambi yina beno zabaka ve, 10 ebuna beno kwisa mpi beno telama na ntwala na mono na nzo yai ya kele ti zina na mono mpi beno tuba nde, ‘Beto ta guluka,’ ata beno ke sala mambu yai yonso ya nzanzi? 11 Keti nzo yai ya kele ti zina na mono me kuma nzo ya miyibi na meso na beno?+ Tala, mono me mona yo mono mosi,” Yehowa muntu me tuba.

12 “‘Kansi, beno kwenda ntangu yai na kisika na mono yina kele na Shilo,+ kisika ya ntete yina mono salaka nde zina na mono kuvanda,+ mpi beno tala mambu yina mono salaka yo sambu na mambi ya bantu na mono Izraele.+ 13 Kansi beno landaka kusala mambu yai yonso,’ Yehowa muntu me tuba, ‘mpi ata mono tubilaka beno mbala na mbala,* beno waka ve.+ Mono landaka kubinga beno, kansi beno vandaka kundima ve.+ 14 Yo yina, mono ta sala nzo yina kele ti zina na mono,+ nzo yina beno ke tudila ntima,+ mpi kisika yai ya mono pesaka beno mpi ba-nkaka na beno, kaka mutindu mono salaka Shilo.+ 15 Mono ta kula beno na meso na mono, kaka mutindu mono kulaka bampangi na beno yonso, bana ya Efrayimi yonso.’+

16 “Kansi nge, kusamba ve sambu na bantu yai. Kubinga ve, kusala ve kisambu, mpi kubondila mono ve sambu na bo,+ sambu mono ta wa nge ve.+ 17 Keti nge ke mona ve mambu yina bo ke sala na bambanza ya Yuda mpi na babala-bala ya Yeruzalemi? 18 Bana ke lokuta bankuni, batata ke pedisa tiya, mpi bankento ke bula pate sambu na kusala bagato ya kupesa bimenga na Ntotila-Nkento ya Zulu,*+ mpi bo ke tiamuna makabu ya malafu na banzambi ya nkaka sambu na kupesa mono makasi.+ 19 ‘Kansi, keti mono kele muntu yina bo ke pesa mpasi?’* Yehowa muntu me tuba. ‘Keti yo kele bo mosi ve, sambu na nsoni na bo mosi?’+ 20 Yo yina Yehowa Mfumu ya Kuluta Nene ke tuba nde, ‘Tala! Mono ta monisa makasi na mono mpi nganzi na mono na kisika yai,+ na bantu mpi na bambisi, na banti ya bilanga mpi na bambuma ya ntoto; yo ta pela mpi yo ta fwa ve.’+

21 “Yehowa ya makesa, Nzambi ya Izraele, ke tuba nde, ‘Beno kwenda, beno yika makabu na beno ya mvimba ya kuyoka na bimenga na beno ya nkaka, mpi beno dia yo beno mosi.+ 22 Sambu kilumbu yina mono basisaka ba-nkaka na beno na insi ya Ezipte, mono solulaka ve ti bo mpi mono pesaka bo ve nsiku ya ke tadila makabu ya mvimba ya kuyoka mpi bimenga.+ 23 Kansi mono pesaka bo nsiku yai: “Beno lemfukila ndinga na mono, ebuna mono ta kuma Nzambi na beno, mpi beno ta kuma bantu na mono.+ Beno fwete tambula na nzila yonso ya mono ke songa beno, sambu mambu kukwendila mbote sambu na beno.”’+ 24 Ata mpidina bo waka ve mpi bo tulaka ve makutu;+ kansi, bo tambulaka na balukanu* na bo mosi, bo landaka ntima na bo ya mbi na ntu-ngolo yonso,+ ebuna bo vutukaka na nima, kansi bo kwendaka ve na ntwala, 25 katuka kilumbu yina ba-nkaka na beno basikaka na insi ya Ezipte tii bubu yai.+ Yo yina, mono landaka kutindila beno bansadi na mono yonso bambikudi, mono vandaka kutinda bo konso kilumbu, mbala na mbala.*+ 26 Ata mpidina, bo buyaka kuwa mono, mpi bo tulaka ve makutu.+ Kansi, bo vandaka ntu-ngolo,* mpi bo salaka mambu ya mbi kuluta ba-nkaka na bo!

27 “Nge ta tubila bo mambu yai yonso,+ kansi bo ta wa nge ve; nge ta binga bo, kansi bo ta ndima ve. 28 Mpi nge ta tubila bo nde, ‘Yai dikanda yina lemfukilaka ve ndinga ya Yehowa Nzambi na bo mpi yina buyaka kundima ndola. Kwikama me vila mpi bo ke tubila yo nkutu ve na kati na bo.’*+

29 “Zenga nsuki na nge yina nge ke zengaka ve* mpi losa yo, ebuna yimba nkunga ya mawa* na bangumba ya fioti yina me konda banti, sambu Yehowa me buya mpi ta yambula ndonga yai ya bantu yina me pesa yandi makasi ya ngolo. 30 ‘Sambu bantu ya Yuda me sala mambu ya mbi na meso na mono,’ Yehowa muntu me tuba. ‘Bo me tedimisa biteki na bo ya nzanzi na nzo yina kele ti zina na mono, sambu na kukumisa yo mvindu.+ 31 Bo me tunga bisika ya kunanguka ya Tofeti, yina kele na Muwanda ya Mwana ya Inomi,*+ sambu na kuyoka* bana na bo ya babakala mpi ya bankento na tiya,+ diambu yina mono songaka bo ve mpi yina me kwisilaka mono ntete ve ata fioti na ntima.’*+

32 “‘Yo yina tala! bilumbu ke kwisa,’ Yehowa muntu me tuba, ‘ntangu bo ta binga yo diaka ve Tofeti to Muwanda ya Mwana ya Inomi* kansi bo ta binga yo Muwanda ya Kufwila Bantu. Bo ta zika bamvumbi na Tofeti tii kuna kisika ta vanda diaka ve.+ 33 Mpi bamvumbi ya bantu yai ta kuma madia sambu na bandeke ya zulu mpi sambu na bambisi ya ntoto, mpi ata muntu mosi ve ta tinisa bo na boma.+ 34 Mono ta sukisa makelele ya kuyangalala mpi milolo ya kiese, ndinga ya bakala yina ke kwela mpi ndinga ya nkento yina ke kwela,+ na bambanza ya Yuda mpi na babala-bala ya Yeruzalemi, sambu insi yai ta kuma mayumbu.’”+

8 Yehowa me tuba nde: “Na ntangu yina, mikwa ya bantotila ya Yuda, mikwa ya bamfumu na yo, mikwa ya banganga-nzambi, mikwa ya bambikudi, mpi mikwa ya bantu ya Yeruzalemi, bo ta basisa yo na maziamu na bo. 2 Bo ta tanda yo na ntangu, na ngonda, mpi na makesa yonso ya zulu yina bo zolaka, bo sadilaka, bo landaka, bo sosaka, mpi bo fukiminaka.+ Bo ta vukisa yo ve, mpi bo ta zika yo ve. Yo ta kuma bonso nsasa na zulu ya ntoto.”+

3 “Mpi bantu ya dikanda yai ya mbi yina ta bikala, bayina ta guluka ta sola lufwa na kisika ya kusola luzingu na bisika yonso yina mono ke panza bo,” Yehowa ya makesa muntu me tuba.

4 “Mpi nge fwete tubila bo nde, ‘Yehowa ke tuba nde:

“Keti bo ta bwa mpi ta telama diaka ve?

Kana muntu mosi kuvutuka, keti muntu ya nkaka ta vutuka mpi ve?

 5 Sambu na nki bantu yai, Yeruzalemi, ke landa kusala mambu ya kukonda kwikama na ntwala na mono?

 6 Mono tulaka dikebi mpi landaka kuwa, kansi mutindu bo vandaka kutuba vandaka mbote ve.

Muntu mosi ve balulaka ntima na mambi na yandi to yulaka nde, ‘Inki mono me sala?’+

Konso muntu ke landa kuvutuka na nzila ya bantu yonso, bonso mpunda yina ke kwenda ntinu na bitumba.

Kansi bantu na mono ke bakisa ve lusambisu ya Yehowa.”’+

 8 ‘Inki mutindu beno lenda tuba nde: “Beto kele mayele, mpi beto kele ti nsiku* ya Yehowa”?

Sambu ya kieleka, bo me sadila kilapi ya luvunu+ ya bansekudi* kaka sambu na mambu ya luvunu.

 9 Bo me pesa bantu ya mayele nsoni.+

Bo me wa boma ya ngolo mpi bo ta kanga bo.

Kansi ngemba kele ve.+

12 Keti bo ke wa nsoni sambu na mambu ya nzanzi ya bo me sala?

Bo ke wa ve nsoni ata fioti!

Bo me zaba nkutu ve mutindu bo ke waka nsoni!+

Yo yina bo ta bwa na kati ya bantu yina me bwaka.

Ntangu mono ta pesa bo ndola, bo ta bula sakuba,’+ Yehowa muntu me tuba.

13 ‘Ntangu mono ke vukisa bo, mono ta sukisa bo,’ Yehowa muntu me tuba.

‘Ata kisuka mosi ve ta bikala na nti ya vinu, mbuma mosi ve ya fige ta bikala na nti ya bafige, mpi matiti ta yuma.

Mpi bima yina mono pesaka bo ta vila.’”

14 “Sambu na nki beto me vanda awa?

Bika beto vukana mpi beto kota na bambanza ya ngolo+ ebuna beto fwa kuna.

16 Katuka na Dani, bo ke wa makelele ya bampunda na yandi.

“Keti Yehowa kele ve na Sioni?

To keti ntotila na yo kele ve na kati na yo?”

Boma ya ngolo me simba mono.

22 Keti balsami* kele ve na Gileadi?+

To keti muntu ya ke belulaka* kele ve kuna?+

Sambu na nki mwana-nkento ya bantu na mono me belukaka ve?+

 2 A kana mono vandaka ti kisika ya kulala sambu na muntu ya ke sala nzietelo na ntoto-makanga!

Bo me longaka baludimi na bo na kutuba luvunu.+

Bo ke kudilembisa na kusala mambu ya mbi.

 6 Nge ke zinga na kati ya luvunu.

Na luvunu na bo, bo me buya kuzaba mono,” Yehowa muntu me tuba.

 7 Yo yina, Yehowa ya makesa me tuba nde:

 8 Ludimi na bo kele tolo-tolo ya ke fwaka bantu yina ke tubaka luvunu.

 9 “Keti mono fwete sambisa bo ve sambu na mambu yai?” Yehowa muntu me tuba.

“Keti mono* fwete vutula ve mbi na dikanda ya mutindu yai?+

Bandeke ya zulu mpi bambisi me tina; bo me kwenda.+

12 Nani kele mayele kibeni sambu na kubakisa diambu yai?

Munoko ya Yehowa me tubila nani, sambu yandi tuba yo?

Sambu na nki insi me fwa?

13 Yehowa vutulaka nde: “Sambu bo me buya nsiku* na mono yina mono tulaka na ntwala na bo, mpi sambu bo me landa yo ve mpi bo me zitisa ve ndinga na mono. 14 Kansi, bo landaka bantima na bo+ na ntu-ngolo yonso, mpi bo landaka biteki ya Baale, mutindu batata na bo longaka bo.+ 15 Yo yina, Yehowa ya makesa, Nzambi ya Izraele, ke tuba nde, ‘Tala, mono ke disa bantu yai nti ya bululu, mpi mono ta nwisa bo masa ya ndikila.+ 16 Mono ta panza bo na kati ya makanda yina bo ti batata na bo me zaba ve,+ mpi mono ta tinda mbele ya bitumba na nima na bo tii kuna mono ta manisa bo.’+

19 Sambu bidilu ke wakana katuka na Sioni:+

“Beto me fwa kibeni!

Nsoni na beto kele mingi kibeni!

Sambu beto me bika insi, mpi bo me bwisa banzo na beto.”+

20 Beno bankento, beno wa ndinga ya Yehowa.

Bika makutu na beno kuwa ndinga ya munoko na yandi.

22 Tuba, ‘Yehowa me tuba nde:

23 Yehowa ke tuba nde:

24 “Kansi bika muntu yina ke kudikumisa, kudikumisa sambu na diambu yai:

25 “Tala! Bilumbu ke kwisa,” Yehowa muntu me tuba, “mpi mono ta lomba bantu yonso ya bo me yotisaka kansi ya kele kaka ya kukonda kuyotisa+ na kuvutula munoko, 26 Ezipte,+ Yuda,+ Edomi,+ bantu ya Amoni,+ Moabi,+ mpi bantu yonso yina bo me zengaka nsuki na bo yina kele na lweka ya ntu, pene-pene ya dikutu mpi yina ke zingaka na ntoto-makanga;+ sambu bo me yotisaka ve makanda yonso, mpi nzo ya Izraele ya mvimba bo me yotisaka yo ve na ntima.”+

10 O nzo ya Izraele, beno wa mambu yina Yehowa me tubila beno. 2 Yehowa ke tuba nde:

 3 Sambu binkulu ya bantu kele luvunu.*

 6 Muntu mosi ve kele bonso nge, O Yehowa.+

Nge kele nene, zina na nge kele nene mpi ngolo.

 8 Bo yonso me konda mayele mpi bo kele bazoba.+

Malongi yina me katuka na nti kele luvunu ya nene.*+

Bilele na yo kele nsinga ya ble mpi lene ya mbwaki-ble.

Bantu yina me zaba kisalu mbote bantu me salaka yo yonso.

10 Kansi Yehowa kele kibeni Nzambi.

Yandi kele Nzambi ya moyo+ mpi Ntotila ya kukonda nsuka.+

11* Nge fwete tubila bo nde:

14 Konso muntu ke sala mambu na buzoba mpi kukonda nzayilu.

15 Yo kele luvunu,* kisalu ya bo fwete seka.+

Ntangu kilumbu ya kupesa yo ndola ta lunga, yo ta fwa.

Zina na yandi Yehowa ya makesa.+

18 Sambu Yehowa ke tuba nde:

19 Mawa na mono sambu na kubukana na mono!+

Mputa na mono lenda beluka ve.

Mpi mono tubaka nde: “Ya kieleka, yai maladi na mono, mpi mono fwete kangila yo ntima.

20 Tenta na mono me fwaka, mpi bansinga ya tenta na mono me zengana-zenganaka.+

Bana na mono me bikisaka mono mpi bo kele diaka ve.+

Muntu ve me bikala sambu na kutandula tenta na mono mpi kutedimisa bilele ya tenta na mono.

22 Beno wa! Nsangu! Yo ke kwisa!

23 O Yehowa, mono me zaba mbote nde nzila ya muntu kele ve ya yandi.

Muntu yina ke tambula kele ve ti kiyeka ya kutwadisa kitambi na yandi mosi.+

11 Yai mambu yina katukaka na Yehowa mpi kwisilaka Yeremia: 2 “Beno bantu, beno wa mambu ya kuwakana yai!

“Zabisa* yo na bantu ya Yuda mpi na bantu ya Yeruzalemi 3 mpi tubila bo nde, ‘Yehowa Nzambi ya Izraele ke tuba nde: “Bika bo singa muntu yina ke zitisa ve mambu ya kuwakana yai,+ 4 yina mono songaka ba-nkaka na beno kilumbu yina mono basisaka bo na insi ya Ezipte,+ na fulu ya tiya ya ke kumisaka bibende masa-masa+ nde, ‘Beno zitisa ndinga na mono, mpi beno sala mambu yonso ya mono ke songa beno; ebuna beno ta kuma bantu na mono mpi mono ta vanda Nzambi na beno,+ 5 sambu mono lungisa ndefi yina mono diaka na ba-nkaka na beno, ya kupesa bo insi yina miliki* ti bwiki kele mingi,+ mutindu yo kele bubu yai.’”’”

Mpi mono vutulaka nde: “Amen,* O Yehowa.”

6 Na nima Yehowa tubilaka mono nde: “Zabisa mambu yai yonso na bambanza ya Yuda mpi na babala-bala ya Yeruzalemi: ‘Beno wa mambu ya kuwakana yai, mpi beno lungisa yo. 7 Sambu mono kebisaka ba-nkaka na beno pwelele kilumbu yina mono basisaka bo na insi ya Ezipte mpi tii bubu yai, mono kebisaka bo mbala na mbala* nde: “Beno zitisa ndinga na mono.”+ 8 Ata mpidina, bo waka ve mpi bo tulaka ve makutu; kansi, konso muntu vandaka kaka kulanda ntima na yandi ya mbi+ na ntu-ngolo yonso. Yo yina mono natilaka bo mambu yonso ya kuwakana yai yina mono songaka bo na kusala mpi yina bo buyaka kulungisa.’”

9 Ebuna Yehowa tubilaka mono nde: “Bantu ya Yuda ti bantu ya Yeruzalemi me sala komplo. 10 Bo me vutukila bifu ya ba-nkaka na bo ya ntama, yina buyaka kuzitisa bangogo na mono.+ Bo mpi me landa banzambi ya nkaka mpi me sadila bo.+ Nzo ya Izraele mpi nzo ya Yuda me fwa kuwakana yina mono salaka ti ba-nkaka na bo.+ 11 Yo yina, Yehowa ke tuba nde, ‘Tala, mono ke natila bo mpasi+ yina bo ta kuka ve kutina. Ntangu bo ta binga mono sambu mono sadisa bo, mono ta wa bo ve.+ 12 Ebuna bambanza ya Yuda mpi bantu ya Yeruzalemi ta kwenda na banzambi yina bo ke pesaka bimenga* mpi ta binga bo sambu bo sadisa bo,+ kansi banzambi yina ta sadisa bo ve ata fioti na ntangu ya mpasi na bo. 13 Sambu banzambi na nge me kuma mingi bonso bambanza na nge, O Yuda, mpi nge me tedimisa bamesa-kimenga mingi sambu na kima ya nzanzi* bonso babala-bala ya Yeruzalemi, bamesa-kimenga sambu na kupesa bimenga na Baale.’+

14 “Kansi nge,* kusamba ve sambu na bantu yai. Kubinga ve sambu na bo mpi kusala ve kisambu sambu na bo,+ sambu mono ta wa ve ntangu bo ta binga mono sambu na mpasi na bo.

Ti musuni ya santu,* keti bo ta katula mpasi ntangu yo ta kwisila nge?

Keti nge ta vanda na kiese na ntangu yina?

17 “Yehowa ya makesa, Muntu yina kunaka nge,+ me tuba nde mpasi ta kwisila nge sambu na mambu ya mbi yina nzo ya Izraele mpi nzo ya Yuda salaka; bo me pesa mono makasi sambu na bimenga ya bo ke pesa na Baale.”+

19 Mono vandaka bonso mwana-dimeme ya mawete ya bo ke kwenda kufwa.

Mono zabaka ve nde bo vandaka kukanina mono:+

21 Yo yina, yai mambu yina Yehowa ke tubila bantu ya Anatoti+ yina ke sosa kufwa nge* mpi ke tuba nde: “Nge fwete bikula ve na zina ya Yehowa,+ kana ve nge ta fwa na maboko na beto”; 22 yo yina, Yehowa ya makesa ke tuba nde: “Tala, mono ke sambisa bo. Baleke ta fwa na mbele ya bitumba;+ bana na bo ya babakala ti ya bankento ta fwa na nzala.+ 23 Ata muntu mosi ve ta bikala na kati na bo, sambu mono ta natila bantu ya Anatoti+ mpasi na mvula yina mono ta sambisa bo.”

 2 Nge muntu kunaka bo, mpi bo me basisaka misisa.

Bo me yelaka mpi me butaka bambuma.

Bo ke tubila nge ntangu yonso, kansi nge kele ntama ti bangindu na bo ya kati kibeni.*+

Sambu bo me tuba nde: “Yandi ke mona ve mambu yina ta bwila beto.”

Bo ke boka na ndinga ya ngolo sambu na kufunda nge.

 7 “Mono me bikisaka nzo na mono;+ mono me yambulaka dikabu na mono.+

Mono me pesaka muntu ya mono ke zolaka mingi* na maboko ya bambeni na yandi.+

 8 Sambu na mono, dikabu na mono me kuma bonso ntambu na kati ya mfinda.

Yandi me nganina mono.

Yo yina mono me kuma kumenga yandi.

Bo me kumisa kitini na mono ya ntoto ya kitoko, ntoto-makanga ya me konda bantu.

11 Yo me kuma ntoto ya mpamba.

Ngemba kele ve sambu na konso muntu.*

13 Bo me kuna ble, kansi bo me katula bansende.+

Bo me kudilembisa, kansi bo me baka kima ve.

14 Yai mambu yina Yehowa ke tubila bankweno na mono yonso ya mbi, yina ke simba dikabu yina mono pesaka muntu na mono Izraele:+ “Tala, mono ke tumuna bo na insi na bo,+ mpi mono ta tumuna nzo ya Yuda na kati na bo. 15 Kansi na nima ya kutumuna bo, mono ta wila bo diaka mawa mpi mono ta vutula konso muntu na ntoto na yandi yina yandi bakaka bonso dikabu.”

16 “Mpi kana bo longuka kibeni banzila ya bantu na mono mpi bo zenga kieleka na zina na mono nde, ‘Ya kieleka mutindu Yehowa kele na luzingu!’ kaka mutindu bo longaka bantu na mono na kuzenga kieleka na zina ya Baale, bo ta tunga bo na kati ya bantu na mono. 17 Kansi kana bo buya kulemfuka, mono ta tumuna mpi dikanda yina, mono ta tumuna yo mpi ta fwa yo,” Yehowa muntu me tuba.+

13 Yehowa songaka mono nde: “Kwenda kusumba mukaba ya lino mpi lwata yo na luketo, kansi kutula yo ve na masa.” 2 Yo yina mono sumbaka mukaba mutindu Yehowa tubaka mpi mono lwataka yo na luketo. 3 Ebuna ndinga ya Yehowa kwisilaka mono na mbala ya zole nde: 4 “Baka mukaba ya nge sumbaka yina nge me lwata, telama, kwenda na Efrate, mpi bumba yo kuna na kati ya mpwasa ya ditadi.” 5 Yo yina mono kwendaka mpi bumbaka yo pene-pene ya Efrate, kaka mutindu Yehowa songaka mono.

6 Kansi bilumbu mingi na nima, Yehowa tubilaka mono nde: “Telama, kwenda na Efrate, mpi baka mukaba yina mono songaka nge na kubumba kuna.” 7 Yo yina mono kwendaka na Efrate, mono timunaka, mpi mono bakaka mukaba na kisika yina mono bumbaka yo, mpi mono monaka nde yo me beba; yo vandaka diaka ve na mfunu ata fioti.

8 Na nima ndinga ya Yehowa kwisilaka mono nde: 9 “Yehowa ke tuba nde, ‘Mutindu mosi mpi, mono ta fwa lulendo ya Yuda mpi lulendo ya mingi ya Yeruzalemi.+ 10 Bantu yai ya mbi yina ke buya kuzitisa bangogo na mono,+ yina ke landa ntima na bo+ na ntu-ngolo yonso, mpi yina ke landa banzambi ya nkaka, ke sadila bo mpi ke fukimina bo, ta kuma kaka bonso mukaba yai ya kele diaka ve na mfunu ata fioti.’ 11 ‘Kaka mutindu mukaba ke kangamaka na luketo ya muntu, mono salaka nde nzo ya mvimba ya Izraele mpi nzo ya mvimba ya Yuda kukangama na mono,’ Yehowa muntu me tuba, ‘sambu bo kuma bantu,+ zina,+ lukumu, mpi kima ya kitoko sambu na mono. Kansi bo lemfukaka ve.’+

12 “Nge fwete pesa bo mpi nsangu yai, ‘Yehowa Nzambi ya Izraele ke tuba nde: “Konso dibungu ya nene fwete fuluka ti vinu.”’ Mpi bo ta vutudila nge nde, ‘Keti beto me zaba ve nde konso dibungu ya nene fwete fuluka ti vinu?’ 13 Na nima tubila bo nde, ‘Yehowa me tuba nde: “Tala, mono ke pesa bantu yonso ya insi yai vinu mingi tii kuna bo ta lawuka,+ bantotila yina me vanda na kiti ya kimfumu ya Davidi, banganga-nzambi ti bambikudi, mpi bantu ya Yeruzalemi yonso. 14 Mpi mono ta tutanisa bo sambu na kupasula bo, batata ti bana kiteso mosi,” Yehowa+ muntu me tuba. “Mono ta wila bo ve mawa, ta fwila bo ve nkenda, mpi ta vanda ve na ntantu sambu na bo; kima mosi ve ta kanga mono nzila na kufwa bo.”’+

15 Beno wa mpi beno tula dikebi.

Beno vanda ve lulendo, sambu Yehowa me tuba.

19 Bambanza ya sudi kele ya kukanga,* muntu ya kukangula yo kele ve.

Bo me nata bantu yonso ya Yuda na insi ya nkaka, bo me nata bo yonso na insi ya nkaka.+

20 Tombula meso na nge mpi tala bantu yina ke kwisa katuka na nordi.+

Wapi bitwisi yina bo pesaka nge, mameme na nge ya kitoko?+

Keti mpasi ya kubuta ta simba nge ve, bonso ya nkento yina ke buta?+

22 Mpi ntangu nge ke tuba na ntima na nge nde, ‘Sambu na nki mambu yai me bwila mono?’+

Bo me katula+ bansongi ya bilele na nge sambu na kifu na nge ya nene

Mpi bo me monisa bisingini na nge mpasi.

23 Keti muntu ya Kushi* lenda soba mpusu ya nitu na yandi, to keti nkoyi lenda soba matono na yandi?+

24 Yo yina mono ta panza bo bonso nianga yina mupepe ya ntoto ya zelo na zelo+ ke pumbusa.

Mawa na nge, O Yeruzalemi!

Tii nki ntangu nge ta vanda kaka mvindu?”+

14 Yai ndinga ya Yehowa yina kwisilaka Yeremia na yina me tala bansungi ya kuyuma:+

 2 Yuda ke dila,+ mpi bakielo na yo me beba.

 3 Bamfumu na bo ke tinda bansadi na bo* sambu na kusosa masa.

Bo ke kwenda na mabulu ya masa, kansi bo ke mona ve masa.

Bo ke vutuka ti mabungu ya mpamba.

 6 Bampunda ya mfinda me telama na bangumba ya fioti ya me konda banti.

Kuyambula beto ve.

10 Yai mambu yina Yehowa ke tuba sambu na bantu yai: “Bo ke zolaka kuyungana;+ bo me yalaka ve makulu na bo.+ Yo yina Yehowa kele ve na kiese sambu na bo.+ Ntangu yai, yandi ta yibuka kifu na bo mpi yandi ta sambisa bo sambu na masumu na bo.”+

11 Na nima Yehowa tubilaka mono nde: “Kusamba ve sambu mambu ya mbote kukumina bantu yai.+ 12 Ntangu bo ke buya madia, mono ke wa ve mambu ya bo ke lomba,+ mpi ntangu bo ke pesa makabu ya mvimba ya kuyoka mpi makabu ya mbuma, mono ke wa ve kiese na yo,+ sambu mono ta fwa bo+ na mbele ya bitumba, na nzala, mpi na kipupa.”*

13 Yo yina mono tubaka nde: “O Yehowa Mfumu ya Kuluta Nene! Bambikudi ke tubila bo nde, ‘Beno ta mona ve mbele ya bitumba, mpi nzala ta kwisila beno ve, kansi mono ta pesa beno ngemba ya kieleka na kisika yai.’”+

14 Ebuna Yehowa tubilaka mono nde: “Bambikudi ke bikula mambu ya luvunu na zina na mono.+ Mono me tinda bo ve, mono me songa bo ve, mpi mono me tubila bo ve.+ Mambu yina bo ke tubila beno kele mbona-meso ya luvunu, mambu ya kukonda mfunu ya bo ke zabisa na ntwala, mpi luvunu ya ntima na bo.+ 15 Yo yina yai mambu yina Yehowa ke tubila bambikudi yina ke bikula na zina na mono, ata mono tindaka bo ve, mpi yina ke tuba nde mbele ya bitumba mpi nzala ta kwisa ve na insi yai: ‘Bambikudi yina ta fwa+ na mbele ya bitumba mpi na nzala. 16 Bantu yina bo ke bikudila, bo ta losa bo na babala-bala ya Yeruzalemi sambu na nzala mpi mbele ya bitumba, muntu ya kuzika bo ta vanda ve+—bo, bankento na bo, bana na bo ya babakala, mpi bana na bo ya bankento—sambu mono ta pesa bo mpasi yina bo fwete baka.’+

Sambu mbikudi ti nganga-nzambi me kwenda na insi mosi ya bo me zaba ve.’”+

19 Keti nge me losa Yuda kimakulu, to keti nge* me menga Sioni?+

Sambu na nki nge me bula beto, na mpila nde beto lenda beluka ve?+

Yibuka, mpi kufwa ve kuwakana na nge ti beto.+

Keti nge kele ve kaka nge Mosi, O Yehowa Nzambi na beto?+

15 Ebuna Yehowa tubilaka mono nde: “Ata kana Moize ti Samuele telamaka na ntwala na mono,+ mono zolaka ve kumonisila bantu yai ntima ya mbote.* Kula bo na meso na mono. Bika bo kwenda. 2 Mpi kana bo tubila nge nde, ‘Beto ta kwenda na wapi?’ nge fwete tubila bo nde, ‘Yehowa ke tuba nde:

“Muntu yina kele sambu na maladi ya ke fwaka, na maladi ya ke fwaka!

Muntu yina kele sambu na mbele ya bitumba, na mbele ya bitumba!+

Muntu yina kele sambu na nzala, na nzala!

Mpi muntu yina kele sambu na kimpika, na kimpika!”’+

3 “‘Mono ta tudila bo bampasi iya,’*+ Yehowa muntu me tuba, ‘mbele ya bitumba sambu na kufwa, bambwa sambu na kubenda, mpi bandeke ya zulu ti bambisi ya ntoto sambu na kudia mpi kufwa.+ 4 Ebuna mono ta kumisa bo kima ya ke pesa boma na bimfumu yonso ya nsi-ntoto+ sambu na Manase mwana ya Ezekiasi, ntotila ya Yuda, sambu na mambu yina yandi salaka na Yeruzalemi.+

 6 ‘Nge me yambulaka mono,’ Yehowa+ muntu me tuba.

‘Nge ke landa kupesa mono mukongo.*+

Yo yina mono ta tandula diboko na mono sambu na kupesa nge ndola mpi mono ta fwa nge.+

Mono me lemba kuwila nge mawa.*

 7 Mpi mono ta katula bo bampusu ti nsomo na bakielo ya insi yai.

Mono ta bikisa bo kukonda bana.+

 8 Bankento na bo ya mifwidi ta kuma mingi na ntwala na mono kuluta zelo ya banzadi-mungwa.

Na midi mono ta natila bo muntu ya ke bebisaka bantu sambu na kufwa bamama mpi baleke ya babakala.

Mono ta natila bo susi mpi boma ya ngolo na kintulumukina.

Vutula mbi na bantu yina ke monisa mono mpasi.+

Kubika ve nde mono fwa* sambu nge ke waka ve makasi nswalu.

Zaba nde mono ke wa nsoni yai sambu na nge.+

17 Mono ke vandaka ve kisika mosi ti bantu ya ke zolaka bankinsi mpi kuwa kiese.+

18 Sambu na nki mpasi na mono ke manaka ve mpi mputa na mono ke belukaka ve?

Yo ke buya kubeluka.

19 Yo yina, Yehowa ke tuba nde:

20 “Mono ke kumisa nge kibaka ya ngolo ya kwivre sambu na bantu yai.+

16 Ndinga ya Yehowa kwisilaka mono diaka nde: 2 “Nge fwete kwela ve nkento, mpi nge fwete buta ve bana ya babakala ti ya bankento na kisika yai. 3 Sambu yai mambu yina Yehowa ke tuba sambu na bana ya babakala ti ya bankento yina ke butuka awa, sambu na bamama na bo yina ke buta bo, mpi sambu na batata na bo yina ke buta bo na insi yai: 4 ‘Bo ta fwa na maladi yina ke fwaka bantu,+ kansi muntu mosi ve ta dila bo mpi ta zika bo; bo ta kuma bonso nsasa na zulu ya ntoto.+ Bo ta fwa na mbele ya bitumba mpi na nzala;+ bamvumbi na bo ta vanda madia sambu na bandeke ya zulu mpi sambu na bambisi ya ntoto.’

 6 Bantu ya mfunu mpi bantu ya kukonda mfunu ta fwa na insi yai.

9 “Sambu Yehowa ya makesa, Nzambi ya Izraele, ke tuba nde, ‘Awa na kisika yai, na bilumbu na beno mpi na meso na beno, mono ta sukisa makelele ya kuyangalala mpi ya kiese, ndinga ya bakala yina ke kwela mpi ndinga ya nkento yina ke kwela.’+

10 “Ntangu nge ta zabisa bantu yina mambu yai yonso, bo ta yula nge nde, ‘Sambu na nki Yehowa me tuba na kupesa beto mpasi yai yonso ya ngolo? Inki kifu mpi nki disumu beto me sala na ntwala ya Yehowa Nzambi na beto?’+ 11 Nge fwete vutudila bo nde, ‘“Sambu ba-nkaka na beno yambulaka mono,”+ Yehowa muntu me tuba, “mpi bo vandaka kaka kulanda banzambi ya nkaka, kusadila bo, mpi kufukimina bo.+ Kansi bo yambulaka mono, mpi bo zitisaka ve nsiku na mono.+ 12 Beno me sala mambu ya mbi kuluta ba-nkaka na beno,+ mpi konso muntu ke landa ntima na yandi ya mbi na ntu-ngolo yonso na kisika ya kulemfukila mono.+ 13 Yo yina mono ta losa beno na nganda ya insi yai mpi ta nata beno na insi yina beno ti ba-nkaka na beno me zabaka ve,+ mpi kuna beno ta sadila kibeni banzambi ya nkaka mpimpa ti mwini,+ sambu mono ta monisila beno ve ntima ya mbote.”’

14 “‘Kansi, bilumbu ke kwisa,’ Yehowa muntu me tuba, ‘ntangu bo ta tuba diaka ve nde: “Ya kieleka mutindu Yehowa kele na luzingu, yandi muntu yina basisaka bantu ya Izraele na insi ya Ezipte!”+ 15 kansi bo ta tuba nde: “Ya kieleka mutindu Yehowa kele na luzingu, yandi muntu yina basisaka bantu ya Izraele na insi ya nordi mpi na bansi yonso yina yandi panzaka bo!” mpi mono ta vutula bo na insi na bo, yina mono pesaka ba-nkaka na bo.’+

17 Sambu meso na mono ke mona mambu yonso ya bo ke sala.*

17 “Bo me sonikaka disumu ya Yuda ti kilapi ya kibende.

 4 Nge ta yambula na luzolo na nge mosi dikabu yina mono pesaka nge.+

Yo ta pelaka ntangu yonso.”

 5 Yehowa me tuba nde:

 6 Yandi ta kuma bonso nti yina kele yo mosi na ntoto ya zelo na zelo.

 9 Ntima kele luvunu* kuluta konso kima ya nkaka mpi yo kele mbi kibeni.*+

Nani lenda zaba yo?

14 Belula mono, O Yehowa, ebuna mono ta beluka.

15 Tala! Kele ti bantu yina ke tubila mono nde:

“Ndinga ya Yehowa+ kele na wapi?

Pardo, bika yo kwisa!”

17 Kuvanda ve na kisina ya boma ya ngolo sambu na mono.

Nge kele kitininu na mono na kilumbu ya mpasi.

19 Yehowa songaka mono nde: “Kwenda kutelama na kielo ya bana ya bantu, na kielo yina bantotila ya Yuda ke kotaka mpi ke basikaka, mpi na bakielo yonso ya Yeruzalemi.+ 20 Nge fwete tubila bo nde, ‘Beno wa ndinga ya Yehowa, beno bantotila ya Yuda, bantu yonso ya Yuda, mpi bantu yonso ya Yeruzalemi, yina ke kotaka na bakielo yai. 21 Yehowa ke tuba nde: “Beno keba,* mpi beno nata ve ata kilo mosi na kilumbu ya Kisabatu mpi beno kotisa yo ve na bakielo ya Yeruzalemi.+ 22 Beno fwete basisa ve ata kilo mosi na banzo na beno na kilumbu ya Kisabatu; mpi beno fwete sala ve kisalu mosi ata fioti.+ Beno santisa kilumbu ya Kisabatu, kaka mutindu mono songaka ba-nkaka na beno.+ 23 Ata mpidina, bo waka ve mpi tulaka ve makutu, kansi na ntu-ngolo yonso bo* buyaka kulemfuka mpi kundima ndola.”’+

24 “‘“Kansi, kana beno lemfukila mono kibeni,” Yehowa muntu ke tuba, “mpi beno kotisa ve kilo ata mosi na bakielo ya mbanza yai na kilumbu ya Kisabatu, mpi beno sala ve ata kisalu mosi na kilumbu ya Kisabatu+ sambu na kusantisa yo, 25 bantotila mpi bamfumu yina me vanda na kiti ya kimfumu ya Davidi+ ta kota mpi na bakielo ya mbanza yai, bo ta tambula na pusu-pusu mpi na bampunda, bo ti bamfumu na bo, bantu ya Yuda mpi bantu ya Yeruzalemi;+ ebuna bantu ta zingaka na mbanza yai ntangu yonso. 26 Ebuna bantu ta katuka na bambanza ya Yuda, na bisika yina kele na nziunga ya Yeruzalemi, na ntoto ya Benyamini,+ na ntoto yina kele na ndambu ya nsi,+ na ntoto ya bangumba, mpi na Negebi,* mpi bo ta kwisa kunata na nzo ya Yehowa+ makabu ya mvimba ya kuyoka,+ bimenga,+ makabu ya mbuma,+ ndumbu ya mpembe, mpi bimenga sambu na kupesa matondo.

27 “‘“Kansi kana beno lemfukila mono ve, kana beno santisa ve kilumbu ya Kisabatu, kana beno nata bizitu mpi beno kotisa yo na bakielo ya Yeruzalemi na kilumbu ya Kisabatu, mono ta tula bakielo na yo tiya, ebuna yo ta yoka kibeni banzo-zulu ya Yeruzalemi+ ya kele ti bibaka ya ngolo mpi bo ta fwa ve tiya yina.”’”+

18 Yai mambu yina katukaka na Yehowa mpi kwisilaka Yeremia: 2 “Telama, kwenda na nzo ya muwumbi,+ mpi mono ta solula ti nge kuna.”

3 Yo yina mono kwendaka na nzo ya muwumbi, mpi yandi vandaka kusala dibungu. 4 Kansi dibungu yina muwumbi vandaka kusala ti ntoto ya tuma bebaka na maboko na yandi. Yo yina, yandi salaka dibungu ya nkaka ti ntoto yina ya tuma, kaka mutindu yandi monaka nde yo me fwana.*

5 Ebuna ndinga ya Yehowa kwisilaka mono nde: 6 “‘O nzo ya Izraele, keti mono lenda sala beno ve kaka mutindu muwumbi yai salaka?’ Yehowa muntu me tuba. ‘O nzo ya Izraele,+ beno kele na maboko na mono mutindu ntoto ya tuma ke vandaka na maboko ya muwumbi. 7 Konso ntangu yina mono ke tuba sambu na dikanda to kimfumu mosi+ sambu na kutumuna yo, kubwisa yo, mpi kufwa yo, 8 ebuna dikanda yina kuyambula mambu na yo ya mbi yina mono tubilaka, mono ta soba mpi mabanza na mono* sambu na mpasi yina mono kanaka kunatila yo.+ 9 Kansi konso ntangu yina mono ke tuba sambu na dikanda to kimfumu mosi sambu na kutunga yo mpi kukuna yo, 10 ebuna yo sala mambu ya mbi na meso na mono mpi yo lemfukila ve ndinga na mono, mono ta soba mabanza na mono* sambu na mambu ya mbote yina mono kanaka kusadila yo.’

11 “Ntangu yai pardo, tubila bantu ya Yuda mpi bantu ya Yeruzalemi nde, ‘Yehowa me tuba nde: “Tala, mono ke yidikila beno mpasi mpi ke yindudila beno ngindu ya mbi. Pardo, beno yambula banzila na beno ya mbi, mpi beno tomisa banzila na beno ti bisalu na beno.”’”+

12 Kansi bo tubaka nde: “Ikele ve!+ Sambu beto ta landa bangindu na beto mosi, mpi konso muntu ta sala mambu na kulanda ntu-ngolo ya ntima na yandi ya mbi.”+

13 Yo yina, Yehowa ke tuba nde:

“Pardo, beno yula na kati ya makanda.

Nani me waka ntete diambu ya mutindu yai?

Mwense ya Izraele me sala diambu ya ke pesa boma mingi kibeni.+

14 Keti mvula ya mpembe* ya Libani ke vilaka na matadi na bangumba na yo?

To keti masa ya madidi yina ke katukaka ntama mpi ke kulumukaka ta yuma?

15 Kansi bantu na mono me vilaka mono.+

Konso muntu ya nsuka yina ke luta pene-pene na yo ta yituka na boma mpi ta nikisa ntu.+

17 Bonso mupepe ya esti, mono ta panza bo na ntwala ya mbeni.

Na kilumbu ya mpasi na bo,+ mono ta songa bo mukongo na mono, kansi luse na mono ve.”

18 Mpi bo tubaka nde: “Beno kwisa, beto sadila Yeremia komplo,+ sambu nsiku* ta vila ve na banganga-nzambi na beto, ndongisila ta vila ve na bantu ya mayele, mpi ndinga ta vila ve na bambikudi. Beno kwisa, beto tubila yandi mambu ya mbi,* mpi beto tula ve dikebi na mambu ya yandi ke tuba.”

20 Keti bo fwete vutula mbi sambu na mambote?

Sambu bo me timuna dibulu sambu na luzingu* na mono.+

Bika bankento na bo kukonda bana mpi kukuma mifwidi.+

19 Yehowa tubaka nde: “Kwenda kusumba dibungu na muwumbi.+ Baka ndambu ya bankuluntu ya bantu mpi ndambu ya bankuluntu ya banganga-nzambi, 2 ebuna kwenda na Muwanda ya Mwana ya Inomi,+ na munoko ya Kielo ya Muwumbi. Mpi kuna zabisa mambu yina mono ke tubila nge. 3 Nge ta tuba nde, ‘Beno bantotila ya Yuda mpi bantu ya Yeruzalemi, beno wa mambu yina Yehowa ke tuba. Yehowa ya makesa, Nzambi ya Izraele, ke tuba nde:

“‘“Mono ke zola kunata mpasi na kisika yai, mpi makutu ya konso muntu yina ta wa yo ta sala mpasi. 4 Yo kele sambu bo yambulaka mono+ mpi bo bebisaka kisika yai.+ Na kati na yo, bo ke tambikila banzambi ya nkaka, yina bo ti ba-nkaka na bo mpi bantotila ya Yuda zabaka ve, mpi bo me fulusa kisika yai ti menga ya bantu yina me sala mbi ve.+ 5 Bo tungaka bisika ya kunanguka ya Baale sambu na kuyoka* bana na bo na tiya bonso makabu ya mvimba ya kuyoka na Baale,+ diambu yina mono songaka bo ve, yina mono tubilaka ve, mpi yina me kwisilaka mono ntete ve ata fioti na ntima.”’*+

6 “‘“Yo yina tala! bilumbu ke kwisa,” Yehowa muntu me tuba, “ntangu bo ta binga diaka ve kisika yai nde Tofeti to Muwanda ya Mwana ya Inomi kansi Muwanda ya Kufwila Bantu.+ 7 Mono ta fwa balukanu ya Yuda mpi ya Yeruzalemi na kisika yai, mpi mono ta bwisa bo na mbele ya bitumba na ntwala ya bambeni na bo mpi na maboko ya bantu yina ke sosa kufwa bo.* Mpi mono ta pesa bamvumbi na bo bonso madia na bandeke ya zulu mpi na bambisi ya ntoto.+ 8 Mono ta kumisa mbanza yai kima ya ke pesa boma mpi kima ya kubudila mwita. Konso muntu ya nsuka yina ke luta pene-pene na yo ta yituka na boma mpi ta bula mwita sambu na bampasi na yo yonso.+ 9 Mpi mono ta disa bo misuni ya bana na bo ya babakala ti ya bankento, mpi konso muntu ta dia misuni ya nkweno na yandi, sambu bo me ziunga bo mpi sambu bo me konda kivuvu ntangu bambeni na bo ti bantu yina ke sosa kufwa bo* me ziunga bo.”’+

10 “Na nima pasula dibungu yina na meso ya bantu yina ke kwenda ti nge, 11 mpi tubila bo nde, ‘Yehowa ya makesa ke tuba nde: “Yai mutindu mono ta pasula bantu yai mpi mbanza yai, bonso muntu yina ke pasula dibungu yina muwumbi me sala na mpila nde bo lenda yidika yo diaka ve; mpi bo ta zika bamvumbi na Tofeti tii kuna kisika ya kuzika bo ta vanda diaka ve.”’+

12 “‘Yai mambu yina mono ta sala na kisika yai,’ Yehowa muntu me tuba, ‘mpi na bantu na yo, sambu na kukumisa mbanza yai bonso Tofeti. 13 Mpi banzo ya Yeruzalemi ti banzo ya bantotila ya Yuda ta kuma mvindu bonso kisika yai, Tofeti,+ ee, banzo yonso yina bo pesaka bimenga na makesa yonso ya zulu+ mpi yina bo tiamunaka makabu ya malafu na banzambi ya nkaka+ na zulu na yo.’”

14 Ntangu Yeremia katukaka na Tofeti kisika yina Yehowa tindaka yandi sambu na kubikula mpi kwisaka kuvutuka, yandi telamaka na kibansala ya nzo ya Yehowa mpi tubilaka bantu yonso nde: 15 “Yehowa ya makesa, Nzambi ya Izraele, ke tuba nde, ‘Tala mono ke natila mbanza yai mpi babwala na yo yonso bampasi yonso yina mono tubaka sambu na yo, sambu bo buyaka na ntu-ngolo yonso na kulemfukila* bangogo na mono.’”+

20 Ntangu yai Pashure mwana ya Imere, nganga-nzambi, yina vandaka mpi mfumu ya mimonisi ya nzo ya Yehowa, vandaka kuwa ntangu Yeremia vandaka kubikula mambu yina. 2 Ebuna Pashure bulaka mbikudi Yeremia mpi tulaka yandi na mabaya+ ya vandaka na Kielo ya Zulu ya Benyamini, yina vandaka na nzo ya Yehowa. 3 Kansi na kilumbu yina landaka ntangu Pashure katulaka Yeremia na mabaya yina, Yeremia tubilaka yandi nde:

“Yehowa me pesa nge ve zina Pashure, kansi Boma ya Ngolo Bisika Yonso.+ 4 Sambu Yehowa ke tuba nde, ‘Mono ta kumisa nge kima ya ke pesa boma sambu na nge mosi mpi sambu na banduku na nge yonso, mpi bo ta bwa na mbele ya bitumba ya bambeni na bo ntangu meso na nge ke tala;+ mono ta pesa Yuda ya mvimba na maboko ya ntotila ya Babilone, ebuna yandi ta nata bo na Babilone mpi ta fwa bo na mbele ya bitumba.+ 5 Ebuna bimvwama yonso ya mbanza yai, bima na yo yonso, bima na yo yonso ya ntalu, mpi bimvwama yonso ya bantotila ya Yuda, mono ta pesa yo na maboko ya bambeni na bo.+ Bo ta yiba yo, bo ta botula yo, mpi bo ta nata yo na Babilone.+ 6 Kansi nge Pashure, ti bantu yonso yina ke zinga na nzo na nge, beno ta kwenda na kimpika. Nge ta kwenda na Babilone mpi nge ta fwa kuna, mpi bo ta zika nge kuna ti banduku na nge yonso, sambu nge me bikula mambu ya luvunu sambu na bo.’”+

 7 Nge kusaka mono, O Yehowa, mpi mono kusamaka.

Nge kudimonisaka ngolo mingi kuluta mono, mpi nge nungaka.+

Sambu na mono, ndinga ya Yehowa me kuma kikuma yina bantu ke finga mpi ke seka mono kilumbu ya mvimba.+

“Beno tungulula yandi; bika beto tungulula yandi!”

Konso muntu yina ke zodila mono ngemba vandaka kukengila sambu na kutala kana mono ta bwa:+

11 Kansi Yehowa vandaka ti mono bonso soda ya ke pesa boma.+

Yo yina bantu yina ke monisa mono mpasi ta bula sakuba mpi ta nunga ve.+

Bo ta pesa bo nsoni ya nene, sambu bo ta nunga ve.

Bantu ta vila ve nsoni na bo ya mvula na mvula.+

13 Beno yimbila Yehowa! Beno pesa Yehowa lukumu!

Sambu yandi me katula nsukami* na maboko ya bantu ya ke salaka mambi.

14 Bika bo singa kilumbu yina mono butukaka!

Bika bo sakumuna ve kilumbu yina mama na mono butaka mono!+

15 Bika bo singa muntu yina natilaka tata na mono nsangu ya mbote nde:

“Bo me butila nge mwana, mwana-bakala!”

Yina salaka nde yandi wa kiese mingi.

16 Bika muntu yina kukuma bonso bambanza yina Yehowa bwisaka kukonda mawa.

Bika yandi wa bidilu na suka mpi makelele ya bitumba na midi.

21 Ndinga ya Yehowa kwisilaka Yeremia ntangu ntotila Sidikiya+ tindilaka yandi Pashure+ mwana ya Malkiya mpi Sefania+ mwana ya Maaseya, nganga-nzambi, na kulomba nde: 2 “Pardo yula Yehowa sambu na beto, sambu Nebukadenezare* ntotila ya Babilone ke nwanisa beto.+ Mbala ya nkaka Yehowa ta sala diambu mosi ya kuyituka sambu na beto, sambu yandi katuka na insi na beto.”+

3 Yeremia tubilaka bo nde: “Beno fwete tubila Sidikiya nde, 4 ‘Yehowa Nzambi ya Izraele ke tuba nde: “Tala, mono ke baludila beno binwaninu ya bitumba yina kele na maboko na beno mosi, yina beno ke sadila sambu na kunwana ti ntotila ya Babilone+ mpi bantu ya Kaldea yina me ziunga beno na nganda ya kibaka. Mpi mono ta vukisa bima yina* na kati-kati ya mbanza yai. 5 Mono mosi ta nwanisa beno+ ti diboko ya kutandula mpi diboko ya ngolo, ti makasi, nganzi, mpi makasi ya ngolo.+ 6 Mono ta bula bantu ya mbanza yai, muntu mpi mbisi. Bo ta fwa+ na kipupa* ya ngolo.”’

7 “‘“Mpi na nima,” Yehowa muntu me tuba, “Mono ta pesa Sidikiya ntotila ya Yuda, bansadi na yandi, mpi bantu ya mbanza yai—bantu yina ta fwa ve na kipupa, na mbele ya bitumba, mpi na nzala—na maboko ya Nebukadenezare* ntotila ya Babilone, na maboko ya bambeni na bo, mpi na maboko ya bantu yina ke sosa kufwa bo.*+ Yandi ta fwa bo na mbele ya bitumba. Yandi ta fwila bo ve nkenda, ta wila bo ve mawa, mpi ta vanda ve na ntantu ata fioti.”’+

8 “Mpi nge fwete tubila bantu yai nde, ‘Yehowa ke tuba nde: “Mono ke tula na ntwala na beno nzila ya luzingu mpi nzila ya lufwa. 9 Bantu yina ta bikala na mbanza yai ta fwa na mbele ya bitumba, na nzala, mpi na kipupa. Kansi konso muntu yina ta basika mpi ta kudipesa na bantu ya Kaldea yina me ziunga beno, yandi ta bikala na luzingu, mpi yandi ta baka luzingu* na yandi bonso kima ya yandi me baka na bitumba.”’*+

10 “‘“Mono me buya mbanza yai sambu na mpasi kansi sambu na mambu ya mbote ve,”+ Yehowa muntu me tuba. “Bo ta pesa yo na maboko ya ntotila ya Babilone,+ mpi yandi ta yoka yo tiya.”+

11 “‘Beno bantu ya nzo ya ntotila ya Yuda: Beno wa mambu yina Yehowa ke tuba. 12 O nzo ya Davidi, Yehowa ke tuba nde:

‘Sambu na beno bantu yina ke tuba nde: “Nani ta kwisa kukulumuka sambu na kunwanisa beto?

Mpi nani ta kota na ngolo na bisika ya beto ke zingaka?”

22 Yehowa ke tuba nde: “Kwenda na nzo ya ntotila ya Yuda, mpi pesa nsangu yai. 2 Nge fwete tuba nde, ‘Wa mambu yina Yehowa ke tuba, O ntotila ya Yuda yina me vanda na kiti ya kimfumu ya Davidi, nge ti bansadi na nge mpi bantu na nge, yina ke kotaka na bakielo yai. 3 Yehowa ke tuba nde: “Beno sambisa na lunungu mpi na mutindu ya me fwana. Beno katula muntu yina bo ke yiba na maboko ya muyibi. Beno monisa ve munzenza mpasi, mpi beno sala ve mbi na mwana yina me konda tata* to na mufwidi ya nkento.+ Beno tiamuna ve na kisika yai menga ya muntu yina me sala mbi ve.+ 4 Sambu kana beno zitisa kibeni mambu yai, bantotila yina me vanda na kiti ya kimfumu ya Davidi+ ta kota na bakielo ya nzo yai, bo ta tambula na bapusu-pusu mpi na bampunda, bo ti bansadi na bo mpi bantu na bo.”’+

5 “‘Kansi kana beno zitisa ve mambu yai, mono ke zenga kieleka na zina na mono mosi,’ Yehowa muntu me tuba, ‘nde nzo yai ta kuma kisika ya bo me bebisaka.’+

8 “‘Makanda mingi ta luta pene-pene ya mbanza yai mpi ta tuba bo na bo nde: “Sambu na nki Yehowa me sala diambu yai na mbanza yai ya nene?”+ 9 Mpi bo ta vutula nde: “Sambu bo yambulaka kuwakana ya Yehowa Nzambi na bo, bo fukiminaka banzambi ya nkaka, mpi bo sadilaka bo.”’+

11 “Sambu yai mambu yina Yehowa ke tuba sambu na Shalumi*+ mwana ya Yoziasi, ntotila ya Yuda yina ke yala na kisika ya tata na yandi Yoziasi+ mpi yina me katuka na kisika yai: ‘Yandi ta vutuka diaka ve awa. 12 Sambu yandi ta fwa na kisika yina bo me nata yandi na insi ya nkaka, mpi yandi ta mona diaka ve insi yai.’+

15 Keti nge ta landa kuyala sambu nge me sadila banti ya sedre kuluta bantu ya nkaka?

‘Keti mambu yai ke tendula ve kuzaba mono?’ Yehowa muntu me tuba.

“Mawa, mpangi na mono ya bakala! Mawa mpangi na mono ya nkento!”

Bo ta dila yandi ve nde:

“Mawa, O mfumu! Mawa, bunene na yandi!”

21 Mono tubilaka nge ntangu nge vandaka kudiwa na lutaninu.

Kansi nge tubaka nde, ‘Mono ta lemfuka ve.’+

Ebuna bo ta pesa nge nsoni mpi ta kulumusa nge sambu na bampasi na nge yonso.

24 “‘Ya kieleka, mutindu mono kele na luzingu,’ Yehowa muntu me tuba, ‘ata kana Konia*+ mwana ya Yehoyakimi,+ ntotila ya Yuda, vandaka lupetu ya kubudila kashe na diboko na mono ya kitata, mono zolaka kukatula nge kuna! 25 Mono ta pesa nge na maboko ya bantu yina ke sosa kufwa nge,* na maboko ya bantu yina nge ke wa boma, na maboko ya Nebukadenezare* ntotila ya Babilone, mpi na maboko ya bantu ya Kaldea.+ 26 Mpi mono ta losa nge ti mama na nge yina butaka nge na insi ya nkaka yina beno butukaka ve, mpi beno ta fwa kuna. 27 Bo ta vutuka ve ata fioti na insi yina bo ke zolaka mingi.*+

29 O ntoto,* ntoto, ntoto, wa mambu yina Yehowa ke tuba.

30 Yehowa ke tuba nde:

23 “Mawa na bangungudi yina ke fwa mpi ke panza mameme ya nseke na mono!” Yehowa muntu me tuba.+

2 Yo yina, Yehowa Nzambi ya Izraele ke tubila bangungudi yina ke gungula bantu na mono nde: “Beno me panza mameme na mono; beno landaka kupanza bo, mpi beno me tudila bo ve dikebi.”+

“Yo yina mono ta tudila beno dikebi sambu na bisalu na beno ya mbi,” Yehowa muntu me tuba.

3 “Na nima mono ta vukisa mameme na mono yina me bikala katuka na bansi yonso yina mono panzaka bo,+ mpi mono ta vutula bo na nseke na bo,+ ebuna bo ta buta mpi ta kuma mingi.+ 4 Mpi mono ta basisila bo bangungudi yina ta gungula bo kibeni.+ Bo ta vanda diaka ve na boma mpi bo ta tekita ve, mpi ata mosi ve ta vila,” Yehowa muntu me tuba.

5 “Tala! Bilumbu ke kwisa,” Yehowa muntu me tuba, “ntangu mono ta basisila Davidi lutangu* ya lunungu.+ Ntotila ta yala,+ yandi ta monisa mayele ya kubakisa mambu mbote-mbote; yandi ta sambisa na lunungu mpi na mutindu ya me fwana na insi yai.+ 6 Na bilumbu na yandi Yuda ta guluka,+ mpi Izraele ta zinga na lutaninu.+ Mpi bo ta binga yandi na zina yai: Yehowa Kele Lunungu na Beto.”+

7 “Kansi, bilumbu ke kwisa,” Yehowa muntu me tuba, “ntangu bo ta tuba diaka ve nde, ‘Ya kieleka mutindu Yehowa kele na luzingu, yandi muntu yina basisaka bantu ya Izraele na insi ya Ezipte!’+ 8 kansi bo ta tuba nde, ‘Ya kieleka mutindu Yehowa kele na luzingu, yandi muntu yina basisaka mpi vutulaka bana ya nzo ya Izraele katuka na insi ya nordi mpi na bansi yonso yina mono me panzaka bo!’ mpi bo ta zinga na insi na bo mosi.”+

9 Sambu na bambikudi:

Ntima na mono me pasuka.

Mikwa na mono yonso ke nikana.

Nzila na bo kele ya mbi, mpi bo ke sadila kiyeka na mutindu ya mbi.

11 “Mbikudi ti nganga-nzambi me kuma mvindu.*+

Mono me mona mbi+ na bo ata na kati ya nzo na mono,” Yehowa muntu me tuba.

13 “Mono me mona mambu ya nzanzi na bambikudi ya Samaria.+

14 Mono me mona mambu yina ke pesa boma na bambikudi ya Yeruzalemi.

15 Yo yina, Yehowa ya makesa ke tubila bambikudi yina nde:

Sambu kukolama me katuka na bambikudi ya Yeruzalemi mpi me panzana na insi ya mvimba.”

16 Yehowa ya makesa ke tuba nde:

“Beno wa ve bangogo ya bambikudi yina ke bikudila beno.+

Bo ke kusa beno.*

Nani me tulaka dikebi na ndinga na yandi sambu na kuwa yo?

Na kitini ya nsuka ya bilumbu, beno ta bakisa diambu yai pwelele.

21 Mono tindaka ve bambikudi, ata mpidina bo bakaka ntinu.

Mono tubilaka bo ve, ata mpidina bo bikulaka.+

23 “Keti mono kele Nzambi kaka na pene-pene,” Yehowa muntu me tuba, “mpi keti mono kele mpi ve Nzambi na ntama?”

24 “Keti muntu lenda bumbana na kisika ya kubumbana yina mono lenda mona yandi ve?”+ Yehowa muntu me tuba.

“Keti mono ke fulusaka ve zulu ti ntoto?”+ Yehowa muntu me tuba.

25 “Mono me wa bambikudi yina ke bikula mambu ya luvunu na zina na mono bo ke tuba nde, ‘Mono me lala ndosi! Mono me lala ndosi!’+ 26 Tii nki ntangu diambu yai ta vanda na ntima ya bambikudi, sambu na kubikula mambu ya luvunu? Bo kele bambikudi ya mambu ya luvunu ya ntima na bo mosi.+ 27 Bo kele ti lukanu ya kupusa bantu na mono na kuvila zina na mono na bandosi yina konso muntu ke songa muntu ya nkaka, kaka mutindu batata na bo vilaka zina na mono sambu na Baale.+ 28 Bika nde mbikudi yina kele ti ndosi kuzabisa ndosi yina, kansi muntu yina kele ti ndinga na mono fwete tuba yo na masonga yonso.”

“Inki kima dititi ti mbuma kele ti yo na bumosi?” Yehowa muntu me tuba.

29 “Keti ndinga na mono kele ve bonso tiya,”+ Yehowa muntu me tuba, “mpi bonso marto yina ke pasulaka ditadi?”+

30 “Yo yina, mono ke nwanisa bambikudi,” Yehowa muntu me tuba, “bayina ke yiba bangogo na mono bo na bo.”+

31 “Mono ke nwanisa bambikudi,” Yehowa muntu me tuba, “bayina ke sadila ludimi na bo sambu na kutuba, ‘Yandi me tuba nde!’”+

32 “Mono ke nwanisa bambikudi ya bandosi ya luvunu,” Yehowa muntu me tuba, “yina ke zabisa yo mpi ke vidisa bantu na mono nzila sambu na mambu na bo ya luvunu mpi sambu na kudikumisa na bo.”+

“Kansi mono tindaka bo ve mpi mono tubilaka bo ve. Yo yina bo ta natila ve bantu yai mambote ata fioti,”+ Yehowa muntu me tuba.

33 “Mpi kana bantu yai to mbikudi to nganga-nzambi kuyula nge nde, ‘Kizitu* ya Yehowa kele inki?’ nge fwete vutudila bo nde, ‘“Beno bantu kele kizitu yina! Mpi mono ta losa beno,”+ Yehowa muntu me tuba.’ 34 Sambu na mbikudi to nganga-nzambi to bantu yina ke tuba nde, ‘Yai kizitu* ya Yehowa!’ Mono ta tudila muntu yina mpi bantu ya nzo na yandi dikebi. 35 Konso muntu ke tubila nkweno na yandi mpi mpangi na yandi nde, ‘Inki mvutu Yehowa me pesa? Mpi Yehowa me tuba inki?’ 36 Kansi beno fwete tubila diaka ve kizitu* ya Yehowa, sambu kizitu* yina kele mambu yina konso muntu ke tuba, mpi beno me soba bangogo ya Nzambi ya moyo, Yehowa ya makesa, Nzambi na beto.

37 “Nge ta tubila mbikudi nde, ‘Inki mvutu Yehowa me pesa nge? Mpi Yehowa me tuba inki? 38 Ebuna kana beno landa kutuba nde, “Kizitu* ya Yehowa!” Yehowa ke tuba nde: “Sambu beno ke tuba nde, ‘Diambu yai kele kizitu* ya Yehowa,’ ntangu mono songaka beno nde, ‘Beno fwete tuba ve nde: “Kizitu* ya Yehowa!”’ 39 tala! Mono ta tombula beno mpi ta losa beno ntama ti mono, beno ti mbanza yina mono pesaka beno mpi ba-nkaka na beno. 40 Mpi mono ta natila beno nsoni ya mvula na mvula mpi kuvweza ya mvula na mvula, yina bantu ta vilaka ve.”’”+

24 Na nima Yehowa songaka mono bitunga zole ya bafige yina bo tulaka na ntwala ya tempelo ya Yehowa, ntangu Nebukadenezare* ntotila ya Babilone nataka na insi ya nkaka Yekonia*+ mwana ya Yehoyakimi,+ ntotila ya Yuda, kumosi ti bamfumu ya Yuda, bantu ya ke salaka bisalu ya maboko, mpi bantu ya ke salaka bima ya bibende;* yandi bakaka bo na Yeruzalemi mpi nataka bo na Babilone.+ 2 Kitunga mosi vandaka ti bafige ya mbote kibeni, bonso bafige ya ntete, kansi kitunga yina ya nkaka vandaka ti bafige ya mbi kibeni, yo vandaka mbi kibeni mpila ya kudia yo vandaka ve.

3 Na nima Yehowa yulaka mono nde: “Yeremia, nki nge ke mona?” Mono tubaka nde: “Bafige; bafige ya mbote kele mbote kibeni, kansi bafige ya mbi kele mbi kibeni, yo kele mbi kibeni mpila ya kudia yo kele ve.”+

4 Ebuna ndinga ya Yehowa kwisilaka mono nde: 5 “Yehowa Nzambi ya Izraele ke tuba nde, ‘Bonso bafige yai ya mbote, mono ta mona na mutindu ya mbote bantu ya Yuda yina bo nataka na insi ya nkaka, bayina mono katulaka na kisika yai mpi tindaka na insi ya bantu ya Kaldea. 6 Mono ta keba bo sambu na mambote na bo, mpi mono ta vutula bo na insi yai.+ Mono ta tunga bo, kansi mono ta bwisa ve; mono ta kuna bo, kansi mono ta tumuna ve.+ 7 Mono ta pesa bo ntima ya kuzaba mono, nde mono kele Yehowa.+ Bo ta kuma bantu na mono, mpi mono ta kuma Nzambi na bo,+ sambu bo ta vutukila mono na ntima na bo ya mvimba.+

8 “‘Kansi sambu na bafige ya mbi yina kele mbi kibeni na mpila nde bo lenda dia yo ve,+ Yehowa ke tuba: “Mutindu yo yina mono ta mona Sidikiya+ ntotila ya Yuda, bamfumu na yandi, bantu ya Yeruzalemi yina me bikala na insi yai, mpi bantu yina ke zinga na insi ya Ezipte.+ 9 Mono ta kumisa bo kima ya ke pesa boma mpi ya ke nata mpasi na bimfumu yonso ya nsi-ntoto,+ kima ya nsoni, kingana, kima ya bo ke seka,+ mpi kima ya kusinga na bisika yonso yina mono ke panza bo.+ 10 Mpi mono ta tindila bo mbele ya bitumba,+ nzala, mpi kipupa,*+ tii kuna bo ta fwa na insi yina mono pesaka bo ti ba-nkaka na bo.”’”

25 Ndinga kwisilaka Yeremia sambu na bantu yonso ya Yuda na mvula ya iya ya Yehoyakimi+ mwana ya Yoziasi, ntotila ya Yuda; mvula yina vandaka mvula ya ntete ya Nebukadenezare* ntotila ya Babilone. 2 Yai mambu yina mbikudi Yeremia tubaka sambu na* bantu yonso ya Yuda mpi bantu yonso ya Yeruzalemi:

3 “Katuka na mvula ya 13 ya Yoziasi+ mwana ya Amone, ntotila ya Yuda, tii bubu yai, bamvula 23 yai, ndinga ya Yehowa ke kwisilaka mono, mpi mono landaka kutubila beno mbala na mbala,* kansi beno vandaka kuwa ve.+ 4 Mpi Yehowa tindilaka beno bansadi na yandi yonso bambikudi, yandi vandaka kutinda bo mbala na mbala,* kansi beno vandaka kuwa ve mpi beno vandaka kutula ve dikutu sambu na kuwa.+ 5 Bo vandaka kutuba nde, ‘Pardo, beno yambula, konso muntu kuyambula banzila na yandi ya mbi+ mpi bisalu na yandi ya mbi; ebuna beno ta landa kuzinga ntangu mingi na ntoto yina Yehowa pesaka beno ti ba-nkaka na beno tuka ntama. 6 Beno landa ve banzambi ya nkaka, beno sadila bo ve, mpi beno fukimina bo ve, mpi beno pesa mono ve makasi na kisalu ya maboko na beno; kana ve mono ta natila beno mpasi.’

7 “‘Ata mpidina, beno vandaka kuwa mono ve,’ Yehowa muntu ke tuba. ‘Kansi beno pesaka mono makasi na kisalu ya maboko na beno, sambu na mpasi na beno mosi.’+

8 “Yo yina, Yehowa ya makesa ke tuba nde, ‘“Sambu beno zitisaka ve mambu ya mono tubaka, 9 mono ke binga mabuta yonso ya nordi,”+ Yehowa muntu ke tuba, “mono ke binga Nebukadenezare* ntotila ya Babilone, nsadi na mono,+ mpi mono ta nata bo sambu bo nwanisa insi yai+ ti bantu na yo, mpi makanda yai yonso ya kele na nziunga.+ Mono ta fwa bo mpi ta kumisa bo kima ya ke pesa boma, kima ya kubudila mwita, mpi mayumbu ya kimakulu. 10 Mono ta sukisa makelele ya kuyangalala mpi milolo ya kiese na kati na bo,+ ndinga ya bakala yina ke kwela mpi ndinga ya nkento yina ke kwela,+ makelele ya kima ya kunikila bambuma na maboko mpi nsemo ya mwinda. 11 Insi yai ya mvimba ta kuma mayumbu mpi kima ya ke pesa boma, mpi yo ta lomba nde makanda yai kusadila ntotila ya Babilone bamvula 70.”’+

12 “‘Kansi ntangu bamvula 70 ta lunga,+ mono ta sambisa* ntotila ya Babilone mpi dikanda yina sambu na kifu na bo,’+ Yehowa muntu ke tuba, ‘mpi mono ta kumisa insi ya bantu ya Kaldea ntoto ya mpamba yina bantu ke zingaka ve ntangu yonso.+ 13 Mono ta lungisa na insi yina mambu yonso ya mono tubaka sambu na yo, mambu yonso ya bo me sonika na mukanda yai yina Yeremia me bikula sambu na makanda yonso. 14 Sambu makanda mingi mpi bantotila ya nene+ ta kumisa bo bampika,+ ebuna mono ta futa bo na kutadila bisalu na bo mpi kisalu ya maboko na bo.’”+

15 Sambu Yehowa Nzambi ya Izraele tubilaka mono nde: “Baka dikopa yai ya vinu ya makasi na diboko na mono, mpi nwisa yo makanda yonso yina mono ke tinda nge. 16 Bo ta nwa yo, bo ta tambula na lunziungu, mpi bo ta sala mambu bonso bantu ya kilawu sambu na mbele ya bitumba yina mono ke tinda na kati na bo.”+

17 Yo yina mono bakaka dikopa yina na maboko ya Yehowa mpi mono nwisaka makanda yonso yina Yehowa tindaka mono:+ 18 yantika na Yeruzalemi mpi na bambanza ya Yuda,+ na bantotila na yo ti bamfumu na yo, sambu na kukumisa bo mayumbu, kima ya ke pesa boma, kima ya kubudila mwita mpi lusingu,+ mutindu yo kele bubu yai; 19 na nima Farao ntotila ya Ezipte ti bansadi na yandi, bamfumu na yandi, ti bantu na yandi yonso,+ 20 mpi banzenza yonso yina ke zingaka kuna; bantotila yonso ya insi ya Usi; bantotila yonso ya insi ya bantu ya Filistia,+ Ashkeloni,+ Gaza, Ekroni, mpi bantu ya Ashdodi yina me bikala; 21 Edomi,+ Moabi,+ mpi bantu ya Amoni;+ 22 bantotila yonso ya Tire, bantotila yonso ya Sidoni,+ mpi bantotila ya kisanga yina kele na nzadi-mungwa; 23 Dedani,+ Tema, Buze, mpi bantu yonso yina bo me zengaka nsuki na bo yina kele na lweka ya ntu, pene-pene ya dikutu;+ 24 bantotila yonso ya bantu ya Arabia+ mpi bantotila yonso ya banzenza yina ke zingaka na ntoto-makanga; 25 bantotila yonso ya Zimri, bantotila yonso ya Elami,+ mpi bantotila yonso ya bantu ya Media;+ 26 bantotila yonso ya nordi, bayina kele pene-pene mpi bayina kele ntama, mosi-mosi, mpi bimfumu yonso ya nkaka ya nsi-ntoto yina kele na zulu ya ntoto; ebuna ntotila ya Sheshaki*+ ta nwa na nima na bo.

27 “Mpi nge fwete tubila bo nde, ‘Yehowa ya makesa, Nzambi ya Izraele, ke tuba nde: “Beno nwa, beno lawuka, beno luka, mpi beno bwa sambu beno kuka diaka ve kutelama+ sambu na mbele ya bitumba yina mono ke tinda na kati na beno.”’ 28 Kana bo buya kubaka dikopa na maboko na nge sambu na kunwa, tubila bo nde, ‘Yehowa ya makesa ke tuba nde: “Beno fwete nwa yo! 29 Sambu tala! kana mono ke nata ntete mpasi na mbanza yina kele ti zina na mono,+ keti beno ta konda kubaka ndola?”’+

“‘Beno fwete baka kibeni ndola, sambu mono ke nata mbele ya bitumba sambu na kunwanisa bantu yonso ya ntoto,’ Yehowa ya makesa muntu me tuba.

Yandi ta ngana ngolo na kisika ya yandi ke zingaka.

Yandi mosi ta sambisa bantu yonso.*+

Mpi yandi ta fwa bantu ya mbi na mbele ya bitumba,’ Yehowa muntu me tuba.

32 Yehowa ya makesa ke tuba nde:

33 “‘Mpi bantu yina Yehowa ta fwa na kilumbu yina ta vanda katuka na nsuka mosi ya ntoto tii na nsuka ya nkaka ya ntoto. Bo ta dila bo ve, bo ta vukisa bo ve, mpi bo ta zika bo ve. Bo ta kuma bonso nsasa na zulu ya ntoto.’

34 Beno bangungudi, beno dila, mpi beno boka!

26 Na luyantiku ya luyalu ya Yehoyakimi+ mwana ya Yoziasi, ntotila ya Yuda, nsangu yai katukaka na Yehowa: 2 “Yehowa ke tuba nde, ‘Telama na kibansala ya nzo ya Yehowa mpi tuba sambu na* bantu yonso ya bambanza ya Yuda yina ke kwisa kusamba* na nzo ya Yehowa. Songa bo mambu yonso yina mono ke songa nge; kukatula ve ata diambu mosi. 3 Mbala ya nkaka bo ta wa mpi konso muntu ta yambula nzila na yandi ya mbi, ebuna mono ta soba mabanza na mono* sambu na mpasi yina mono ke kana kunatila bo sambu na bisalu na bo ya mbi.+ 4 Tubila bo nde: “Yehowa ke tuba nde, ‘Kana beno wila mono ve mpi beno zitisa ve nsiku* na mono yina mono me pesa beno, 5 mpi beno wa ve bangogo ya bansadi na mono bambikudi yina mono ke tindila beno mbala na mbala,* yina beno me wila ve,+ 6 mono ta kumisa nzo yai bonso Shilo,+ mpi mono ta kumisa mbanza yai kima ya bo me singa sambu na makanda yonso ya nsi-ntoto.’”’”+

7 Ebuna banganga-nzambi, bambikudi, mpi bantu yonso waka Yeremia ke tuba mambu yai na nzo ya Yehowa.+ 8 Yo yina, ntangu Yeremia manisaka kutuba mambu yonso yina Yehowa songaka yandi na kutubila bantu yonso, banganga-nzambi, bambikudi, mpi bantu yonso kangaka yandi mpi tubaka nde: “Nge ta fwa kibeni. 9 Sambu na nki nge me bikula na zina ya Yehowa nde, ‘Nzo yai ta kuma bonso Shilo, bo ta bebisa mbanza yai mpi yo ta bikala kukonda bantu’?” Ebuna bantu yonso vukanaka na nziunga ya Yeremia na nzo ya Yehowa.

10 Ntangu bamfumu ya Yuda waka mambu yai, bo katukaka na nzo ya ntotila mpi bo kwisaka na nzo ya Yehowa ebuna bo vandaka na munoko ya kielo ya mpa ya nzo ya Yehowa.+ 11 Banganga-nzambi ti bambikudi tubilaka bamfumu mpi bantu yonso nde: “Muntu yai me fwana na kubaka ndola ya lufwa,+ sambu yandi me bikula mambu ya mbi sambu na mbanza yai mutindu beno me wa yo na makutu na beno mosi.”+

12 Ebuna Yeremia tubilaka bamfumu yonso ti bantu yonso nde: “Yehowa muntu tindaka mono na kubikula mambu ya mbi sambu na nzo yai mpi sambu na mbanza yai mambu yonso yina beno me wa.+ 13 Yo yina ntangu yai, beno tomisa banzila na beno mpi bisalu na beno, mpi beno lemfukila ndinga ya Yehowa Nzambi na beno, ebuna Yehowa ta soba mabanza na yandi* sambu na mpasi yina yandi me tuba sambu na beno.+ 14 Kansi mono, mono kele na maboko na beno. Beno sala mono mambu yonso yina beno me mona nde yo me fwana mpi yo kele mbote na meso na beno. 15 Kansi kana beno fwa mono, beno zaba kibeni nde, beno ta tula menga ya muntu yina me sala mbi ve na zulu na beno mosi, na zulu ya mbanza yai, mpi na zulu ya bantu na yo, sambu ya kieleka Yehowa muntu tindaka mono na beno sambu na kutuba mambu yai yonso na makutu na beno.”

16 Ebuna bamfumu mpi bantu yonso tubilaka banganga-nzambi ti bambikudi nde: “Muntu yai me fwana ve na kubaka ndola ya lufwa, sambu yandi tubilaka beto na zina ya Yehowa Nzambi na beto.”

17 Diaka, bankuluntu ya nkaka ya insi telamaka mpi yantikaka kutubila dibundu ya mvimba nde: 18 “Mika+ ya Moresheti vandaka kubikula na bilumbu ya Ezekiasi+ ntotila ya Yuda, mpi yandi tubilaka bantu yonso ya Yuda nde, ‘Yehowa ya makesa ke tuba nde:

19 “Keti Ezekiasi ntotila ya Yuda mpi Yuda ya mvimba fwaka yandi? Keti yandi waka ve Yehowa boma mpi keti yandi bondilaka ve Yehowa sambu yandi wila bo mawa,* yo yina Yehowa sobaka mabanza na yandi* sambu na mpasi yina yandi tubaka sambu na bo?+ Yo yina beto ke zola kudinatila mpasi ya ngolo.*

20 “Kuvandaka mpi ti muntu ya nkaka yina vandaka kubikula na zina ya Yehowa, Uriya mwana ya Shemaya muntu ya Kiriati-yearimi,+ yina bikulaka mambu ya mbi sambu na mbanza yai mpi sambu na insi yai ti bangogo bonso ya Yeremia. 21 Ntotila Yehoyakimi,+ bantu na yandi yonso ya ngolo, mpi bamfumu yonso waka mambu yina yandi tubaka, ebuna ntotila sosaka kufwa yandi.+ Ntangu Uriya waka yo, na mbala mosi yandi waka boma mpi yandi tinaka na Ezipte. 22 Ebuna ntotila Yehoyakimi tindaka Elnatani+ mwana ya Akbore ti bantu ya nkaka kumosi ti yandi na Ezipte. 23 Bo bakaka Uriya na Ezipte mpi bo nataka yandi na ntotila Yehoyakimi; ntotila fwaka yandi na mbele ya bitumba+ mpi losaka mvumbi na yandi na maziamu ya bantu ya mpamba.”

24 Kansi Ahikami+ mwana ya Shafani+ sadisaka Yeremia, yo yina bo pesaka yandi ve na maboko ya bantu sambu bo fwa yandi.+

27 Na luyantiku ya luyalu ya Yehoyakimi mwana ya Yoziasi, ntotila ya Yuda, yai mambu yina katukaka na Yehowa mpi kwisilaka Yeremia: 2 “Yehowa me songa mono nde, ‘Kudisadila bansinga mpi banti ya vangu, mpi tula yo na nkingu na nge. 3 Na nima tindila yo ntotila ya Edomi,+ ntotila ya Moabi,+ ntotila ya bantu ya Amoni,+ ntotila ya Tire,+ mpi ntotila ya Sidoni+ na maboko ya binati-nsangu yina me kwisa kutala Sidikiya ntotila ya Yuda na Yeruzalemi. 4 Songa bo mambu yai sambu na bamfumu na bo:

“‘“Yai mambu yina Yehowa ya makesa, Nzambi ya Izraele, ke tuba; beno fwete tubila bamfumu na beno nde, 5 ‘Mono muntu salaka ntoto, bantu, ti bambisi yina kele na zulu ya ntoto na ngolo na mono ya nene mpi na diboko na mono ya kutandula; mpi mono me pesaka yo na konso muntu yina mono me zola.*+ 6 Mpi ntangu yai, mono me pesa bansi yai yonso na maboko ya nsadi na mono Nebukadenezare+ ntotila ya Babilone; mono me pesa yandi ata bambisi ya mfinda sambu yo sadila yandi. 7 Makanda yonso ta sadila yandi, mwana na yandi, mpi mutekolo na yandi tii kuna ntangu ta lunga sambu na insi na yandi+ ntangu makanda mingi mpi bantotila ya nene ta kumisa yandi mpika na bo.’+

8 “‘“‘Kana dikanda to kimfumu mosi kubuya kusadila Nebukadenezare ntotila ya Babilone mpi kubuya kutula nkingu na yo na nsi ya vangu ya ntotila ya Babilone, mono ta pesa dikanda yina ndola na mbele ya bitumba,+ na nzala, mpi na kipupa,’* Yehowa muntu me tuba, ‘tii kuna mono ta manisa bo na maboko na yandi.’

9 “‘“‘Yo yina, beno wila ve bambikudi na beno, banganga-ngombo na beno, bantu na beno yina ke lalaka bandosi, bantu na beno ya mazi, mpi banganga-nkisi na beno, yina ke tubila beno nde: “Beno ta sadila ve ntotila ya Babilone.” 10 Sambu bo ke bikudila beno mambu ya luvunu, yo yina bo ta nata beno ntama ti insi na beno mpi mono ta panza beno ebuna beno ta fwa.

11 “‘“‘Kansi dikanda yina ta tula nkingu na yo na nsi ya vangu ya ntotila ya Babilone mpi ta sadila yandi, mono ta pesa yo nzila ya kubikala* na insi na yo,’ Yehowa muntu me tuba, ‘sambu na kukuna yo mpi kuzinga na kati na yo.’”’”

12 Mono tubilaka mpi Sidikiya+ ntotila ya Yuda mutindu mosi nde: “Beno tula bankingu na beno na nsi ya vangu ya ntotila ya Babilone mpi beno sadila yandi ti bantu na yandi, ebuna beno ta bikala na luzingu.+ 13 Sambu na nki nge ti bantu na nge beno fwete fwa na mbele ya bitumba,+ na nzala,+ mpi na kipupa,+ mutindu Yehowa tubaka sambu na dikanda yina ta sadila ve ntotila ya Babilone? 14 Beno wa ve mambu ya bambikudi yina ke tubila beno nde, ‘Beno ta sadila ve ntotila ya Babilone,’+ sambu bo ke tubila beno mambu ya luvunu.+

15 “‘Sambu mono me tinda bo ve,’ Yehowa muntu me tuba, ‘kansi bo ke bikula mambu ya luvunu na zina na mono, yo yina mono ta panza beno mpi beno ta fwa, beno ti bambikudi yina ke bikudila beno.’”+

16 Mpi mono tubilaka banganga-nzambi ti bantu yai yonso nde: “Yehowa ke tuba nde, ‘Beno wa ve mambu ya bambikudi na beno yina ke tubila beno nde: “Tala! Ntama mingi ve,+ bo ta kwisa kuvutula bisadilu ya nzo ya Yehowa katuka na Babilone!” sambu bo ke bikudila beno mambu ya luvunu.+ 17 Beno wila bo ve. Beno sadila ntotila ya Babilone ebuna beno ta bikala na luzingu.+ Sambu na nki mbanza yai fwete kuma mayumbu? 18 Kansi kana bo kele bambikudi mpi kana ndinga ya Yehowa kele na bo, pardo bika bo bondila Yehowa ya makesa sambu bo nata ve na Babilone bisadilu yina me bikala na nzo ya Yehowa, na nzo ya ntotila ya Yuda, mpi na Yeruzalemi.’

19 “Sambu yai mambu yina Yehowa ya makesa ke tuba sambu na makunzi,+ Nzadi-Mungwa,*+ bapusu-pusu,+ mpi bisadilu yina me bikala na mbanza yai, 20 yina Nebukadenezare ntotila ya Babilone nataka ve ntangu yandi bakaka Yekonia mwana ya Yehoyakimi, ntotila ya Yuda, na Yeruzalemi mpi nataka yandi na Babilone, kumosi ti bantu ya lukumu ya Yuda mpi ya Yeruzalemi;+ 21 ee, yai mambu yina Yehowa ya makesa, Nzambi ya Izraele, ke tuba sambu na bisadilu yina me bikala na nzo ya Yehowa, na nzo ya ntotila ya Yuda, mpi na Yeruzalemi: 22 ‘“Bo ta nata yo na Babilone,+ mpi yo ta bikala kuna tii na kilumbu yina mono ta tudila yo dikebi,” Yehowa muntu me tuba. “Na nima mono ta baka yo diaka mpi ta vutula yo na kisika yai.”’”+

28 Na mvula yina mosi, na luyantiku ya luyalu ya Sidikiya+ ntotila ya Yuda, na mvula ya iya, na ngonda ya tanu, mbikudi Hanania mwana ya Azure, muntu ya bwala Gibeoni,+ tubilaka mono na nzo ya Yehowa na meso ya banganga-nzambi mpi ya bantu yonso nde: 2 “Yehowa ya makesa, Nzambi ya Izraele, ke tuba nde, ‘Mono ta zenga vangu ya ntotila ya Babilone.+ 3 Na nsungi ya bamvula zole,* mono ke vutula na kisika yai bisadilu yonso ya nzo ya Yehowa yina Nebukadenezare ntotila ya Babilone bakaka na kisika yai mpi nataka na Babilone.’”+ 4 “‘Mpi mono ta vutula na kisika yai Yekonia+ mwana ya Yehoyakimi,+ ntotila ya Yuda, ti bantu yonso ya Yuda yina bo me nataka na Babilone,’+ Yehowa muntu me tuba, ‘sambu mono ta zenga vangu ya ntotila ya Babilone.’”

5 Ebuna mbikudi Yeremia tubilaka mbikudi Hanania na meso ya banganga-nzambi mpi ya bantu yonso yina telamaka na nzo ya Yehowa. 6 Mbikudi Yeremia tubaka nde: “Amen!* Bika Yehowa kusala mutindu yina! Bika Yehowa kulungisa bangogo na nge yina nge me bikula, yandi vutula na kisika yai katuka na Babilone bisadilu ya nzo ya Yehowa mpi bantu yonso yina bo nataka na insi ya nkaka! 7 Kansi pardo, wa nsangu yai ya mono ke tuba na makutu na nge mpi na makutu ya bantu yonso. 8 Na ntangu ya ntama, bambikudi yina vandaka na ntwala na mono mpi na ntwala na nge vandaka kubikula sambu na bansi mingi mpi bimfumu ya ngolo, mambu ya me tala bitumba, mpasi, mpi kipupa.* 9 Kana mbikudi mosi kubikula mambu ya me tala ngemba mpi ndinga na yandi kulungana, pana yo ta zabana nde Yehowa muntu tindaka kibeni mbikudi yina.”

10 Ebuna mbikudi Hanania bakaka vangu yina vandaka na nkingu ya mbikudi Yeremia, yandi zengaka yo.+ 11 Na nima, Hanania tubaka na meso ya bantu yonso nde: “Yehowa ke tuba nde, ‘Mutindu yai kaka mono ta zenga vangu ya Nebukadenezare ntotila ya Babilone na nkingu ya makanda yonso na bamvula zole.’”+ Ebuna mbikudi Yeremia kwendaka.

12 Mbikudi Hanania zengaka nti ya vangu na nkingu ya mbikudi Yeremia, ebuna na nima nsangu yai ya Yehowa kwisilaka Yeremia: 13 “Kwenda mpi tubila Hanania nde, ‘Yehowa ke tuba nde: “Nge me zenga banti ya vangu ya dibaya,+ kansi na kisika na yo nge ta sala banti ya vangu ya bibende.” 14 Sambu Yehowa ya makesa, Nzambi ya Izraele, ke tuba nde: “Mono ta tula banti ya vangu ya bibende na nkingu ya makanda yai yonso, sambu bo sadila Nebukadenezare ntotila ya Babilone, mpi bo fwete sadila yandi.+ Mono ta pesa yandi ata bambisi ya mfinda.”’”+

15 Ebuna mbikudi Yeremia tubilaka mbikudi Hanania+ nde: “Pardo, O Hanania, wa! Yehowa me tinda nge ve, kansi nge me pusa bantu yai na kutula ntima na mambu ya luvunu.+ 16 Yo yina, Yehowa ke tuba nde, ‘Tala! Mono ke katula nge na ntoto. Nge ta fwa na mvula yai, sambu nge me siamisa bantu na kukolama na Yehowa.’”+

17 Yo yina mbikudi Hanania fwaka na mvula yina, na ngonda ya nsambwadi.

29 Yai bangogo ya mukanda yina mbikudi Yeremia tindaka katuka na Yeruzalemi na bankuluntu yina bikalaka na kati ya bantu ya bo nataka na insi ya nkaka, banganga-nzambi, bambikudi, mpi bantu yonso, yina Nebukadenezare bakaka na Yeruzalemi mpi nataka na Babilone, 2 na ntangu Yekonia,+ mama ya ntotila,*+ bakapita ya nzo ya ntotila, bamfumu ya Yuda ti ya Yeruzalemi, mpi bantu ya ke salaka bisalu ya maboko ti bantu ya ke salaka bima ya bibende* vandaka me basika na Yeruzalemi.+ 3 Yandi tindaka mukanda yina na maboko ya Elasa mwana ya Shafani+ mpi ya Gemaria mwana ya Hilkia, yina Sidikiya+ ntotila ya Yuda tindaka na Babilone na Nebukadenezare ntotila ya Babilone. Yo vandaka kutuba nde:

4 “Yai mambu yina Yehowa ya makesa, Nzambi ya Izraele, ke tubila bantu yonso yina bo nataka na insi ya nzenza, yina mono salaka nde bo baka bo na Yeruzalemi mpi bo nata bo na kimpika na Babilone, 5 ‘Beno tunga banzo mpi beno zinga kuna. Beno kuna bilanga mpi beno dia bima na yo. 6 Beno kwela bankento mpi beno buta bana ya babakala ti ya bankento; beno kwedila bana na beno ya babakala bankento mpi beno kwedisa bana na beno ya bankento, sambu bo mpi kubuta bana ya babakala ti ya bankento. Beno kuma mingi kuna, kansi ntalu na beno kukulumuka ve. 7 Beno sosa ngemba ya mbanza yina mono me nata beno, mpi beno samba Yehowa sambu na yo, sambu na ngemba na yo beno ta vanda na ngemba.+ 8 Sambu Yehowa ya makesa, Nzambi ya Izraele, ke tuba nde: “Beno bika ve nde bambikudi na beno mpi banganga-ngombo na beno yina kele na kati na beno kukusa beno,+ mpi beno wa ve bandosi yina bo ke lala. 9 Sambu ‘bo ke bikudila beno mambu ya luvunu na zina na mono. Mono me tinda bo ve,’+ Yehowa muntu me tuba.”’”

10 “Sambu Yehowa ke tuba nde, ‘Ntangu bamvula 70 ta lunga na Babilone, mono ta tudila beno dikebi,+ mpi mono ta vutula beno na kisika yai+ sambu na kulungisa mambu yina mono tubaka.’

11 “‘Sambu mono me zaba mbote bangindu yina mono ke yindula sambu na beno,’ Yehowa muntu me tuba, ‘bangindu ya ngemba, kansi ya mpasi ve,+ sambu na kupesa beno makwisa mpi kivuvu.+ 12 Beno ta binga mono, beno ta kwisa, mpi beno ta samba mono, ebuna mono ta wa beno.’+

13 “‘Beno ta sosa mono mpi beno ta mona mono,+ sambu beno ta sosa mono na ntima na beno ya mvimba.+ 14 Mpi mono ta bika nde beno mona mono,’+ Yehowa muntu me tuba. ‘Mono ta vukisa bantu na beno yina kele na kimpika mpi mono ta vukisa beno katuka na makanda yonso mpi na bisika yonso yina mono panzaka beno,’+ Yehowa muntu me tuba. ‘Mpi mono ta vutula beno na kisika yina mono bakaka beno mpi tindaka beno na insi ya nkaka.’+

15 “Kansi beno me tuba nde, ‘Yehowa me basisila beto bambikudi na Babilone.’

16 “Sambu yai mambu yina Yehowa ke tubila ntotila yina me vanda na kiti ya kimfumu ya Davidi+ mpi bantu yonso yina ke zinga na mbanza yai, bampangi na beno yina kwendaka ve ti beno na insi ya nkaka, 17 ‘Yehowa ya makesa ke tuba nde: “Mono ke tindila bo mbele ya bitumba, nzala, mpi kipupa,*+ mpi mono ta kumisa bo bonso bafige ya kupola* yina kele mbi kibeni mpila ya kudia yo kele ve.”’+

18 “‘Mpi mono ta landa bo ti mbele ya bitumba,+ ti nzala, ti kipupa, ebuna mono ta kumisa bo kima ya ke pesa boma na bimfumu yonso ya nsi-ntoto,+ mpi lusingu, mpi kima ya ke yitukisa, kima ya kubudila mwita,+ mpi kima ya nsoni na kati ya makanda yina mono ke panza bo,+ 19 sambu bo waka ve mambu na mono yina mono tindilaka bo na nzila ya bansadi na mono bambikudi,’ Yehowa muntu me tuba, ‘mono vandaka kutinda bo mbala na mbala.’*+

“‘Kansi beno waka ve,’+ Yehowa muntu me tuba.

20 “Yo yina, beno wa ndinga ya Yehowa, beno yonso bantu yina bo me nataka na insi ya nkaka, bantu yina mono katulaka na Yeruzalemi mpi tindaka na Babilone. 21 Yai mambu yina Yehowa ya makesa, Nzambi ya Izraele, ke tuba sambu na Ahabi mwana ya Kolaya mpi sambu na Sidikiya mwana ya Maaseya, bayina ke bikudila beno mambu ya luvunu na zina na mono,+ ‘Mono ke pesa bo na maboko ya Nebukadenezare* ntotila ya Babilone, mpi yandi ta fwa bo na meso na beno. 22 Mpi mambu yina ke kumina bo ta kuma lusingu yina bantu yonso ya Yuda ya bo me nataka na Babilone ta tubaka: “Bika Yehowa kukumisa nge bonso Sidikiya mpi bonso Ahabi, yina ntotila ya Babilone yokaka na tiya!” 23 sambu bo me sala mambu ya nsoni na Izraele,+ na mutindu bo salaka bizumba ti bankento ya bankweno na bo mpi bo tubaka mambu ya luvunu na zina na mono, mambu yina mono tindaka bo ve.+

“‘“Mono kele Muntu yina me zaba, mpi mono kele mbangi,”+ Yehowa muntu me tuba.’”

24 “Ebuna nge ta tubila Shemaya+ muntu ya Nehelami nde, 25 ‘Yehowa ya makesa, Nzambi ya Izraele, ke tuba nde: “Sambu nge tindaka mikanda na zina na nge na bantu yonso yina kele na Yeruzalemi, na Sefania+ mwana ya Maaseya, nganga-nzambi, mpi na banganga-nzambi yonso nde, 26 ‘Yehowa me tula nge nganga-nzambi na kisika ya nganga-nzambi Yehoyada sambu nge kuma nkengi ya nzo ya Yehowa, sambu nge vanda ti kiyeka ya kutala konso muntu ya kilawu yina ke sala mambu bonso mbikudi mpi kutula yandi na mabaya;*+ 27 ebuna sambu na nki nge me nganina ve Yeremia muntu ya Anatoti,+ yina ke sala mambu bonso mbikudi sambu na beno?+ 28 Sambu ata na Babilone yandi tindilaka beto ndinga nde: “Yo ta baka ntangu mingi! Beno tunga banzo mpi beno zinga kuna. Beno kuna bilanga mpi beno dia bima na yo,+—”’”’”

29 Ntangu nganga-nzambi Sefania+ tangaka mukanda yai na makutu ya mbikudi Yeremia, 30 ndinga ya Yehowa kwisilaka Yeremia nde: 31 “Tindila bantu yonso yina bo me nataka na insi ya nkaka nsangu nde, ‘Yehowa ke tuba sambu na Shemaya muntu ya Nehelami nde: “Sambu Shemaya bikudilaka beno, ata mono tindaka yandi ve, mpi yandi mekaka kunata beno na kutula ntima na mambu ya luvunu,+ 32 yo yina, Yehowa ke tuba nde, ‘Mono ke tudila Shemaya muntu ya Nehelami mpi bana na yandi dikebi. Muntu na yandi mosi ve ta guluka na kati ya bantu yai, mpi yandi ta mona ve mambu ya mbote yina mono ta sadila bantu na mono,’ Yehowa muntu me tuba, ‘sambu yandi me siamisa bantu na kukolama na Yehowa.’”’”

30 Yai mambu yina katukaka na Yehowa mpi kwisilaka Yeremia: 2 “Yehowa Nzambi ya Izraele ke tuba nde, ‘Sonika na mukanda mambu yonso ya mono ke zabisa nge. 3 Sambu “tala! bilumbu ke kwisa,” Yehowa muntu me tuba, “ntangu mono ta vukisa bantu na mono yina kele na kimpika, Izraele mpi Yuda,”+ Yehowa muntu ke tuba, “mpi mono ta vutula bo na insi yina mono pesaka ba-nkaka na bo, mpi yo ta vanda diaka ya bo.”’”+

4 Yai mambu yina Yehowa tubilaka Izraele mpi Yuda.

 5 Yehowa ke tuba nde:

 6 Pardo, beno yula kana bakala lenda buta mwana.

Sambu na nki baluse yonso me kuma bonso bantu yina me konda masa ti menga?

 7 Mawa! Sambu kilumbu yina kele kilumbu ya mbi kibeni.*+

Kansi yandi ta guluka na kilumbu yina.”

8 “Mpi na kilumbu yina,” Yehowa ya makesa muntu me tuba, “mono ta zenga vangu yina kele na nkingu na nge, mpi mono ta zenga bansinga* na nge na bitini zole; mpi banzenza ta kumisa yandi* diaka ve mpika na bo. 9 Bo ta sadila Yehowa Nzambi na bo mpi Davidi ntotila na bo, yina mono ta basisila bo.”+

11 “Sambu mono kele ti nge,” Yehowa muntu me tuba, “sambu na kugulusa nge.

12 Sambu Yehowa ke tuba nde:

“Nkisi kele ve sambu na kubukana na nge.+

Mputa na nge lenda beluka ve.

Nkisi ya kubelula nge kele ve.

14 Bantu yonso yina ke zolaka nge ti nzala ya ngolo me vila nge.+

Bo ke sosa nge diaka ve.

15 Sambu na nki nge ke dila sambu na mpasi na nge?

Mpasi na nge lenda mana ve!

‘Sioni, yina muntu mosi ve ke sosaka.’”+

18 Yehowa ke tuba nde:

19 Bo ta pesa matondo mpi ta tula milolo ya kiese.+

Mono ta pesa bantu yonso ya ke niokula yandi+ ndola.

Mono ta sala nde yandi kwisa pene-pene, ebuna yandi ta pusana pene-pene na mono.”

“Sambu kana mpidina ve, nani ta meka kupusana* pene-pene na mono?” Yehowa muntu me tuba.

22 “Beno ta kuma bantu na mono,+ mpi mono ta vanda Nzambi na beno.”+

Na kitini ya nsuka ya bilumbu, beno ta bakisa diambu yai.+

31 “Na ntangu yina,” Yehowa muntu me tuba, “mono ta kuma Nzambi sambu na mabuta yonso ya Izraele, mpi bo ta kuma bantu na mono.”+

 2 Yehowa ke tuba nde:

 3 Yehowa kwisaka kumonika na mono katuka na kisika ya ntama mpi yandi tubaka nde:

“Mono zolaka nge ti zola ya mvula na mvula.

Yo yina mono bendaka nge na mono na zola ya kwikama.*+

 4 Kansi, mono ta tunga nge diaka mpi bo ta tunga nge diaka.+

 6 Sambu kilumbu ke kwisa ntangu bankengidi yina kele na bangumba ya Efrayimi ta tuba na ndinga ya ngolo nde:

‘Beno telama, beto kwenda na Sioni, na Yehowa Nzambi na beto.’”+

 7 Sambu Yehowa ke tuba nde:

“Beno boka na kiese na Yakobi.

Beno tula milolo ya kiese sambu beno me luta makanda.+

 8 Mono ke katula bo na insi ya nordi mpi ke vutula bo.+

Mono ta katula bo na bisika ya kuluta ntama ya ntoto mpi ta vukisa bo.+

Bo ta kwisa kuvutuka awa+ bonso dibundu ya nene.

 9 Bo ta kwisa ti kudila.+

Mono ta twadisa bo ntangu bo ke bondila mono sambu mono wila bo mawa.

Sambu mono kele Tata ya Izraele, mpi Efrayimi kele mwana na mono ya ntete.”+

“Muntu yina panzaka Izraele ta vukisa yandi.

Yandi ta keba yandi mutindu ngungudi ke kebaka bitwisi na yandi.+

Mono ta kumisa kudila na bo kiese.+

Mono ta lembika bo mpi mono ta pesa bo kiese na kisika ya mawa na bo.+

15 “Yehowa ke tuba nde:

‘Ndinga ke wakana na Rama,+ bidilu mpi kudila ya ngolo:

Rashele ke dila bana na yandi.*+

16 Yehowa ke tuba nde:

‘Bo ta katuka na insi ya mbeni+ mpi bo ta kwisa kuvutuka.’

17 ‘Mpi kivuvu kele sambu na makwisa na nge,’+ Yehowa muntu me tuba.

‘Bana na nge ta vutuka na teritware na bo.’”+

20 “Keti Efrayimi kele ve mwana ya mfunu sambu na mono, mwana ya mono ke zolaka mingi?+

Sambu konso ntangu ya mono ke tubaka mambu ya mbi sambu na yandi, mono ke landaka kuyibuka yandi.

Yo yina mawi* na mono me telama sambu na yandi.+

Mpi mono ta wila yandi kibeni mawa,” Yehowa muntu me tuba.+

Tula dikebi na nzila ya nene, nzila yina nge fwete kwenda.+

Vutuka, O mwense ya Izraele, vutuka na bambanza na nge yai.

22 Tii nki ntangu nge ta vanda na keti-keti, O mwana-nkento ya kukonda kwikama?

Sambu Yehowa me ganga kima ya mpa na ntoto:

Nkento ta landa bakala ti nzala ya ngolo.”

23 Yehowa ya makesa, Nzambi ya Izraele ke tuba nde: “Bo ta tuba diaka mambu yai na insi ya Yuda mpi na bambanza na yo ntangu mono ta vutula bantu na bo yina vandaka na kimpika: ‘Bika Yehowa kusakumuna nge, O kisika ya kuzinga ya lunungu,+ O ngumba ya santu.’+ 24 Na kati na yo, Yuda ti bambanza na yo yonso ta zinga kumosi, bantu ya ke salaka bilanga mpi bantu yina ke kebaka bitwisi.+ 25 Sambu mono ta pesa kikesa na muntu* yina me lemba mpi na konso muntu* yina me konda ngolo.”+

26 Ebuna mono telamaka na mpongi, mono kangulaka meso, mpi mpongi na mono vandaka kitoko sambu na mono.

27 “Tala! Bilumbu ke kwisa,” Yehowa muntu me tuba, “ntangu mono ta kumisa mingi bantu ya nzo ya Izraele mpi bantu ya nzo ya Yuda. Mono ta kumisa mpi bitwisi na bo mingi.”+

28 “Mpi kaka mutindu mono kebaka bo sambu na kutumuna, kubwisa, kubebisa, kufwa, mpi kusala mbi,+ mutindu mosi mono ta keba bo sambu na kutunga mpi kukuna,”+ Yehowa muntu me tuba. 29 “Na bilumbu yina bo ta tuba diaka ve nde, ‘Batata diaka bambuma ya vinu ya ngani, kansi meno ya bana kumaka ngani.’*+ 30 Kansi konso muntu ta fwa sambu na kifu na yandi mosi. Konso muntu yina ke dia bambuma ya vinu ya ngani, meno na yandi mosi ta kuma ngani.”

31 “Tala! Bilumbu ke kwisa,” Yehowa muntu me tuba, “ntangu mono ta sala kuwakana ya mpa+ ti nzo ya Izraele mpi ti nzo ya Yuda. 32 Yo ta vanda ve bonso kuwakana yina mono salaka ti ba-nkaka na bo na kilumbu yina mono simbaka bo na diboko sambu na kubasisa bo na insi ya Ezipte,+ ‘kuwakana na mono yina bo fwaka,+ ata mono vandaka mfumu na bo ya kieleka,’* Yehowa muntu me tuba.”

33 “Sambu yai kuwakana yina mono ta sala ti nzo ya Izraele na nima ya bilumbu yina,” Yehowa muntu me tuba. “Mono ta tula nsiku na mono na kati na bo,+ mpi mono ta sonika yo na ntima na bo.+ Mono ta kuma Nzambi na bo, ebuna bo ta kuma bantu na mono.”+

34 “Mpi muntu mosi ve ta longa diaka nkweno na yandi mpi mpangi na yandi nde, ‘Zaba Yehowa!’+ sambu bo yonso ta zaba mono, yantika na muntu ya kukonda mfunu tii na muntu ya mfunu mingi na kati na bo,”+ Yehowa muntu me tuba. “Sambu mono ta lolula kifu na bo, mpi mono ta yibuka diaka ve masumu na bo.”+

37 Yehowa ke tuba nde: “‘Kana bo lenda tesa zulu mpi kana bo lenda tala bafondasio ya ntoto na nsi, na ntangu yo yina mono zolaka kubuya bana yonso ya Izraele sambu na mambu yonso ya bo me sala,’ Yehowa muntu me tuba.”+

38 “Tala! Bilumbu ke kwisa,” Yehowa muntu me tuba, “ntangu bo ta tungila+ Yehowa mbanza katuka na Nzo-Zulu ya Ananele+ tii na Kielo ya Kinkonko.+ 39 Mpi nsinga ya kutesila+ ta kwenda mbala mosi tii na ngumba ya fioti ya Garebi, mpi yo ta baluka na ndambu ya Goa. 40 Ebuna muwanda* ya mvimba ya bamvumbi ti ya putulu ya tiya* mpi bilanga yonso tii na Muwanda ya Kidroni,+ tii na kinkonko ya Kielo ya Bampunda+ na ndambu ya esti, ta vanda kima ya santu sambu na Yehowa.+ bo ta tumuna yo diaka ve mpi bo ta bwisa yo diaka ve.”

32 Yai mambu yina katukaka na Yehowa mpi kwisilaka Yeremia na mvula ya 10 ya Sidikiya ntotila ya Yuda, disongidila, mvula ya 18 ya Nebukadenezare.*+ 2 Na ntangu yina basoda ya ntotila ya Babilone ziungaka Yeruzalemi, mpi bo kangaka mbikudi Yeremia na Kibansala ya Bankengidi+ na nzo ya ntotila ya Yuda. 3 Sambu Sidikiya ntotila ya Yuda kangaka yandi+ mpi tubaka nde, “Sambu na nki nge ke bikula mutindu yai? Nge ke tuba nde, ‘Yehowa ke tuba nde: “Mono ta pesa mbanza yai na maboko ya ntotila ya Babilone, ebuna yandi ta botula yo,+ 4 mpi Sidikiya ntotila ya Yuda ta mona ve mpila ya kutina bantu ya Kaldea, sambu bo ta pesa yandi kibeni na maboko ya ntotila ya Babilone, ebuna yandi ta solula ti yandi mbunzu na mbunzu mpi ta mona yandi meso na meso.”’+ 5 ‘Yandi ta nata Sidikiya na Babilone, mpi yandi ta bikala kuna tii kuna mono ta tudila yandi dikebi,’ Yehowa muntu me tuba. ‘Ata beno ke landa kunwana ti bantu ya Kaldea, beno ta nunga ve.’”+

6 Yeremia tubaka nde: “Ndinga ya Yehowa kwisilaka mono nde, 7 ‘Tala, Anamele mwana ya Shalumi mpangi ya tata na nge ta kwisa kukutana ti nge mpi ta tuba nde: “Sumba kilanga na mono yina kele na Anatoti,+ sambu nge muntu kele ti nswa ya ntete ya kusumba yo diaka.”’”+

8 Anamele mwana ya mpangi ya tata na mono kwisaka kukutana ti mono, kaka mutindu Yehowa tubaka, na Kibansala ya Bankengidi, mpi yandi tubilaka mono nde: “Pardo sumba kilanga na mono yina kele na Anatoti, na ntoto ya Benyamini, sambu nge kele ti nswa ya kubaka yo mpi ya kusumba yo diaka. Sumba yo.” Ebuna mono zabaka nde yo salamaka na kuwakana ti ndinga ya Yehowa.

9 Yo yina mono sumbaka kilanga yina vandaka na Anatoti na maboko ya Anamele mwana ya mpangi ya tata na mono. Mono tesilaka yandi mbongo,+ bashekele* nsambwadi mpi mbongo kumi ya bibende. 10 Ebuna mono sonikaka yo na mukanda ya ke monisa nde muntu me sumba kima,+ mono tulaka yo kashe, mono bingaka bambangi,+ mpi mono tesaka mbongo na bakilo. 11 Mono bakaka mukanda yina ya ke monisa nde muntu me sumba kima, mukanda yina bo tulaka kashe na kulanda nsiku mpi mambu yina nsiku ke lombaka, mono bakaka mpi mukanda yina bo tulaka ve kashe, 12 ebuna mono pesaka mukanda yina na Baruki+ mwana ya Neria+ mwana ya Maseya na meso ya Anamele mwana ya mpangi ya tata na mono, na meso ya bambangi yina tulaka maboko na mukanda yina, mpi na meso ya Bayuda yonso yina vandaka na Kibansala ya Bankengidi.+

13 Ntangu yai mono songaka Baruki na meso na bo nde: 14 “Yehowa ya makesa, Nzambi ya Izraele, ke tuba nde, ‘Baka mikanda yai, mukanda yai ya ke monisa nde muntu me sumba kima, mukanda yina bo me tula kashe mpi mukanda ya nkaka yina bo tulaka ve kashe, mpi tula yo na dibungu, sambu bo bumba yo ntangu mingi.’ 15 Sambu Yehowa ya makesa, Nzambi ya Izraele, ke tuba nde, ‘Bo ta sumba diaka banzo, bilanga, mpi bilanga ya vinu na insi yai.’”+

16 Ebuna, mono sambaka Yehowa na nima ya kupesa mukanda yina na Baruki mwana ya Neria, nde: 17 “O Yehowa Mfumu ya Kuluta Nene! Tala! Nge muntu salaka zulu ti ntoto na ngolo na nge ya nene+ mpi na diboko na nge ya kutandula. Kima mosi ve kele ya kuyituka kibeni sambu na nge, 18 Muntu yina ke monisaka zola ya kwikama na mafunda ya bantu, kansi yina ke futaka kifu ya batata na* bana na bo,+ Nzambi ya kieleka, Muntu ya nene mpi ya ngolo, yina zina na yandi kele Yehowa ya makesa. 19 Nge kele nene na yina me tala bandongisila* mpi ngolo na bisalu,+ nge muntu yina meso na nge ke talaka banzila yonso ya bantu,+ sambu na kupesa konso muntu na kutadila banzila na yandi mpi mambu yina yandi ke salaka.+ 20 Nge salaka bidimbu mpi bimangu na insi ya Ezipte, yina me zabanaka tii bubu yai, mpi na mutindu yina nge me kudisadilaka zina na Izraele mpi na kati ya bantu,+ mutindu yo kele bubu yai. 21 Mpi nge basisaka bantu na nge Izraele na insi ya Ezipte, ti bidimbu, ti bimangu, ti diboko ya ngolo mpi ya kutandula, mpi ti bisalu ya ke pesa boma.+

22 “Na nima nge pesaka bo insi yai yina nge zengaka kieleka na kupesa na ba-nkaka na bo,+ insi yina miliki* ti bwiki+ kele mingi. 23 Bo kotaka mpi bo bakaka yo, kansi bo lemfukaka ve na ndinga na nge mpi bo zitisaka ve nsiku na nge. Bo salaka ve mambu yonso yina nge songaka bo na kusala, yo yina nge salaka nde bampasi yai yonso kubwila bo.+ 24 Tala! Bantu me kwisa kusala mwa bangumba sambu na kubotula mbanza,+ mpi sambu na mbele ya bitumba,+ nzala, mpi kipupa,*+ mbanza yai ta bwa kibeni na maboko ya bantu ya Kaldea yina ke nwanisa yo; mambu yonso ya nge tubaka me salama, mutindu nge ke mona ntangu yai. 25 Kansi O Yehowa Mfumu ya Kuluta Nene, nge me songa mono nde, ‘Sumba kilanga na mbongo mpi binga bambangi,’ ata bo ta pesa kibeni mbanza na maboko ya bantu ya Kaldea.”

26 Ebuna ndinga ya Yehowa kwisilaka Yeremia nde: 27 “Tala, mono kele Yehowa, Nzambi ya bantu yonso.* Keti kele ti kima mosi ya kuyituka kibeni sambu na mono? 28 Yo yina, Yehowa ke tuba nde, ‘Tala mono ke pesa mbanza yai na maboko ya bantu ya Kaldea mpi na maboko ya Nebukadenezare* ntotila ya Babilone, ebuna yandi ta botula yo.+ 29 Mpi bantu ya Kaldea yina ke nwanisa mbanza yai ta kota mpi ta tula yo tiya mpi bo ta yoka yo+ kumosi ti banzo yina na zulu ya baludi na yo bo pesaka bimenga na Baale mpi bo tiamunaka makabu ya malafu sambu na banzambi ya nkaka sambu na kupesa mono makasi.’+

30 “‘Sambu bantu ya Izraele mpi ya Yuda me sala kaka mambu ya mbi na meso na mono, katuka kileke na bo+ tii kuna; bantu ya Izraele ke landa kupesa mono makasi na kisalu ya maboko na bo,’ Yehowa muntu me tuba. 31 ‘Sambu mbanza yai, katuka na kilumbu yina bo tungaka yo tii bubu yai, yo kele kaka kima ya ke pesaka mono makasi mpi nganzi,+ yo yina bo fwete katula yo na ntwala ya luse na mono,+ 32 sambu na mambu yonso ya mbi yina bantu ya Izraele mpi ya Yuda me sala sambu na kupesa mono makasi—bo, bantotila na bo,+ bamfumu na bo,+ banganga-nzambi na bo, bambikudi na bo,+ mpi bantu ya Yuda ti bantu ya Yeruzalemi. 33 Bo landaka kupesa mono mikongo na bo kansi baluse na bo ve;+ ata mono mekaka kulonga bo mbala na mbala,* muntu mosi ve vandaka kuwa sambu na kubaka ndola.+ 34 Mpi bo tulaka biteki na bo ya nzanzi na nzo yina kele ti zina na mono, sambu na kukumisa yo mvindu.+ 35 Diaka, bo tungaka bisika ya kunanguka ya Baale na Muwanda ya Mwana ya Inomi,*+ sambu na kuyoka* bana na bo ya babakala mpi ya bankento na tiya sambu na Moleki,+ diambu yina mono songaka+ bo ve mpi yina me kwisilaka mono ntete ve ata fioti na ntima* na kusala diambu ya nzanzi ya mutindu yai, ebuna bo nataka Yuda na kusala disumu.’

36 “Yo yina, yai mambu yina Yehowa Nzambi ya Izraele ke tuba sambu na mbanza yai ya beno ke tuba nde bo ta pesa yo na maboko ya ntotila ya Babilone na nsadisa ya mbele ya bitumba, ya nzala, mpi ya kipupa, 37 ‘Mono ta vukisa bo katuka na bansi yonso yina mono panzaka bo na makasi na mono, na nganzi na mono, mpi na makasi na mono ya ngolo,+ ebuna mono ta vutula bo na kisika yai mpi mono ta bika nde bo zinga na lutaninu.+ 38 Bo ta vanda bantu na mono, mpi mono ta vanda Nzambi na bo.+ 39 Ebuna mono ta pesa bo ntima mosi+ mpi nzila mosi sambu bo wa mono boma ntangu yonso, sambu na mambote na bo mosi mpi mambote ya bana na bo.+ 40 Mono ta sala kuwakana ya mvula na mvula ti bo,+ nde mono ta yambula ve kusadila bo mambu ya mbote;+ mpi mono ta tula boma na mono na bantima na bo, sambu bo yambula mono ve.+ 41 Mono ta yangalala sambu na bo sambu na kusadila bo mambu ya mbote,+ mpi mono ta kuna bo ngolo na insi yai,+ na ntima na mono ya mvimba mpi na moyo* na mono ya mvimba.’”

42 “Sambu Yehowa ke tuba nde, ‘Kaka mutindu mono me natila bantu yai mpasi yai yonso ya nene, mutindu mosi mpi mono ta natila bo mambu yonso ya mbote* ya mono ke sila bo.+ 43 Mpi bo ta sumba diaka bilanga na insi yai,+ ata beno ke tuba nde: “Yo kele ntoto ya mpamba ya me konda muntu mpi mbisi, mpi bo me pesaka yo na maboko ya bantu ya Kaldea.”’

44 “‘Bo ta sumba bilanga na mbongo, bo ta sonika mpi ta tula kashe na mukanda ya ke monisa nde muntu me sumba kima, mpi bo ta binga bambangi na ntoto ya Benyamini,+ na bisika yina kele na nziunga ya Yeruzalemi, na bambanza ya Yuda,+ na bambanza ya ntoto ya bangumba, na bambanza ya ntoto yina kele na ndambu ya nsi,+ mpi na bambanza ya sudi, sambu mono ta vutula bantu na bo yina bo nataka na kimpika,’+ Yehowa muntu me tuba.”

33 Ndinga ya Yehowa kwisilaka Yeremia na mbala ya zole, ntangu bo vandaka kaka me kanga yandi na Kibansala ya Bankengidi,+ nde: 2 “Yai mambu Yehowa Muntu yina salaka ntoto ke tuba, Yehowa yina salaka yo mpi tulaka yo ngolo; zina na yandi Yehowa, 3 ‘Binga mono, ebuna mono ta ndima mpi ta songa nge na luzolo yonso mambu ya nene mpi ya nge lenda bakisa ve yina nge me zabaka ve.’”+

4 “Sambu yai mambu yina Yehowa Nzambi ya Izraele ke tuba sambu na banzo ya mbanza yai mpi banzo ya bantotila ya Yuda yina bo me bwisa sambu na mwa bangumba ya ntoto ya bo me tula sambu na kunwanisa yo mpi sambu na mbele ya bitumba,+ 5 mpi sambu na bantu yina ke kwisa sambu na kunwana ti bantu ya Kaldea, mpi ke fulusa kisika yai ti bamvumbi ya bantu yina mono fwaka na makasi na mono mpi na nganzi na mono, bantu yina mambi na bo me pusa mono na kubumba luse na ntwala ya mbanza yai: 6 ‘Mono ke sala nde yandi kuma diaka mbote mpi mono ke belula yandi,+ ebuna mono ta belula bo, mono ta pesa bo ngemba mingi ti kieleka mingi.+ 7 Mono ta vutula bantu ya Yuda yina kwendaka na kimpika ti bantu ya Izraele yina kwendaka na kimpika,+ mpi mono ta tunga bo mutindu mono salaka na luyantiku.+ 8 Mono ta katula bo mvindu ya makambu yonso ya bo nataka sambu na masumu yina bo salaka na ntwala na mono,+ mpi mono ta lolula makambu yonso ya bo nataka sambu na masumu mpi mambu ya mbi yina bo salaka na ntwala na mono.+ 9 Sambu na mono yandi ta kuma zina ya kiese, lukumu, mpi kitoko na ntwala ya makanda yonso ya ntoto yina ta wa nsangu ya bumbote yonso ya mono ta monisila bo.+ Bo ta wa boma ya ngolo mpi bo ta tekita+ sambu na bumbote yonso yina mono ta monisila yandi mpi ngemba yonso yina mono ta pesa yandi.’”+

10 “Yehowa ke tuba nde: ‘Na kisika yai ya beno ta tuba nde yo kele ntoto ya mpamba, ya me konda bantu mpi bitwisi, na bambanza ya Yuda mpi na babala-bala ya Yeruzalemi yina kele mpamba, kukonda bantu, bantu yina ke zinga kuna, to bitwisi, kuna bo ta wa diaka 11 makelele ya kuyangalala mpi milolo ya kiese,+ ndinga ya bakala yina ke kwela mpi ndinga ya nkento yina ke kwela, ndinga ya bantu yina ke tuba nde: “Beno pesa Yehowa ya makesa matondo, sambu Yehowa kele mbote;+ zola na yandi ya kwikama ke zingaka kimakulu!”’+

“‘Bo ta nata makabu ya kupesa matondo na nzo ya Yehowa,+ sambu mono ta vutula bantu ya insi yai yina kwendaka na kimpika, bonso na luyantiku,’ Yehowa muntu ke tuba.”

12 “Yehowa ya makesa ke tuba nde: ‘Na ntoto yai ya mpamba, ya me konda bantu mpi bitwisi, mpi na bambanza na yo yonso, kuna banseke ta vanda diaka sambu bangungudi kupemisa bitwisi na bo.’+

13 “‘Na bambanza ya ntoto ya bangumba, na bambanza ya bansi yina kele na ndambu ya nsi, na bambanza ya sudi, na ntoto ya Benyamini, na bisika yina kele na nziunga ya Yeruzalemi,+ mpi na bambanza ya Yuda,+ bitwisi ta luta diaka na nsi ya maboko ya muntu yina ke tangaka yo,’ Yehowa muntu ke tuba.”

14 “‘Tala! Bilumbu ke kwisa,’ Yehowa muntu me tuba, ‘ntangu mono ta lungisa lusilu ya mbote yina mono salaka sambu na nzo ya Izraele mpi nzo ya Yuda.+ 15 Na bilumbu yina mpi na ntangu yina, mono ta basisila Davidi lutangu ya lunungu,*+ mpi yandi ta sambisa mambu na lunungu na insi yai.+ 16 Na bilumbu yina bo ta gulusa Yuda+ mpi Yeruzalemi ta zinga na lutaninu.+ Yai mutindu bo ta binga yandi: Yehowa Kele Lunungu na Beto.’”+

17 “Sambu Yehowa ke tuba nde: ‘Ntangu yonso yo ta vandaka ti muntu mosi ya dibuta ya Davidi yina ta vandaka na kiti ya kimfumu ya nzo ya Izraele,+ 18 mpi banganga-nzambi yina kele Balevi ta konda ve kuvanda ti muntu mosi yina ta telama na ntwala na mono sambu na kupesa makabu ya mvimba ya kuyoka, sambu na kuyoka makabu ya mbuma, mpi sambu na kupesa bimenga.’”

19 Ebuna ndinga ya Yehowa kwisilaka diaka Yeremia nde: 20 “Yehowa ke tuba nde, ‘Kana beno kuka kufwa kuwakana na mono ya me tala mwini mpi kuwakana na mono ya me tala mpimpa, sambu na kukanga mwini ti mpimpa nzila sambu yo kwisa ve na ntangu na yo,+ 21 na ntangu yina, kuwakana na mono ti nsadi na mono Davidi lenda fwa,+ na mpila nde yandi vanda ve ti mwana yina ke yala bonso ntotila na kiti ya kimfumu na yandi,+ mpi yo kele mutindu mosi sambu na kuwakana na mono ti banganga-nzambi yina kele Balevi, bansadi na mono.+ 22 Kaka mutindu bo lenda tanga ve makesa ya zulu mpi bo lenda tesa ve zelo ya nzadi-mungwa, mutindu mosi mpi mono ta kumisa mingi bana* ya nsadi na mono Davidi mpi Balevi yina ke sadilaka mono.’”

23 Ebuna ndinga ya Yehowa kwisilaka diaka Yeremia nde: 24 “Keti nge me wa ve mambu yina bantu yai ke tuba, ‘Yehowa ta buya mabuta zole yina yandi solaka’? Bo ke sadila bantu na mono mambu kukonda luzitu, mpi bo ke baka bo diaka ve bonso dikanda.

25 “Yehowa ke tuba nde: ‘Ya kieleka, kaka mutindu mono me tulaka kuwakana na mono ya me tala mwini ti mpimpa,+ bansiku ya zulu mpi ya ntoto,+ 26 mutindu mosi mpi mono ta buya ve ata fioti bana* ya Yakobi mpi ya nsadi na mono Davidi, sambu na kubaka ve na kati ya bana* na yandi bamfumu sambu bo yala bana* ya Abrahami, ya Izaki, mpi ya Yakobi. Sambu mono ta vutula bantu na bo yina kwendaka na kimpika+ mpi mono ta wila bo mawa.’”+

34 Yai ndinga yina katukaka na Yehowa mpi kwisilaka Yeremia, ntangu Nebukadenezare* ntotila ya Babilone, basoda na yandi yonso, bimfumu yonso ya nsi-ntoto yina vandaka na nsi ya luyalu na yandi, mpi bantu yonso vandaka kunwanisa Yeruzalemi mpi bambanza na yo:+

2 “Yehowa Nzambi ya Izraele ke tuba nde, ‘Kwenda kusolula ti Sidikiya+ ntotila ya Yuda mpi songa yandi nde: “Yehowa ke tuba nde, ‘Mono ke pesa mbanza yai na maboko ya ntotila ya Babilone, ebuna yandi ta yoka yo tiya.+ 3 Mpi nge ta tina ve na maboko na yandi, sambu bo ta kanga nge kibeni mpi bo ta pesa nge na maboko na yandi.+ Nge ta mona ntotila ya Babilone meso na meso, mpi yandi ta solula ti nge mbunzu na mbunzu, ebuna nge ta kwenda na Babilone.’+ 4 Kansi, wa mambu yina Yehowa ke tuba, O Sidikiya ntotila ya Yuda, ‘Yehowa ke tubila nge nde: “Nge ta fwa ve na mbele ya bitumba. 5 Nge ta fwa na ngemba,+ mpi bo ta yoka bima ya nsudi ya kitoko sambu na nge mutindu bo salaka sambu na batata na nge, bantotila ya ntama yina vandaka na ntwala na nge, mpi bo ta dila nge nde, ‘Mawa, O mfumu!’ sambu ‘mono me tuba mambu yina,’ Yehowa muntu me tuba.”’”’”

6 Na nima, mbikudi Yeremia tubilaka Sidikiya ntotila ya Yuda mambu yai yonso na Yeruzalemi, 7 ntangu basoda ya ntotila ya Babilone vandaka kunwanisa Yeruzalemi mpi bambanza yonso ya Yuda yina bikalaka,+ bo vandaka kunwanisa Lakishi+ mpi Azeka;+ sambu bambanza yai mpamba bikalaka na kati ya bambanza ya ngolo ya Yuda.

8 Yai ndinga yina katukaka na Yehowa mpi kwisilaka Yeremia na nima ya ntangu yina ntotila Sidikiya salaka kuwakana ti bantu yonso na Yeruzalemi sambu na kuzabisa bo kimpwanza,+ 9 nde konso muntu fwete pesa kimpwanza na bampika na yandi ya Baebreo, bakala to nkento, sambu ata muntu mosi ve kuvanda diaka ti mpangi na yandi Muyuda bonso mpika na yandi. 10 Bamfumu yonso mpi bantu yonso lemfukaka. Bo salaka kuwakana nde konso muntu fwete pesa bampika na yandi ya babakala ti ya bankento kimpwanza mpi kubika bo diaka ve bo vanda bampika. Bo lemfukaka mpi bo bikaka bo, bo kwenda. 11 Kansi, na nima bo vutulaka bampika ya babakala ti ya bankento yina bo pesaka kimpwanza, mpi bo pusaka bo diaka na ngolo na kuvanda bampika. 12 Yo yina, yai ndinga ya Yehowa yina katukaka na Yehowa mpi kwisilaka Yeremia:

13 “Yehowa Nzambi ya Izraele ke tuba nde, ‘Mono salaka kuwakana ti ba-nkaka na beno+ kilumbu yina mono basisaka bo na insi ya Ezipte, na nzo ya kimpika;+ mono songaka bo nde: 14 “Na nsuka ya bamvula nsambwadi, konso muntu na kati na beno fwete pesa kimpwanza na mpangi na yandi Mu-Ebreo yina bo tekilaka yandi mpi yina me sadila yandi bamvula sambanu; nge fwete pesa yandi kimpwanza.”+ Kansi ba-nkaka na beno waka ve mpi bo tudilaka mono ve makutu. 15 Mpi ntama mingi ve* beno mosi balukaka mpi salaka mambu ya mbote na meso na mono na mutindu beno zabisaka kimpwanza sambu na bampangi na beno, mpi beno salaka kuwakana na ntwala na mono na nzo yina kele ti zina na mono. 16 Kansi na nima, beno balukaka mpi beno kumisaka zina na mono mvindu+ na mutindu beno vutulaka bampika na beno ya babakala ti ya bankento yina beno pesaka kimpwanza na kulanda nzala* na bo, mpi beno pusaka bo na ngolo na kuvanda bampika.’

17 “Yo yina, Yehowa ke tuba nde: ‘Beno me lemfukila mono ve na mutindu beno me zabisa kimpwanza, konso muntu na mpangi na yandi mpi na nkweno na yandi.+ Yo yina, ntangu yai mono ta zabisa beno kimpwanza,’ Yehowa muntu me tuba, ‘beno ta fwa na mbele ya bitumba, na kipupa,*+ mpi na nzala, ebuna mono ta kumisa beno kima ya ke pesa boma na bimfumu yonso ya nsi-ntoto.+ 18 Mpi yai mambu yina ta kumina bantu yina fwaka kuwakana na mono na mutindu bo zitisaka ve bangogo ya kuwakana yina bo salaka na ntwala na mono ntangu bo zengaka mwana-ngombe na bitini zole mpi bo lutaka na kati-kati ya bitini yina,+ 19 disongidila, bamfumu ya Yuda, bamfumu ya Yeruzalemi, bakapita ya nzo ya ntotila, banganga-nzambi, mpi bantu yonso ya insi yai yina lutaka na kati-kati ya bitini ya mwana-ngombe yina: 20 Mono ta pesa bo na maboko ya bambeni na bo mpi ya bantu yina ke sosa kufwa bo,* mpi bamvumbi na bo ta kuma madia sambu na bandeke ya zulu mpi sambu na bambisi ya ntoto.+ 21 Mpi mono ta pesa Sidikiya ntotila ya Yuda ti bamfumu na yandi na maboko ya bambeni na bo, na maboko ya bantu yina ke sosa kufwa bo,* mpi na maboko ya basoda ya ntotila ya Babilone,+ yina me bikisa kunwanisa beno.’+

22 “‘Mono ta pesa nsiku,’ Yehowa muntu me tuba, ‘mpi mono ta vutula bo na mbanza yai, bo ta nwanisa yo, bo ta botula yo, mpi bo ta yoka yo tiya;+ ebuna mono ta kumisa bambanza ya Yuda ntoto ya mpamba, kukonda muntu ya ke zinga kuna.’”+

35 Yai mambu ya katukaka na Yehowa yina kwisilaka Yeremia na bilumbu ya Yehoyakimi+ mwana ya Yoziasi, ntotila ya Yuda: 2 “Kwenda na nzo ya bantu ya dikanda ya Rekabi,+ solula ti bo, mpi nata bo na nzo ya Yehowa, na suku mosi na kati ya basuku ya kudila madia;* ebuna pesa bo vinu bo nwa.”

3 Yo yina, mono nataka Yaazania mwana ya Yeremia mwana ya Abasinia, bampangi na yandi, bana na yandi yonso, mpi nzo ya mvimba ya bantu ya dikanda ya Rekabi 4 na nzo ya Yehowa. Mono nataka bo na suku ya kudila madia ya bana ya Hanane mwana ya Yigdalia, muntu ya Nzambi ya kieleka, yina vandaka pene-pene ya suku ya kudila madia ya bamfumu, yina vandaka na zulu ya suku ya kudila madia ya Maaseya mwana ya Shalumi, nkengidi ya kielo. 5 Na nima, mono tulaka makopa mpi makopa ya nene ya kufuluka ti vinu na ntwala ya bantu ya nzo ya dikanda ya Rekabi mpi mono tubilaka bo nde: “Beno nwa vinu.”

6 Kansi bo tubaka nde: “Beto ta nwa ve vinu, sambu Yehonadabi*+ mwana ya Rekabi, nkaka na beto, pesaka beto nsiku yai, ‘Yo vanda beno to bana na beno, beno fwete nwa ve vinu. 7 Mpi beno fwete tunga ve nzo, kukuna ve mbuma, mpi kukuna ve to kusumba ve kilanga ya vinu. Kansi, beno fwete zinga ntangu yonso na batenta, sambu beno zinga ntangu mingi na insi yina beno ke zinga bonso banzenza.’ 8 Yo yina, beto ke landaka kulemfukila ndinga ya Yehonadabi mwana ya nkaka na beto Rekabi na mambu yonso yina yandi songaka beto, na mutindu beto ke nwaka ve vinu ata fioti—beto, bankento na beto, bana na beto ya babakala, mpi bana na beto ya bankento. 9 Beto ke tungaka ve banzo sambu na kuzinga na kati na yo, mpi beto kele ve ti bilanga ya vinu, to bilanga, to mbuma. 10 Beto ke landaka kuzinga na batenta mpi kulemfuka na mambu yonso yina nkaka na beto Yehonadabi* songaka beto. 11 Kansi, ntangu Nebukadenezare* ntotila ya Babilone tombukaka sambu na kunwanisa insi yai,+ beto tubaka nde, ‘Beno kwisa, beto kwenda na Yeruzalemi sambu na kutina basoda ya bantu ya Kaldea mpi ya bantu ya Siria, mpi ntangu yai beto ke zinga na Yeruzalemi.’”

12 Ebuna ndinga ya Yehowa kwisilaka Yeremia nde: 13 “Yehowa ya makesa, Nzambi ya Izraele, ke tuba nde, ‘Kwenda kusonga bantu ya Yuda mpi bantu ya Yeruzalemi nde: “Keti bo vandaka ve kulongisila beno mbala na mbala na kuzitisa bangogo na mono?”+ Yehowa muntu me tuba. 14 “Yehonadabi mwana ya Rekabi songaka bana na yandi na kunwa ve vinu, mpi bo ke zitisaka bangogo na yandi na mutindu bo ke nwaka ve vinu tii bubu yai, mpi na mutindu yina bo ke zitisaka nsiku ya nkaka na bo.+ Kansi, mono me tubilaka beno mbala na mbala,* ata mpidina beno me lemfukilaka mono ve.+ 15 Mpi mono landaka kutindila beno bansadi na mono yonso bambikudi, mono vandaka kutinda bo mbala na mbala*+ sambu na kutuba nde, ‘Pardo, beno vutuka, konso muntu kuyambula banzila na yandi ya mbi,+ mpi beno sala mambu ya mbote! Beno landa ve banzambi ya nkaka mpi beno sadila bo ve. Ebuna beno ta landa kuzinga na insi yina mono pesaka beno mpi ba-nkaka na beno.’+ Kansi beno tulaka ve dikutu mpi beno wilaka mono ve. 16 Bana ya Yehonadabi mwana ya Rekabi me zitisaka nsiku yina nkaka na bo pesaka bo,+ kansi bantu yai me wilaka mono ve.”’”

17 “Yo yina, Yehowa, Nzambi ya makesa, Nzambi ya Izraele, ke tuba nde: ‘Tala, mono ke natila Yuda mpi bantu yonso ya Yeruzalemi bampasi yonso yina mono kebisaka bo sambu na yo,+ sambu mono tubilaka bo, kansi bo vandaka kuwa ve, mpi mono landaka kubinga bo, kansi bo vandaka kundima ve.’”+

18 Ebuna Yeremia tubilaka bantu ya nzo ya dikanda ya Rekabi nde: “Yehowa ya makesa, Nzambi ya Izraele, ke tuba nde, ‘Sambu beno me zitisaka nsiku ya nkaka na beno Yehonadabi mpi beno ke landa kuzitisa bansiku na yandi yonso, na mutindu beno ke sala kibeni mambu yina yandi songaka beno, 19 Yehowa ya makesa, Nzambi ya Izraele, ke tuba nde: “Ntangu yonso yo ta vandaka ti mwana ya Yehonadabi* mwana ya Rekabi sambu na kusala na ntwala na mono.”’”

36 Na mvula ya iya ya Yehoyakimi+ mwana ya Yoziasi, ntotila ya Yuda, yai mambu yina katukaka na Yehowa mpi kwisilaka Yeremia: 2 “Baka rulo* mosi mpi sonika na zulu na yo mambu yonso yina mono tubilaka nge sambu na Izraele, Yuda,+ mpi makanda yonso,+ katuka na kilumbu ya ntete yina mono tubilaka nge na bilumbu ya Yoziasi tii bubu yai.+ 3 Mbala ya nkaka ntangu bantu ya nzo ya Yuda ta wa bampasi yonso yina mono ke kana kunatila bo, bo lenda yambula banzila na bo ya mbi, sambu mono lolula kifu na bo mpi disumu na bo.”+

4 Ebuna Yeremia bingaka Baruki+ mwana ya Neria, mpi Yeremia songaka yandi mambu yonso yina Yehowa tubilaka yandi, mpi Baruki sonikaka yo na rulo*+ yina. 5 Na nima, Yeremia songaka Baruki nde: “Bo me kanga mono mpi mono lenda kota ve na nzo ya Yehowa. 6 Yo yina, nge muntu fwete kota mpi kutanga na ndinga ya ngolo mambu ya Yehowa yina kele na rulo yina nge sonikaka mambu yina mono songaka nge. Tanga yo na makutu ya bantu na nzo ya Yehowa na kilumbu ya kubuya madia; mpidina nge ta tangila yo bantu yonso ya Yuda yina ke katuka na bambanza na bo mpi ke kwisa kukota. 7 Mbala ya nkaka mambu ya bo ke lomba sambu yandi wila bo mawa ta kumina Yehowa, mpi konso muntu na kati na bo ta yambula banzila na yandi ya mbi, sambu makasi mpi nganzi yina Yehowa me wila bantu yai kele mingi.”

8 Yo yina, Baruki mwana ya Neria salaka mambu yonso yina mbikudi Yeremia songaka yandi; yandi tangaka na ndinga ya ngolo mambu ya Yehowa yina vandaka na rulo* yina, na nzo ya Yehowa.+

9 Kansi na mvula ya tanu ya Yehoyakimi+ mwana ya Yoziasi, ntotila ya Yuda, na ngonda ya uvwa, bantu yonso yina vandaka na Yeruzalemi mpi bantu yonso yina katukaka na bambanza ya Yuda mpi kwisaka na Yeruzalemi, tubaka nde bo buya madia na ntwala ya Yehowa.+ 10 Ebuna Baruki tangaka na ndinga ya ngolo mambu ya Yehowa yina vandaka na rulo* yina na nzo ya Yehowa, na suku* ya Gemaria+ mwana ya Shafani,+ kalaki ya mikanda,* na kibansala ya zulu, na munoko ya kielo ya mpa ya nzo ya Yehowa,+ na makutu ya bantu yonso.

11 Ntangu Mikaya mwana ya Gemaria mwana ya Shafani waka mambu yonso ya Yehowa tubaka yina vandaka na rulo* yina, 12 yandi kwendaka na nzo ya ntotila, na suku ya sekretere. Bamfumu yonso* vandaka kuna: sekretere Elishama,+ Delaya mwana ya Shemaya, Elnatani+ mwana ya Akbore,+ Gemaria mwana ya Shafani, Sidikiya mwana ya Hanania, mpi bamfumu yonso ya nkaka. 13 Mikaya songaka bo mambu yonso yina yandi waka ntangu Baruki tangaka rulo* na makutu ya bantu.

14 Ebuna bamfumu yonso tindaka Yehudi mwana ya Netania mwana ya Shelemia mwana ya Kushi na Baruki; bo tubaka nde: “Kwisa mpi nata rulo yina nge tangaka na makutu ya bantu.” Baruki mwana ya Neria bakaka rulo yina na diboko na yandi mpi kwendaka kisika bo vandaka. 15 Bo tubilaka yandi nde: “Pardo, vanda mpi tangila beto yo na ndinga ya ngolo.” Ebuna Baruki tangilaka bo yo.

16 Ntangu bo waka mambu yina yonso, bo talanaka na boma ya ngolo, mpi bo tubilaka Baruki nde: “Beto fwete zabisa kibeni ntotila mambu yai yonso.” 17 Ebuna bo yulaka Baruki nde: “Pardo songa beto, nki mutindu nge sonikaka mambu yai yonso. Keti yandi vandaka kutuba ebuna nge ke sonika?” 18 Baruki vutudilaka bo nde: “Yandi tubilaka mono mambu yai yonso, ebuna mono sonikaka yo ti tinta na rulo* yai.” 19 Bamfumu tubilaka Baruki nde: “Kwenda mpi beno bumbana, nge ti Yeremia, mpi beno bika ve nde muntu kuzaba kisika beno kele.”+

20 Ebuna bo kwendaka kisika ntotila vandaka, na kibansala, mpi bo tululaka rulo yina na suku ya sekretere Elishama, mpi bo songaka ntotila mambu yonso ya bo waka.

21 Yo yina, ntotila tindaka Yehudi+ na kubaka rulo yina, ebuna yandi kwendaka kubaka yo na suku ya sekretere Elishama mpi nataka yo. Yehudi yantikaka kutanga yo na makutu ya ntotila mpi ya bamfumu yonso yina telamaka pene-pene ya ntotila. 22 Ntotila vandaka na nzo ya nsungi ya madidi, na ngonda ya uvwa,* mpi tiya vandaka kupela na mbabula na ntwala na yandi. 23 Ntangu Yehudi vandaka kumanisa kutanga bandonga tatu to iya, ntotila vandaka kuzenga kitini yina ti mbele ya sekretere mpi kulosa yo na tiya yina vandaka kupela na mbabula, tii kuna rulo ya mvimba manaka na tiya yina vandaka na mbabula. 24 Kansi bo waka ve boma ya ngolo; yo vanda ntotila to bansadi na yandi yonso yina waka mambu yai yonso, bo pasulaka ve bilele na bo. 25 Ata Elnatani,+ Delaya,+ mpi Gemaria+ bondilaka ntotila na kuyoka ve rulo yina, yandi wilaka bo ve. 26 Diaka, ntotila songaka Yerameele mwana ya ntotila, Seraya mwana ya Azriele, mpi Shelemia mwana ya Abdeele na kukanga sekretere Baruki mpi mbikudi Yeremia, kansi Yehowa bumbaka bo.+

27 Ebuna ndinga ya Yehowa kwisilaka diaka Yeremia ntangu ntotila manisaka kuyoka rulo yina vandaka ti mambu yina Yeremia tubaka+ yina Baruki sonikaka: 28 “Baka rulo ya nkaka mpi sonika na zulu na yo mambu yonso yina vandaka na rulo ya ntete, yina ntotila Yehoyakimi ya Yuda yokaka na tiya.+ 29 Mpi nge fwete tubila Yehoyakimi ntotila ya Yuda nde, ‘Yehowa ke tuba nde: “Nge me yoka rulo yai na tiya mpi nge me tuba nde, ‘Sambu na nki nge me sonika na zulu na yo nde: “Ntotila ya Babilone ta kwisa kibeni mpi ta fwa insi yai mpi ta bikisa yo mpamba, kukonda muntu mpi mbisi”?’+ 30 Yo yina, Yehowa ke tubila Yehoyakimi ntotila ya Yuda nde, ‘Yandi ta vanda ve ti muntu sambu na kuvanda na kiti ya kimfumu ya Davidi,+ mpi bo ta bikisa mvumbi na yandi na nsi ya ntangu na mwini mpi na nsi ya madidi na mpimpa.+ 31 Mono ta sambisa yandi, bana* na yandi, mpi bansadi na yandi sambu na kifu na bo, mpi mono ta natila bo, bantu ya Yeruzalemi, mpi bantu ya Yuda bampasi yonso yina mono tubaka sambu na bo,+ kansi bo waka ve.’”’”+

32 Ebuna Yeremia bakaka rulo ya nkaka mpi pesaka yo na Baruki mwana ya Neria, sekretere,+ mpi Yeremia vandaka kutuba ebuna yandi sonikaka na kati na yo mambu yonso yina vandaka na rulo* yina Yehoyakimi ntotila ya Yuda yokaka na tiya.+ Mpi bo yikaka mambu mingi ya nkaka ya mutindu mosi.

37 Ebuna ntotila Sidikiya+ mwana ya Yoziasi yantikaka kuyala na kisika ya Konia*+ mwana ya Yehoyakimi, sambu Nebukadenezare* ntotila ya Babilone tulaka yandi ntotila na ntoto ya Yuda.+ 2 Kansi yandi ti bansadi na yandi mpi bantu ya insi yina waka ve mambu yina Yehowa tubaka na nzila ya mbikudi Yeremia.

3 Ebuna ntotila Sidikiya tindaka Yehukale+ mwana ya Shelemia mpi Sefania+ mwana ya nganga-nzambi Maaseya na mbikudi Yeremia na kutuba nde: “Pardo samba Yehowa Nzambi na beto sambu na beto.” 4 Yeremia vandaka kutambula na kimpwanza na kati ya bantu, sambu bo kotisaka yandi ntete ve na boloko.+ 5 Ntangu yai basoda ya Farao katukaka na Ezipte,+ mpi bantu ya Kaldea yina ziungaka Yeruzalemi waka nsangu na bo. Yo yina, bo bikisaka Yeruzalemi.+ 6 Ebuna ndinga ya Yehowa kwisilaka mbikudi Yeremia nde: 7 “Yehowa Nzambi ya Izraele ke tuba nde, ‘Yai mambu yina beno fwete tubila ntotila ya Yuda, yina me tinda beno sambu na kuyula mono nde: “Tala! Basoda ya Farao yina ke kwisa sambu na kusadisa beno fwete vutuka na insi na bo, Ezipte.+ 8 Mpi bantu ya Kaldea ta kwisa kuvutuka, bo ta nwanisa mbanza yai, bo ta botula yo, mpi bo ta yoka yo tiya.”+ 9 Yehowa ke tuba nde, “Beno kudikusa ve* nde, ‘Bantu ya Kaldea ta yambula kibeni kunwanisa beto,’ sambu bo ta kwenda ve. 10 Ata kana beno fwa basoda yonso ya bantu ya Kaldea yina ke nwanisa beno mpi kaka bantu na bo ya me lwala kubikala, bantu yina ta telama kibeni na batenta na bo mpi ta yoka mbanza yai tiya.”’”+

11 Ntangu basoda ya bantu ya Kaldea bikisaka Yeruzalemi sambu na basoda ya Farao,+ 12 Yeremia katukaka na Yeruzalemi mpi kwendaka na ntoto ya Benyamini+ sambu na kubaka dikabu na yandi kuna na kati ya bantu na yandi. 13 Kansi ntangu yandi kumaka na Kielo ya Benyamini, kapita yina vandaka kukengila, zina na yandi Yiriya mwana ya Shelemia mwana ya Hanania, kangaka mbikudi Yeremia mpi tubaka nde: “Nge ke tina sambu na kukwenda na bantu ya Kaldea!” 14 Kansi Yeremia tubaka nde: “Yo kele ve kieleka! Mono ke tina ve sambu na kukwenda na bantu ya Kaldea.” Ata mpidina, yandi wilaka ve Yeremia. Yo yina Yiriya kangaka Yeremia mpi nataka yandi na bamfumu. 15 Bamfumu wilaka Yeremia+ makasi ya ngolo, mpi bo bulaka yandi, ebuna bo tulaka yandi na boloko*+ na nzo ya sekretere Yehonatani, nzo yina bo kumisaka boloko. 16 Bo tulaka Yeremia na boloko mosi ya mudidi ya nsi ya ntoto,* na basuku yina ludi na yo vandaka ya kufumbama, mpi yandi bikalaka kuna bilumbu mingi.

17 Ebuna ntotila Sidikiya tindaka bantu na kubinga Yeremia, mpi ntotila yulaka yandi bangiufula na kinsweki na nzo na yandi.*+ Yandi yulaka nde, “Keti kele ti ndinga ya me katuka na Yehowa?” Yeremia tubaka nde, “Ee!” mpi yandi yikaka nde, “Bo ta pesa nge na maboko ya ntotila ya Babilone!”+

18 Yeremia tubilaka mpi ntotila Sidikiya nde: “Inki disumu mono me sala na ntwala na nge, na ntwala ya bansadi na nge, mpi na ntwala ya bantu yai, sambu beno tula mono na boloko? 19 Ntangu yai, wapi bambikudi na beno yina vandaka kubikudila beno nde, ‘Ntotila ya Babilone ta kwisa ve kunwanisa beno mpi insi yai’?+ 20 Ntangu yai, pardo wa, O mfumu na mono ntotila. Pardo, ndima mambu ya mono ke lomba sambu nge wila mono mawa. Kuvutula mono diaka ve na nzo ya sekretere Yehonatani,+ kana ve mono ta fwa kuna.”+ 21 Yo yina, ntotila Sidikiya songaka bantu na kutula Yeremia na boloko na Kibansala ya Bankengidi,+ mpi konso kilumbu bo vandaka kupesa yandi dimpa mosi ya bala-bala ya bantu yina ke salaka mampa+ tii kuna mampa yonso manaka na mbanza.+ Mpi Yeremia bikalaka na Kibansala ya Bankengidi.

38 Shefatia mwana ya Matani, Gedalia mwana ya Pashure, Yukale+ mwana ya Shelemia, mpi Pashure+ mwana ya Malkiya waka mambu yina Yeremia vandaka kutubila bantu yonso nde: 2 “Yehowa ke tuba nde, ‘Muntu yina ta bikala na mbanza yai ta fwa na mbele ya bitumba, na nzala, mpi na kipupa.*+ Kansi muntu yina ta kudipesa* na bantu ya Kaldea ta landa kuzinga mpi yandi ta baka luzingu* na yandi bonso kima ya yandi me botula na bitumba* mpi yandi ta bikala na luzingu.’+ 3 Yehowa ke tuba nde, ‘Bo ta pesa kibeni mbanza yai na maboko ya basoda ya ntotila ya Babilone, mpi yandi ta botula yo.’”+

4 Bamfumu tubilaka ntotila nde: “Pardo, pesa nswa bo fwa muntu yai,+ sambu yandi ke lembisa mabanza* ya basoda yina me bikala na mbanza yai, mpi maboko ya bantu yonso, na mutindu yandi ke tubila bo mambu yai. Sambu muntu yai ke sosa ve ngemba ya bantu yai, kansi mpasi na bo.” 5 Ntotila Sidikiya vutulaka nde: “Tala! Yandi kele na maboko na beno, sambu ntotila lenda sala kima ve sambu na kukanga beno.”

6 Yo yina, bo bakaka Yeremia mpi bo losaka yandi na dibulu ya masa ya Malkiya mwana ya ntotila, yina vandaka na Kibansala ya Bankengidi.+ Bo kulumusaka yandi na bansinga. Kansi masa vandaka ve na dibulu yina, kaka poto-poto, ebuna Yeremia yantikaka kudinda na poto-poto yina.

7 Ebedi-meleki,+ muntu ya Etiopia, tongu* na nzo ya ntotila, waka nde bo me tula Yeremia na dibulu ya masa. Na ntangu yina ntotila vandaka me vanda na Kielo ya Benyamini,+ 8 yo yina Ebedi-meleki basikaka na nzo ya ntotila mpi songaka ntotila nde: 9 “O mfumu na mono ntotila, mambu yina bantu yai me sala mbikudi Yeremia kele mbi! Bo me losa yandi na dibulu ya masa, mpi yandi ta fwa kuna na nzala, sambu mampa kele diaka ve na mbanza.”+

10 Ebuna ntotila songaka Ebedi-meleki, muntu ya Etiopia, nde: “Baka bantu 30 awa, mpi basisa mbikudi Yeremia na dibulu yina na ntwala nde yandi fwa.” 11 Yo yina Ebedi-meleki bakaka bantu mpi kotaka na nzo ya ntotila na kisika mosi ya kele na nsi ya kisika ya bo ke bumbaka bima ya ntalu,+ ebuna bo bakaka bilele ya kunzuluka ti bilele ya kufwa-fwa kuna mpi bo kulumusaka yo na nsinga na dibulu ya masa kisika Yeremia vandaka. 12 Na nima Ebedi-meleki, muntu ya Etiopia, tubilaka Yeremia nde: “Pardo tula bilele ya kunzuluka mpi ya kufwa-fwa na kati ya mapeka na nge mpi bansinga.” Yeremia salaka mutindu yina, 13 ebuna bo bendaka yandi na bansinga yina mpi bo basisaka yandi na dibulu yina. Mpi Yeremia bikalaka na Kibansala ya Bankengidi.+

14 Ntotila Sidikiya tindaka bantu na kusonga mbikudi Yeremia na kukwisa kisika yandi vandaka na kisika ya kukotila ya tatu, yina kele na nzo ya Yehowa, ebuna ntotila tubilaka Yeremia nde: “Mono kele ti kima mosi ya kuyula nge. Kubumbila mono ve ata kima mosi.” 15 Ebuna Yeremia tubilaka Sidikiya nde: “Kana mono songa nge, nge ta fwa mono kibeni. Mpi kana mono longisila nge, nge ta wila mono ve.” 16 Yo yina ntotila Sidikiya zengaka kieleka na kinsweki na Yeremia nde: “Ya kieleka, mutindu Yehowa kele na luzingu, yandi muntu yina me pesaka beto luzingu yai,* mono ta fwa nge ve, mpi mono ta pesa nge ve na maboko ya bantu yina ke sosa kufwa nge.”*

17 Ebuna Yeremia tubilaka Sidikiya nde: “Yehowa, Nzambi ya makesa, Nzambi ya Izraele, ke tuba nde, ‘Kana nge kudipesa* na bamfumu ya ntotila ya Babilone, bo ta tanina luzingu na nge,* mpi bo ta yoka ve mbanza yai tiya, mpi nge ti bantu ya nzo na nge, bo ta fwa beno ve.+ 18 Kansi kana nge kudipesa ve* na bamfumu ya ntotila ya Babilone, bo ta pesa mbanza yai na maboko ya bantu ya Kaldea, bo ta yoka yo tiya,+ mpi nge ta tina ve na maboko na bo.’”+

Bo me dindisa dikulu na nge na poto-poto.

Ntangu yai bo me baluka mpi me tina.’

23 Bo ke nata bankento na nge yonso ti bana na nge na bantu ya Kaldea, ebuna nge ta tina ve na maboko na bo, kansi ntotila ya Babilone+ ta kanga nge, mpi bo ta yoka mbanza yai tiya+ sambu na nge.”

24 Ebuna Sidikiya tubilaka Yeremia nde: “Muntu mosi ve kuzaba mambu yai, sambu nge fwa ve. 25 Mpi kana bamfumu kuwa nde mono me solula ti nge mpi kana bo kwisa kutubila nge nde, ‘Pardo, songa beto mambu yina nge tubilaka ntotila. Kubumbila beto ve ata kima mosi, mpi beto ta fwa nge ve.+ Ntotila tubilaka nge inki?’ 26 nge fwete vutudila bo nde, ‘Mono vandaka kulomba ntotila kima mosi, nde yandi vutula mono ve na nzo ya Yehonatani kana ve mono ta fwa kuna.’”+

27 Na nima, bamfumu yonso kwisaka kisika Yeremia vandaka mpi bo yulaka yandi bangiufula. Yandi songaka bo mambu yonso yina ntotila songaka yandi na kutuba. Yo yina bo tubilaka yandi diaka kima ve, sambu muntu mosi ve waka disolo yina. 28 Tii na kilumbu yina bo botulaka Yeruzalemi, Yeremia bikalaka na Kibansala ya Bankengidi;+ yandi vandaka kaka kuna ntangu bo botulaka Yeruzalemi.+

39 Na mvula ya uvwa ya Sidikiya ntotila ya Yuda, na ngonda ya kumi, Nebukadenezare* ntotila ya Babilone ti basoda na yandi yonso kwisaka na Yeruzalemi, mpi bo ziungaka yo.+

2 Na mvula ya 11 ya Sidikiya, na ngonda ya iya, na kilumbu ya uvwa ya ngonda, bo tobulaka kibaka ya mbanza.+ 3 Ebuna bamfumu yonso ya ntotila ya Babilone kotaka mpi vandaka na Kielo ya Kati-Kati,+ disongidila, Nergale-sharesere yina vandaka Samgare, Nebo-sarsekimi yina vandaka Rabsarisi,* Nergale-sharesere yina vandaka Rabmagi,* mpi bamfumu yonso ya nkaka ya ntotila ya Babilone.

4 Ntangu Sidikiya ntotila ya Yuda mpi basoda yonso monaka bo, bo tinaka,+ bo basikaka na mbanza na mpimpa na nzila ya masamba ya ntotila, na kielo yina vandaka na kati-kati ya bibaka zole, ebuna bo landaka kukwenda na nzila ya Araba.+ 5 Kansi basoda ya bantu ya Kaldea landaka bo, mpi bo kangaka Sidikiya na ntoto ya zelo na zelo ya Yeriko.+ Bo kangaka yandi mpi bo nataka yandi na Nebukadenezare* ntotila ya Babilone na Ribla+ na insi ya Amati,+ kisika yandi zengilaka yandi nkanu. 6 Ntotila ya Babilone songaka bantu na kufwa bana ya Sidikiya ya babakala na meso na yandi na Ribla, mpi yandi songaka bantu na kufwa+ bantu yonso ya lukumu ya Yuda. 7 Ebuna yandi tobulaka Sidikiya meso, na nima yandi kangisaka yandi miniololo ya kwivre sambu na kunata yandi na Babilone.+

8 Na nima bantu ya Kaldea yokaka nzo ya ntotila ti banzo ya bantu,+ mpi bo bwisaka bibaka ya Yeruzalemi.+ 9 Nebuzaradani+ mfumu ya bantu yina ke taninaka ntotila nataka na Babilone bantu ya nkaka yina bikalaka na mbanza, ti bantu yina tinaka mpi kwendaka kuvukana ti yandi, mpi konso muntu yina bikalaka.

10 Kansi Nebuzaradani mfumu ya bantu yina ke taninaka ntotila bikisaka bantu ya nkaka yina vandaka bansukami ya ngolo na insi ya Yuda, bantu yina vandaka ve ata ti kima. Na kilumbu yina, yandi pesaka bo mpi bilanga ya vinu ti bilanga ya nkaka ya kusala.*+

11 Ntangu yai, Nebukadenezare* ntotila ya Babilone pesaka Nebuzaradani mfumu ya bantu yina ke taninaka ntotila bantuma yai sambu na Yeremia: 12 “Baka yandi mpi keba yandi; kusala yandi mbi ve, mpi pesa yandi konso kima yina yandi ke lomba nge.”+

13 Yo yina Nebuzaradani mfumu ya bantu yina ke taninaka ntotila, Nebushazbani yina vandaka mfumu ya bakapita ya nzo ya ntotila,* Nergale-sharesere yina vandaka Rabmagi,* mpi bantu yonso ya mfunu ya ntotila ya Babilone tindaka bantu 14 mpi bo basisaka Yeremia na Kibansala ya Bankengidi,+ ebuna bo pesaka yandi na Gedalia+ mwana ya Ahikami+ mwana ya Shafani+ sambu yandi nata yandi na nzo na yandi. Yo yina Yeremia zingaka na kati ya bantu.

15 Ntangu Yeremia vandaka na boloko na Kibansala ya Bankengidi,+ ndinga ya Yehowa kwisilaka yandi nde: 16 “Kwenda kusonga Ebedi-meleki,+ muntu ya Etiopia, nde, ‘Yehowa ya makesa, Nzambi ya Izraele, ke tuba nde: “Mono ke lungisa mambu yina mono tubaka sambu na mbanza yai, sambu na mpasi kansi ve sambu na mambote, mpi na kilumbu yina nge ta mona mutindu yo ta salama.”’

17 “‘Kansi mono ta gulusa nge na kilumbu yina,’ Yehowa muntu me tuba, ‘mpi bo ta pesa nge ve na maboko ya bantu yina nge ke wa boma.’

18 “‘Sambu mono ta gulusa nge kibeni, mpi nge ta fwa ve na mbele ya bitumba. Nge ta baka luzingu* na nge bonso kima ya nge me botula na bitumba,*+ sambu nge tudilaka mono ntima,’+ Yehowa muntu me tuba.”

40 Ndinga yina katukaka na Yehowa mpi kwisilaka Yeremia na nima ya ntangu yina Nebuzaradani+ mfumu ya bantu yina ke taninaka ntotila bikaka yandi na kukwenda katuka na Rama.+ Yandi bakaka Yeremia pana ya kukanga na minioti; Yeremia vandaka na kati ya bantu yonso ya Yeruzalemi mpi ya Yuda yina bo vandaka kunata na Babilone. 2 Na nima, mfumu ya bantu yina ke taninaka ntotila bakaka Yeremia mpi tubilaka yandi nde: “Yehowa Nzambi na nge tubilaka na ntwala mpasi yai ya me bwila kisika yai, 3 mpi Yehowa me sala yo kaka mutindu yandi tubaka, sambu beno salaka disumu na ntwala ya Yehowa mpi beno lemfukaka ve na ndinga na yandi. Yo yina mambu yai me bwila beno.+ 4 Bubu yai mono ke katula minioti yina vandaka na maboko na nge. Kana nge me mona nde yo kele mbote na kukwenda ti mono na Babilone, kwisa, mpi mono ta keba nge. Kansi kana nge ke zola ve kukwenda ti mono na Babilone, kukwisa ve. Tala! Insi ya mvimba kele na ntwala na nge. Kwenda konso kisika yina nge me zola.”+

5 Ntangu Yeremia vandaka me baluka ntete ve, Nebuzaradani tubaka nde: “Vutuka na Gedalia+ mwana ya Ahikami+ mwana ya Shafani,+ yina ntotila ya Babilone pesaka kisalu ya kutala bambanza ya Yuda, mpi zinga ti yandi na kati ya bantu; to kwenda konso kisika yina nge me zola.”

Mfumu ya bantu yina ke taninaka ntotila pesaka yandi ndambu ya madia mpi dikabu, ebuna yandi songaka Yeremia na kukwenda. 6 Yo yina Yeremia kwendaka na Mispa+ kisika Gedalia mwana ya Ahikami vandaka mpi zingaka ti yandi na kati ya bantu yina bikalaka na insi.

7 Na nima bamfumu yonso ya basoda yina vandaka na nseke ti bantu na bo waka nde ntotila ya Babilone me pesa Gedalia mwana ya Ahikami kisalu ya kutala insi mpi nde yandi me pesa yandi kisalu ya kutala babakala, bankento, mpi bana na kati ya bansukami ya insi yina bo nataka ve na kimpika na Babilone.+ 8 Yo yina bo kwisaka na Mispa+ kisika Gedalia vandaka. Bantu yango bo yai: Ismaele+ mwana ya Netania, Yohanani+ ti Yonatani bana ya Karea, Seraya mwana ya Tanumeti, bana ya Efai muntu ya Netofa, mpi Yezania+ mwana ya muntu ya Maakati, ti bantu na bo. 9 Gedalia mwana ya Ahikami mwana ya Shafani diaka ndefi na ntwala na bo ti ya bantu na bo mpi tubaka nde: “Beno wa boma ve na kusadila bantu ya Kaldea. Beno zinga na insi yai mpi beno sadila ntotila ya Babilone, ebuna mambu ta kwendila mbote sambu na beno.+ 10 Kansi mono, mono ta bikala na Mispa sambu na kuvanda mumonisi na beno na* bantu ya Kaldea yina ke kwisa na beto. Kansi beno fwete vukisa vinu, bambuma ya nsungi ya mvula, mpi mafuta, ebuna beno fwete tula yo na mabungu ya kubumbila bima mpi beno zinga na bambanza yina beno me baka.”+

11 Ebuna Bayuda yonso yina vandaka na Moabi, na Amoni mpi na Edomi, ti bayina vandaka na bansi yonso ya nkaka, waka mpi nde ntotila ya Babilone me bika bantu ya nkaka sambu bo zinga na Yuda mpi nde yandi me pesa Gedalia mwana ya Ahikami mwana ya Shafani kisalu ya kutala bo. 12 Yo yina Bayuda yonso yantikaka kuvutuka katuka na bisika yonso yina bo panzanaka, ebuna bo kotaka na ntoto ya Yuda, na Mispa kisika Gedalia vandaka. Mpi bo vukisaka vinu mpi bambuma mingi kibeni ya nsungi ya mvula.

13 Yohanani mwana ya Karea mpi bamfumu yonso ya basoda yina vandaka na nseke kwisaka na Mispa kisika Gedalia vandaka. 14 Bo tubilaka yandi nde: “Keti nge me zaba ve nde Baalisi, ntotila ya bantu ya Amoni,+ me tinda Ismaele mwana ya Netania sambu na kufwa nge?”*+ Kansi Gedalia mwana ya Ahikami ndimaka bo ve.

15 Ebuna Yohanani mwana ya Karea tubilaka Gedalia na kinsweki na Mispa nde: “Mono ke zola kukwenda kufwa Ismaele mwana ya Netania, mpi muntu mosi ve ta zaba. Sambu na nki yandi fwete fwa nge,* mpi sambu na nki bantu yonso ya Yuda yina me vukana kisika nge kele fwete panzana mpi bantu ya Yuda yina me bikala fwete fwa?” 16 Kansi Gedalia+ mwana ya Ahikami tubilaka Yohanani mwana ya Karea nde: “Kusala mutindu yina ve, sambu mambu yina nge ke tuba sambu na Ismaele kele luvunu.”

41 Na ngonda ya nsambwadi, Ismaele+ mwana ya Netania mwana ya Elishama, yina vandaka na dibuta ya kimfumu* mpi na kati ya bantu ya mfunu ya ntotila, kwisaka ti bantu kumi ya nkaka na Mispa+ kisika Gedalia mwana ya Ahikami vandaka. Ntangu bo vandaka kudia kumosi na Mispa, 2 Ismaele mwana ya Netania mpi bantu kumi yina vandaka ti yandi telamaka mpi fwaka Gedalia mwana ya Ahikami mwana ya Shafani na mbele ya bitumba. Yandi fwaka muntu yina ntotila ya Babilone pesaka kisalu ya kutala insi. 3 Ismaele fwaka mpi Bayuda yonso yina vandaka ti Gedalia na Mispa; yandi fwaka mpi basoda ya Kaldea yina vandaka pana.

4 Na kilumbu ya zole na nima ya lufwa ya Gedalia, na ntwala nde ata muntu mosi kuzaba yo, 5 bantu 80 yina katukaka na Shekemi,+ na Shilo,+ mpi na Samaria+ kwisaka. Mandefo na bo vandaka ya kuzenga, bilele na bo vandaka ya kupasuka-pasuka, bo me kudizenga-zenga,+ mpi bo vandaka ti makabu ya mbuma mpi ndumbu ya mpembe+ na maboko na bo sambu na kunata yo na nzo ya Yehowa. 6 Ebuna Ismaele mwana ya Netania basikaka na Mispa sambu na kukwenda kukutana ti bo, yandi vandaka kudila ntangu yandi ke tambula. Ntangu yandi kutanaka ti bo, yandi tubilaka bo nde: “Beno kwisa na Gedalia mwana ya Ahikami.” 7 Kansi ntangu bo kotaka na mbanza, Ismaele mwana ya Netania ti bantu na yandi fwaka bo mpi losaka bo na dibulu ya masa.

8 Kansi na kati ya bantu yina, bantu kumi tubilaka Ismaele nde: “Kufwa beto ve, sambu beto me bumba ble, orze, mafuta, mpi bwiki na nseke.” Yo yina yandi fwaka bo ve kumosi ti bampangi na bo. 9 Ebuna Ismaele losaka bamvumbi yonso ya bantu yina yandi fwaka na dibulu mosi ya nene ya masa, dibulu yina ntotila Aza salaka ntangu Basha ntotila ya Izraele+ vandaka kupesa yandi boma. Yo kele dibulu yina Ismaele mwana ya Netania fulusaka ti bantu yina yandi fwaka.

10 Ismaele kangaka bantu yonso yina bikalaka na Mispa,+ ti bana ya ntotila ya bankento mpi bantu yonso yina bikalaka na Mispa, bayina Nebuzaradani mfumu ya bantu yina ke kengilaka ntotila pesaka na maboko ya Gedalia+ mwana ya Ahikami. Ismaele mwana ya Netania kangaka bo mpi sabukaka sambu na kukwenda na ndambu ya bantu ya Amoni.+

11 Ntangu Yohanani+ mwana ya Karea mpi bamfumu yonso ya basoda yina vandaka ti yandi waka mambu yonso ya mbi yina Ismaele mwana ya Netania salaka, 12 bo bakaka bantu yonso mpi bo kwendaka kunwana ti Ismaele mwana ya Netania, mpi bo monaka yandi pene-pene ya bamasa ya nene* ya Gibeoni.

13 Bantu yonso yina vandaka ti Ismaele waka kiese ntangu bo monaka Yohanani mwana ya Karea mpi bamfumu yonso ya basoda ti yandi. 14 Ebuna bantu yonso yina Ismaele kangaka katuka na Mispa+ balukaka mpi vutukaka ti Yohanani mwana ya Karea. 15 Kansi Ismaele mwana ya Netania mpi bantu na yandi nana tinaka Yohanani mpi kwendaka na bantu ya Amoni.

16 Yohanani mwana ya Karea mpi bamfumu yonso ya basoda yina vandaka ti yandi bakaka bantu yina bikalaka na Mispa, bayina bo gulusaka na maboko ya Ismaele mwana ya Netania na nima ya ntangu yina yandi fwaka Gedalia+ mwana ya Ahikami. Bo vutulaka babakala, basoda, bankento, bana, mpi bakapita ya nzo ya ntotila katuka na Gibeoni. 17 Ebuna bo kwendaka mpi zingaka na kisika ya kulala yina vandaka na Kimami pene-pene ya Betelemi,+ ti lukanu ya kukwenda na Ezipte+ 18 sambu na bantu ya Kaldea. Bo kumaka kuwa bo boma, sambu Ismaele mwana ya Netania fwaka Gedalia mwana ya Ahikami, yina ntotila ya Babilone pesaka kisalu ya kutala insi.+

42 Ebuna bamfumu yonso ya basoda, mpi Yohanani+ mwana ya Karea, Yezania mwana ya Oshaya, mpi bantu yonso, yantika na muntu ya kukonda mfunu tii na muntu ya mfunu mingi, bo pusanaka 2 mpi bo tubilaka mbikudi Yeremia nde: “Pardo, wa mambu ya beto ke lomba sambu nge wila beto mawa, mpi samba Yehowa Nzambi na nge sambu na beto, sambu na bantu yonso yai ya me bikala, sambu bantu vandaka mingi kansi bo me bikala fioti,+ mutindu nge ke mona. 3 Bika Yehowa Nzambi na nge kusonga beto nzila yina beto fwete tambula mpi mambu yina beto fwete sala.”

4 Mbikudi Yeremia vutudilaka bo nde: “Mono me wa beno, mpi mono ke samba Yehowa Nzambi na beno na kutadila mambu ya beno me lomba; mpi mono ta songa beno mambu yonso yina Yehowa ta tubila beno. Mono ta bumbila beno ve ata diambu mosi.”

5 Bo vutudilaka Yeremia nde: “Bika Yehowa kuvanda mbangi ya kieleka mpi ya kwikama sambu na beto kana beto sala ve mambu yonso yina Yehowa Nzambi na nge ta songa beto na nzila na nge. 6 Yo vanda ya mbote to ya mbi, beto ta lemfukila ndinga ya Yehowa Nzambi na beto, yina beto ke tinda nge na yandi, sambu mambu kukwendila mbote sambu na beto sambu beto ke lemfukilaka ndinga ya Yehowa Nzambi na beto.”

7 Ebuna bilumbu kumi na nima, ndinga ya Yehowa kwisilaka Yeremia. 8 Yo yina yandi bingaka Yohanani mwana ya Karea, bamfumu yonso ya basoda yina vandaka ti yandi, mpi bantu yonso, yantika na muntu ya kukonda mfunu tii na muntu ya mfunu mingi.+ 9 Yandi tubilaka bo nde: “Yai mambu yina Yehowa Nzambi ya Izraele ke tuba, yina beno tindaka mono na yandi sambu mono monisa na ntwala na yandi mambu ya beno ke lomba sambu yandi wila beno mawa: 10 ‘Kana beno bikala kibeni na insi yai, mono ta tunga beno kansi mono ta bwisa beno ve, mpi mono ta kuna beno kansi mono ta tumuna beno ve, sambu mono ta wa mawa sambu na mpasi yina mono me natila beno.+ 11 Beno wa ve ntotila ya Babilone boma, yina beno ke wa boma.’+

“‘Beno wa yandi boma ve,’ Yehowa muntu me tuba, ‘sambu mono kele ti beno, sambu na kugulusa beno mpi sambu na kukatula beno na maboko na yandi. 12 Mono ta wila beno mawa,+ ebuna yandi ta wila beno mawa mpi ta vutula beno na insi na beno.

13 “‘Kansi kana beno tuba nde, “Ve, beto ta bikala ve na insi yai!” mpi beno zitisa ve ndinga ya Yehowa Nzambi na beno 14 mpi beno tuba nde, “Ve, kansi beto ta kwenda na insi ya Ezipte,+ kisika beto ta mona ve bitumba, ta wa ve makelele ya kibongo, mpi ta wa ve nzala ya dimpa; beto ta zinga kuna,” 15 beno wa ndinga ya Yehowa, O bantu ya Yuda yina me bikala. Yehowa ya makesa, Nzambi ya Izraele, ke tuba nde: “Kana beno kele ti lukanu ya ngolo ya kukwenda na Ezipte mpi beno kwenda kuzinga kuna,* 16 mbele ya bitumba yina beno ke wa boma ta kanga beno kuna na insi ya Ezipte, mpi nzala yina beno ke wa boma ta landa beno na Ezipte, ebuna beno ta fwa kuna.+ 17 Mpi bantu yonso yina kele ti lukanu ya ngolo ya kukwenda na Ezipte sambu na kuzinga kuna, ta fwa na mbele ya bitumba, na nzala, mpi na kipupa.* Muntu mosi ve na kati na bo ta guluka to ta tina mpasi yina mono ta natila bo.”’

18 “Sambu Yehowa ya makesa, Nzambi ya Izraele, ke tuba nde: ‘Kaka mutindu mono monisaka makasi na mono mpi nganzi na mono na bantu ya Yeruzalemi,+ mutindu mosi mpi mono ta monisila beno makasi na mono kana beno kwenda na Ezipte, mpi beno ta kuma kima ya kusinga, kima ya ke pesa boma, mpi kima ya nsoni,+ ebuna beno ta mona diaka ve kisika yai ata fioti.’

19 “O bantu ya Yuda yina me bikala, Yehowa me tubila beno. Beno kwenda ve na Ezipte. Beno fwete zaba kibeni nde mono me kebisa beno bubu yai 20 nde kifu na beno ta fwisa beno.* Sambu beno tindaka mono na Yehowa Nzambi na beno nde, ‘Samba Yehowa Nzambi na beto sambu na beto, mpi songa beto mambu yonso yina Yehowa Nzambi na beto ke tuba, ebuna beto ta sala yo.’+ 21 Mpi mono me songa beno bubu yai, kansi beno ta lemfukila ve ndinga ya Yehowa Nzambi na beno mpi beno ta sala ve mambu yonso yina yandi me tinda mono na kusonga beno.+ 22 Yo yina, beno zaba kibeni nde beno ta fwa na mbele ya bitumba, na nzala, mpi na kipupa na kisika yina beno ke zola kukwenda kuzinga.”+

43 Ntangu Yeremia manisaka kutubila bantu yonso mambu yonso yina Yehowa Nzambi na bo tubaka, konso diambu yina Yehowa Nzambi na bo tindaka yandi na kusonga bo, 2 Azaria mwana ya Oshaya, Yohanani+ mwana ya Karea, mpi bantu yonso ya lulendo tubilaka Yeremia nde: “Nge ke tuba mambu ya luvunu! Yehowa Nzambi na beto me tinda nge ve na kutuba nde, ‘Beno kwenda ve na Ezipte sambu na kuzinga kuna.’ 3 Kansi Baruki+ mwana ya Neria ke pusa nge na kunwanisa beto sambu na kupesa beto na maboko ya bantu ya Kaldea, sambu bo fwa beto to bo nata beto na Babilone.”+

4 Yo yina Yohanani mwana ya Karea, bamfumu yonso ya basoda, mpi bantu yonso lemfukaka ve na ndinga ya Yehowa ya kubikala na insi ya Yuda. 5 Kansi, Yohanani mwana ya Karea mpi bamfumu yonso ya basoda nataka kumosi ti bo, bantu yonso ya Yuda yina bikalaka, bayina katukaka na bansi yonso yina bo panzanaka+ sambu na kukwisa kuzinga na insi ya Yuda. 6 Bo bakaka babakala, bankento, bana, bana ya ntotila ya bankento, mpi bantu* yonso yina Nebuzaradani+ mfumu ya bantu yina ke taninaka ntotila bikisaka na maboko ya Gedalia+ mwana ya Ahikami+ mwana ya Shafani;+ bo bakaka mpi mbikudi Yeremia ti Baruki mwana ya Neria. 7 Ebuna bo kwendaka na insi ya Ezipte, sambu bo lemfukilaka ve ndinga ya Yehowa, mpi bo kwendaka tii na Tapanesi.+

8 Ebuna ndinga ya Yehowa kwisilaka Yeremia na Tapanesi nde: 9 “Baka matadi ya nene na diboko na nge, mpi bumba yo na poto-poto, na pavema ya babriki yina kele na munoko ya nzo ya Farao na Tapanesi, ntangu Bayuda ke tala. 10 Na nima tubila bo nde, ‘Yehowa ya makesa, Nzambi ya Izraele, ke tuba nde: “Tala, mono ke tinda bantu na kubinga Nebukadenezare* ntotila ya Babilone, nsadi na mono,+ mpi mono ta tula kiti na yandi ya kimfumu na zulu ya matadi yai ya mono me bumba, mpi yandi ta yalumuna tenta na yandi ya kimfumu na zulu na yo.+ 11 Ebuna yandi ta kwisa mpi ta bedisa insi ya Ezipte.+ Muntu yina kele sambu na maladi ya ke fwaka, na maladi ya ke fwaka, muntu yina kele sambu na kimpika, na kimpika, mpi muntu yina kele sambu na mbele ya bitumba, na mbele ya bitumba.+ 12 Mpi mono ta tula banzo* ya banzambi ya Ezipte tiya,+ mpi yandi ta yoka yo mpi ta nata yo na kimpika. Yandi ta kudiziunga insi ya Ezipte mutindu ngungudi ke kudiziungaka lele na yandi, mpi yandi ta katuka kuna na ngemba.* 13 Yandi ta zenga makunzi* ya Bete-shemeshi* bitini-bitini na insi ya Ezipte, mpi yandi ta yoka banzo* ya banzambi ya Ezipte tiya.”’”

44 Ndinga yina kwisilaka Yeremia sambu na Bayuda yonso yina vandaka kuzinga na insi ya Ezipte,+ bayina vandaka kuzinga na Migdole,+ na Tapanesi,+ na Nofi,*+ mpi na insi ya Patrosi,+ nde: 2 “Yehowa ya makesa, Nzambi ya Izraele, ke tuba nde, ‘Beno me mona bampasi yonso yina mono natilaka Yeruzalemi+ mpi bambanza yonso ya Yuda, mpi bubu yai yo kele mayumbu, kukonda bantu ke zinga kuna.+ 3 Yo kele sambu na mambu ya mbi yina bo salaka sambu na kupesa mono makasi na mutindu bo kwendaka, bo pesaka bimenga,+ mpi bo sadilaka banzambi ya nkaka yina bo zabaka ve, yo vanda beno to ba-nkaka na beno.+ 4 Mono landaka kutindila beno bansadi na mono yonso bambikudi, mono vandaka kutinda bo mbala na mbala,* mpi kutuba nde: “Pardo, beno sala ve diambu yai ya nzanzi ya mono ke mengaka.”+ 5 Kansi bo waka ve mpi bo tulaka ve makutu sambu na kuyambula mambu na bo ya mbi na kupesaka ve bimenga na banzambi ya nkaka.+ 6 Yo yina mono monisaka nganzi na mono mpi makasi na mono na bambanza ya Yuda mpi na babala-bala ya Yeruzalemi, ebuna yo kumaka mayumbu mpi ntoto ya mpamba, mutindu yo kele bubu yai.’+

7 “Ntangu yai, Yehowa, Nzambi ya makesa, Nzambi ya Izraele, ke tuba nde, ‘Sambu na nki beno ke kudinatila* mpasi ya ngolo, na mpila nde konso bakala mpi nkento, mwana mpi mwana-fioti, ta fwa na Yuda, ebuna muntu mosi ve ta bikala na kati na beno? 8 Sambu na nki beno fwete pesa mono makasi na bisalu ya maboko na beno na mutindu beno ke pesa makabu na banzambi ya nkaka na insi ya Ezipte kisika beno me kwenda kuzinga? Beno ta fwa mpi beno ta kuma kima ya bo me singa mpi ya nsoni na kati ya makanda yonso ya ntoto.+ 9 Keti beno me vila mambu ya mbi ya ba-nkaka na beno, mambu ya mbi ya bantotila ya Yuda,+ mpi mambu ya mbi ya bankento na bo,+ mpi mambu na beno mosi ya mbi ti mambu ya mbi ya bankento na beno,+ yina beno salaka na insi ya Yuda mpi na babala-bala ya Yeruzalemi? 10 Tii bubu yai bo me kudikulumusaka ve,* bo me waka boma ve,+ bo me zitisaka mpi ve nsiku na mono mpi bantuma na mono yina mono tulaka na ntwala na beno mpi ya ba-nkaka na beno.’+

11 “Yo yina, Yehowa ya makesa, Nzambi ya Izraele, ke tuba nde, ‘Mono kele ti lukanu ya kunatila beno mpasi, ya kufwa Yuda ya mvimba. 12 Mono ta baka bantu ya Yuda yina me bikala, bayina vandaka ti lukanu ya kukwenda na insi ya Ezipte sambu na kuzinga kuna, mpi bo yonso ta fwa na insi ya Ezipte.+ Bo ta bwa na mbele ya bitumba mpi bo ta fwa na nzala; yantika na muntu ya kukonda mfunu tii na muntu ya mfunu mingi, bo ta fwa na mbele ya bitumba mpi na nzala. Mpi bo ta kuma kima ya kusinga, kima ya ke pesa boma, mpi kima ya nsoni.+ 13 Mono ta pesa bantu yina ke zinga na insi ya Ezipte ndola kaka mutindu mono pesaka Yeruzalemi ndola. Mono ta pesa bo ndola na mbele ya bitumba, na nzala, mpi na kipupa.*+ 14 Mpi bantu ya Yuda yina me bikala, bayina me kwenda kuzinga na insi ya Ezipte, ta tina ve mpi ta guluka ve sambu bo vutuka na insi ya Yuda. Bo ta vanda ti nzala ya ngolo ya* kuvutuka mpi kuzinga kuna, kansi bo ta vutuka ve, katula kaka ndambu ya bantu yina ta tina.’”

15 Babakala yonso yina zabaka nde bankento na bo vandaka kupesa bimenga na banzambi ya nkaka, bankento yonso yina telamaka pana, bayina salaka kimvuka mosi ya nene, ti bantu yonso yina vandaka kuzinga na insi ya Ezipte,+ na Patrosi,+ vutudilaka Yeremia nde: 16 “Beto ta wa ve mambu yina nge me tubila beto na zina ya Yehowa. 17 Kansi, beto ta lungisa kibeni mambu yonso yina munoko na beto me tuba, sambu na kupesa bimenga na Ntotila-Nkento ya Zulu* mpi kutiamuna makabu ya malafu sambu na yandi,+ kaka mutindu beto, ba-nkaka na beto, bantotila na beto, mpi bamfumu na beto salaka na bambanza ya Yuda mpi na babala-bala ya Yeruzalemi ntangu beto vandaka ti mampa mingi mpi beto vandaka bamvwama, ntangu beto vandaka kumona ve mpasi ata fioti. 18 Katuka ntangu yina beto yambulaka kupesa bimenga na Ntotila-Nkento ya Zulu* mpi kutiamuna makabu ya malafu sambu na yandi, beto me konda bima yonso mpi beto me fwa na mbele ya bitumba mpi na nzala.”

19 Bankento yikaka nde: “Mpi ntangu beto vandaka kupesa bimenga na Ntotila-Nkento ya Zulu* mpi kutiamuna makabu ya malafu sambu na yandi, keti beto vandaka kusala bagato yina vandaka bonso kiteki na yandi sambu na kupesa makabu mpi kutiamuna makabu ya malafu sambu na yandi kukonda nswa ya babakala na beto?”

20 Ebuna Yeremia tubilaka bantu yonso, babakala ti bankento na bo mpi bantu yonso yina vandaka kusolula ti yandi nde: 21 “Bimenga yina beno, ba-nkaka na beno, bantotila na beno, bamfumu na beno, mpi bantu ya insi yai pesaka na bambanza ya Yuda mpi na babala-bala ya Yeruzalemi+—Yehowa yibukaka yo mpi yo kwisilaka yandi na ntima! 22 Nsuka-nsuka, Yehowa lendaka diaka ve kukanga ntima na bisalu na beno ya mbi mpi na mambu ya nzanzi yina beno salaka, ebuna insi na beno kumaka kisika ya bo me bebisa, kima ya ke pesa boma mpi kima ya kusinga, kukonda muntu ya ke zinga kuna, mutindu yo kele bubu yai.+ 23 Yo kele sambu beno pesaka bimenga yai mpi sambu beno salaka masumu na ntwala ya Yehowa na mutindu beno lemfukaka ve na ndinga ya Yehowa mpi beno landaka ve nsiku na yandi, bantuma na yandi, mpi bangibusa na yandi, yo yina mpasi yai me kwisila beno, mutindu yo kele bubu yai.”+

24 Yeremia landaka kutubila bantu yonso mpi bankento yonso nde: “Beno wa mambu ya Yehowa ke tuba, beno yonso bantu ya Yuda yina kele na insi ya Ezipte. 25 Yehowa ya makesa, Nzambi ya Izraele, ke tuba nde, ‘Mambu yina beno ti bankento na beno me tuba na munoko na beno, beno me sala yo ti maboko na beno, sambu beno tubaka nde: “Beto ta lungisa kibeni balusilu na beto ya kupesa bimenga na Ntotila-Nkento ya Zulu* mpi ya kutiamuna makabu ya malafu sambu na yandi.”+ Beno bankento, beno ta lungisa kibeni balusilu na beno mpi beno ta sala nde balusilu na beno kulungana.’

26 “Yo yina, beno wa ndinga ya Yehowa, beno yonso bantu ya Yuda yina ke zinga na insi ya Ezipte: ‘“Mono ke zenga kieleka na zina na mono ya nene,” Yehowa muntu me tuba, “nde ata muntu mosi ve ya Yuda,+ yina ke zinga na insi ya mvimba ya Ezipte, ta binga diaka zina na mono sambu na kudia ndefi nde, ‘Ya kieleka mutindu Yehowa Mfumu ya Kuluta Nene kele na luzingu!’+ 27 Ntangu yai mono ke kengila bo sambu na kunatila bo mpasi kansi diambu ya mbote ve;+ bantu yonso ya Yuda yina kele na insi ya Ezipte ta fwa na mbele ya bitumba mpi na nzala, tii kuna bo ta vanda diaka ve na luzingu.+ 28 Bantu fioti mpamba ta tina mbele ya bitumba mpi ta katuka na insi ya Ezipte sambu na kuvutuka na insi ya Yuda.+ Ebuna bantu yonso ya Yuda ya me bikala yina kwisaka na insi ya Ezipte sambu na kuzinga kuna ta zaba bangogo ya nani me lungana, ya mono to ya bo!”’”

29 “‘Mpi yai kidimbu sambu na beno,’ Yehowa muntu me tuba, ‘nde mono ta pesa beno ndola na kisika yai, sambu beno zaba nde mambu ya mono tubaka sambu na kusila beno mpasi ta lungana kibeni. 30 Yehowa ke tuba nde: “Mono ke pesa Farao Ofra, ntotila ya Ezipte, na maboko ya bambeni na yandi mpi ya bantu yina ke sosa kufwa yandi,* kaka mutindu mono pesaka Sidikiya ntotila ya Yuda na maboko ya Nebukadenezare* ntotila ya Babilone, yina vandaka mbeni na yandi mpi yina vandaka kusosa kufwa yandi.”’”*+

45 Yai mambu yina mbikudi Yeremia tubilaka Baruki+ mwana ya Neria ntangu yandi sonikaka na mukanda mosi mambu yai ya Yeremia+ songaka yandi na mvula ya iya ya Yehoyakimi+ mwana ya Yoziasi, ntotila ya Yuda:

2 “Baruki, Yehowa Nzambi ya Izraele ke tubila nge nde, 3 ‘Nge me tuba nde: “Mawa na mono, sambu Yehowa me yika mawa na mpasi na mono! Kudila na mono me lembisa mono, mpi mono me mona ve kisika ya kupema.”’

4 “Nge fwete tubila yandi nde, ‘Yehowa ke tuba nde: “Tala! Mono ke bwisa bima yina mono tungaka, mpi mono ke tumuna bima yina mono kunaka—insi ya mvimba.+ 5 Kansi nge ke sosa* bima ya nene sambu na nge mosi. Bika kusosa bima ya mutindu yai.”’

“‘Sambu mono ke zola kunata mpasi na bantu* yonso,’+ Yehowa muntu me tuba, ‘mpi konso kisika yina nge ta kwenda, mono ta pesa nge luzingu* na nge bonso kima ya nge me botula na bitumba.’”*+

46 Yehowa tubilaka mbikudi Yeremia sambu na makanda+ nde: 2 Sambu na Ezipte,+ na yina me tala basoda ya Farao Neko+ ntotila ya Ezipte, yina vandaka pene-pene ya Nzadi ya Efrate mpi yina Nebukadenezare* ntotila ya Babilone bedisaka na Karkemishi na mvula ya iya ya Yehoyakimi+ mwana ya Yoziasi, ntotila ya Yuda:

 4 Beno bantu yina ke tambusaka bampunda, beno kangisa mikaba ya bampunda mpi beno mata.

Beno yilama mpi beno lwata bampu na beno.

Beno tula makonga na beno makasi mpi beno lwata binkutu na beno ya bibende.

 5 ‘Sambu na nki mono ke mona bo, bo ke tekita na boma?

Bo ke vutuka nima, bo me bedisa basoda na bo.

Bo me tina na boma, basoda na bo me baluka ve.

Boma ya ngolo kele bisika yonso,’ Yehowa muntu me tuba.

 6 ‘Muntu ya ntinu ke kuka ve kutina, mpi basoda ke kuka ve kutina.

Mono ta fwa mbanza mpi bantu yina ke zinga kuna.’

 9 Beno bampunda, beno tombuka!

Beno bapusu-pusu, beno tambula na kilawu!

10 “Kilumbu yina kele ya Mfumu ya Kuluta Nene, Yehowa ya makesa, kilumbu ya kuvutula mbi sambu yandi vutula mbi na bambeni na yandi. Ebuna mbele ya bitumba ta fwa bo, yo ta fuluka mpi ta nwa menga na bo, sambu Mfumu ya Kuluta Nene, Yehowa ya makesa, kele ti kimenga yina yandi ta pesa na insi ya nordi pene-pene ya Nzadi ya Efrate.+

13 Yai mambu yina Yehowa tubilaka mbikudi Yeremia na yina me tala kukwisa ya Nebukadenezare* ntotila ya Babilone sambu na kufwa insi ya Ezipte:+

14 “Beno zabisa yo na Ezipte, beno zabisa yo na Migdole.+

Beno zabisa yo na Nofi* mpi na Tapanesi.+

15 Sambu na nki bo me fwa bantu na nge ya ngolo?

16 Bo ke bula sakuba mpi ke bwa mingi kibeni.

Bo ke tuba bo na bo nde:

23 Bo ta zenga mfinda na yandi,’ Yehowa muntu me tuba, ‘ata yo ke monana nde muntu lenda kota ve kuna.

Sambu bo kele mingi kuluta bampasu, mpila ya kutanga bo kele ve.

24 Bo ta pesa mwana-nkento ya Ezipte nsoni.

Bo ta pesa yandi na maboko ya bantu ya nordi.’+

25 “Yehowa ya makesa, Nzambi ya Izraele, ke tuba nde: ‘Ntangu yai mono ke tula dikebi na mono na Amone+ ya No,*+ na Farao, na Ezipte, na banzambi na yandi,+ mpi na bantotila na yandi—ee, na Farao mpi na bantu yonso yina ke tudilaka yandi ntima.’+

26 “‘Mpi mono ta pesa bo na maboko ya bantu yina ke sosa kufwa bo,* na Nebukadenezare* ntotila ya Babilone+ mpi na bansadi na yandi. Kansi na nima, bantu ta zinga diaka kuna bonso na bantangu ya ntama,’ Yehowa muntu me tuba.+

28 Yo yina, nsadi na mono Yakobi, kuwa boma ve,’ Yehowa muntu me tuba, ‘sambu mono kele ti nge.

47 Yai mambu yina Yehowa tubilaka mbikudi Yeremia sambu na bantu ya Filistia,+ na ntwala nde Farao kufwa Gaza. 2 Yehowa ke tuba nde:

“Tala! Bamasa ke kwisa katuka na nordi.

Yo ta kuma masa ya ngolo ya ke dindisa.

 5 Dibandi* ta kwisa na Gaza.

Bo me kangisa Ashkeloni munoko.+

 6 A! Mbele ya bitumba ya Yehowa!+

Tii nki ntangu nge ta vanda ve pima?

Vutuka na poshi na nge.

Pema mpi vanda pima.

48 Sambu na Moabi,+ Yehowa ya makesa, Nzambi ya Izraele, ke tuba nde:

“Mawa na Nebo,+ sambu bo me fwa yandi!

Bo me pesa Kiriatayimi+ nsoni mpi bo me botula yandi.

Kisika ya mbote ya kubumbana,* bo me pesa yo nsoni mpi bo me panza yo.+

 2 Bo ke kumisa diaka ve Moabi.

Na Eshboni,+ bo me sala komplo sambu na kubwisa yandi:

‘Beno kwisa, beto sukisa yandi sambu yandi vanda diaka ve dikanda.’

 4 Moabi me bwa.

Bana na yandi ya fioti ke dila.

 5 Na ngumba ya Luhiti, bo ke landa kudila ntangu bo ke tombuka.

Mpi na nzila ya ke kulumuka katuka na Oronayimi, bo ke wa bidilu ya mawa sambu na mpasi yina.+

 6 Beno tina, beno tina sambu na luzingu* na beno!

Beno fwete kuma bonso nti ya yenevriye na ntoto-makanga.

10 Bika bo singa muntu yina ke sala kisalu ya Yehowa na bumolo!

Bika bo singa muntu yina ke kanga mbele na yandi ya bitumba sambu yo tiamuna ve menga!

12 “‘Yo yina tala! bilumbu ke kwisa,’ Yehowa muntu me tuba, ‘ntangu mono ta tinda bantu sambu na kubwisa bo. Bantu yina ta bwisa bo mpi ta bikisa mabungu na bo mpamba, mpi bo ta pasula mabungu na bo ya nene bitini-bitini. 13 Mpi bantu ya Moabi ta wa nsoni sambu na Kemoshi, kaka mutindu nzo ya Izraele ke waka nsoni sambu na Betele, yina bo vandaka kutudila ntima.+

14 Inki mutindu beno ke meka kutuba nde: “Beto kele basoda ya ngolo, beto kele ya kuyilama sambu na bitumba”?’+

Ntotila muntu me tuba, yina zina na yandi kele Yehowa ya makesa.+

Beno songa bo nde: ‘O bo me zenga kibeni nti ya ngolo, muhangu ya kitoko!’

19 Nge muntu ya ke zingaka na Aroere,+ telama pene-pene ya nzila mpi tala.

Yula bakala yina ke tina mpi nkento yina ke tina nde, ‘Inki me bwa?’

20 Bo me pesa Moabi nsoni mpi yandi ke tekita na boma.

Beno dila mpi beno tula milolo.

Beno zabisa na Arnoni+ nde bo me fwa Moabi.

21 “Ndola me kwisa na ntoto ya kukonda ngumba,*+ sambu na Oloni, Yahasi,+ mpi Mefaati;+ 22 sambu na Diboni,+ Nebo,+ mpi Bete-diblatayimi; 23 sambu na Kiriatayimi,+ Bete-gamule, mpi Bete-meoni;+ 24 sambu na Kerioti+ ti Bosra; mpi sambu na bambanza yonso ya insi ya Moabi, yina kele ntama mpi yina kele pene-pene.

26 ‘Beno lawusa yandi,+ sambu yandi me kudinangula na ntwala ya Yehowa.+

27 Keti Izraele vandaka ve kima ya kuvweza sambu na nge?+

Bo ta sala kima ve.

Balutangu na nge ya ke basisa bintuntu me sabuka nzadi-mungwa.

Yo me kuma tii na nzadi-mungwa, tii na Yazere.

Mono me sala nde vinu kukulumuka diaka ve na kikamuninu ya vinu.

Ata muntu mosi ve ta niata-niata bambuma ti milolo ya kiese.

Milolo ta vanda milolo ya mutindu ya nkaka.’”+

34 “‘Bidilu ke wakana katuka na Eshboni+ tii na Eleale.+

Ata bamasa ya Nimrimi ta bikala mpamba.+

Sambu bimvwama ya yandi bakaka ta vila.

39 ‘Yandi kele na boma ya ngolo kibeni! Beno dila!

Moabi me balula mukongo na nsoni kibeni!

40 “Sambu Yehowa ke tuba nde:

‘Sambu mono ta natila Moabi mvula ya kupesa bo ndola,’ Yehowa muntu me tuba.

45 ‘Na kivudi ya Eshboni, bantu yina ke tina me telama kukonda ngolo.

46 ‘Mawa na nge, O Moabi!

Bantu ya Kemoshi+ me fwa.

47 Kansi bantu ya Moabi yina bo nataka na kimpika, mono ta vukisa bo na kitini ya nsuka ya bilumbu,’ Yehowa muntu me tuba.

‘Nsangu ya ndola ya Moabi+ me suka awa.’”

49 Sambu na bantu ya Amoni,+ Yehowa ke tuba nde:

“Keti Izraele kele ve na bana?

Keti yandi kele ve ti muntu yina ta baka kimvwama na yandi?

Sambu na nki Malkami+ me baka Gadi?+

Mpi sambu na nki bantu na yandi ke zinga na bambanza ya Izraele?”

‘Mpi Izraele ta baka insi ya bantu yina bakaka insi na yandi,’+ Yehowa muntu me tuba.

 3 ‘Dila, O Eshboni, sambu bo me fwa Ai!

Beno tula milolo, O babwala yina kele na nziunga ya Raba.

Beno lwata basaki.

 6 “‘Kansi na nima, mono ta vukisa bantu ya Amoni yina bo nataka na kimpika,’ Yehowa muntu me tuba.”

7 Sambu na Edomi, Yehowa ya makesa ke tuba nde:

“Keti mayele kele diaka ve na Temani?+

Keti bandongisila ya mbote me vila na bantu yina kele ti mayele ya kubakisa mambu?

Keti mayele na bo me pola?

 8 Beno tina, beno vutuka nima!

Beno kwenda mpi beno zinga na bisika ya mudindu, O bantu ya Dedani!+

10 Kansi mono ta bikisa Ezau kinkonga.

12 Sambu Yehowa ke tuba nde: “Tala! Kana bantu yina bo zengilaka ve nkanu ya kunwa dikopa fwete nwa yo, keti nge ta konda kibeni kubaka ndola? Nge fwete baka kibeni ndola, sambu nge fwete nwa yo.”+

13 “Sambu mono me zenga kieleka na zina na mono mosi,” Yehowa muntu me tuba, “nde Bosra ta kuma kima ya ke pesa boma,+ kima ya nsoni, kima ya kubeba, mpi kima ya kusinga; mpi bambanza na yandi yonso ta kuma mayumbu ya kimakulu.”+

17 “Mpi Edomi fwete kuma kima ya ke pesa boma.+ Konso muntu yina ke luta pene-pene na yandi ta yituka na boma mpi ta bula mwita sambu na bampasi na yandi yonso. 18 Kaka mutindu bo bwisaka Sodome ti Gomore mpi babwala yina vandaka na nziunga na yo,”+ Yehowa muntu me tuba, “muntu mosi ve ta zinga kuna, mpi muntu mosi ve ta vanda kuna.+

19 “Beno tala! Muntu mosi ta kwisa kunwanisa banseke ya kele na lutaninu bonso ntambu+ yina ke basika na tu-bamfinda ya me kangama-kangamaka ya kele na lweka ya Yordani, kansi mono ta sala nde yandi tina yandi na mbala mosi. Mpi mono ta tula muntu yina mono me solaka na kuyala yandi. Sambu nani kele bonso mono, mpi nani lenda tudila mono ntembe? Inki ngungudi lenda telama na ntwala na mono?+ 20 Yo yina, beno wa, O beno bantu, lukanu* yina Yehowa me baka sambu na Edomi mpi mambu yina yandi me yindula sambu na bantu ya Temani:+

Ya kieleka, bo ta benda-benda bana-mameme ya kimvuka ya mameme.

Sambu na bo,+ yandi ta sala nde kisika yina bo ke zingaka kubikala mpamba.

21 Ntoto me nikana na makelele ya kubwa na bo.

Bantu ke dila!

Makelele me wakana tii na Nzadi-Mungwa ya Mbwaki.+

23 Sambu na Damasi:+

Bo ke tekita na boma.

Nzadi-mungwa kele na mavwanga mpi bo lenda lembika yo ve.

24 Damasi kele diaka ve na kikesa.

Yandi me baluka sambu na kutina, kansi boma ya ngolo me simba yandi.

28 Sambu na Kedare+ mpi bimfumu ya Asore, yina Nebukadenezare* ntotila ya Babilone fwaka, Yehowa ke tuba nde:

30 “Beno tina, beno kwenda ntama!

Beno kwenda mpi beno zinga na bisika ya mudindu, O bantu ya Asore,” Yehowa muntu me tuba.

“Yo kele ve ti bakielo to banti ya kukangila bakielo; bo ke zingaka na kingenga.

34 Yai ndinga ya Yehowa yina kwisilaka mbikudi Yeremia sambu na Elami+ na luyantiku ya luyalu ya Sidikiya+ ntotila ya Yuda: 35 “Yehowa ya makesa ke tuba nde, ‘Mono ke buka munduki ya tolo-tolo ya Elami,+ nto* ya ngolo na bo. 36 Mono ta natila Elami mipepe iya katuka na bansuka iya ya zulu, mpi mono ta panza bo na mipepe yina yonso. Yo ta vanda ve ti dikanda yina bantu ya Elami yina mono ta panza ta kwenda ve.’”

37 “Mono ta zenga-zenga bantu ya Elami na ntwala ya bambeni na bo mpi na ntwala ya bantu yina ke sosa kufwa bo;* mpi mono ta natila bo mpasi, makasi na mono ya ngolo,” Yehowa muntu me tuba. “Mono ta tinda mbele ya bitumba na nima na bo tii kuna mono ta manisa bo.”

38 “Mpi mono ta tula kiti na mono ya kimfumu na Elami,+ mpi mono ta fwa ntotila mpi bamfumu kuna,” Yehowa muntu me tuba.

39 “Kansi na kitini ya nsuka ya bilumbu, mono ta vukisa bantu ya Elami yina bo nataka na kimpika,” Yehowa muntu me tuba.

50 Mambu yina Yehowa tubaka sambu na Babilone,+ sambu na insi ya bantu ya Kaldea, na nzila ya mbikudi Yeremia:

 2 “Beno zabisa yo na kati ya makanda mpi beno samuna yo.

Beno tedimisa kidimbu* mpi beno samuna yo.

Beno bumba kima ve!

Beno tuba nde, ‘Bo me botula Babilone.+

Bo me pesa Bele nsoni.+

Merodaki me wa boma ya ngolo.

Bo me pesa bifwanisu na yandi nsoni.

Biteki na yandi ya nzanzi* me wa boma ya ngolo.’

 3 Sambu dikanda mosi me katuka na nordi mpi me kwisa kunwanisa yandi.+

4 “Na bilumbu yina mpi na ntangu yina,” Yehowa muntu ke tuba, “bantu ya Izraele ti bantu ya Yuda ta kwisa kumosi.+ Bo ta dila ntangu bo ke tambula,+ mpi bo ta sosa kumosi Yehowa Nzambi na bo.+ 5 Bo ta yula nzila ya Sioni, baluse na bo ya ke tala na ndambu yina,+ mpi bo ta tuba nde, ‘Beno kwisa mpi beto vukana ti Yehowa na kuwakana ya mvula na mvula yina bo ta vilaka ve.’+ 6 Bantu na mono me kuma kimvuka ya mameme yina me vila.+ Bangungudi na bo pusaka bo na kuvila nzila.+ Bo me nata bo na bangumba, bo me yungana-yangana na bangumba ya nene mpi ya fioti. Bo me vila kisika na bo ya kupema. 7 Bantu yonso yina ke mona bo, ke dia bo,+ mpi bambeni na bo me tuba nde, ‘Beto me sala mbi ve, sambu bo salaka masumu na ntwala ya Yehowa, na ntwala ya kisika ya kuzinga ya lunungu mpi ya kivuvu ya ba-nkaka na bo, Yehowa.’”

10 Kaldea ta kuma kima ya bo me botula na bitumba.+

Bantu yonso yina ta baka bima na yandi ta fuluka kibeni,”+ Yehowa muntu me tuba.

12 Bo me pesa mama na beno nsoni.+

Nkento yina butaka beno me lemba nitu.

15 Beto tula mulolo ya bitumba sambu na yandi na konso ndambu.

Yandi me kudipesa.*

Beno vutudila yandi mbi.

Beno sadila yandi mambu kaka mutindu yandi salaka.+

17 “Bantu ya Izraele kele mameme yina bo me panza.+ Ntambu me panza bo.+ Ntete ntotila ya Asiria diaka bo;+ na nima Nebukadenezare* ntotila ya Babilone tolulaka mikwa na bo.+ 18 Yo yina, Yehowa ya makesa, Nzambi ya Izraele, ke tuba nde: ‘Mono ke sadila ntotila ya Babilone mpi insi na yandi mambu mutindu mono sadilaka ntotila ya Asiria+ mambu. 19 Mono ta vutula Izraele na nseke na yandi,+ mpi yandi ta dia matiti na Karmele ti na Bashani,+ mpi yandi* ta fuluka na bangumba ya Efrayimi+ ti ya Gileadi.’”+

21 “Kwenda kunwanisa insi ya Meratayimi mpi bantu ya Pekodi.+

Bika bo fwa bo mpi bo manisa bo kimakulu,” Yehowa muntu me tuba.

“Sala mambu yonso ya mono me songa nge.

23 Marto ya ntoto ya mvimba me zengana mpi me bukana kibeni!+

Babilone me kuma kibeni kima ya ke pesa boma na kati ya makanda!+

26 Beno kwisa kunwanisa yandi katuka na bisika ya ntama.+

Beno kangula bisika na yandi ya kubumbila bambuma.+

Beno tula yandi kisika mosi bonso bita ya bambuma.

Beno fwa yandi kimakulu.*+

Muntu na yandi mosi ve kubikala.

Beno sala bacamp na nziunga na yandi; beno bika ve nde ata muntu mosi kutina.

Beno futa yandi na kutadila kisalu na yandi.+

Beno sala yandi kaka mutindu yandi salaka.+

33 Yehowa ya makesa ke tuba nde:

Bo me buya kubikisa bo sambu bo kwenda.+

34 Kansi Muntu ya ke sumba bo diaka kele ngolo.+

Zina na yandi Yehowa ya makesa.+

36 Mbele ya bitumba kele sambu na kunwanisa bantu ya bituba-tuba,* mpi bo ta sala mambu na buzoba.

Mbele ya bitumba kele sambu na kunwanisa basoda na yandi, mpi boma ya ngolo ta simba bo.+

Mbele ya bitumba kele sambu na kunwanisa bimvwama na yandi, mpi bo ta yiba yo.+

38 Bamasa na yandi me beba, mpi yo ta yuma.+

40 “Kaka mutindu Nzambi bwisaka Sodome ti Gomore+ mpi babwala yina vandaka na nziunga na yo,”+ Yehowa muntu me tuba, “muntu mosi ve ta zinga kuna, mpi muntu mosi ve ta vanda kuna.+

42 Bo ke sadilaka munduki ya tolo-tolo mpi dikonga.+

Bo kele nku mpi bo ta wila ve bantu mawa.+

Bonso muntu mosi, bo me telama na ndonga ya bitumba sambu na kunwanisa nge, O mwana-nkento ya Babilone.+

44 “Beno tala! Muntu mosi ta kwisa kunwanisa banseke ya kele na lutaninu bonso ntambu yina ke basika na tu-bamfinda ya me kangama-kangamaka ya kele na lweka ya Yordani, kansi mono ta sala nde bo tina yandi na mbala mosi. Mpi mono ta tula muntu yina mono me solaka+ na kuyala yandi. Sambu nani kele bonso mono, mpi nani lenda tudila mono ntembe? Inki ngungudi lenda telama na ntwala na mono?+ 45 Yo yina, beno wa, O beno bantu, lukanu* yina Yehowa me baka sambu na Babilone+ mpi mambu yina yandi me yindula sambu na insi ya bantu ya Kaldea.

Ya kieleka, bo ta benda-benda bana-mameme ya kimvuka ya mameme.

Sambu na bo, yandi ta sala nde kisika yina bo ke zingaka kubikala mpamba.+

51 Yehowa ke tuba nde:

 3 Muntu ya ke sadilaka munduki ya tolo-tolo kukonika* ve munduki na yandi ya tolo-tolo.

Mpi muntu mosi ve kutelama ti kinkutu na yandi ya kibende.

Beno wila ve baleke na yandi ya babakala mawa.+

Beno fwa basoda na yandi yonso.

 5 Sambu Izraele ti Yuda, Nzambi na bo, Yehowa ya makesa,+ me bikisaka bo ve bonso bankento ya mifwidi.

Kansi insi na bo* me fuluka ti mbi na meso ya Santu ya Izraele.

Beno fwa ve sambu na kifu na yandi.

Sambu yo kele ntangu yina Yehowa ke vutula mbi.

Yandi ke vutudila yandi mbi sambu na mambu yina yandi salaka.+

 8 Na mbala mosi Babilone me bwa mpi me bukana.+

Beno dila yandi!+

Beno baka balsami sambu na mpasi na yandi; ziku yandi lenda beluka.”

 9 “Beto mekaka kubelula Babilone, kansi yandi lendaka kubeluka ve.

Beno bikisa yandi mpi beto kwenda, konso muntu na insi na yandi.+

10 Yehowa me tula lunungu sambu na beto.+

Beno kwisa, beto tubila na Sioni kisalu ya Yehowa Nzambi na beto.”+

11 “Beno tula batolo-tolo makasi;+ beno baka bitaninu ya kele bonso dimbuma.*

Sambu yai mutindu Yehowa ke vutula mbi, mutindu yandi ke vutula mbi sambu na tempelo na yandi.

12 Beno tedimisa kidimbu*+ na bibaka ya Babilone.

Beno kengila ngolo, beno tula bankengidi.

Beno yidika bantu yina ta bumbana sambu na kunwanisa yo.

17 Konso muntu ke sala mambu na buzoba mpi kukonda nzayilu.

18 Yo kele luvunu,*+ kisalu ya bo fwete seka.

Ntangu kilumbu ya kupesa yo ndola ta lunga, yo ta fwa.

Zina na yandi Yehowa ya makesa.”+

Mono ta sadila nge sambu na kufwa bimfumu.

21 Mono ta sadila nge sambu na kupanza mpunda mpi muntu yina ke tambusa yo.

Mono ta sadila nge sambu na kupanza pusu-pusu mpi muntu yina ke tambusa yo.

22 Mono ta sadila nge sambu na kupanza bakala mpi nkento.

Mono ta sadila nge sambu na kupanza mununu mpi mwana-bakala.

Mono ta sadila nge sambu na kupanza leke ya bakala mpi leke ya nkento.

23 Mono ta sadila nge sambu na kupanza ngungudi mpi bitwisi na yandi.

Mono ta sadila nge sambu na kupanza muntu ya ke salaka bilanga mpi bambisi na yandi.

Mono ta sadila nge sambu na kupanza bamfumu ya bambanza mpi bilandi ya bamfumu.

27 “Beno tedimisa kidimbu* na insi yai.+

Beno bula kibongo na kati ya makanda.

Beno sola* makanda sambu bo nwanisa yandi.

Beno binga bimfumu ya Ararati,+ ya Mini, mpi ya Ashkenazi+ sambu bo nwanisa yandi.

Beno bakila yandi mfumu ya basoda yina ke bakaka basoda ya mpa.

Beno nata bampunda bonso bana-bampasu.

30 Basoda ya Babilone me yambula kunwana.

Bo me vanda na bisika na bo ya ngolo.

Ngolo na bo me mana.+

Bo me kuma bonso bankento.+

Bo me tula banzo na yandi tiya.

Banti na yandi ya kukangila bakielo me bukana.+

33 Sambu Yehowa ya makesa, Nzambi ya Izraele, ke tuba nde:

“Mwana-nkento ya Babilone kele bonso kisika ya bo ke tutaka bambuma sambu na kukatula yo bampusu.

Yai ntangu ya kuniata-niata yandi ngolo.

Kubika fioti kibeni ntangu ya kukatula bima na bilanga ta lunga sambu na yandi.”

Yandi me tulula mono bonso dibungu ya mpamba.

Yandi me yobisa mono mpi me losa mono.

35 ‘Mubulu yina bo salaka mono mpi nitu na mono kuvanda na zulu ya Babilone!’ muntu ya ke zingaka na Sioni+ muntu me tuba.

‘Mpi menga na mono kuvanda na zulu ya bantu ya Kaldea!’ Yeruzalemi muntu me tuba.”

36 Yo yina, Yehowa ke tuba nde:

Mono ta yumisa nzadi-mungwa na yandi mpi mono ta yumisa mabulu na yandi ya masa.+

38 Bo yonso ta ngana kaka bonso bana-bantambu.*

Bo ta ngana bonso bana ya ntambu.”

Mutindu Babilone me kuma kima ya ke pesa boma na kati ya makanda!

42 Nzadi-mungwa me luta na zulu ya Babilone.

Bitembo na yo ya mingi me fika yandi.

43 Bambanza na yandi me kuma kima ya ke pesa boma, ntoto ya kukonda masa mpi ntoto ya zelo na zelo.

Insi yina muntu mosi ve ta zinga mpi yina muntu mosi ve ta lutila.+

45 Beno basika na kati na yandi, beno bantu na mono!+

Beno tina makasi ya ngolo ya Yehowa+ sambu na kugulusa luzingu* na beno!+

46 Beno vanda kikesa mpi beno wa boma ve sambu na nsangu yina beno ta wa na insi.

50 Beno bantu yina ke tina mbele ya bitumba, beno landa kukwenda, beno telama ve!+

51 “Bo me pesa beto nsoni, sambu beto me wa mutindu bo ke sosila beto.

Makelele ya ndinga na bo ta wakana.

Yandi ta pesa kibeni ndola.+

58 Yehowa ya makesa ke tuba nde:

59 Yai mambu yina mbikudi Yeremia songaka Seraya mwana ya Neria+ mwana ya Maseya ntangu yandi kwendaka ti Sidikiya ntotila ya Yuda na Babilone na mvula ya iya ya luyalu na yandi; Seraya vandaka muntu yina ke talaka bima ya ntotila. 60 Yeremia sonikaka na mukanda mosi bampasi yonso yina zolaka kubwila Babilone, mambu yai yonso ya bo sonikaka sambu na Babilone. 61 Diaka, Yeremia tubilaka Seraya nde: “Ntangu nge ta kuma na Babilone mpi ta mona yandi, nge fwete tanga mambu yai yonso na ndinga ya ngolo. 62 Na nima tuba nde, ‘O Yehowa, nge tubaka sambu na kisika yai nde bo ta fwa yo mpi nde yo ta bikala kukonda bantu, muntu to mbisi, mpi nde yo ta bikala mpamba kimakulu.’+ 63 Mpi ntangu nge ta manisa kutanga mukanda yai, kangisa yo na ditadi mpi losa yo na kati-kati ya Efrate. 64 Na nima tuba nde, ‘Yai mutindu Babilone ta dinda mpi yo ta telama diaka ve+ sambu na mpasi yina mono ke natila yo; mpi bo ta lemba.’”+

Bangogo ya Yeremia me suka awa.

52 Sidikiya+ vandaka ti bamvula 21 ntangu yandi kumaka ntotila, mpi yandi yalaka bamvula 11 na Yeruzalemi. Zina ya mama na yandi Amutale+ mwana ya Yeremia muntu ya Libna. 2 Yandi landaka kusala mambu ya mbi na meso ya Yehowa, na kuwakana ti mambu yonso yina Yehoyakimi salaka.+ 3 Mambu yai salamaka na Yeruzalemi mpi na Yuda sambu Yehowa waka makasi, tii kuna yandi kulaka bo na meso na yandi.+ Ebuna Sidikiya kolamaka na ntotila ya Babilone.+ 4 Na mvula ya uvwa ya luyalu ya Sidikiya, na ngonda ya kumi, na kilumbu ya kumi ya ngonda, Nebukadenezare* ntotila ya Babilone kwisaka ti basoda na yandi yonso sambu na kunwanisa Yeruzalemi. Bo tulaka camp sambu na kunwanisa yo mpi bo tungaka kibaka na nziunga na yo.+ 5 Mpi bo ziungaka mbanza yina tii na mvula ya 11 ya ntotila Sidikiya.

6 Na ngonda ya iya, na kilumbu ya uvwa ya ngonda,+ nzala vandaka ngolo na mbanza, mpi bantu ya insi+ vandaka ve ti madia. 7 Nsuka-nsuka, bo tobulaka kibaka ya mbanza, mpi basoda yonso tinaka na mpimpa na nzila ya kielo yina vandaka na kati-kati ya bibaka zole yina vandaka pene-pene ya masamba ya ntotila, mpi bantu ya Kaldea ziungaka mbanza; ebuna bo landaka kukwenda na nzila ya Araba.+ 8 Kansi basoda ya Kaldea landaka ntotila, mpi bo kangaka Sidikiya+ na ntoto ya zelo na zelo ya Yeriko, ebuna basoda na yandi yonso panzanaka mpi tinaka yandi. 9 Na nima bo kangaka ntotila, bo nataka yandi na ntotila ya Babilone na Ribla na insi ya Amati, mpi yandi zengilaka yandi nkanu. 10 Ebuna ntotila ya Babilone fwaka bana ya Sidikiya na meso na yandi, yandi fwaka mpi bamfumu yonso ya Yuda kuna na Ribla. 11 Ebuna ntotila ya Babilone tobulaka Sidikiya meso,+ kangisaka yandi miniololo ya kwivre, nataka yandi na Babilone, mpi tulaka yandi na boloko tii na kilumbu yina yandi fwaka.

12 Na ngonda ya tanu, na kilumbu ya kumi ya ngonda, disongidila, na mvula ya 19 ya ntotila Nebukadenezare* ntotila ya Babilone, Nebuzaradani mfumu ya bantu yina ke taninaka ntotila, yina vandaka nsadi ya ntotila ya Babilone, kotaka na Yeruzalemi.+ 13 Yandi yokaka nzo ya Yehowa,+ nzo ya ntotila, mpi banzo yonso ya Yeruzalemi tiya; yandi yokaka mpi banzo yonso ya nene tiya. 14 Mpi basoda yonso ya Kaldea yina vandaka ti mfumu ya bantu yina ke taninaka ntotila+ bwisaka bibaka yina vandaka kuziunga Yeruzalemi.

15 Nebuzaradani mfumu ya bantu yina ke taninaka ntotila nataka bantu ya nkaka ya kukonda mfunu mpi bantu yina bikalaka na mbanza na insi ya nkaka. Yandi nataka mpi bantu yina tinaka mpi kwendaka na ntotila ya Babilone, mpi bantu ya nkaka yina ke salaka bisalu ya maboko mbote-mbote+ yina bikalaka. 16 Kansi Nebuzaradani mfumu ya bantu yina ke taninaka ntotila bikisaka bantu ya nkaka ya insi yina, bayina vandaka bansukami ya ngolo, sambu bo vanda bantu ya ke salaka bilanga ya vinu mpi bantu ya bo ke pusaka na kusala bisalu ya ngolo.+

17 Ebuna bantu ya Kaldea zengaka bitini-bitini makunzi ya kwivre+ ya nzo ya Yehowa, bapusu-pusu,+ mpi Nzadi-Mungwa ya kwivre+ yina vandaka na nzo ya Yehowa, ebuna bo nataka kwivre yonso na Babilone.+ 18 Bo bakaka mpi mabungu ya kutudila putulu ya tiya, bapawu, bima ya kufwila tiya, babolo,+ makopa,+ mpi bisadilu yonso ya kwivre yina bo vandaka kusadila na kisalu ya tempelo. 19 Mfumu ya bantu yina ke taninaka ntotila bakaka malonga ya nene,+ bima ya kunatila tiya, babolo, mabungu ya kutudila putulu ya tiya, bima ya kutudila minda,+ makopa, mpi babolo yina bo salaka na wolo ya kieleka mpi na arza ya kieleka.+ 20 Kansi makunzi zole, Nzadi-Mungwa, bangombe 12 ya kwivre+ yina vandaka na nsi ya Nzadi-Mungwa, mpi bapusu-pusu yina ntotila Salomo salaka sambu na nzo ya Yehowa, mpila ya kutesa kilo ya kwivre ya bima yai yonso vandaka ve.

21 Sambu na makunzi, nda ya konso dikunzi vandaka maboko* 18, nsinga ya kutesila ya maboko 12 lenda ziunga yo;+ nene na yo vandaka nene ya misapi* iya, mpi yo vandaka dibulu. 22 Mpi kima yina vandaka bonso nkalu na nsongi na yo vandaka ya kwivre; nda ya kima yina mosi vandaka maboko tanu;+ mpi muyungulu ti bagrenade yina vandaka na nziunga ya kima yina ya vandaka bonso nkalu, bo salaka yo na kwivre. Dikunzi ya zole vandaka kaka kiteso mosi ti yo, bagrenade mpi vandaka kiteso mosi. 23 Yo vandaka ti bagrenade 96 na bandambu na yo; na kimvuka, yo vandaka ti bagrenade 100 na nziunga ya muyungulu.+

24 Mfumu ya bantu yina ke taninaka ntotila bakaka mpi Seraya+ mfumu ya banganga-nzambi, Sefania+ nganga-nzambi ya zole, mpi bankengidi yonso tatu ya bakielo.+ 25 Na mbanza, yandi bakaka kapita mosi ya nzo ya ntotila yina vandaka kutwadisa basoda, bandongisi nsambwadi ya ngolo ya ntotila yina bo monaka na mbanza, sekretere ya mfumu ya basoda, muntu yina vandaka kuvukisa bantu ya insi sambu na kisalu ya kisoda, mpi bantu 60 na kati ya bantu ya kukonda mfunu ya insi yina bo monaka na mbanza. 26 Nebuzaradani mfumu ya bantu yina ke taninaka ntotila bakaka bo mpi nataka bo na ntotila ya Babilone na Ribla. 27 Ntotila ya Babilone bedisaka bo mpi fwaka bo na Ribla+ na insi ya Amati. Mutindu yina bo katulaka Yuda na insi na yandi mpi nataka yandi na insi ya nzenza.+

28 Yai bantu yina Nebukadenezare* nataka na insi ya nkaka: na mvula ya nsambwadi, Bayuda 3 023.+

29 Na mvula ya 18 ya Nebukadenezare,*+ bo bakaka bantu* 832 na Yeruzalemi.

30 Na mvula ya 23 ya Nebukadenezare,* Nebuzaradani mfumu ya bantu yina ke taninaka ntotila nataka Bayuda na insi ya nkaka, bantu*+ 745.

Na kimvuka, bo nataka bantu* 4 600 na insi ya nkaka.

31 Ebuna na mvula ya 37 yina Yehoyakini+ ntotila ya Yuda vandaka na insi ya nkaka, na ngonda ya 12, na kilumbu ya 25 ya ngonda yina, Evile-merodaki ntotila ya Babilone, na mvula yina yandi kumaka ntotila, yambulaka* Yehoyakini ntotila ya Yuda mpi basisaka yandi na boloko.+ 32 Yandi tubilaka yandi na mawete yonso mpi yandi tulaka kiti na yandi ya kimfumu na zulu kibeni kuluta bakiti ya kimfumu ya bantotila ya nkaka yina vandaka ti yandi na Babilone. 33 Yo yina Yehoyakini katulaka bilele na yandi ya boloko, mpi yandi vandaka kudia mbala na mbala na ntwala na yandi bilumbu yonso ya luzingu na yandi. 34 Bo vandaka kupesa yandi mbala na mbala madia yina vandaka kukatuka na ntotila ya Babilone, konso kilumbu, tii na kilumbu yina yandi fwaka, bilumbu yonso ya luzingu na yandi.