Ntoto Me Nikana Ngolo na Turquie mpi na Syrie—Inki Biblia Ke Tuba?

Na Kintete 6 février 2023, ntoto nikanaka ngolo na insi Turquie mpi insi Syrie. Yo bebisaka bima mingi mpi yo fwaka bantu mingi.

• Zulunalu mosi (Reuters) tubaka nde: “Kunikana mosi ya ngolo ya ntoto me fwa bantu kuluta 3700 na Turquie mpi na nordi-westi ya Syrie na Kintete. Madidi kele ngolo mpi yo ke kumisa diaka mpasi bikesa ya bantu ke sala sambu na kubasisa bantu mingi yina me lwala to kusadisa bayina me konda banzo mpi kusosa bayina lenda vanda diaka na luzingu.”

Kana beto ke tanga mambu ya mutindu yai, ntima ke salaka beto mpasi ya ngolo. Na bantangu ya mutindu yai, beto ke tadilaka kaka Yehowaa yandi ya kele “Nzambi yina ke lembikaka bantu yonso.” (2 Bakorinto 1:3) Yandi ke pesaka bantu “kulembika yina ke katukaka na Masonuku [sambu] beto vanda ti kivuvu.”—Baroma 15:4.

Biblia ke longaka beto:

• Mambu yina bo me tubaka na ntwala sambu na kunikana ya ntoto.

• Kisika yina beto lenda zwa lusadisu mpi kivuvu.

• Mutindu Nzambi ta manisa bampasi yonso.

Sambu na kuzaba mambu yina Biblia ke tubaka na yina me tala mambu yai, tanga masolo:

• “Inki Mambu Biblia Tubaka na Ntwala Sambu na Kunikana ya Ngolo ya Ntoto?”

• “L’espoir : Où le trouver ?”

• “Ntama Mingi Ve Nzambi Ta Katula Bampasi Yonso”