NIMERO YA KULONGUKA

MASOLO YA KULONGUKA

▪ Vanda Kikesa Yehowa Ta Vanda ti Nge!

Bantu mingi yina Masonuku ke tubilaka monisaka lukwikilu mpi kikesa. Kana beto longuka mambu yina kuminaka bo, yo ta pesa beto ngolo ya kumonisa lukwikilu mpi kusadila Yehowa ti kikesa. Disolo yai ke tadila mukapu na beto ya mvula sambu na mvu 2013.

▪ Kubika Ve ata Kima Mosi Kukabula Nge ti Yehowa

▪ Landa Kukwenda Pene-Pene na Yehowa

Kele ti mambu mingi yina beto ke ponaka ve. Mu mbandu beto ke ponaka ve bibuti, bampangi ya kinsuni, mpi kisika ya kubutuka. Bangwisana yina beto kele na yo ti Yehowa kele ya kuswaswana. Beto lenda pona kana beto lenda kwenda pene-pene na yandi to ve. Masolo yai ta tubila mambu nsambwadi yina beto fwete bika ve ata kima mosi kukabula beto ti Yehowa.

▪ Sadila Nzambi Kukonda Kuwa Mawa na Ntima

Beto yonso me salaka mambu yina beto ke yindulaka nde, beto lendaka kusala yo mbote to mutindu ya nkaka. Kansi, beto fwete bika ve nde mawa yina kulembisa beto bubu yai na kisalu yina beto ke sadilaka Nzambi. Na disolo yai, mbandu ya ntumwa Polo ta sadisa beto na kuzaba mutindu beto lenda landa kusadila Nzambi kukonda kuwa mawa na ntima sambu na bifu ya ntama.

▪ Bankuluntu​—‘Banduku ya Kisalu Sambu na Kiese na Beto’

Na mukanda ya zole yina yandi sonikilaka Bakristu ya Korinto, Polo zabisaka bo nde yandi mpi banduku na yandi ya ngolo vandaka ‘banduku ya kisalu sambu na kiese na bo.’ (2 Bak. 1:24) Inki mutindu bangogo yai ya Polo fwete vanda ti bupusi ya ngolo na bankuluntu? Mpi nki mutindu konso muntu lenda sadisa na mpila nde kiese kuvanda mingi na kati ya dibundu? Beto ta tadila bamvutu ya bangiufula yina na disolo yai.