Masolo Ya Ke Na Kati

Yehowa mpi Yezu Kristu kele bambandu ya kuluta mbote na yina me tala kupesa bankaka kikesa. Ntumwa Polo vandaka kupesa bampangi kikesa ntangu yonso. Kana beto yonso ke landa mbandu na bo, bantu ya mabuta na beto mpi bampangi ya dibundu ta bakisa nde beto ke zolaka bo mpi ke bakaka bo na valere.

Masolo yai zole ke pesa bamvutu na bangiufula yai: Sambu na nki bansadi ya Yehowa ke salaka mambu na mutindu ya mbote? Inki mutindu beto lenda sala mambu mbote na kuwakana ti Biblia, mukanda ya Nzambi? Inki beto lenda sala sambu na kumonisa nde beto kele ya kwikama na Yehowa mpi ke zitisaka bantuma yina dibundu na yandi ke pesaka beto?

Masolo yai zole ke monisa ntangu yina bansadi ya Nzambi kwendaka na kimpika na Babilone mpi ntangu yina bo katukaka na kimpika yango. Yo ke monisa mpi mutindu Bakristu yina bo me tulaka mafuta salaka bikesa sambu na kubakisa Ndinga ya Yehowa mbote-mbote mpi mutindu Balongoki ya Biblia bakaka lukanu ya kukabwana ti mabundu ya luvunu.