“Mono Ke Monaka Yandi Diaka Ve na Nzo!”

Keti nge me tubaka ntete ve bangogo yai sambu na muntu mosi ya monisaka mpusa? Ata nge ke kwenda kutala yandi mbala na mbala sambu na kulosila nkeni ya kieleka masa, nge ke mona yandi diaka ve. (1 Bak. 3:6) Bantangu ya nkaka, bansamuni yina kele ti eksperiansi ke sonikilaka muntu ya bo kutaka ve na nzo mukanda to ke bikilaka yandi noti na nsi ya kielo. Bansamuni ya nkaka ke bakisaka na ntwala nde yo lenda vanda mpasi na kumona diaka muntu na nzo. Yo yina, bo ke lombaka nimero ya telefone ya muntu yina mpi ke yulaka yandi nde: “Keti nge ke sadilaka ba SMS na telefone?” Beto lenda tanga mvutukilu ya mpa kana beto me kwenda kutala muntu to me ta kimbangi na nsadisa ya mukanda, ya message na nzila ya Internet to ya telefone, ya noti yina beto me bikila muntu na nsi ya kielo to kana beto me binga yandi na telefone. Ata muntu ke monanaka ve na nzo, beto lenda yedisa mpusa na yandi.