Nani Yantikaka Kimvuka na Beno?

Na ntangu na beto, kimvuka ya Bambangi ya Yehowa yantikaka na nsuka ya mvu-nkama ya 19. Na ntangu yina, kimvuka mosi ya fioti ya balongoki ya Biblia yina vandaka kuzinga pene-pene ya mbanza Pittsburgh, na provense ya Pennsylvanie, na États-Unis, yantikaka kulonguka Biblia mbote-mbote mpi na dikebi yonso. Bo vandaka kufwanisa malongi ya mabundu ti mambu yina Biblia ke longaka mpenza. Bo yantikaka kusonika mambu yina bo longukaka na mikanda, na bazulunalu mpi na zulunalu yina bo ke bingaka bubu yai Nzozulu ya Nkengi​—Kesamunaka Kimfumu ya Yehowa.

Charles Taze Russell vandaka na kati ya kimvuka yina ya balongoki ya kieleka ya Biblia. Ata Russell vandaka kutwadisa kisalu ya kulonga bantu Biblia na ntangu yina mpi vandaka muntu ya ntete yina sonikaka Nzozulu ya Nkengi, yandi salaka ve dibundu mosi ya mpa. Lukanu ya Russell mpi ya Balongoki ya nkaka ya Biblia vandaka ya kulonga malongi ya Yezu Kristu mpi kulanda bikalulu ya dibundu ya Bukristu ya mvu-nkama ya ntete. Sambu Yezu Muntu yantikaka dibundu ya Bukristu, beto ke ndimaka nde yandi muntu kele mfumu ya kimvuka na beto.—Bakolosai 1:18-20.