Manaka ya Lukutakanu ya Kisalu

Mposo ya Kebanda na Oktobri 8

Nkunga 56

Min. 10: Baluzayisu ya dibundu. Beno sadila mabanza yina kele na lutiti ya 8 to mabanza yankaka yina mefwana na teritware na beno sambu na kumonisa mutindu ya kupesa Nzozulu ya Nkengi ya Oktobri 15 mpi Réveillez-vous ! ya Oktobri. Na konso nsonga, beno tasadila baperiodike yonso zole ata beno tatubila periodike mosi kaka.

Min. 20: Bikala ya Kukangama na Organizasio ya Yehowa. Diskure mpi disolo ti bawi yina mekatuka na kapu 17 ya mukanda Beto Mevukana Sambu na Kusala Luzolo ya Yehowa.

Min. 15: “Beto Takabula Réveillez-vous ! Mosi ya Sipesiali na Novembri!”a Vutukila na bunkufi mambu yina kele na Réveillez-vous ! ya Novembri. Na nima, landa disolo na bangyufula ti bamvutu. Na ntangu beno ketadila paragrafe ya 3, beno sadila mabanza yina kele na lutiti ya 8 to mabanza yankaka yina mefwana na teritware na beno sambu na kumonisa mutindu ya kupesa Réveillez-vous ! ya Novembri. Na nsuka ya nsonga, wakana ti muwi yango sambu na vizite yina kelanda.

Nkunga 10

Mposo ya Kebanda na Oktobri 15

Nkunga 67

Min. 10: Baluzayisu ya dibundu. Pona Baluzayisu na Kisalu na Beto ya Kimfumu.

Min. 20: Keti Kyeleka Kebuta Mbuma na Bantu Yina Beno Kelongaka? Diskure mpi disolo ti bawi yina mekatuka na Nzozulu ya Nkengi ya Kifalansa, ya Februari 1, 2005, balutiti 28-30. Beno tubila mpi mutindu bo metulaka bangyufula yina ke na mukanda Biblia Kelongaka sambu na kusadisa beto na kubakisa mambu yina kele na ntima ya longoki. Beno tadila mwa bambandu, bonso yina kele na kapu 1, paragrafe 19; kapu 2, paragrafe 4; kapu 3, paragrafe 24; mpi kapu 4, paragrafe 18. Syamisa bansamuni na kusadila mbote mambu ya kuswaswana ya mukanda yango.

Min. 15: Keti Nge Keyibuka? Disolo ti bawi ya mekatuka na Nzozulu ya Nkengi ya Kifalansa ya Augusti 15, 2007, lutiti 19.

Nkunga 151

Mposo ya Kebanda na Oktobri 22

Nkunga 175

Min. 10: Baluzayisu ya dibundu. Tanga rapore ya konti mpi mukanda ya la Société metinda sambu na kupesa mersi na dibundu. Beno sadila mabanza yina kele na lutiti ya 8 to mabanza yankaka yina mefwana na teritware na beno sambu na kumonisa mutindu ya kupesa Nzozulu ya Nkengi ya Novembri 1 mpi Réveillez-vous ! ya Novembri.

Min. 15: Bampusa ya dibundu.

Min. 20: Beno Fweti Zinga Kaka ya Kutemuka. Diskure ti Bainterview. Beto mebikaka mpimpa ya nsi-ntoto yai mpi beto mepesaka nzila nde nsemo ya Yehowa kutwadisa beto. (Ef. 5:​8, 9) Dyambu yai metomisaka luzingu na beto mpi mepesaka yo lukanu. (1 Tim. 4:⁠8) Nsemo yai kepesaka beto mpi kivuvu. (Roma 15:⁠4) Yula bangyufula zole to tatu na bansamuni yina mekutanaka mpi menungaka bampasi ya ngolo sambu na kusala mpi kutanina bangwisana ya mbote ti Yehowa. Inki bampasi bo kutanaka na yo ntangu bo longukaka kyeleka? Inki mutindu bo nungaka bampasi yango? Na nki mutindu luzingu na bo metomaka ntangu yai? Inki kesadisaka bo na kubikala ngolo na kyeleka? Na nsuka, syamisa bampangi yonso na kulanda na kuyela na kimpeve mpi kumonisa ntonda mingi sambu na kyeleka yina Yehowa kemonisaka.​—⁠2 Pie. 1:​5-8.

Nkunga 23

Mposo ya Kebanda na Oktobri 29

Nkunga 124

Min. 10: Baluzayisu ya dibundu. Yibusa bansamuni na kupesa rapore na bo ya Oktobri. Tubila mikanda ya kukabula na Novembri, mpi sadisa nsonga mosi ya kemonisa mutindu ya kupesa yo.

Min. 15: Baka Balukanu ya Kimpeve Sambu na Kukumisa Ngangi na Nge. Disolo ti bawi ya mekatuka na Nzozulu ya Nkengi ya Kifalansa ya Yuli 15, 2004, balutiti 21-3. Lomba bawi na kupesa bakomantere na yina metala balukanu ya kimpeve yina bo mebakaka mpi mambu ya bo kesala sambu na kulungisa balukanu yango. Beno lenda yidika komantere mosi to bakomantere zole na ntwala.

Min. 20: “Pesa Kivuvu na Bansukami.”b Ntangu beno tatadila paragrafe ya 2, tubila mpi bangindu yina kele na Réveillez-vous ! ya Kifalansa ya Septembri 8, 2003, balutiti 26-7.

Nkunga 7

Mposo ya Kebanda na Novembri 5

Nkunga 156

Min. 10: Baluzayisu ya dibundu.

Min. 15: Mutindu ya Kusadila Mayele ya Nzambi Sambu na Kutanina Bana na Beno. Diskure yina mekatuka na Nzozulu ya Nkengi ya Kifalansa, ya Yanuari 1, 2005, balutiti 23-7.

Min. 20: “Beto Yonso Kupesana Kikesa.”c Lomba bawi na kupesa bakomantere ya sikisiki na mutindu nkengi-ntambudi mosi kupesaka bo kikesa na vizite na yandi mosi na dibundu na beno. Beno lenda yidika komantere mosi to bakomantere zole na ntwala.

Nkunga 192

[Banoti na nsi ya lutiti]