Mvutukilu ya Nzo-Nkanda ya Kisalu ya Teokrasi
Beno ta sadila bangiufula yai ya ke landa na Nzo-Nkanda ya Kisalu ya Teokrasi na mposo yina ke banda na Februari 23, 2015.
Inki mutindu bambanza ya kutinina na Izraele swaswanaka ti batempelo ya mimpani yina bangondi vandaka kutinina? (Yoz. 20:2, 3) [Yan. 5, w10-F 11/1 lut. 15 bapar. 4-6]
Sambu na nki Yozue tubaka bangogo yina kele na Yozue 23:14 ti kivuvu yonso, mpi sambu na nki beto lenda tula ntima ya mvimba na balusilu ya Yehowa? [Yan. 12, w07 11/1 lut. 26 par. 19]
Sambu na nki bo ponaka Yuda bonso dikanda ya ntete na kubaka ntoto yina Yehowa pesaka bo? (Baz. 1:2, 4) [Yan. 19, w05 3/1 lut. 8 par. 5]
Sambu na nki Baraki zolaka kaka nde profete Debora kukwenda ti yandi na bitumba? (Baz. 4:8) [Yan. 19, w05 3/1 lut. 9 par. 4]
Zina yina Gedeoni pesaka na mesa-kimenga yina yandi tungaka monisaka inki, mpi disolo yai ke longa beto inki? (Baz. 6:23, 24) [Yan. 26, w14 2/15 balut. 22-23 par. 9]
Inki dilongi beto ke baka na mvutu yina Gedeoni pesaka bantu ya Efrayimi yina swanisaka yandi? (Baz. 8:1-3) [Feb. 2, w05 7/15 lut. 16 par. 4]
Ntangu Yefte salaka lusilu, keti yandi vandaka ti dibanza ya kupesa kimenga ya muntu? (Baz. 11:30, 31) [Feb. 9, w05 3/1 lut. 10 par. 1]
Na kutadila Bazuzi 11:35-37, inki sadisaka mwana ya Yefte ya nkento na kulungisa lusilu ya tata na yandi? [Feb. 9, w11 12/1 balut. 22-23 bapar. 15-16]
Ntangu ata ntotila mosi ve vandaka na Izraele mpi ‘konso muntu vandaka kusala mambu yina yandi me zola,’ keti mambu vandaka kutambula na ndonga ve? Tendula. (Baz. 17:6) [Feb. 16, w05 3/1 lut. 11 par. 8]
Disolo ya bantu ya Izraele yina dikanda ya Benyamini bedisaka mbala zole na bitumba ke longa beto nki na yina me tala kukwamina na bisambu? (Baz. 20:14-25) [Feb. 23, w11 9/15 lut. 32 bapar. 1-4]