Mambu Ke na Kati

Septembri 15, 2013

NIMERO YA KULONGUKA

MASOLO YA KULONGUKA

▪ Bangibusa ya Yehowa Me Fwana na Kutudila Ntima

▪ Bika nde Bangibusa ya Yehowa Kusepedisa Ntima na Nge

Tuka ntama, Yehowa ke sadilaka bangibusa sambu na kutwadisa bansadi na yandi. Bangibusa yango ke tadilaka inki? Disolo ya ntete ke tubila kikuma yina beto lenda tudila bangibusa ya Nzambi ntima. Disolo ya zole ke tubila mambu tatu ya beto lenda sala sambu na kutula ntima ya mvimba na mayele ya Nzambi ya kuluta kuzanguka.

▪ Keti Beno Me Sobaka Kimuntu na Beno?

▪ Baka Badesizio ya Mayele

Mutindu yina bo me sansaka beto mpi kisika yina beto ke zingaka ke vandaka ti bupusi ya ngolo na mabanza mpi na bansola na beto. Inki beto lenda sala sambu badesizio na beto kuvanda na kuwakana ti luzolo ya Nzambi? Mpi inki lenda sadisa beto na kusala mambu na kuwakana ti badesizio na beto? Masolo yai ta sadisa beto na kuditadila na masonga yonso na mambu yina.

▪ Kimupasudi-Nzila Ke Kumisaka Ngolo Bangwisana na Beto ti Nzambi

Beto ta tadila mitindu nana yina kimupasudi-nzila lenda kumisa ngolo bangwisana ya Mukristu mosi ti Yehowa. Kana nge kele mupasudi-nzila, inki lenda sadisa nge na kulanda kisalu yina ata nge ke kutana ti bampasi? Kana nge ke zola kukuma mupasudi-nzila mpi kubaka balusakumunu na yo, inki nge lenda sala?

MASOLO YA NKAKA YINA KE NA KATI

3 Bika nde Luswaswanu Kusadisa Nge

32 Bangiufula ya Batangi

LUTITI YA ZULU: Na provense ya Amazonie na nordi ya Pérou, ke vandaka ti mabaku mingi ya kuta kimbangi ya dibaku ya mbote

PÉROU

NTALU YA BANTU

29 734 000

BANSAMUNI

117 245

BANTU YINA BAKAKA MBOTIKA BAMVULA TANU ME LUTA

28 824

Na Pérou, bo ke balulaka mikanda na beto na bandinga 6. Bapasudi-nzila ya nene mpi bamisionere kuluta 120 ke taka kimbangi na bandinga ya nkaka katula na Kiespaniole

NIMERO YA KULONGUKA

OKTOBRI 28, 2013–NOVEMBRI 3, 2013

NOVEMBRI 4-10, 2013

NOVEMBRI 11-17, 2013