Manaka ya Lukutakanu ya Kisalu

Mposo ya Kebanda na Yanuari 8

Nkunga 12

Min. 10: Baluzayisu ya dibundu. Syamisa bampangi yonso na kutala video Pas de sang : la médecine relève le défi sambu na kudibongisa na disolo yina tasalama na Lukutakanu ya Kisalu na mposo ya Yanuari 22. Sadila mabanza yina kele na lutiti ya 4 to bangogo yankaka ya kukotila na masolo yina mefwana na teritware na beno, sambu na kusadisa bansonga ya kemonisa mutindu ya kupesa Nzozulu ya Nkengi ya Yanuari 15 ti Réveillez-vous ! ya Yanuari. Na nsonga mosi, beno monisa mutindu ya kulanda kusolula ti muntu yina kezenga disolo nde: “Mono Kele na Kisalu.”​—⁠Tala kamukanda Inki Mutindu Nge Lenda Kuyantika Masolo, lut. 11.

Min. 15: Baka mambote na kamukanda Beto Fimpa Masonuku Konso Kilumbu. Diskure mpi disolo ti bawi, yina ke na lutiti ya ntete ya kamukanda Beto Fimpa Masonuku Konso Kilumbu​—⁠2007. Monisa nde yo kele mfunu nde konso muntu kubaka mwa minuta konso kilumbu sambu na kutadila mukapu ya lumbu mpi komantere na yo. Wakana na ntwala ti mpangi mosi to bampangi zole yina tatubila kikalulu na bo ya mbote ya kutadila mukapu ya lumbu mpi mutindu bo mebakilaka yo mambote. Sambu na kusukisa, tubila na bunkufi mambu yina kele na mukapu ya mvu 2007.

Min. 20: Zabisa Nsangu ya Mbote na Bantu Yonso. Diskure mpi disolo ti bawi, yina ke na lutiti 92 ya mukanda Beto Mevukana Sambu na Kusala Luzolo ya Yehowa na kantu-dyambu ya lutiti 102.

Nkunga 165 mpi kisambu ya nsuka.

Mposo ya Kebanda na Yanuari 15

Nkunga 93

Min. 10: Baluzayisu ya dibundu. Pona Baluzayisu na Kisalu na Beto ya Kimfumu.

Min. 15: Keti Kele ti Kima Kevutula Nge Nima? Diskure yina nkuluntu mosi tasala. Yandi tabaka yo na Nzozulu ya Nkengi ya Aprili 1, 2002, balutiti 23-25.

Min. 20: “Mono Kesepela na Yo Ve.”a Ntangu beno ketadila paragrafe 4, yula bawi mambu yina kebenda dikebi ya bantu ya teritware na beno. Sadisa bansonga zole ya nkufi ya kemonisa mutindu ya kulanda kusolula ti muntu yina kezenga disolo nde “Mono Kesepela na Yo Ve.”​—⁠Tala kamukanda Inki Mutindu Nge Lenda Kuyantika Masolo, lut. 8.

Nkunga 135 mpi kisambu ya nsuka.

Mposo ya Kebanda na Yanuari 22

Nkunga 224

Min. 10: Baluzayisu ya dibundu. Tanga rapore ya konti ti mukanda ya la Société metinda sambu na kupesa mersi na dibundu. Sadila bangindu yina kele na lutiti 4 to bangogo yankaka ya kukotila na masolo yina mefwana na teritware na beno, sambu na kumonisa mutindu ya kupesa Nzozulu ya Nkengi ya Februari 1 ti Réveillez-vous ! ya Februari. Na nsonga mosi, nsamuni kumonisa mutindu ya kusala mvutukilu ya mpa na muntu mosi yina yandi kepesaka baperiodike mbala na mbala.

Min. 10: Bampusa ya dibundu.

Min. 25: “Inki Lusansu Kele ya Kuluta Mbote?” Nkuluntu mosi muntu tasala yo. Yantika mbala mosi ti disolo ya video Pas de sang, mpi sadila bangyufula yina bo mepesa na disolo yango. Tanga paragrafe ya nsuka sambu na kusukisa disolo mpi syamisa bantu yonso na kutadila na dikebi yonso masolo ya Nzozulu ya Nkengi ya bo metubila. Kana beno kele ve ti video yango, beno lenda sadila Réveillez-vous ! (ya Kifalansa) ya Yanuari 8, 2000, balutiti 7-11 mpi kamukanda Comment le sang peut-il vous sauver la vie ?, balutiti 8-15, 18.

Nkunga 188 mpi kisambu ya nsuka.

Mposo ya Kebanda na Yanuari 29

Nkunga 55

Min. 10: Baluzayisu ya dibundu. Yibusa bansamuni na kupesa rapore na bo ya kisalu ya bilanga ya Yanuari. Tubila mikanda yina beto takabula na Februari, mpi sadisa nsonga ya kemonisa mutindu ya kupesa mukanda mosi.

Min. 20: “Keti Beno Kele ya Kuyilama Sambu na Bisumbula Yina Kebwilaka Bantu?”b Nkuluntu mosi muntu tasala yo. Tubila mpi mambu yina kele na Kisalu na Beto ya Kimfumu ya Novembri 2005 na lutiti ya 3.

Min. 15: Kana nge Mesala Lusilu ya Kuvutukila Bantu, Zitisa Lusilu na Nge. Disolo ti bawi yina bo mebaka na Nzozulu ya Nkengi ya Kifalansa ya Septembri 15, 1999, lutiti 11. Lomba bawi na kuta baeksperiansi yina kemonisa mambote ya bo bakaka ntangu bo vutukilaka bantu mutindu bo silaka.

Nkunga 137 mpi kisambu ya nsuka.

Mposo ya Kebanda na Februari 5

Nkunga 3

Min. 10: Baluzayisu ya dibundu.

Min. 15: Zabisa Bantu Nani Nge Kele! Diskure mpi disolo ti bawi. Baleke yankaka kezolaka ve kudimonisa nde bo kele Bambangi ya Yehowa, sambu bo kemonaka nde banduku na bo lenda seka bo. Kansi, nge kele ti bikuma ya mbote ya kumonisa nani nge kele. Balongi yina kezaba malongi ya nge kekwikilaka lenda zitisa yo mpi bo tasongaka nge ve na kusala kima mosi yina mefwana ve. Baleke yankaka yina kevandaka ve na bikalulu ya mbote tabingisaka nge ve na kusala ti bo mambu ya mbi. Bankaka nkutu tabakisaka badesizio na nge na yina metala mambu bonso kubasika ti bana-babakala to ti bana-bankento, kusala bansaka yina kesalamaka na nima ya nzo-nkanda, mpi buna na buna. Nge tawa mpi ve boma na kuta kimbangi na nzo-nkanda to na kukutana ti banduku na nge ya Nzo-nkanda ntangu nge kesala kisalu ya kusamuna na teritware. (g02-F 3/22 lut. 12) Lomba bansamuni na kutuba mambote ya bo mebakaka na kudimonisaka na nzo-nkanda nde bo kele Bambangi ya Yehowa. Beno lenda yidika komantere mosi to bakomantere zole na ntwala.

Min. 20: “Zola Kele Mfunu Mingi Sambu na Kubuta Mbuma ya Mbote na Kisalu ya Kusamuna.”c Tubila bangindu yina ke na Nzozulu ya Nkengi ya Februari 1, 2003, lutiti ya 32, baparagrafe ya 16-17.

Nkunga 83 mpi kisambu ya nsuka.

[Banoti na nsi ya lutiti]