Inki ke balukwikilu na bau?

Ba Témoins de Jéhovah kekwikilaka na Nzambi Nkwa-Ngolo, Jéhovah, Ngangi ya mazulu mpi ntoto. Kumonana ya bima ya kitoko yina mesalama na ndonga ya kuluta mayele yina beto lenda tala na nza, kendimisa na mazaya na beto nde yau ke kisalu ya Ngangi mosi ya ngangu mpi ya kuluta ngolo. Mutindu bikalulu ya muntu kemonanaka na bisalu ya maboko nandi, kiteso mosi mpi sambu na Jéhovah Nzambi. Bible ketubila beto nde “bikalulu nandi ya konda kumonana kekudimonisa pwelele kati na bima yandi gangaka, sambu yau kemonika na ngangu na nzila ya bima yina salamaka.” Bonso Bible ketuba dyaka yau, ata nge lenda kuwa mungungu ve, “mazulu kezabisa nkembo ya Nzambi.”​—Roma 1:20; Nkunga 19:1-4.

Ikele mpamba ve nde bantu kesalaka mabungu to kesalaka batelevisio mpi baordinater. Kansi ntoto kemonisa beto bisalu ya kuluta dyaka kitoko. Ngangu na beto ya bumuntu kesukaka na kumona lutungu ya nitu ya muntu na bamiliyar na yau ya ba cellules, kukonda kutubila nkutu maswekamu ya kināka to ya organe ya kuyituka bonso butomfi. Kana muntu kevandaka na lukanu ntangu yandi kesalaka mpi kegangaka bima, ebuna yandi mosi Jéhovah Nzambi mpi vandaka na lukanu ntangu yandi gangaka bima yonso ya kitoko mpi ya ngituka yina kubasikaka na maboko nandi mosi. Kuwa yina nge lenda tanga na Bible: “Jéhovah salaka bima yonso na lukanu na yau.”​—Bingana 16:4.

Jéhovah gangaka ntoto na lukanu, mutindu yau mesonama na mambu yina yandi zabisaka na bakwedi ya ntete nde: “Beno buta, beno kuma mingi, beno fulusa ntoto, . . . beno yala bambisi ya masa, bandeke ya zulu, konso kigangwa yina ketambulaka na ntoto.” (Genese 1:28) Na nima ya kukolama na bau, bakwedi ya ntete lendaka dyaka ve kufulusa ntoto na mabuta ya kulunga yina fwanaka kusansa ntoto, bimenina na yau mpi bambisi na yau. Kansi yau kubwisaka ve lukanu ya Jéhovah. Kuwa yina mbikudi mosi sonikaka na nima ya mafunda ya bamvu nde: ‘Nzambi, yina salaka ntoto, yandi salaka yau sambu yau vanda mpamba ve.’ Yandi “salaka yau sambu nde bantu kuvanda pana.” Ebuna ntoto tafwa ve: yau “tavandaka ntangu yonso.” (Isaya 45:18; Mpovi 1:​4, Osty) Jéhovah talungisa lukanu yina yandi bakaka sambu na ntoto. Kuwa yina yandi ketuba: “Bangindu na mono tabeba ve, mpi yonso yina keyangidisa mono, mono tasala yau.”​—⁠Isaya 46:⁠10.

Yau yina ba Témoins de Jéhovah kekwikilaka nde mweta na beto tabikala kimãkulu mpi nde bantu​—⁠bazinga mpi bafwa​—⁠bayina tandima lukanu ya Jéhovah sambu na yina ketadila ntoto (ntoto mosi ya kitoko yina tafuluka na bantu) bau tazinga pana mvula na mvula. Bantu yonso bakaka kukonda kulunga y’Adam na Eva, ebuna bau kele bansumuki. (Roma 5:12) Kuwa yina Bible ketuba: “Lufutu ya disumu ke lufwa.” “Bazinga . . . kezaba nde bau takufwa, kansi sambu na yina ketadila bafwa, bau kezaba kima mosi ve.” “Moyo yina tasala disumu​—yandi, yandi tafwa.” (Roma 6:23; Mpovi 9:5; Ezekiel 18:​4, 20) Inki mutindu bafwa yai yonso tavutuka na luzingu? Na nzila ya nkudulu ya Yezu Kristu, yina tubaka nde: “Mono ke lufutumuku mpi luzingu. Yina kekwikila mono, ata yandi mefwa, yandi tavutuka na luzingu.” “Bayina yonso ke na maziami takuwa ndinga na yandi ebuna bau tabasika.”​—⁠Yoane 11:25; 5:​28, 29; Matai 20:⁠28.

Inki mutindu mambu yai yonso talungana? Yonso yina metendulama na “nsangu ya mbote ya kimfumu,” yina Yezu yantikaka na kusamuna na luyantiku ya luzingu nandi awa na ntoto. (Matai 4:​17-23) Kansi na nsungi na beto ba Témoins de Jéhovah kemonisa “nsangu ya mbote” na mutindu yankaka.

[Tablo ya kele na lutiti 13]

LUKWIKILU YA BA TÉMOINS DE JÉHOVAH

BALUKWIKILU

Bible ke Ndinga ya Nzambi; yau kele kyeleka

Bible melunga na kukwikila kuluta kinkulu

Zina ya Nzambi ke Jéhovah

Kristu ke Mwana ya Nzambi; yandi mefwanana na Nzambi ve

Kristu vandaka kigangwa ya ntete ya Nzambi

Kristu fwããka na nti, kansi na kulunsi ve

Kristu pesaka luzingu nandi bonso nkudulu sambu na bantu ya bulemfu

Kimenga kaka mosi ya Kristu lungaka

Kristu kufutumukaka mpeve ya kukonda kufwa

Kukwisa ya Kristu ke ya kukonda kumonana na meso

Kimfumu ya Kristu tayala ntoto na lunungu mpi na ngemba

Kimfumu yango tanata mambu ya kuluta mbote awa na ntoto

Ntoto tafwaka ve to takondaka bantu ve

Nzambi tafwa ngidika ya bima ya ntangu ya bubu yai na mvita ya Har–​Magedo

Bantu ya imbi takufwa kimakulu

Bayina Nzambi kendima tabaka luzingu ya kukonda nsuka

Nzila ke kaka mosi ya kenata na luzingu

Beto ke na “ntangu ya nsuka”

Lufwa ke lufutu ya disumu y’Adam

Moyo ya muntu kezingaka ve na nima ya lufwa

Bilungi ke mazyami sambu na bantu yonso

Kivuvu ya bafwa ke lufutumuku

Lufwa y’Adam tamana

Ikele kaka kibuka ya fyoti ya bantu 144 000 takwenda na zulu sambu na kuyala sika mosi ti Kristu

Ba 144 000 kebutamaka dyaka bonso bana ya Nzambi ya kimpeve

Kuwakana yampa mesalama na Israël ya kimpeve

Dibundu ya Kristu metungama na zulu na yandi mosi

Bisambu fwete pesama kaka na Nzambi, na nzila ya Kristu

Kusadila biteki mpi bifwanisu mepesama nswa ve na lusambu

Beto fwete kuditanina na bampeve ya imbi

Satana ke mfumu ya kukonda kumonana ya nsi yai

Mukristu lenda vukana ve na mabundu yankaka

Mukristu fwete kabwana nansi yai

Beto fwete lemfukila bansiku yonso ya bantu yina kekulula minsiku ya Nzambi ve

Kukotisa menga na nitu na nzila ya munoko to na nzila ya ntunga na musisa, ke kukulula minsiku ya Nzambi

Beto fwete lemfukila minsiku ya Bible sambu na yina ketadila kuvukana ya bakala mpi nkento

Nsiku ya sabata pesamaka kaka na ba Yuda; yau sukaka nzila mosi na Nsiku ya Moïse

Kinganga-nzambi ya mimpe, mazina ya lukumu kewakana ata fyoti ve na Bible

Muntu kuditukilaka ve yandi mosi; kansi yandi gangamaka

Kristu pesaka mbandu ya kulanda na kisalu ya Nzambi

Mbotika ya kudinda nge mvimba na kati ya masa kemonisa kuditambika na nge

Bakristu fwete pesa kimbangi ya pwelele na kyeleka ya Bible na bantu yonso

BANZIKISA YA BIBLE

2 Tim. 3:​16, 17; 2 Pet. 1:​20, 21; Yoane 17:⁠17

Mat. 15:3; Kol. 2:8

Nk. 83:18; Is. 26:4; 42:​8, AC; Esode 6:3

Mat. 3:17; Yoane 8:42; 14:28; 20:17; 1 Kor. 11:3; 15:⁠28

Kol. 1:15; Nz. 3:⁠14

Gal. 3:13; Bisalu 5:⁠30

Mat. 20:28; 1 Tim. 2:​5, 6; Tito 2:14; 1 Petelo 2:⁠24

Roma 6:10; Ebeleo 9:​25-28

1 Petelo 3:18; Roma 6:9; Nz. 1:​17, 18

Yoane 14:19; Mat. 24:3; 2 Kor. 5:16; Nk. 110:​1, 2

Is. 9:​6, 7; 11:​1-5; Dan. 7:​13, 14; Mat. 6:⁠10

Nk. 72:​1-4; Nz. 7:​9, 10, 13-17; 21:​3, 4

Mpovi 1:4; Is. 45:18; Nk. 78:⁠69

Nz. 16:​14, 16; Sof. 3:8; Dan. 2:44; Is. 34:2

Mat. 25:​41-46; 2 Tes. 1:​6-9

Yoane 3:16; 10:​27, 28; 17:3; Malako 10:​29, 30

Mat. 7:​13, 14; Efes. 4:​4, 5

Mat. 24:​3-14; 2 Tim. 3:​1-5; Luka 17:​26-30

Roma 5:12; 6:⁠23

Ez. 18:4; Mpovi 9:10; Nk. 6:5; 146:4; Yoane 11:​11-14

Yobo 14:​13, AG; Nz. 20:​13, 14, AG

1 Kor. 15:​20-22; Yoane 5:​28, 29; 11:​25, 26

1 Kor. 15:26; Nz. 21:4; Is. 25:8; 1 Kor. 15:54

Luka 12:32; Nz. 14:​1, 3; 1 Kor.15:40-53; Nz. 5:​9, 10

1 Petelo 1:23; Yoane 3:3; Nz. 7:​3, 4

Yel. 31:31; Eb. 8:​10-13

Efes. 2:20; Is. 28:16; Mat. 21:⁠42

Yoane 14:​6, 13, 14; 1 Tim. 2:5

Esode 20:​4, 5; Lev. 26:1; 1 Kor. 10:14; Nk. 115:​4-8

Det. 18:​10-12; Gal. 5:​19-21; Lev. 19:⁠31

1 Yoane 5:19; 2 Kor. 4:4; Yoane 12:⁠31

2 Kor. 6:​14-17; 11:​13-15; Gal. 5:9; Det. 7:​1-5

Yakobi 4:4; 1 Yoane 2:15; Yoane 15:19; 17:⁠16

Mat. 22:​20, 21; 1 Petelo 2:12; 4:⁠15

Gen. 9:​3, 4; Lev. 17:14; Bisalu 15:​28, 29

1 Kor. 6:​9, 10; Eb. 13:4; 1 Tim. 3:2; Bing. 5:​1-23

Det. 5:15; Esode 31:13; Roma 10:4; Gal. 4:​9, 10; Kol. 2:​16, 17

Mat. 23:​8-12; 20:​25-27; Yobo 32:​21, 22

Is. 45:12; Gen. 1:⁠27

1 Petelo 2:21; Eb. 10:7; Yoane 4:34; 6:⁠38

Malako 1:​9, 10; Yoane 3:23; Bisalu 19:​4, 5

Roma 10:10; Eb. 13:15; Is. 43:​10-12

[Kifwanisu ya kele na lutiti 12]

NTOTO . . . kigangwa ya Jéhovah . . . kesansama na muntu . . . yandi tazinga na kati na yau kimakulu

[Bangogo ya kemonisa kisina ya foto]

Photo NASA