Keti Bambangi ya Yehowa Ke Ndimaka Mabundu ya Nkaka?

Beto ke sadilaka ndongisila ya Biblia ya ‘kuzitisa bantu yonso’ na yina me tala malongi ya mabundu na bo. (1 Piere 2:17, Bible na Kituba) Mu mbandu, na bansi ya nkaka Bambangi ya Yehowa kele mingi kibeni. Ata mpidina, beto ke pusaka ve bantu ya politiki to bantu ya ke salaka bansiku na kubuyisa kisalu ya mabundu ya nkaka. Beto ke sosaka mpi ve kutula bansiku sambu na kundimisa bantu bikalulu mpi balukwikilu ya dibundu na beto. Kansi, beto ke zikisaka mabundu ya nkaka sambu beto ke zolaka mpi nde bo zitisa beto.​—Matayo 7:12.