Keti Beno Kele na Kadibundu ya Bantu ya Amerika?

Babiro ya ke twadisaka kisalu na beto na ntoto ya mvimba ke vandaka na États-Unis. Kansi, dibundu na beto kele ve ya bantu ya Amerika sambu na bikuma yai:

• Bantu mingi ke tubaka nde kadibundu kele kimvuka yina me katukaka na dibundu mosi ya nene. Bambangi ya Yehowa me katukaka ve na dibundu ya nkaka. Kansi, beto me vutulaka mutindu dibundu ya Bukristu vandaka na mvu-nkama ya ntete.

• Bambangi ya Yehowa ke longaka na bansi kuluta 230. Na konso kisika yina beto ke zingaka, beto ke vandaka ya kwikama ntete-ntete na Yehowa Nzambi mpi na Yezu Kristu kansi ve na luyalu ya États-Unis to na baluyalu ya nkaka.​—Yoane 15:19; 17:15, 16.

• Malongi na beto yonso ke katukaka na Biblia, kansi yo ke katukaka ve na mikanda ya mfumu mosi ya dibundu ya États-Unis.​—1 Batesalonika 2:13.

• Beto kele balongoki ya Yezu Kristu, kansi ve balongoki ya mfumu mosi buna.​—Matayo 23:8-10.