DILONGI 17

Tuba Mambu Yina Bantu Ta Bakisa

1 Bakorinto 14:9

NA BUNKUFI: Sadisa bawi na kubakisa mbote malongi na nge.

Longuka mbote-mbote disolo na nge. Bakisa mbote disolo sambu nge tendula yo na mutindu ya pete mpi na bangogo na nge mosi.
Sadila bangogo ya nkufi mpi ya pete. Ata bansa ya nda kele mbi ve, sadila bansa ya nkufi sambu na kutendula bangindu ya mfunu.

Kusadila ve bangindu ya kukonda mfunu yina lenda kumisa kisaka-saka mabanza ya bawi mpi kupesa bo mpasi na kubakisa. Sadila mingi bangogo ya pete kansi ve bangogo ya mpasi.
Tendula bangogo yina bantu me zaba ve. Sala bikesa ya kusadila ve bangogo yina bantu mingi me zaba ve. Kana yo ke lomba nde nge sadila ngogo mosi ya me zabana ve, zina mosi ya Biblia ya me zabana ve, to kitesilu ya ntangu ya ntama, tendula yo.