Manaka Sambu na Mposo ya OKTOBRI 19
MPOSO YA KEBANDA NA Oktobri 19
□ Kulonguka ya Biblia ya Dibundu:
lv kapu 3 ¶8-15, lupangu ya lut. 30
□ Nzo-Nkanda ya Kisalu ya Teokrasi:
Lutangu ya Biblia: Kulonga 7-10
No. 1: Kulonga 9:1-14
No. 2: Sambu na Nki Beto Fwete Zola Yezu (lr kapu 38)
No. 3: Biblia Ketuba nde Bantu Ikwa Kele na Kivuvu ya Kuzinga na Zulu? (rs-F lut. 66 ¶1-2)
□ Lukutakanu ya Kisalu:
Min. 5: Baluzayisu.
Min. 15: Bansosa Lenda Tomisa Nzayilu na Nge. Diskure ya mesimbama na malongi yina keyantika na lutiti 33 tii na kantu-dyambu ya lutiti 34 ya mukanda Nzo-Nkanda ya Kisalu. Tubila bangindu yai ti dibanza ya bansamuni yina kesyamisa balongoki ya Biblia na kusongaka bo mutindu ya kusala bansosa sambu na kukumisa lukwikilu na bo ngolo mpi kudibongisa sambu na kisalu ya kusamuna. Sadisa nsonga mosi ya kemonisa mutindu nsamuni lenda sadisa longoki ya Biblia na kubakisa mfunu ya bansosa.
Min. 15: “Kuta Kimbangi na Telefone Lenda Buta Mbuma ya Mbote.” Disolo na bangyufula mpi bamvutu. Lomba bansamuni zole na kusala bansonga ya kemonisa mutindu ya kupesa mukanda ya beto kekabula na ngonda yai. Noti: Kana bansiku ya bwala na beno kemonisa tii na nki kiteso bantu lenda ta kimbangi na telefone, beno fwete tudila dyambu yai dikebi.