Manaka Sambu na Mposo ya Februari 22

MPOSO YA KEBANDA NA FEBRUARI 22

Nkunga 64 (191)

□ Kulonguka ya Biblia ya Dibundu:

lv kapu 8 ¶1-10

□ Nzo-Nkanda ya Kisalu ya Teokrasi:

Lutangu ya Biblia: Bazuzi 19-21

Mvutukila ya Nzo-Nkanda ya Kisalu ya Teokrasi

□ Lukutakanu ya Kisalu:

Nkunga 20 (28)

Min. 5: Baluzayisu.

Min. 10: Mikanda ya Kukabula na Marsi. Yula bangyufula na bansamuni zole. Lomba bo na kutendula mambu ya mfunu ya mukanda ya beno takabula na ngonda yai mpi nki bangogo ya kukotila na masolo bo memonaka nde yo butaka bambuma ya mbote na teritware na beno. Lomba na konso nsamuni na kusala nsonga mosi to nsonga ya kevutukila eksperiansi mosi ya kemonisa mutindu ya kusadila mukanda yango sambu na kuyantika kulonguka Biblia ti muntu mosi.

Min. 10: Kuyindula na Mutindu Mosi ya Mbote Kepusaka Bantu na Kuwidikila. Diskure ya mekatuka na mukanda Nzo-Nkanda ya Kisalu, banda na lutiti 251 tii na lutiti 253, paragrafe 2.

Min. 10: Twadisa Bantu Yina Kesepelaka na Kyeleka na Organizasio ya Yehowa. Disolo ti bawi ya ketadila baparagrafe tatu ya kele na nsi ya kantu-dyambu yina kele na lutiti 99 ya mukanda Beto Mevukana. Lomba bawi na kutuba na nki mitindu bo metwadisaka bantu yina kesepelaka na kyeleka na organizasio ya Yehowa. Yula bangyufula na nsamuni mosi yina kubakaka mambote sambu longi na yandi ya Biblia kusalaka mutindu yina.

Nkunga 122 (127)