19-25 JANVIER

YEZAYA 24-27

Nkunga 159 mpi Kisambu | Bangogo ya Luyantiku (Mun. 1)

BIMVWAMA YA NDINGA YA NZAMBI

1. “Yai Kele Nzambi na Beto!”

(Min. 10)

Beto kele ti bikuma mingi ya kuvanda na kiese sambu na Yehowa Nzambi na beto (Yez 25:9; cl 15 § 21)

Yandi ta pesa beto bima mingi na ntoto ya mpa mu mbandu, madia mingi (Yez 25:6; w24.12 6 § 14)

Yandi ta pesa beto luzingu ya mvula na mvula (Yez 25:7, 8; w25.01 28-29 § 11-12)

Mpangi-bakala mosi ya mununu me vanda na kiti ya bikata mpi yandi ke longa muntu yina ke sansaka yandi.

KUDIYULA NDE: ‘Na mposo yai, banani mono lenda songa mambu yina Yehowa me tuba nde yandi ta sala?’

2. Bimvwama ya Kimpeve

(Min. 10)

Yez 24:2—Sambu na nki bo me yidika mutindu ya nkaka bangogo ya kele na verse yai kana beto fwanisa yo ti yina vandaka na Mbalula ya Nsi-Ntoto ya Mpa yina beto vandaka kusadila ntete? (w15 15/12 17 § 1-3)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Yez 25:1-9 (th dilongi 10)

KUDIPESA NA KISALU YA BILANGA

4. Kuyantika Disolo

(Min. 3) KIMBANGI NA BISIKA YA BANTU MINGI. Sosa kuzaba disolo yina ke sepedisa muntu. Songa yandi mutindu yandi lenda mona mambu ya nkaka na site Internet na beto jw.org. (lmd dilongi 1 kantu-diambu 3)

5. Kulanda Mpusa

(Min. 4) NZO NA NZO. Songa muntu kieleka mosi ya Biblia ya kele na kitini bangindu ya nkaka A ya kamukanda Zola Bantu. (lmd dilongi 9 kantu-diambu 4)

6. Tendula Balukwikilu na Nge

(Min. 5) Nsonga. ijwbq disolo 160—Ntu-Diambu: Sambu na Nki Biblia Ke Bingaka Yezu Mwana ya Nzambi? (th dilongi 3)

ZINGA MUTINDU BAKRISTU FWETE ZINGA

Nkunga 144

7. Tula Ntima ya Mvimba na Yehowa Ntangu Nge Ke Yilama na Kubaka Lusansu to Sambu Bo Sala Nge Operasio

(Min. 15) Disolo ti Bawi.

Yehowa ke taninaka bantu yina ke tudilaka yandi kibeni ntima. (Tanga Yezaya 26:3.) Ntangu beto ke kudibongisa sambu na kubaka lusansu, beto lenda monisa nde beto ke tudila kibeni Yehowa ntima kana beto ke sadila lusadisu yina yandi ke pesa beto na nzila ya organizasio na yandi.

Bifwanisu ya kele na video “Keti Nge Me Kudibongisa na Ntwala Sambu na Mambu ya Lusansu?” 1. Mpangi-bakala mosi ke sala bansosa, yandi ke sadila Billia mpi dilongi 39 ya mukanda “Zinga Mvula na Mvula!” 2. Mpangi-bakala mosi ke fulusa karti bantuma sambu na lusansu. 3. Mpangi-bakala mosi ya Komite ya Kuwakana ti balupitalu ke sadisa mpangi ya nkaka, bo ke solula na telefone. 4. Mpangi-nkento mosi ke songa doktere mosi mikanda.

Songa VIDEO Keti Nge Me Kudibongisa na Ntwala Sambu na Mambu ya Lusansu? Na nima yula bawi bangiufula yai:

Inki kele mambu tatu yina lenda sadisa beto na kudibongisa sambu na mambu ya lusansu?

Mvutu na nge
Inki mutindu mikanda yina ke tubilaka mambu ya lusansua ke sadisaka beto?

Mvutu na nge
Inki kele ntangu ya mbote ya kusolula ti bampangi ya Komite ya Kuwakana ti Balupitalu?

Mvutu na nge
Inki mutindu nge ke kudiwaka mpila Yehowa ke sadisaka beto na zola?

Mvutu na nge

Mambu yina Biblia ke tuba na Yezaya 26:3 ya me tala “ngemba ya ntangu yonso” ke tendula ve nde Yehowa ta kanga nzila nde beto bela ve. Kansi, yandi ke sadisaka beto na ntangu yina ya mpasi na nzila ya organizasio na yandi sambu na kupesa beto yina beto kele ti yo mfunu sambu beto kudiwa na lutaninu mpi na ngemba.

8. Kulonguka ya Biblia ya Dibundu

(Min. 30) lfb malongi 54-55

Bangogo ya Nsuka (Min. 3) | Nkunga 53 mpi Kisambu

a Beno lenda lomba bankuluntu mikanda yai kana beno kele ti yo mfunu Mambu Yina Nkento ya Divumu Fwete Zaba (S-401), Bansangu Sambu na Bambefo yina Bo Ke Zola Kusala Operasio to Chimiothérapie (S-407), mpi Mambu Yina Bibuti Fwete Zaba Kana Yo Ke Lomba nde Bo Nata Mwana na Bo na Opitale (S-55).