18 Hĩndĩ o ĩyo arutwo a Jesu magĩũka harĩ we makĩmũũria atĩrĩ: “Nũũ kũna mũnene gũkĩra arĩa angĩ Ũthamaki-inĩ wa igũrũ?”+ 2 Nĩ ũndũ ũcio, agĩta kaana agĩkarũgamia gatagatĩ-inĩ kao 3 agĩcoka akiuga: “Ngũmwĩra atĩrĩ o ma, mũngĩaga kũgarũrũka* mũhaane ta twana,+ gũtirĩ hĩndĩ mũkaaingĩra Ũthamaki-inĩ wa igũrũ.+ 4 Kwoguo-rĩ, mũndũ o wothe ũkwĩnyihia o ta kaana gaka, nĩwe mũnene gũkĩra arĩa angĩ Ũthamaki-inĩ wa igũrũ;+ 5 na mũndũ o wothe wamũkagĩra kaana kamwe ta gaka nĩ ũndũ wa rĩĩtwa rĩakwa nĩ anyamũkagĩra o na niĩ.

33 Na magĩkinya Kaperinaumu. Na arĩ nyũmba thĩinĩ akĩmoria atĩrĩ: “Nĩ ũndũ ũrĩkũ mũgũkararanagĩria njĩra-inĩ?”+ 34 Nao matiamũcokeirie, tondũ nĩ maakararanĩtie marĩ njĩra-inĩ igũrũ rĩgiĩ nũũ mũnene gũkĩra arĩa angĩ. 35 Nĩ ũndũ ũcio agĩikara thĩ na agĩta acio Ikũmi na Erĩ na akĩmeera ũũ: “Mũndũ o wothe angĩenda gũkorũo arĩ wa mbere, no mũhaka atuĩke wa mũico harĩ arĩa angĩ othe na atungatagĩre arĩa angĩ othe.”+ 36 Agĩcoka akĩoya kaana na agĩkarũgamia gatagatĩ-inĩ kao; agĩkaigĩrĩra moko ciande-inĩ, akĩmeera ũũ: 37 “Mũndũ o wothe wamũkagĩra kaana ta gaka+ nĩ ũndũ wa rĩĩtwa rĩakwa nĩ anyamũkagĩra o na niĩ; nake mũndũ o wothe ũnyamũkagĩra, to niĩ amũkagĩra ĩndĩ nĩ nginya Ũrĩa wandũmire.”+

24 O na kũrĩ ũguo, makĩambĩrĩria gũkararania mũno igũrũ rĩgiĩ nũũ warĩ mũnene gũkĩra arĩa angĩ.+