Yezu Ta Manisa Kinsukami

Ntangu Yezu vandaka na ntoto, yandi monisaka zola ya mingi sambu na bantu mingi-mingi sambu na bansukami mpi bayina vandaka na mpasi. (Matayo 9:36) Nkutu, yandi pesaka luzingu na yandi sambu na mambote ya bantu ya nkaka. (Matayo 20:28; Yoane 15:13) Ntama ve, yandi ta monisa diaka nde yandi ke zolaka bantu mingi ntangu yandi ta sadila ngolo mpi kiyeka na yandi ya Ntotila ya Kimfumu ya Nzambi sambu na kumanisa kinsukami na ntoto ya mvimba.

Biblia ke sadilaka bangogo yai ya kitoko sambu na kutubila mambu yina Yezu ta sala:

• “Bika yandi samba sambu na bantu ya kukonda mfunu na kati ya bantu, yandi gulusa bana ya nsukami.”—Nkunga 72:4.

Inki mutindu beto lenda monisa ntonda sambu na mambu yina Yezu me salaka mpi yina yandi ta sala sambu na beto? Na kati ya mambu yina beto lenda sala, beto lenda tanga kusosa kuzaba mambu mingi na yina me tala “nsangu ya mbote ya Kimfumu ya Nzambi,” yo kele nsangu yina yandi vandaka kulonga. (Luka 4:43) Tanga disolo “Kimfumu ya Nzambi Kele Inki?”