Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Septembri 1

“Bantu mingi keyindulaka nde disolo ya Adami ti Eva yina kele na Kuyantika kele ve disolo ya kyeleka. Bankaka kekwikilaka nde Adami ti Eva kuvandaka bantu ya kyeleka. Inki nge keyindula? [Bika muntu yango kupesa mvutu.] Tala mambu Yezu yina kutubaka sambu na bo. [Tanga Marko 10:​6-9.] Disolo yai ketubila banzikisa mpi ketendula sambu na nki mambu ya beto kekwikilaka kele mfunu.” Tubila disolo yina keyantika na lutiti 12.

Réveillez-vous! Septembri

Tanga 1 Yoane 4:⁠8. Na nima tuba nde: “Bantu yankaka kekwikilaka nde Nzambi kenyokulaka bantu ya mbi mvula na mvula na bilungi ya tiya. Bankaka keyindulaka nde dibanza ya mutindu yina kewakana ve ti mambu yina ya beto mekatuka kutanga. Inki nge keyindula? [Bika muntu yango kupesa mvutu.] Disolo yai kemonisa mambu yina Biblia kelongaka na yina metala dyambu yai.” Tubila disolo yina keyantika na lutiti 10.

Nzozulu ya Nkengi Oktobri 1

“Beto yonso kekutanaka ti mambu ya mpasi na luzingu. [Tubila mwa mambu ya mpasi yina bantu mingi ya teritware na beno kekutanaka ti yo.] Keti nge keyindula nde Nzambi lenda sadisa beto na mambu yai? [Bika muntu yango kupesa mvutu.] Na verse yai, Yezu kemonisa mutindu mosi yina Nzambi kesadisaka beto. [Tanga Luka 11:13.] Zulunalu yai kepesa ntendula ya mpeve santu mpi kemonisa mutindu yo lenda natila beto mambote.”

Réveillez-vous! Oktobri

“Mavwanga kebasikaka na mabuta yonso. Nge keyindula nde na wapi mabuta lenda baka bandongisila ya mbote mpi yina mefwana na kusadila? [Bika muntu yango kupesa mvutu. Na nima tanga Nkunga 32:⁠8.] Réveillez-vous ! yai ya sipesiali ketubila minsiku mingi ya sikisiki ya Biblia yina tasadisa mabuta kana bo sadila yo.”