Kana Nge Kele na Mfunu ya Mikanda ya Ndinga ya Banzenza Kukonda Kusukinina

Bantangu yankaka beto kekutanaka ti bantu yina kezolaka kutanga mikanda na beto na ndinga ya banzenza yina dibundu na beto kele ve ti mikanda yango na stoki. Keti nge mezaba nde kana nge kesadilaka internet mpi kele ti masini ya kunyema mikanda, nge lenda nyema nge mosi mikanda na bandinga kiteso ya 400? Tala mutindu ya kusala yo:

• Kangula www.watchtower.org, Site na beto ya Internet yina mezabanaka.

• Na lweka ya diboko ya kitata ya lutiti ya luyantiku kele ti lisiti ya mwa bandinga. Cliquer na kifwanisu yina kemonisa ntoto sambu na kuzaba lisiti ya bandinga yonso yina nge lenda zwa mikanda na beto.

• Cliquer na ndinga yina nge mezola. Lutiti mosi tabasika yina kemonisa mikanda yina nge lenda nyema, mu mbandu batrakiti, tumikanda, mpi masolo. Sambu lutiti yai kele ya kusonika na ndinga yina nge mepona, kudiyangisa ve kana nge kebakisa ve bantu-dyambu.

• Cliquer na konso disolo yina. Mambu tabasika na écran mpi nge lenda nyema yo na kusadilaka kisika yina bo mesonika nyema.

Site na beto ya Internet kele kaka ti mwa mikanda fyoti mpamba; beno lenda baka mikanda yankaka na nzila ya dibundu. Kana nge kele na mpusa ya mikanda, yo kele mbote na kulomba yo na nzila ya mpangi yina ketalaka kisalu ya mikanda.