Manaka ya Nzo-nkanda ya Kisalu ya Teokrasi Sambu na Mvu 2009

BANTUMA

Na mvu 2009, beno tatwadisa Nzo-Nkanda ya Kisalu ya Teokrasi na kulanda bantuma ya kele na nsi.

MIKANDA: Bible na Kituba 1990, “Masonuku Yonso” Kele ya Kyeleka mpi Mfunu [bsi], Nzozulu ya Nkengi [w], Longuka na Longi ya Nene [lr], mpi Comment raisonner à partir des Écritures (yina kubasikaka na mvu 1989) [rs-F].

Nzo-nkanda fwete yantikaka NA NTANGU YINA BENO MEWAKANAKA ti bangogo ya nkufi ya kuzodila bampangi kukwisa ya mbote. Ebuna, yo talanda mutindu bantuma kemonisa yo awa na nsi. Na nima ya konso disolo, nkengi na nzo-nkanda tamata na estrade sambu na kubinga mpangi yina kelanda.

BANTENDULA YA MFUNU YA LUTANGU YA BIBLIA: Minuta 10. Na minuta iya ya ntete, nkuluntu to nsadi ya kisalu ya kufwana fwete tubila bangindu ya Masonuku ya mekatuka na lutangu ya Biblia ya konso mposo. Kansi, kana lutangu ya Biblia ya mposo yango keyantika na kapu ya ntete ya mukanda mosi ya Biblia, yandi tabaka bangindu ya yandi tasadila na minuta iya ya ntete na kamukanda “Masonuku Yonso.” Mu mbandu, beto tatadila bakapu tanu ya ntete ya mukanda ya Kuyantika na mposo ya Yanuari 5, yo yina mutubi fwete pona mwa bangindu ya mfunu na baparagrafe ya luyantiku ya mukanda ya Kuyantika na kamukanda “Masonuku Yonso” to na “Ndinga ya Yehowa Kele ya Moyo” na Nzozulu ya Nkengi. Yandi fwete sadila malongi yango na mpila nde dibundu kubakila yo mambote. Yo vanda yandi ketubila bangindu ya lutangu ya Biblia ya konso mposo to bangindu ya mekatuka na kamukanda “Masonuku Yonso” to na Nzozulu ya Nkengi, lukanu na yandi ya ntetentete kele ya kusadisa bawi na kubakisa sambu na nki mpi nki mutindu malongi yango kele mfunu. Mutubi fwete sala yonso sambu na kulutisa ve minuta iya yina bo mepesa sambu na kitini ya ntete. Yandi fwete sala yonso sambu na kubikisa minuta sambanu sambu bawi kupesa bakomantere ya nkufi ya basegonde 30 to ndambu sambu na kumonisa bangindu yina bo sepelaka na yo na lutangu ya Biblia ya konso mposo. Na nima, nkengi na nzo-nkanda talomba na konso mwana ya nzo-nkanda na kukwenda na nzo-nkanda yina yandi tasala devware na yandi.

DISOLO NO. 1: Minuta 4 to ndambu. Yo kele lutangu yina mpangi mosi ya bakala tasala. Mwana ya nzo-nkanda fwete tanga malongi yonso ya bo tapesa yandi kukonda kupesa ntendula na luyantiku to na nsuka. Nkengi na nzo-nkanda tatula dikebi mingimingi na kusadisa bana ya nzo-nkanda na kubakisa mambu ya bo ketanga, na kutanga kukonda kukangama-kangama, na kunyata bangogo mbote, na kubalula ndinga, na kupema na bisika ya mbote, mpi na kutuba mutindu bo ketubaka.

DISOLO NO. 2: Minuta 5. Mpangi mosi ya nkento muntu tasala disolo yai. Bo tapesa mwana ya nzo-nkanda kadre to yandi mosi lenda pona kadre mosi na kati ya bakadre yina kele na lutiti 82 ya mukanda Nzo-Nkanda ya Kisalu ya Teokrasi. Mwana ya nzo-nkanda fwete sadila ntu-dyambu yina bo pesaka yandi mpi kuwakanisa yo ti mutindu mosi ya kisalu ya bilanga yina mefwana na teritware na beno. Kana bo mesonga ve kisika mwana ya nzo-nkanda tabaka malongi, yandi mosi tasosa-sosa malongi ya devware na yandi na mikanda na beto. Nkengi na nzo-nkanda tatula dikebi mingimingi na mpila mwana ya nzo-nkanda ketendula malongi ti mutindu yandi kesadisa muwi na yandi na kuyindula na nsadisa ya Biblia mpi na kubakisa bangindu ya mfunu ya disolo na yandi. Nkengi na nzo-nkanda tapona muntu yina tasala disolo ti yandi.

DISOLO NO. 3: Minuta 5. Beno lenda pesa disolo yai na mpangi-bakala to mpangi-nkento mosi. Mwana ya nzo-nkanda fwete tendula malongi ya kewakana ti ntu-dyambu yina bo mepesa yandi. Kana bo mesonga ve kisika mwana ya nzo-nkanda tabaka malongi, yandi mosi tasala bansosa na mikanda na beto sambu na kuzwa malongi ya devware na yandi. Kana mpangi-bakala muntu tasala disolo yai, yandi tasala yo bonso diskure sambu na bawi yina kele na Nzo ya Kimfumu. Kansi, kana beno mepesa disolo yai na mpangi ya nkento, yandi fwete sala yo mutindu bo kesalaka Disolo No. 2. Nge fwete pesaka masolo yina kele ti asteriske na bampangi ya babakala sambu bo sala yo bonso diskure, mpi kana mpila kele, nge fwete pesa yo na nkuluntu to na nsadi ya kisalu mosi.

BANDONGISILA: Minuta 1-2. Nkengi na nzo-nkanda tazabisa ve na ntwala kikalulu ya mutubi yina mwana ya nzo-nkanda kesala. Na nima ya Disolo No. 1, 2, ti 3, nkengi na nzo-nkanda tapesa bandongisila yina mefwana sambu na kumonisa mambu ya mbote yina kesonga nde mwana ya nzo-nkanda mesala mbote kikalulu mosi ya disolo na yandi. Yandi tabenda dikebi na bikuma ya sikisiki yina kemonisa nde disolo yango kuvandaka mbote mpi yandi tavutukila mbala na mbala bangindu ya mukanda ya Nzo-Nkanda ya Kisalu. Na kutadila mpusa ya konso mwana ya nzo-nkanda, nkengi lenda pesa yandi bandongisila yankaka na kingenga na nima ya lukutakanu to na ntangu yankaka.

NTANGU: Ata muntu mosi ve fwete lutisa ntangu ya bo mepesa yandi, yo vanda nkengi na ntangu yandi kepesa bandongisila. Nkengi fwete zenga na mayele yonso Disolo No. 1, 2 ti 3 kana ntangu yina bo pesaka bo melunga. Kana bampangi yina kesala disolo ya luyantiku ya ketubila bantendula ya mfunu ya lutangu ya Biblia melutisa ntangu, bo fwete pesa bo bandongisila na kingenga. Bampangi yonso fwete zitisaka ntangu ya bo mepesa bo. Nzo-nkanda yonso fwete baka minuta 30.

LUTITI YA BANDONGISILA: Yo kele na mukanda Nzo-Nkanda ya Kisalu.

KILANDI YA NDONGISI: Katula nkengi na nzo-nkanda, kimvuka ya bankuluntu lenda pona nkuluntu mosi ya kufwana, kana yandi kele, sambu na kusala bonso kilandi ya ndongisi. Kana bankuluntu kele mingi na dibundu, bankuluntu lenda pona konso mvula nkuluntu yankaka yina mefwana sambu na kulungisa mukumba yai. Mukumba ya kilandi ya ndongisi tavanda ya kupesa bandongisila na kingenga, kana yo kele mfunu, na bampangi yina tasala bantendula ya mfunu ya Biblia. Yo kele ve mfunu nde yandi pesa bandongisila na nima ya konso disolo yina bampangi na yandi bankuluntu to bansadi ya kisalu tasala.

MVUTUKILA YA NZO-NKANDA YA KISALU YA TEOKRASI: Minuta 20. Na nima ya konso bangonda zole, nkengi na nzo-nkanda tatwadisa mvutukila. Yo tasalamaka na nima ya kutadila bantendula ya mfunu ya lutangu ya Biblia mutindu beto metendula yo awa na zulu. Malongi ya mvutukila takatuka na mambu yina beno tatadila na nzo-nkanda na bangonda zole yina meluta ti na mposo yina mvutukila tasalama. Kana dibundu na beno kele ti lukutakanu ya nzyunga to kana nkengi ya nzyunga mekwisa kutala dibundu na beno na mposo yina beno kele ti Mvutukila ya Nzo-Nkanda ya Kisalu ya Teokrasi, pana beno tasala mvutukila na mposo yina talanda, ebuna Masolo No.1, 2 ti 3 ya mposo yina talanda, beno tasala yo na mposo yango. Beno fwete sala ve bansoba na yina metala manaka ya lutangu ya Biblia ya konso mposo to disolo ya ketadila bantendula ya mfunu ya Biblia.

MANAKA

Yan. 5 Lutangu ya Biblia: Kuyantika 1-5

No. 1: Kuyantika 3:​1-15

No. 2: Sambu na Nki Yezu Kuvandaka Longi Mosi ya Nene (lr kapu 1)

No. 3: Inki Kele Ve Mpamba? (1 Kor. 15:⁠58)

Yan. 12 Lutangu ya Biblia: Kuyantika 6-10

No. 1: Kuyantika 9:​1-17

No. 2: Mutindu ya Kuvutula Mvutu na Bantu Yina Kekwikilaka Ve na Nzambi (rs-F lut. 111 ¶1–lut. 112 ¶1)

No. 3: Mukanda Mosi ya Mekatuka na Nzambi Mosi ya Zola (lr kapu 2)

Yan. 19 Lutangu ya Biblia: Kuyantika 11-16

No. 1: Kuyantika 14:​1-16

No. 2: Muntu Yina Kusalaka Bima Yonso (lr kapu 3)

No. 3: Inki Mutindu Yehowa Kewumbaka Beto? (Yez. 64:​8, NW)

Yan. 26 Lutangu ya Biblia: Kuyantika 17-20

No. 1: Kuyantika 17:​1-17

No. 2: Sambu na Nki Bantu Mekukaka Ve na Kutula Luyalu ya Lunungu (rs-F balut. 172-173 ¶3)

No. 3: Nzambi Kele ti Zina (lr kapu 4)

Feb. 2 Lutangu ya Biblia: Kuyantika 21-24

No. 1: Kuyantika 22:​1-18

No. 2: “Yai Kele Mwana na Mono” (lr kapu 5)

No. 3: a Mitindu Yina Beto Lenda Kudikangula na Zola Sambu na Bankaka (2 Kor. 6:​11-13, NW)

Feb. 9 Lutangu ya Biblia: Kuyantika 25-28

No. 1: Kuyantika 25:​1-18

No. 2: Longi ya Nene Kusadilaka Bantu Yankaka (lr kapu 6)

No. 3: Sambu na Nki Bikesa Yina Bantu Kesalaka Sambu na Kukatula Mpasi Lenda Nunga Ve (rs-F lut. 173 ¶4–lut. 174 ¶4)

Feb. 16 Lutangu ya Biblia: Kuyantika 29-31

No. 1: Kuyantika 29:​1-20

No. 2: Sambu na Nki Beto Fwete “Mona Mpasi Ve” (Mat. 6:⁠25)

No. 3: Bulemfu Tataninaka Nge (lr kapu 7)

Feb. 23 Lutangu ya Biblia: Kuyantika 32-35

Mvutukila ya Nzo-Nkanda ya Kisalu ya Teokrasi

Mar. 2 Lutangu ya Biblia: Kuyantika 36-39

No. 1: Kuyantika 39:​1-16

No. 2: Bantu Yankaka Kele ti Kiyeka Kuluta Beto (lr kapu 8)

No. 3: Kimfumu ya Nzambi Mpamba Tapesa Bantu Bima Yina Bo Ke na Yo Mpenza Mfunu (rs-F lut. 174 ¶5–lut. 175 ¶2)

Mar. 9 Lutangu ya Biblia: Kuyantika 40-42

No. 1: Kuyantika 40:​1-15

No. 2: Beto Fwete Nwana ti Bampukumuna (lr kapu 9)

No. 3: b Keba na Mpeve ya Dipanda!

Mar. 16 Lutangu ya Biblia: Kuyantika 43-46

No. 1: Kuyantika 44:​1-17

No. 2: Yezu Meluta Bademo na Ngolo (lr kapu 10)

No. 3: Bambikudulu ya Biblia Memonisaka nde Yo Kele ya Kutudila Mpenza Ntima (rs-F lut. 175 ¶3–lut. 176 ¶3)

Mar. 23 Lutangu ya Biblia: Kuyantika 47-50

No. 1: Kuyantika 48:​1-16

No. 2: Keti Beto Fwete Wa Dyabulu Boma?

No. 3: Lusadisu ya Bawanzyo ya Nzambi (lr kapu 11)

Mar. 30 Lutangu ya Biblia: Kubasika 1-6

No. 1: Kubasika 1:​1-19

No. 2: Yezu Kelonga Beto na Kusamba (lr kapu 12)

No. 3: Keti Kubeluka na Mutindu Mosi ya Kuyituka ya Bilumbu Yai Kekatukaka na Mpeve ya Nzambi? (rs-F lut. 177 ¶1-4)

Apr. 6 Lutangu ya Biblia: Kubasika 7-10

No. 1: Kubasika 9:​1-19

No. 2: Bayina Kukumaka Balongoki ya Yezu (lr kapu 13)

No. 3: c Inki Mutindu Beto Lenda Wakanisa Galatia 6:2 ti Galatia 6:⁠5?

Apr. 13 Lutangu ya Biblia: Kubasika 11-14

No. 1: Kubasika 12:​21-36

No. 2: Sambu na Nki Beto Fwe Lolulaka (lr kapu 14)

No. 3: Luswaswanu Yina Kele na Kati ya Kubelula Yina Yezu ti Bantumwa na Yandi Kusalaka ti Yina Kesalama Bubu Yai (rs-F lut. 177 ¶5–lut. 178 ¶3)

Apr. 20 Lutangu ya Biblia: Kubasika 15-18

No. 1: Kubasika 15:​1-19

No. 2: Kutina Lusambu ya Luvunu Ketendula Inki?

No. 3: Dilongi Sambu na Kuvanda Muntu ya Mbote (lr kapu 15)

Apr. 27 Lutangu ya Biblia: Kubasika 19-22

Mvutukila ya Nzo-Nkanda ya Kisalu ya Teokrasi

Mayi 4 Lutangu ya Biblia: Kubasika 23-26

No. 1: Kubasika 24:​1-18

No. 2: Inki Kima Kele Mpenza Mfunu? (lr kapu 16)

No. 3: Inki Mutindu Bantu Kezabaka Bakristu ya Kyeleka Bubu Yai (rs-F lut. 178 ¶4–lut. 179 ¶2)

Mayi 11 Lutangu ya Biblia: Kubasika 27-29

No. 1: Kubasika 29:​1-18

No. 2: Mutindu ya Kuvanda na Kyese (lr kapu 17)

No. 3: d Kwikama ya Mbi mpi Bigonsa na Yo

Mayi 18 Lutangu ya Biblia: Kubasika 30-33

No. 1: Kubasika 31:​1-18

No. 2: Sambu na Nki Nzambi Pesaka Makabu ya Kubelula Bantu na Mvu-Nkama ya Ntete (rs-F lut. 179 ¶3–lut. 180 ¶3)

No. 3: Keti Nge Keyibukaka na Kupesa Mersi? (lr kapu 18)

Mayi 25 Lutangu ya Biblia: Kubasika 34-37

No. 1: Kubasika 37:​1-24

No. 2: Keti Kunwana Ke Mbote? (lr kapu 19)

No. 3: e Kikalulu ya Kupesa Nzila na Mambu Yonso Kele Nki, mpi Sambu na Nki Beto Fwete Buya Yo?

Yuni 1 Lutangu ya Biblia: Kubasika 38-40

No. 1: Kubasika 40:​1-19

No. 2: Keti Nge Kezolaka Ntangu Yonso Kuvanda Muntu ya Ntete? (lr kapu 20)

No. 3: Keti Beto Kele ti Kivuvu nde Bantu Yonso Tabeluka Kimakulu? (rs-F lut. 180 ¶4–lut. 181 ¶1)

Yuni 8 Lutangu ya Biblia: Levi 1-5

No. 1: Levi 4:​1-15

No. 2: Keti Beto Fwe Kudisikisa Sambu na Mambu Yonso? (lr kapu 21)

No. 3: f Inki Mutindu Bakristu Fwete Sadila Kiyeka?

Yuni 15 Lutangu ya Biblia: Levi 6-9

No. 1: Levi 8:​1-17

No. 2: ‘Keti Nge Kekwikilaka na Kubeluka na Mutindu Mosi ya Kuyituka?’ (rs-F lut. 181 ¶2-3)

No. 3: Sambu na Nki Beto Fwete Kusaka Ve (lr kapu 22)

Yuni 22 Lutangu ya Biblia: Levi 10-13

No. 1: Levi 11:​29-45

No. 2: Sambu na Nki Bantu Kebelaka (lr kapu 23)

No. 3: Balusakumunu Yina Balongoki ya Mebakaka Mbotika Kezwaka

Yuni 29 Lutangu ya Biblia: Levi 14-16

Mvutukila ya Nzo-Nkanda ya Kisalu ya Teokrasi

Yuli 6 Lutangu ya Biblia: Levi 17-20

No. 1: Levi 19:​1-18

No. 2: Keti Beto Yonso Vandaka Kuzinga Ntete na Kisika ya Kimpeve na Ntwala ya Kubutuka Bonso Bantu? (rs-F lut. 61 ¶1–lut. 62 ¶1)

No. 3: Kukuma Ve Muyibi Ata Fyoti! (lr kapu 24)

Yuli 13 Lutangu ya Biblia: Levi 21-24

No. 1: Levi 22:​17-33

No. 2: Keti Bayina Kesalaka Mambu ya Mbi Lenda Soba? (lr kapu 25)

No. 3: Mutindu Bakristu ya Kyeleka Kekudibanzaka Sambu na Bansukami

Yuli 20 Lutangu ya Biblia: Levi 25-27

No. 1: Levi 25:​39-54

No. 2: Sambu na Nki Yo Kevandaka Mpasi na Kusala Mambu ya Mbote (lr kapu 26)

No. 3: Kana Adami Kusumukaka Ve, Keti Nsukansuka Yandi Zolaka Kukwenda na Zulu? (rs-F lut. 62 ¶2-3)

Yuli 27 Lutangu ya Biblia: Kutanga 1-3

No. 1: Kutanga 3:​1-20

No. 2: Sambu na Nki Kuvanda Muntu ya Mawete Kelombaka Kudiyala

No. 3: Nani Kele Nzambi na Nge? (lr kapu 27)

Aug. 3 Lutangu ya Biblia: Kutanga 4-6

No. 1: Kutanga 4:​1-16

No. 2: Mutindu Beto Lenda Zaba Muntu ya Beto Fwete Lemfukila (lr kapu 28)

No. 3: Keti Muntu Fwete Kwenda na Zulu Sambu na Kuzinga Luzingu ya Mbote na Bilumbu Kekwisa? (rs-F lut. 62 ¶4-6)

Aug. 10 Lutangu ya Biblia: Kutanga 7-9

No. 1: Kutanga 9:​1-14

No. 2: Keti Bafete Yonso Kesepedisaka Nzambi? (lr kapu 29)

No. 3: Mitindu Yina Beto Kemonisaka Kwikama na Yehowa

Aug. 17 Lutangu ya Biblia: Kutanga 10-13

No. 1: Kutanga 13:​17-33

No. 2: Lusadisu Sambu na Kununga Boma na Beto (lr kapu 30)

No. 3: Inki Kele Ntendula ya 1 Piere 3:​19, 20? (rs-F lut. 63 ¶1)

Aug. 24 Lutangu ya Biblia: Kutanga 14-16

No. 1: Kutanga 14:​26-43

No. 2: Kuzola Bansiku ya Nzambi Ketendula Inki? (Nk. 119:⁠97)

No. 3: Kisika ya Kubakila Kikesa (lr kapu 31)

Aug. 31 Lutangu ya Biblia: Kutanga 17-21

Mvutukila ya Nzo-Nkanda ya Kisalu ya Teokrasi

Sept. 7 Lutangu ya Biblia: Kutanga 22-25

No. 1: Kutanga 22:​20-35

No. 2: Mutindu Nzambi Kutaninaka Yezu (lr kapu 32)

No. 3: Inki Kele Ntendula ya 1 Piere 4:6? (rs-F lut. 63 ¶2)

Sept. 14 Lutangu ya Biblia: Kutanga 26-29

No. 1: Kutanga 27:​1-14

No. 2: Balukebisu Kele Nki mpi Sambu na Nki Yo Kele Mfunu? (Ef. 6:​4, NW)

No. 3: Yezu Lenda Tanina Beto (lr kapu 33)

Sept. 21 Lutangu ya Biblia: Kutanga 30-32

No. 1: Kutanga 32:​1-15

No. 2: Inki Tasalama Kana Beto Mefwa? (lr kapu 34)

No. 3: Keti Kivuvu ya Kuzinga na Zulu Kele Sambu na Bakristu Yonso? (rs-F lut. 64 ¶1-3)

Sept. 28 Lutangu ya Biblia: Kutanga 33-36

No. 1: Kutanga 33:​1-23

No. 2: Beto Lenda Telama na Lufwa! (lr kapu 35)

No. 3: Mambu Yina Kemonisa nde Kimfumu ya Nzambi Meluta Baluyalu Yonso ya Bantu

Okt. 5 Lutangu ya Biblia: Kulonga 1-3

No. 1: Kulonga 2:​1-15

No. 2: Inki “Kuwakana ya Mpa” Ketuba Sambu na Yina Metala Luzingu ya Kukonda Nsuka na Zulu ya Ntoto? (rs-F lut. 65 ¶1-6)

No. 3: Banani Tafutumuka? Bo Tazinga na Wapi? (lr kapu 36)

Okt. 12 Lutangu ya Biblia: Kulonga 4-6

No. 1: Kulonga 4:​15-28

No. 2: Beto Yibuka Yehowa ti Mwana na Yandi (lr kapu 37)

No. 3: Inki Ntangu Bo Lenda Tuba nde Kuvanda ti Bima Fyoti Kele Mbote? (Bing. 15:⁠16)

Okt. 19 Lutangu ya Biblia: Kulonga 7-10

No. 1: Kulonga 9:​1-14

No. 2: Sambu na Nki Beto Fwete Zola Yezu (lr kapu 38)

No. 3: Biblia Ketuba nde Bantu Ikwa Kele na Kivuvu ya Kuzinga na Zulu? (rs-F lut. 66 ¶1-2)

Okt. 26 Lutangu ya Biblia: Kulonga 11-13

Mvutukila ya Nzo-Nkanda ya Kisalu ya Teokrasi

Nov. 2 Lutangu ya Biblia: Kulonga 14-18

No. 1: Kulonga 15:​1-15

No. 2: Kutina Nzambi Boma Ketadila Inki?

No. 3: Nzambi Meyibuka Mwana na Yandi (lr kapu 39)

Nov. 9 Lutangu ya Biblia: Kulonga 19-22

No. 1: Kulonga 22:​1-19

No. 2: Inki Mutindu Kupesa Nzambi Kyese (lr kapu 40)

No. 3: Keti Bantu 144000 Kele Kaka Bayuda ya Musuni? (rs-F lut. 66 ¶3–lut. 67 ¶1)

Nov. 16 Lutangu ya Biblia: Kulonga 23-27

No. 1: Kulonga 25:​1-16

No. 2: Bana Yina Kepesaka Nzambi Kyese (lr kapu 41)

No. 3: g Inki Bima Beto Fwete Tadila nde Yo Kele ya Santu?

Nov. 23 Lutangu ya Biblia: Kulonga 28-31

No. 1: Kulonga 30:​1-14

No. 2: Sambu na Nki Beto Fwete Sala Kisalu (lr kapu 42)

No. 3: Inki Kivuvu Masonuku Kepesa Sambu na “Kibuka ya Nene”? (rs-F lut. 67 ¶2-4)

Nov. 30 Lutangu ya Biblia: Kulonga 32-34

No. 1: Kulonga 32:​1-21

No. 2: “Kilumbu” ya Nene ya Yehowa Kele Inki? (Sof. 1:⁠14)

No. 3: Banani Kele Bampangi na Beto ya Babakala ti ya Bankento? (lr kapu 43)

Des. 7 Lutangu ya Biblia: Yozue 1-5

No. 1: Yozue 5:​1-15

No. 2: Banduku na Beto Fwete Zolaka Nzambi (lr kapu 44)

No. 3: Kimfumu ya Nzambi Kele Inki? Mpila ya Kusonga nde Beto Kezolaka Yo (lr kapu 45)

Des. 14 Lutangu ya Biblia: Yozue 6-8

No. 1: Yozue 8:​1-17

No. 2: Keti Inza Tafwa Dyaka na Masa na Bilumbu Kekwisa? (lr kapu 46)

No. 3: Sambu na Nki Longi 7:​21, 22 Kele Ndongisila ya Mbote?

Des. 21 Lutangu ya Biblia: Yozue 9-11

No. 1: Yozue 9:​1-15

No. 2: Mutindu ya Kuzaba nde Armagedoni Mekuma Penepene (lr kapu 47)

No. 3: Nge Lenda Zinga na Inza ya Mpa ya Ngemba ya Nzambi (lr kapu 48)

Des. 28 Lutangu ya Biblia: Yozue 12-15

Mvutukila ya Nzo-Nkanda ya Kisalu ya Teokrasi

[Banoti na nsi ya lutiti]