Baluzayisu

◼ Mikanda ya kukabula na Septembri: Inki Biblia Kelongaka Mpenza? Beno sala ngolo sambu na kuyantika kulonguka Biblia ti bantu na mbala ya ntete ya beno mekutana ti bo. Kana bawi kele dezia ti mukanda yai, beno monisa na bunkufi mutindu beto kelongukaka Biblia ti bantu sambu na kusonga bo mutindu bo lenda bakila yo mambote. Oktobri: Nzozulu ya Nkengi mpi Réveillez-vous ! Kana muntu kumonisa mpusa, songa mpi tadila ti yandi trakiti Aimeriez-vous en savoir plus sur la Bible ? ti lukanu ya kuyantika kulonguka Biblia ti yandi. Novembri: Inki Biblia Kelongaka Mpenza? Beno sala ngolo sambu na kuyantika kulonguka Biblia ti bantu. Desembri: Pesa mukanda Muntu ya Kuluta Nene ya Ntangu Yonso. Kana bantu yango kutuba nde bo ke na bana, pesa bo mukanda Longuka na Longi ya Nene.

◼ Sambu Novembri tavanda ti bawikendi tanu ya mvimba, yo tavanda ngonda ya mbote sambu na kusala kisalu ya kimupasudi-nzila nsadisi.

◼ Diskure ya sipesiali ya bantu yonso sambu na nsungi ya Lusungiminu na mvu 2009 tasalama na mposo ya Aprili 20, 2009. Beto tazabisa beno ntu-dyambu ya diskure yango na nima. Mabundu yina tayamba nkengi ya nzyunga to tavanda ti lukutakanu ya nzyunga to ya sipesiali na mposo yina, tasala diskure ya sipesiali na mposo yina talanda. Ata dibundu mosi ve fwete sala diskure ya sipesiali na ntwala ya mposo ya Aprili 20.

◼ Mabundu fwete yantika kulomba bavolime reliye ya Nzozulu ya Nkengi ti ya Réveillez-vous ! ya 2008, Index des publications Watch Tower 2008, mpi CD-ROM Watchtower Library−2008 na demande na bo ya mikanda yina talanda. Lisiti ya kemonisa bandinga yina bavolime reliye yai kele tabasika na “Luzayisu na Mabundu Yonso,” yina beto ketindaka konso ngonda. Beno vila ve nde bo meyidika CD-ROM Watchtower Library−2008 kaka sambu na bampangi ya mebakaka mbotika mpi bo lenda zwa yo kaka na nzila ya dibundu. Bansamuni yina kesadilaka mingi Watchtower Library mpi kesadilaka dyaka ve bavolime reliye fwete tadila kana bo kele dyaka ti mfunu ya kulomba bavolime reliye.

◼ Mpangi yina nkengi-ntwadisi tapona fwete sala emvantere ya konti ya dibundu sambu na ngonda ya Yuni, Yuli, ti Augusti. Beno fwete sadila ve kaka muntu mosi sambu na kusala emvantere bambala mingi ya kulandana. Kana beno mesala yo imene, beno fwete zabisa yo na dibundu ntangu beno tasala rapore ya konti yina kelanda.​—⁠Tala Bantuma Sambu na Konti ya Mabundu (S-27).