Nani Nge Lenda Tudila Ntima?​—Inki Biblia Ke Tuba?

Bantu mingi ke katulaka kivuvu ntangu bo ke monaka nde bantu yina yo lombaka nde bo vanda bantu ya bo lenda tudila ntima kele ve mpidina. Bantu mingi ke tudilaka diaka ve bantu yai ntima . . .

• bantwadisi ya politiki yina ke talaka ntete mavumu na bo na kisika ya kusosa mambote ya bantu ya nkaka.

• bima ya kumwangila nsangu yina ke pesaka ve bansonga ya siki-siki mpi ya kukonda kupona-pona.

• bantu ya siansi yina ke salaka ve mambu ya mbote sambu na bantu.

• bantwadisi ya mabundu yina ke kudikotisaka na mambu ya politiki na kisika ya kuvanda mimonisi ya Nzambi.

Bantu kele ti kikuma ya kukonda kutula ntima na konso muntu yina. Biblia ke kebisa beto nde:

• “Beno kutula ve ntima na bamfumu ya ntoto; bo kele bantu; bo ta gulusa beno ve!”​—Nkunga 146:3, Nzambi ngungudi ya bantu na yandi.

Muntu ya kutudila ntima

Biblia ke tanga zina ya muntu mosi ya nge lenda tudila ntima. Yo kele Yezu Kristu. Yezu vandaka kaka ve muntu mosi buna ya mbote yina zingaka bamvula mingi me luta awa na ntoto. Nzambi me tulaka yandi ‘na kuyala bonso Ntotila mpi Kimfumu na yandi ta vanda ve ti nsuka. (Luka 1:32, 33) Yezu kele Ntotila ya Kimfumu ya Nzambi. Kimfumu ya Nzambi kele guvernema mosi ya ke yala katuka na zulu.​—Matayo 6:10.

• Sambu na kuzaba sambu na nki nge lenda tudila Yezu ntima, tanga disolo “Nani Kele Ntotila ya Kimfumu ya Nzambi?” mpi disolo “Inki Mambu Kimfumu ya Nzambi Ta Sala?”