Yonso Bible Ke tuba Ke salama

Bible kelonga beto kaka ve mambu yina kusalamaka na ntangu ya ntama, kansi yau ketubila beto mpi mambu yina tabwa na bilumbu kekwisa na ntwala. Ata muntu mosi ve mezaba mambu ya bilumbu kekwisa. Yau yina beto kezaba nde Bible mekatuka na Nzambi. Inki yau ketuba na yina metala bilumbu kekwisa?

Bible ketuba nde Nzambi tabwisa mvita ya ngolo yina tasukula ntoto na kumanisaka mambi mpi na kufwaka bantu yina kesalaka mambi. Kansi Jéhovah tatanina bansadi na yandi, bayina tavanda na ngemba mpi na byese ya mvula na mvula na luyalu ya Yezu Kristu. Bimbefo na lufwa tavanda dyaka ve.

Ya kyeleka, beto kele na kyese ya kuzaba nde Nzambi tatula paladisu ya mpa awa na ntoto. Bantu tazinga na paladisu yina, kaka bayina yandi tazola. Kansi nki beto fwete sala sambu Jéhovah kuzola beto mpi kupesa beto mambote yina yandi kebumba sambu na bansadi na yandi? Yau yina nkenda na beto ya nsuka ya mukanda yai ketubila mambu yina tasalama na makwisa. Na yau, tanga NDAMBU YA 8.