Manaka ya Lukutakanu ya Kisalu

Mposo ya Kebanda na Septembri 8

Nkunga 204

Min. 10: Baluzayisu ya dibundu. Lomba bawi na kutubila nki masolo lenda sepedisa mingi bantu ya teritware na beno. Lomba bo na kutubila nki bangyufula mpi baverse bo sadilaka sambu na kuyantika masolo? Sadisa bansonga ya kemonisa mutindu ya kupesa konso periodike.

Min. 15: Sadisa Balongoki ya Biblia na Kukuma Balongi. Disolo ya mekatuka na Nzozulu ya Nkengi ya Februari 1, 2007, balutiti 13-14, baparagrafe 14-20. Sadisa nsonga mosi ya nkufi ya kemonisa nsamuni mosi ya ketendudila longoki mosi ya mpa mutindu diskure ya bantu yonso ti Kulonguka ya Nzozulu ya Nkengi kesalamaka, mpi na nima yandi kebinga longoki yango na kukwisa na balukutakanu.

Min. 20: Mutindu ya Kununga Bangindu ya Mbi na Kisalu na Beto ya Kusamuna. Disolo yina nkuluntu mosi tasala. Yo mekatuka na mambu yina bo mebasisaka na mikanda ya kemonisa bupusi yina bangindu ya mbi lenda vanda ti yo na kisalu na beto ya kusamuna. Tendula mpila beto lenda nwana ti bangindu ya mbi ya mutindu yina. Bantangu yankaka, bikalulu na beto, na kisalu ya bilanga mpi na ntangu beto kesala bisalu yankaka ya luzingu, lenda sadisa mpenza na kukatula bangindu ya mbi yina bantu ya ketalaka beto kebakilaka beto mpi kusadisa bo na kundima kyeleka. Yo yina, yo kele mfunu nde beto keba ntangu yonso bangogo mpi bisalu na beto. (1 Pie. 2:12; 3:​1, 2) Ta mwa baeksperiansi ya mambu yina kusalamaka na teritware na beno to yina kele na mikanda na beto ya kemonisa mutindu beto lenda nunga bangindu ya mbi yina bantu kebakilaka beto.

Nkunga 127

Mposo ya Kebanda na Septembri 15

Nkunga 94

Min. 10: Baluzayisu ya dibundu. Pona Baluzayisu na Kisalu na Beto ya Kimfumu.

Min. 20: Inki Beto Salaka na Mvula Yina Meluta? Diskure mpi disolo ti bawi yina nkengi na kisalu to nkuluntu yankaka ya kufwana tasala. Tubila kisalu ya kusamuna yina dibundu kusalaka na mvula ya kisalu ya meluta, tula dikebi mingi na mambu ya mbote yina dibundu kusalaka. Sikisa bo sambu na kisalu na bo ya mbote. Wakana na ntwala ti nsamuni mosi to bansamuni zole sambu bo ta baeksperiansi ya kepesa kikesa yina bo kutanaka ti yo. Tubila dyambu mosi to mambu zole yina dibundu lenda sala sambu na mvula ya kisalu yina kekwisa, mpi tubila bangindu ya mfunu yina beno lenda sadila sambu na kutomisa mambu.

Min. 15: Inki Mutindu Mu Lenda Nwanina Lukwikilu na Munu ya Lugangu? Diskure ya mekatuka na mambu yina mebasikaka na mikanda na beto. Lomba bawi na kutubila mutindu bo menwaninaka lukwikilu na bo ya lugangu na nzo-nkanda, na kisalu, to na bisika yankaka. Beno lenda yidika komantere mosi to bakomantere zole na ntwala.

Nkunga 51

Mposo ya Kebanda na Septembri 22

Nkunga 104

Min. 10: Baluzayisu ya dibundu. Tanga rapore ya konti ti mukanda ya la Société metinda sambu na kupesa mersi na dibundu. Beno tadila mukanda ya mekatuka na filiale, yina kele na lutiti 1.

Min. 20: Nzambi Tasakumunu Bisalu na Beno. Disolo ya mekatuka na Nzozulu ya Nkengi ya Kifalansa ya Aprili 15, 2005, banda na lutiti 28, paragrafe 6, tii na nsuka ya lutiti 29. Lomba nsamuni mosi to bansamuni zole ya kikesa na kutuba na bunkufi mutindu Yehowa kulungisaka bampusa na bo ya kinsuni to ya mawi.

Min. 15: Kudibongisa Sambu na Kukabula Nzozulu ya Nkengi ya Oktobri 1 mpi Réveillez-vous ! ya Oktobri. Tubila na bunkufi mambu yina kele na baperiodike yina, na nima lomba bawi na kutubila nki masolo lenda sepedisa mingi bantu ya teritware na beno. Monisa mutindu beno lenda sadila bangogo ya kukotila na masolo yina kebasikaka na Kisalu na Beto ya Kimfumu. Lomba nkuluntu mosi na kusala nsonga mosi ya nkufi ya yandi yidikaka na kutadila disolo mosi yina tafwana na teritware na beno.

Nkunga 190

Mposo ya Kebanda na Septembri 29

Nkunga 45

Min. 10: Baluzayisu ya dibundu. Yibusa bansamuni na kupesa rapore na bo ya kisalu ya bilanga ya Septembri. Wakana na ntwala ti nsamuni mosi to bansamuni zole sambu bo ta baeksperiansi ya kepesa kikesa yina bo kutanaka na yo ntangu bo vandaka kuta kimbangi ya dibaku ya mbote na nsungi ya lukutakanu ya distrike, ntangu bo vandaka na konzie, to na bantangu yankaka na Yuli tii na Septembri.

Min. 15: Bampusa ya dibundu.

Min. 20: “Kampanye ya Sipesiali ya Trakiti Yina Tasalama na Oktobri 20–Novembri 16!”a Kana beno ke na trakiti yango, beno pesa konso muwi kopi mosi. Tubila na bunkufi mambu yina kele na kati ya trakiti yango ntangu beno tatadila paragrafe 2. Ntangu beno tatadila paragrafe 4, monisa mutindu beno lenda kabula trakiti yango. Ntangu beno tatadila paragrafe 5, sadisa nsonga ya kemonisa nsamuni mosi kesadila trakiti sambu na kuyantika kulonguka Bibilia ti muntu ntangu yandi mevutukila muntu yango.

Nkunga 9

Mposo ya Kebanda na Oktobri 6

Nkunga 15

Min. 10: Baluzayisu ya dibundu.

Min. 15: Bamvutu na Bangyufula na Beno. Disolo ti bawi. Tubila mpi bangindu yina kele na Nzozulu ya Nkengi ya Yuli 1, 2005, balutiti 14-16, baparagrafe 10-16.

Min. 20: “Longa Bankaka na Kuzola Yehowa.”b Kana ntangu kele, lomba bawi na kupesa bakomantere ya baverse ya bo mepesa.

Nkunga 132

[Banoti na nsi ya lutiti]