Maũndũ ma Matukũ ma Tene wa Mbere
16 Magĩgĩkinyia Ithandũkũ rĩa Ngai ũrĩa wa ma na makĩrĩiga thĩinĩ wa hema ĩrĩa Daudi aambĩte nĩ ũndũ warĩo;+ na makĩruta magongona ma njino o hamwe na magongona ma ũiguano mbere ya Ngai ũrĩa wa ma.+ 2 Rĩrĩa Daudi aarĩkirie kũruta magongona ma njino+ na magongona ma ũiguano,+ akĩrathima andũ thĩinĩ wa rĩĩtwa rĩa Jehova. 3 Makĩria ma ũguo, akĩheana mũgate wa gĩthiũrũrĩ, keki ya matunda ma mĩtende, na keki ya thabibũ nyũmithie kũrĩ Aisiraeli othe, kũrĩ o mũndũrũme na o mũtumia. 4 Agĩcoka akĩamũra Alawii amwe matungatage mbere ya Ithandũkũ rĩa Jehova,+ matĩage,* macokagie ngatho, na makagooca Jehova Ngai wa Isiraeli. 5 Asafu+ nĩwe warĩ mũtongoria, na wa kerĩ kuuma harĩ we aarĩ Zekaria; na Jeieli, Shemiramothu, Jehieli, Matithia, Eliabu, Benaia, Obedi-edomu, na Jeieli+ maahũũraga inanda cia ndigi na inanda cia mũgeeto;+ na Asafu aahũũrithanagia thani iria ihũũrithanagio,+ 6 nao Benaia na Jahazieli athĩnjĩri-Ngai maahuuhaga tũrumbeta hĩndĩ ciothe mbere ya ithandũkũ rĩa kĩrĩkanĩro kĩa Ngai ũrĩa wa ma.
7 Mũthenya ũcio nĩguo Daudi aarutire rwĩmbo riita rĩa mbere rwa gũcokia ngatho harĩ Jehova kũgerera Asafu+ na ariũ a ithe:
8 “Cokeriai Jehova ngatho,+ kaĩrai rĩĩtwa rĩake,
Menyithaniai mawĩko make gatagatĩ-inĩ ka ikundi cia andũ!+
10 Mwĩrahei nĩ ũndũ wa rĩĩtwa rĩake itheru.+
Ngoro cia arĩa macaragia Jehova nĩ icanjamũke.+
11 Caragiai Jehova+ o na hinya wake.
Caragiai ũthiũ wake hingo ciothe.+
12 Ririkanai mawĩra ma magegania marĩa ekĩte,+
O na ciama ciake na matuĩro marĩa amenyithanĩtie,
13 Inyuĩ mbeũ ya* Isiraeli ndungata yake,+
Inyuĩ ariũ a Jakubu, o inyuĩ aathuurire.+
14 We nĩ Jehova Ngai witũ.+
Matuĩro make ma ciira marĩ kũndũ guothe thĩinĩ wa thĩ.+
15 Ririkanai kĩrĩkanĩro gĩake tene na tene,
Kĩĩranĩro kĩrĩa eerĩire* nginya njiarũa ngiri,+
16 Kĩrĩkanĩro kĩrĩa aarĩkanĩire na Iburahimu,+
Na mwĩhĩtwa ũrĩa eehĩtĩire Isaaka,+
17 Ũrĩa aahandire ũrĩ ta watho harĩ Jakubu+
Na ũrĩ kĩrĩkanĩro gĩa gũtũũra harĩ Isiraeli,
18 Akiuga atĩrĩ, ‘Nĩ ngaakũhe bũrũri wa Kanaani+
Ũtuĩke igai rĩanyu rĩrĩa mũgaĩirũo.’+
19 Hĩndĩ ĩyo nĩ rĩrĩa mwarĩ o andũ anini,
Andũ anini mũno, na mwarĩ ageni bũrũri-inĩ.+
20 Maathiaga kuuma bũrũri ũmwe nginya ũrĩa ũngĩ,
Kuuma ũthamaki ũmwe nginya kũrĩ andũ angĩ.+
21 Ndeetĩkĩririe mũndũ o wothe amahinyĩrĩrie,+
No nĩ aarũithirie athamaki nĩ ũndũ wao,+
22 Akiuga ũũ, ‘Mũtikahutie arĩa akwa aitĩrĩrie maguta,
Na mũtigeke anabii akwa ũndũ mũũru.’+
23 Inĩrai Jehova, inyuĩ thĩ yothe!
Menyithaniai ũhoro wĩgiĩ ũhonokio wake o mũthenya o mũthenya!+
24 Menyithaniai riri wake gatagatĩ-inĩ ka ndũrĩrĩ,
Mũmenyithanie mawĩra make ma magegania gatagatĩ-inĩ ka ikundi ciothe cia andũ.
25 Nĩ gũkorũo Jehova nĩ mũnene na nĩ agĩrĩire mũno kũgoocagwo
Nĩ wa gwĩtigĩrũo gũkĩra ngai iria ingĩ ciothe.+
28 Hei Jehova kĩrĩa kĩmwagĩrĩire, inyuĩ famĩlĩ cia ikundi cia andũ,
Hei Jehova kĩrĩa kĩmwagĩrĩire tondũ wa riri o na hinya wake.+
Inamĩrĩrai* Jehova mwĩhumbĩte nguo nyamũre.*+
30 Inainai mũrĩ mbere yake, inyuĩ thĩ yothe!
Thĩ nĩ ĩhandĩtwo ĩkarũma* wega; ndĩngĩeherio.*+
31 Igũrũ nĩ rĩkene, nayo thĩ ĩcanjamũke;+
Menyithaniai ũũ gatagatĩ-inĩ ka ndũrĩrĩ: ‘Jehova nĩ atuĩkĩte Mũthamaki!’+
32 Iria nĩ rĩrurume o na kĩrĩa gĩothe kĩiyũrĩte thĩinĩ warĩo;
Mĩgũnda nĩ ĩkene hamwe na kĩrĩa gĩothe kĩrĩ thĩinĩ wayo.
33 Hĩndĩ o ro ĩyo mĩtĩ yothe ya mũtitũ nĩ yanĩrĩre ĩkenete mbere ya Jehova,
Nĩ gũkorũo nĩ aroka* gũtuĩra thĩ ciira.
35 Na muuge, ‘Tũhonokie, wee Ngai wa ũhonokio witũ,+
Tũcokanĩrĩrie na ũtũhonokie kuuma ndũrĩrĩ-inĩ,
Nĩguo tũcokagĩrie rĩĩtwa rĩaku itheru ngatho+
Na tũkenage nĩ ũndũ wa gũkũgooca.+
Na andũ othe makiuga, “Ameni!”* na makĩgooca Jehova.
37 Daudi agĩcoka agĩtiga Asafu+ na ariũ a ithe hau mbere ya ithandũkũ rĩa kĩrĩkanĩro kĩa Jehova matungatage hĩndĩ ciothe mbere ya Ithandũkũ rĩu,+ kũringana na ũrĩa gwekagwo o mũthenya.+ 38 Obedi-edomu na ariũ a ithe, arĩa mũigana wao warĩ 68, na Obedi-edomu mũrũ wa Jeduthuni, na Hosa maarĩ arangĩri a ihingo; 39 na Zadoku+ mũthĩnjĩri-Ngai na athĩnjĩri-Ngai acio angĩ maarĩ mbere ya gĩikaro kĩrĩa kĩamũre kĩa Jehova thĩinĩ wa handũ harĩa hatũũgĩru kũu Gibeoni+ 40 nĩgetha marutagĩre Jehova magongona ma njino hĩndĩ ciothe kĩgongona-inĩ kĩa magongona ma njino, rũcinĩ na hwaĩ-inĩ, na mekage maũndũ marĩa mothe mandĩkĩtwo Watho-inĩ wa Jehova marĩa aathire Isiraeli.+ 41 Maarĩ hamwe na Hemani na Jeduthuni+ na arũme acio angĩ maamũrĩtwo na magathuurũo na marĩĩtwa mao marĩ a gũcokeria Jehova ngatho,+ tondũ “wendo wake mwĩhokeku ũtũũraga tene na tene”;+ 42 na maarĩ hamwe na Hemani+ na Jeduthuni marĩ a kũhuuha tũrumbeta, kũhũũrithania thani iria ihũũrithanagio, na indo cia ũini iria ihũthagĩrũo kũgooca* Ngai ũrĩa wa ma; nao ariũ a Jeduthuni+ maakoragwo kĩhingo-inĩ. 43 Thutha ũcio andũ othe makĩinũka kwao mĩciĩ, na Daudi agĩthiĩ kũrathima andũ a nyũmba yake.