AYUBU
1 Nĩ kwarĩ mũndũ wetagwo Ayubu*+ bũrũri-inĩ wa Uzu. Aarĩ mũndũ mũrũngĩrĩru na mwĩkindĩru;*+ nĩ eetigĩrĩte Ngai na nĩ eethemaga maũndũ marĩa moru.+ 2 Aarĩ na anake mũgwanja na airĩtu atatũ. 3 Mahiũ make maarĩ ngʼondu 7,000, ngamĩra 3,000, ngʼombe 1,000,* na ndigiri 500,* hamwe na ndungata nyingĩ mũno ũũ atĩ nĩwe warĩ igweta mũno harĩ andũ othe a mwena wa Irathĩro.
4 Anake acio ake nĩ maaharagĩria iruga o mũndũ hĩndĩ yake gwake mũciĩ mũthenya ũrĩa maatuĩte.* Nĩ maanyitaga ũgeni aarĩ a nyina acio atatũ nĩguo marĩanĩre na manyuanĩre nao. 5 Thutha wa thikũ cia maruga gũthira, Ayubu nĩ aamatũmanagĩra nĩguo amatherie. Ookĩraga rũcinĩ tene akaruta igongona rĩa njino+ nĩ ũndũ wa o ũmwe wao. Tondũ ooigaga atĩrĩ: “No gũkorũo anake akwa nĩ mehĩtie na makaruma Ngai na ngoro.” Ũguo nĩguo Ayubu eekaga hĩndĩ ciothe.+
6 Na rĩrĩ, mũthenya ũgĩkinya rĩrĩa ariũ a Ngai ũrĩa wa ma*+ maatonyire nĩguo marũgame mbere ya Jehova,+ na Shaitani+ o nake agĩtonya hamwe nao.+
7 Jehova akĩũria Shaitani atĩrĩ: “Uuma kũ?” Nake Shaitani agĩcokeria Jehova akiuga: “Nyuma kũriũnga thĩ na gũthiũrũrũkanga kuo.”+ 8 Jehova akĩũria Shaitani atĩrĩ: “Hihi nĩ wonete* Ayubu ndungata yakwa? Gũtirĩ ũngĩ take thĩinĩ wa thĩ. Nĩ mũrũngĩrĩru na mwĩkindĩru,*+ mũndũ wĩtigĩrĩte Ngai na wĩthemaga maũndũ marĩa moru.” 9 Nake Shaitani agĩcokeria Jehova akĩmwĩra: “Kaĩ Ayubu etigĩrĩte Ngai o ũguo tũhũ?+ 10 Githĩ ti kũmũirigĩra ũmũirigĩire ũkamũgitĩra+ hamwe na nyũmba yake na indo ciake ciothe? Nĩ ũrathimĩte wĩra wa moko make,+ namo mahiũ make makaingĩha mũno bũrũri-inĩ. 11 No nĩguo kũgĩe na ũgarũrũku, tambũrũkia guoko gwaku ũhutie kĩrĩa gĩothe arĩ nakĩo, nake hatarĩ nganja nĩ egũkũruma o ũthiũ-inĩ waku.” 12 Nake Jehova akĩra Shaitani ũũ: “Atĩrĩrĩ, kĩrĩa gĩothe arĩ nakĩo kĩrĩ guoko-inĩ gwaku.* No we mwene ndũkamũhutie!” Shaitani agĩkĩehera mbere ya* Jehova.+
13 Na rĩrĩ, mũthenya ũmwe rĩrĩa anake na airĩtu ake maarĩaga na makanyua ndibei kwa mũrũ wa nyina ũrĩa mũkũrũ-rĩ,+ 14 mũndũ ũmwe akĩrehera Ayubu ũhoro akĩmwĩra atĩrĩ: “Ngʼombe nĩ kũrĩma ikũrĩmaga nacio ndigiri ikũrĩaga o hau hakuhĩ nacio 15 nao Asabea matharĩkĩra na mathiĩ nacio, na moraga ndungata na rũhiũ rwa njora. No niĩ nyiki ndahonoka, ndoka gũkũhe ũhoro.”
16 O ũcio akĩaragia-rĩ, ũngĩ agĩũka akiuga atĩrĩ: “Mwaki wa Ngai* wagwa kuuma igũrũ wacina ngʼondu na ndungata cianiinwo! No niĩ nyiki ndahonoka, ndoka gũkũhe ũhoro.”
17 O ũcio akĩaragia-rĩ, ũngĩ agĩũka akiuga atĩrĩ: “Akalidei+ mekwĩbangĩte ikundi ithatũ, mahobanĩria ngamĩra na mathiĩ nacio, na moraga ndungata na rũhiũ rwa njora. No niĩ nyiki ndahonoka, ndoka gũkũhe ũhoro.”
18 O ũcio akĩaragia-rĩ, ũngĩ agĩũka akiuga atĩrĩ: “Anake na airĩtu aku mekũrĩaga na makanyua ndibei kwa mũrũ wa nyina ũrĩa mũkũrũ. 19 Rũhuho rũnene ruoka o rĩmwe kuuma werũ-inĩ rwahũũra kona inya cia nyũmba, yagwĩra anake na airĩtu acio, makua. No niĩ nyiki ndahonoka, ndoka gũkũhe ũhoro.”
20 Rĩrĩa Ayubu aaiguire ũguo, agĩũkĩra agĩtembũra nguo yake na akĩenja njuĩrĩ ya mũtwe wake; agĩcoka agĩturia maru na akĩinamĩrĩra 21 akiuga atĩrĩ:
“Ndoimire nda ya maitũ itarĩ kĩndũ,
Na ngaacoka itarĩ kĩndũ.+
Nĩ Jehova waheanire,+ na nĩ Jehova woya.
Rĩĩtwa rĩa Jehova rĩrothiĩ na mbere kũgoocwo.”
22 Maũndũ-inĩ macio mothe, Ayubu ndeehirie o na kana akiuga atĩ Ngai nĩ ekĩte ũndũ o na ũmwe mũũru.
2 Thutha ũcio mũthenya ũgĩkinya rĩrĩa ariũ a Ngai ũrĩa wa ma*+ maatonyire nĩguo marũgame mbere ya Jehova,+ na Shaitani o nake agĩtonya hamwe nao nĩguo arũgame mbere ya Jehova.+
2 Jehova akĩũria Shaitani atĩrĩ: “Uuma kũ?” Nake Shaitani agĩcokeria Jehova akiuga: “Nyuma kũriũnga thĩ na gũthiũrũrũkanga kuo.”+ 3 Jehova akĩũria Shaitani atĩrĩ: “Hihi nĩ wonete* Ayubu ndungata yakwa? Gũtirĩ ũngĩ take thĩinĩ wa thĩ. Nĩ mũrũngĩrĩru na mwĩkindĩru,*+ mũndũ wĩtigĩrĩte Ngai na wĩthemaga maũndũ marĩa moru. Ndarĩ aratiganĩria wĩkindĩru wake,+ o na gũtuĩka nĩ ũgeretie kũningĩrĩria ndĩmũũkĩrĩre+ nĩguo ndĩmwanange* hatarĩ gĩtũmi.” 4 No Shaitani agĩcokeria Jehova akĩmwĩra: “Ngothi* yumaga ngothi. Mũndũ no aneane kĩrĩa gĩothe arĩ nakĩo nĩguo ahonokie muoyo wake. 5 No nĩguo kũgĩe na ũgarũrũku, tambũrũkia guoko gwaku ũhutie mahĩndĩ na nyama cia mwĩrĩ wake, nake hatarĩ nganja nĩ egũkũruma o ũthiũ-inĩ waku.”+
6 Nake Jehova akĩra Shaitani ũũ: “Atĩrĩrĩ, nĩ ndamũneana guoko-inĩ gwaku.* No ndũkahutie muoyo wake!” 7 Shaitani agĩkĩehera mbere ya* Jehova na akĩrehera Ayubu mahũha marĩ ruo*+ kuuma ikinya-inĩ rĩa kũgũrũ o nginya mũtwe. 8 Ayubu akĩoya gĩcere kĩa nyũngũ nĩguo ethũage nakĩo, na agĩikara thĩ mũhu-inĩ.+
9 Thutha wa ihinda mũtumia wake akĩmwĩra atĩrĩ: “No ũrũmĩtie wĩkindĩru waku? Ruma Ngai ũkue!” 10 Nake akĩmwĩra atĩrĩ: “Ũraria o ta atumia arĩa matarĩ wĩcirio. Kaĩ twagĩrĩirũo o kwamũkĩra maũndũ marĩa mega kuuma kũrĩ Ngai ũrĩa wa ma na twage kwamũkĩra nginya marĩa moru?”+ Maũndũ-inĩ macio mothe, Ayubu ndeehirie na mĩromo yake.+
11 Na rĩrĩ, arata atatũ a Ayubu makĩigua ũhoro wa maũndũ mothe moru marĩa maamũkorete, na o ũmwe wao akiuma gwake—Elifazu+ ũrĩa Mũtemani, Bilidadi+ ũrĩa Mũshuhi,+ na Zofaru+ ũrĩa Mũnaamathi. Makĩrĩkanĩra macemanie nĩguo mathiĩ magacakae hamwe na Ayubu na mamũũmĩrĩrie. 12 Rĩrĩa maamuonire marĩ o haraihu, makĩaga kũmũmenya. Makĩambĩrĩria kũrĩra manĩrĩire na magĩtembũra nguo ciao, na magĩikia rũkũngũ rĩera-inĩ o na makĩikĩria mĩtwe.+ 13 Magĩcoka magĩikara thĩ hamwe nake thikũ mũgwanja mũthenya na ũtukũ. Gũtirĩ o na ũmwe wao wamwĩrire kiugo o na kĩmwe, tondũ nĩ moonire atĩ aarĩ na ruo rũnene mũno.+
3 Thutha ũcio nĩguo Ayubu aambĩrĩirie kwaria na kũruma mũthenya ũrĩa aaciarirũo.*+ 2 Akiuga atĩrĩ:
3 “Mũthenya ũrĩa ndaciarirũo ũrothira,+
O na ũtukũ ũrĩa kwerirũo atĩrĩ: ‘Mũtumia nĩ oha nda ya mwana wa kahĩĩ!’
4 Mũthenya ũcio ũrotuĩka o nduma.
Ngai arĩ igũrũ aroaga gũtindanĩra naguo;
Na ũtheri ũroaga kũwarĩra.
5 Mũthenya ũcio ũrokĩĩnyitĩrũo nĩ nduma ĩrĩa ndumanu.*
Itu rĩa mbura rĩroikara igũrũ rĩaguo.
Kĩrĩa gĩothe gĩtũmaga mũthenya ũgĩe nduma kĩrotũma wĩtigĩre.
6 Ũtukũ ũcio ũrohumbĩrũo nĩ nduma nene;+
Ndũkanakenanĩre na thikũ iria ingĩ cia mwaka,
Na ũroaga gũtaranĩrio na thikũ cia mĩeri.
7 Atĩrĩrĩ, ũtukũ ũcio ũrotuĩka thata;
Na ndũkanoigwo ngemi.
9 Njata ciaguo cia rũcinĩ irogĩa nduma;
Ũroikara wetereire gũkĩe na kwage gũkĩa,
Na ũroaga kuona ũtheri wa rũcinĩ.
10 Nĩ gũkorũo ndwahingire mĩrango ya nda ya maitũ;+
Na ndwagirĩrĩirie maitho makwa matikone thĩna.
11 Ndagire gũkua o ndaciarũo nĩkĩ?
Ndagire gũthira o ndoima nda nĩkĩ?+
12 Maitũ aanyamũkĩrire maru-inĩ make nĩkĩ
Na akĩnyongithia nyondo ciake?
13 Nĩ gũkorũo rĩu ingĩkomete itegũthĩnio;+
Ingĩrĩ toro hurũkĩte+
14 Hamwe na athamaki a thĩ na ataarani ao,
Arĩa meeyakĩire kũndũ kũrĩa rĩu kwanangĩkĩte,*
15 Kana hamwe na atongoria arĩa maarĩ na thahabu,
Arĩa nyũmba ciao ciaiyũire betha.
16 Kana rĩrĩ, ndagire kũhaana ta kĩhuno nĩkĩ,
O ta ciana iria itarĩ ciona ũtheri?
17 Kũu nginya andũ arĩa aganu nĩ matigĩte gũtangĩka;
Arĩa anogu nĩ kũhurũka mahurũkĩte.+
18 Kũu andũ arĩa mohetwo nĩ makoragwo na wĩyathi;
Matiiguaga mũgambo wa ũrĩa ũmarutithagia wĩra kĩa hinya.
19 Arĩa anene na arĩa anini makoragwo maiganaine marĩ kũu,+
Nayo ngombo ndĩkoragwo rungu rwa mwathi wayo rĩngĩ.
20 Mũndũ ũrĩa ũranyamarĩka-rĩ, amũheaga ũtheri nĩkĩ
Nao arĩa marĩ na mĩtangĩko mĩnene akamahe muoyo?+
21 Nĩ kĩĩ gĩtũmaga merirĩrie gĩkuũ, no gĩtiũkaga?+
Magĩcaragia gũkĩra ũrĩa indo iria hithe cia goro icaragio,
22 O acio makenaga mũno,
Magakena rĩrĩa mathiĩ mbĩrĩra-inĩ.
23 Nĩ kĩĩ gĩtũmaga ahe mũndũ ũhĩtĩtie njĩra ũtheri,
O ũcio Ngai arigicĩirie akamũhingĩrĩria?+
25 Nĩ gũkorũo ũndũ ũrĩa ndĩtigagĩra nĩ ũngorete,
Na ũndũ ũrĩa ũmakagia nĩ ũnginyĩire.
26 Ndikoragwo na thayũ, kana ngahoorera, o na kana ngahurũka,
Thĩna noguo ũngoraga.”
4 Nake Elifazu+ ũrĩa Mũtemani agĩcokia atĩrĩ:
2 “Mũndũ angĩgeria gũkwarĩria-rĩ, hihi nĩ ũkwaga kũmũkirĩrĩria?
Nũũ ũngĩĩgirĩrĩria kwaria?
3 Nĩ ma wanarũnga andũ aingĩ,
Na wanekĩra hinya moko marĩa maregeru.
4 Ciugo ciaku nĩ iratiiragĩrĩra mũndũ o wothe ũhĩngĩtwo,
Na nĩ ũrekĩraga hinya arĩa maregerete maru.
5 No rĩu ũndũ ũcio wĩkĩkĩte harĩ wee, nawe ũgatoorio;*
Ũgakũhutia, nawe ũkamaka.
6 Kaĩ gũkorũo wĩtigĩrĩte Ngai gũtakũheaga ũmĩrĩru?
Kaĩ mĩthiĩre yaku ya wĩkindĩru+ ĩtakũheaga kĩĩrĩgĩrĩro?
7 Ta ririkana ũndũ ũyũ: Nĩ mũndũ ũrĩkũ ũtarĩ na mahĩtia ũrĩ waniinwo?
Nĩ rĩ andũ arũngĩrĩru marĩ manangwo?
8 Ũndũ ũrĩa nyonete nĩ atĩ arĩa marĩmaga* maũndũ moru
Na arĩa mahandaga thĩna magethaga maũndũ o macio.
9 Manangagwo nĩ mĩhũmũ ya Ngai,
Na makaniinwo nĩ mũtuthũko wa marakara make.
10 Mũrũthi ũraramaga, naguo mũrũthi mwĩthĩ ũkaruruma,
Ĩndĩ o na magego ma mĩrũthi ĩrĩ hinya* nĩ moinangagwo.
11 Mũrũthi ũkuaga nĩ kwaga gĩa kũhĩta,
Na ciana cia mũrũthi ikahurunjũka.
12 Rĩu-rĩ, nĩ ndareheirũo kiugo na hitho,
Na ngĩigua ndahehererũo ũhoro wakĩo gũtũ-inĩ.
13 Ngĩgĩa na mĩtangĩko ya meciria hĩndĩ ya cioneki cia ũtukũ,
Hĩndĩ ĩrĩa andũ makoragwo makomete biũ.
14 Ngĩnyitwo nĩ guoya mũnene,
Mahĩndĩ makwa mothe makĩinaina mũno.
15 Roho ũkĩhĩtũkĩra ũthiũ-inĩ wakwa;
Njuĩrĩ cia mwĩrĩ wakwa ikĩambarara.
16 Roho ũcio ũgĩcoka ũkĩrũgama wĩhandĩte,
No ndiamenyire ũrĩa wahaanaga.
Mbere yakwa haarĩ na mũhianĩre wa kĩndũ;
Gũkĩhoorera, ngĩcoka ngĩigua mũgambo woiga atĩrĩ:
17 ‘Hihi mũndũ no akorũo arĩ mũthingu gũkĩra Ngai?
Hihi mũndũ no akorũo arĩ mũtheru gũkĩra Mũmũũmbi?’
18 Atĩrĩrĩ, ndakoragwo ehokete ndungata ciake,
Na nĩ acaragĩria araika* ake mahĩtia.
19 Na githĩ ndangĩgĩka ũguo o na makĩria harĩ arĩa maikaraga nyũmba cia rĩũmba,
Arĩa mũthingi wao ũrĩ rũkũngũ-inĩ,+
O acio mamemendagwo na ihenya o ta memenyi!
20 Mamemendagwo biũ kuuma rũcinĩ nginya hwaĩ-inĩ magathira;
Maniinagwo tene na tene, na gũtirĩ mũndũ ũmarũmbũyagia.
21 Githĩ matihaana ta hema ĩrutĩtwo mũkanda wayo?
Gũkua makuaga matarĩ na ũũgĩ.
5 “Atĩrĩrĩ, ĩtana! Hihi nĩ harĩ mũndũ ũgũgwĩtĩka?
Nĩ ũrĩkũ harĩ arĩa atheru ũgũkaĩra agũteithie?
2 Mũndũ mũkĩgu akuaga nĩ kũiga muku,
Naguo ũiru ũkooraga mũndũ ũrĩa ũtarĩ mũũgĩ.
3 Nĩ nyonete mũndũ mũkĩgu akĩgĩa mĩri,
No gĩikaro gĩake gĩkarumwo o rĩmwe.
4 Ariũ ake nĩ maraihĩrĩirie ũgitĩri,
Na mahinyagĩrĩrio kĩhingo-inĩ gĩa itũũra,+ gũtarĩ mũndũ ũngĩmahonokia.
5 Magetha make marĩagwo nĩ mũndũ ũrĩa mũhũtu,
Akamoya nginya mĩigua-inĩ,
Nacio indo ciao igatahwo.
6 Nĩ gũkorũo maũndũ moru matithundũkaga rũkũngũ-inĩ,
Naguo thĩna ndũmeraga tĩri-inĩ.
7 Tondũ mũndũ aciaragwo nĩguo one thĩna,
O ta ũrĩa thandĩ irathũkaga na igũrũ.
8 No korũo nĩ niĩ wee, ingĩthaitha Ngai,
Na ndware ciira wakwa kũrĩ we,
9 Kũrĩ Ũcio wĩkaga maũndũ manene na matangĩtuĩrĩka,
Maũndũ ma magegania matangĩtarĩka.
10 Nĩ oiragia mbura thĩinĩ wa thĩ
Na agatũma maĩ makinye mĩgũnda-inĩ.
11 Nĩ atũũgagĩria arĩa matarĩ hinya,
Na akarahũra mũndũ ũrĩ na kĩeha akamũhonokia.
12 Nĩ athararagia njama cia andũ arĩa marĩ wara,
Nĩgetha wĩra wa moko mao ndũkagaacĩre.
13 Anyitaga arĩa ogĩ wara-inĩ wao,+
Nĩgetha mĩbango ya arĩa marĩ ũtaũku ĩtharare.
14 Mathiũrũrũkagĩrio nĩ nduma mũthenya,
Na magathiĩ makĩhambataga mũthenya gatagatĩ ta arĩ ũtukũ.
15 Nĩ ahonokanagia kuuma harĩ rũhiũ rwa njora rwa kanua kao,
Akahonokia arĩa athĩni kuuma guoko-inĩ kwa arĩa marĩ hinya,
16 Nĩ ũndũ ũcio gũkagĩa na kĩĩrĩgĩrĩro harĩ arĩa matarĩ hinya,
No tũnua twa arĩa matarĩ athingu tũkahingwo.
17 Atĩrĩrĩ, gũkena nĩ mũndũ ũrĩa ũrũngagwo nĩ Ngai;
Kwoguo ndũkarege kũrũngwo nĩ Mwene-Hinya-Wothe!
18 Nĩ gũkorũo nĩ arehaga ruo, no agacoka akoha kĩronda kĩu;
Nĩ atihagia, no agacoka akahonia na moko make.
19 Nĩ egũkũhonokia kuuma harĩ mogwati matandatũ,
Na nginya wa mũgwanja ndũgũgwĩka ũũru.
20 Hĩndĩ ya ngʼaragu nĩ agaagũkũũra kuuma harĩ gĩkuũ,
Na hĩndĩ ya mbaara agũkũũre kuuma harĩ hinya wa rũhiũ rwa njora.
21 Nĩ ũkaagitĩrũo kuumana na rũcamiũ rwa rũrĩmĩ,+
Na ndũgetigĩra mwanangĩko rĩrĩa ũgooka.
22 Nĩ ũgaathekerera mwanangĩko na ngʼaragu,
Na ndũgetigĩra nyamũ cia gĩthaka cia gũkũ thĩ.
23 Tondũ mahiga ma werũ-inĩ matigagwĩka ũũru,*
Nacio nyamũ cia gĩthaka igaakorũo na thayũ hamwe nawe.
24 Nĩ ũkaamenya atĩ hema yaku ĩrĩ na ũgitĩri,*
Na gũtirĩ kĩndũ gĩkaaga rĩrĩa ũkaarora kũndũ kũrĩa ũrĩithagia.
25 Nĩ ũgaakenera gũkorũo na ciana nyingĩ,
Na njiarũa ciaku ikaaingĩha o ta mĩmera ya gũkũ thĩ.
26 Ũgaathiĩ mbĩrĩra-inĩ ũrĩ o na hinya,
O ta itĩa cia ngano* icokanĩrĩirio hĩndĩ ya magetha.
27 Atĩrĩrĩ, nĩ tũtuĩrĩtie ũndũ ũcio, na nĩ wa ma.
Thikĩrĩria na ũwĩtĩkĩre.”
6 Nake Ayubu agĩcokia akiuga atĩrĩ:
2 “Na arĩ korũo ruo rwakwa+ no rũthimwo
Na rũigĩrĩrũo ratiri-inĩ hamwe na mathĩna makwa!
3 Nĩ gũkorũo rĩu nĩ rũritũ gũkĩra mũthanga wa iria-inĩ.
Nĩkĩo njarĩtie mĩario ĩtarĩ mĩrũngĩrĩru.*+
4 Nĩ gũkorũo mĩguĩ ya Mwene-Hinya-Wothe nĩ ĩĩthecete,
Na roho wakwa nĩ kũnyua ũranyua thumu wayo;+
Maũndũ ma gwĩkĩra guoya kuuma kũrĩ Ngai merekeirio harĩ niĩ.
5 Hihi ndigiri ya gĩthaka+ no yanie ĩrĩ na nyeki,
Kana ndegwa yanie ĩrĩ na gĩa kũrĩa?
6 Hihi irio itarĩ mũcamo nĩ irĩagwo itarĩ cumbĩ,
Kana hihi mũndũ no akenere maĩ matarĩ mũcamo ma mũmera?
7 Niĩ nĩ ndegete kũhutia indo ta icio.
Itariĩ ta thumu irio-inĩ ciakwa.
8 Na arĩ korũo ihoya rĩakwa no rĩhinge
Na Ngai aahingĩrie ũndũ ũrĩa ndĩrirĩirie!
9 Atĩ Ngai etĩkĩre kũũhehenja,
Na atambũrũkie guoko gwake aaniine!+
10 Nĩ gũkorũo ũndũ ũcio o naguo no ũnyũmĩrĩrie;
O na ndĩ na ruo rũtarathira, ingĩrũgarũga nĩ gũkena,
Nĩ gũkorũo ndirĩ ndakaana ciugo cia Ũrĩa Mũtheru.+
11 Hihi ndĩ na hinya wa gũthiĩ na mbere gweterera?+
Nĩ mũthia ũrĩkũ ũnjetereire atĩ nĩguo thiĩ na mbere gũtũũra?*
12 Hihi hinya wakwa ũtariĩ ta wa rwaro rwa ihiga?
Kana hihi mwĩrĩ wakwa ũthondeketwo na gĩcango?
13 Hihi nĩ harĩ ũndũ ingĩĩteithia naguo
Rĩrĩa ndunyĩtwo ũhoti wakwa wothe?
14 Mũndũ o wothe angĩaga kuonia mũndũ ũrĩa ũngĩ wendo mwĩhokeku+
Nĩ arĩtiga gwĩtigĩra Mwene-Hinya-Wothe.+
15 Ariũ a maitũ makoretwo matarĩ ehokeku+ o ta karũũĩ ka hĩndĩ ya heho,
O ta maĩ ma tũrũũĩ twa hĩndĩ ya heho tũrĩa tũhũaga.
16 Tũiragio nĩ mbarabu,
Na mbarabu ĩrĩa ĩraringũka ĩkehitha kuo.
17 No thutha wa ihinda tũniaraga maĩ na tũgathira;
Rĩrĩa kwahiũha, tũkahũa.
18 Tũcenjagia njĩra iria tũgeragĩra;
Tũgatherera werũ-inĩ na tũgathira.
20 Nĩ maconokaga nĩ ũndũ wa gũkorũo na mwĩhoko ũtarakinyanĩra;
Maakinya harĩ tuo makaga gũkora maĩ.
22 Hihi niĩ nĩ njugĩte, ‘Hei kĩndũ,’
Kana ngamũhoya kĩheo kuuma harĩ ũtonga wanyu?
23 Hihi nĩ njugĩte honokio kuuma guoko-inĩ gwa thũ
Kana honokio* kuuma harĩ ahinyanĩrĩria?
24 Ndutai ũhoro, na niĩ nĩ ngũikara ngirĩte;+
Ndeithiai ndaũkĩrũo nĩ mahĩtia makwa.
25 Ciugo cia ma itituuraga!+
No rĩrĩ, ũtaaro wanyu ũrĩ na ũguni ũrĩkũ?+
26 Hihi mũrabanga kũrũnga ciugo ciakwa,
Ciugo cia mũndũ ũtarĩ na mwĩhoko,+ iria ihurutagwo nĩ rũhuho ikehera?
28 Nĩ ũndũ ũcio-rĩ, garũrũkai mũndore,
Nĩ gũkorũo ndingĩmũheenia.
29 Ndamũthaitha mwĩcirie ũndũ ũcio rĩngĩ, mũtikanduĩre ũrĩa gũtarĩ,
Mwĩciriei ũndũ ũcio rĩngĩ, nĩ gũkorũo ũthingu wakwa ũrĩ o thĩinĩ wakwa.
30 Hihi rũrĩmĩ rwakwa rũraaria maũndũ matarĩ ma kĩhooto?
Na githĩ ndirataũkĩrũo atĩ harĩ ũndũ ũtarĩ mwega?
7 “Githĩ ũtũũro wa mũndũ thĩinĩ wa thĩ ndũhaana wĩra wa kũhinyĩrĩrio,
Namo matukũ make ta ma mũruti wĩra wa mũcara?+
2 Eriragĩria kĩĩruru o ta ngombo,
Na ageterera marĩhi make ta mũruti wĩra wa mũcara.+
3 Na njĩra o ta ĩyo, nĩ heetwo mĩeri ya tũhũ
Na ngatarĩrũo motukũ ma kũraara na kĩeha.+
4 Rĩrĩa ndakoma njũragia atĩrĩ, ‘Ndĩũkĩra rĩ?’+
Naguo ũtukũ ũgakĩraiha, ngaraara ngĩĩgarũra nginya rũcinĩ gũgĩkĩa.*
6 Matukũ makwa marathiĩ na ihenya gũkĩra mũkuha wa mũtumi nguo,+
Magacoka magakinya mũthia itarĩ na kĩĩrĩgĩrĩro.+
8 Riitho rĩrĩa rĩranyona rĩu rĩtikaanyona rĩngĩ;
Maitho maku nĩ makaanjaria, no ndigaakorũo ho.+
10 Ndagaacoka gwake rĩngĩ,
Na ndakaririkanwo gwake rĩngĩ.+
11 Nĩ ũndũ ũcio, ndikũgirĩrĩria kanua gakwa.
12 Kaĩ niĩ ndĩ iria kana nyamũ nene ya iria-inĩ,
Atĩ nĩguo nangagĩrũo?
13 Hĩndĩ ĩrĩa ndoiga, ‘Nĩ ngũhoorerio nĩ ũrĩrĩ wakwa;
Gĩtanda gĩakwa nĩ gĩkũnyihanyihĩria mĩtangĩko,’
14 Ũũmakagia na iroto
Na ũkanjĩkĩra guoya na cioneki,
15 Ngagĩthuura gũkua nĩ ũndũ wa kũremwo nĩ kũhuhia,
16 Nĩ thũũrĩte muoyo wakwa;+ ndikwenda gũthiĩ na mbere gũtũũra.
Njeherera, tondũ matukũ makwa no ta mĩhũmũ.+
18 Nĩ kĩĩ gĩtũmaga ũmũthuthurie rũcinĩ o rũcinĩ
Na ũmũgerie hĩndĩ ciothe?+
19 Kaĩ ũtangĩĩhũgũra ũtige kũndora
Na ũtigane na niĩ na arĩ merie mata?+
20 Angĩkorũo nĩ njĩhĩtie-rĩ, nĩ atĩa ingĩgwĩka mũũru, wee ũcũthagĩrĩria andũ?+
Nĩ kĩĩ gĩtũmĩte ũndue kĩndũ gĩa gũtharĩkĩrũo nĩwe?
Kaĩ nduĩkĩte mũrigo harĩ wee?
21 Ũrarega kũnjohera mahĩtia makwa nĩkĩ
Na ũndekere mehia makwa?
Nĩ gũkorũo ica ikuhĩ nĩ ngũkoma tĩri-inĩ,+
Nawe nĩ ũkaanjaria na ndigaakorũo ho.”
8 Nake Bilidadi+ ũrĩa Mũshuhi+ agĩcokia akiuga atĩrĩ:
2 “Ũgũthiĩ na mbere kwaria maũndũ macio nginya rĩ?+
Ciugo cia kanua gaku itariĩ ta rũhuho rũrahurutana na hinya!
3 Hihi Ngai no ogomie kĩhooto,
Kana Mwene-Hinya-Wothe ogomie ũndũ wa ũthingu?
4 Angĩkorũo ariũ aku nĩ maamwĩhĩirie-rĩ,
Aarekire maherithio nĩ ũndũ wa ũremi wao;*
5 No rĩrĩ, ũngĩĩhoka Ngai+
Na wĩthaithanĩrĩre harĩ Mwene-Hinya-Wothe,
6 Ningĩ angĩkorũo na ma ũrĩ mũtheru na mũrũngĩrĩru,+
Nĩ egũkũrũmbũiya*
Na agũcokie handũ harĩa hakwagĩrĩire.
7 O na gũtuĩka kĩambĩrĩria gĩaku kĩarĩ kĩnini,
Thutha-inĩ nĩ ũkaagaacĩra mũno.+
8 Ta tuĩria ũhoro harĩ njiarũa cia tene,
Na wĩcũranie ũhoro wa maũndũ marĩa maithe mao meerutire.+
9 Nĩ gũkorũo ithuĩ tũraciarirũo ira na gũtirĩ ũndũ tũĩ,
Tondũ matukũ maitũ gũkũ thĩ mahaana ta kĩĩruru.
10 Githĩ matigũkũruta maũndũ
Na makũhe ũhoro ũrĩa moĩ?*
11 Hihi irura no rĩraihe rĩrĩ handũ hatarĩ itomboya?
Ithanjĩ-rĩ, no rĩraihe hatarĩ maĩ?
12 Hĩndĩ o ĩyo rĩrĩ na kĩro, rĩtarĩ rĩratuo,
Rĩngĩũma mbere ya mũmera ũngĩ o wothe.
13 Macio nĩmo moimĩrĩro ma* arĩa othe mariganagĩrũo nĩ Ngai,
Nĩ gũkorũo kĩĩrĩgĩrĩro kĩa mũndũ ũtetigĩrĩte Ngai* nĩ gĩgaathira,
14 O ũcio ũigĩte mwĩhoko maũndũ-inĩ ma tũhũ
Na kĩĩrĩgĩrĩro gĩake gĩkahaana o ta rũrenda rwa* mbũmbũĩ.
15 Egwĩtiirania na nyũmba yake, no nĩ ĩkũmomoka;
Ekũgeria kwĩnyitĩrĩra harĩ yo, no ndĩgũtũũra.
16 Ahaana mũmera ũitĩrĩirio maĩ ũrĩ riũa-inĩ,
Na thuuna ciake igatherema mũgũnda-inĩ.+
17 Mĩri yake ĩĩthiorereirie hĩba-inĩ ya mahiga;
Acaragia gĩikaro mahiga-inĩ.*
18 No rĩrĩa akaamunywo* kuuma harĩa arĩ,
Handũ hau nĩ hakaamũkaana hoige atĩrĩ, ‘Niĩ ndirĩ ndakuona.’+
20 Hatarĩ nganja Ngai ndagaatiganĩria arĩa matũũragia wĩkindĩru;*
Ningĩ ndagaateithĩrĩria* andũ arĩa aganu,
21 Nĩ gũkorũo nĩ agaatũma kanua gaku kaiyũre gĩkeno
Nayo mĩromo yaku yanĩrĩre nĩ ũndũ wa gũkena.
22 Andũ arĩa magũthũire makaahumbwo thoni,
Nayo hema ya arĩa aganu ndĩgaakorũo ho rĩngĩ.”
9 Nake Ayubu agĩcokia akiuga atĩrĩ:
2 “Hatarĩ nganja nĩ njũĩ atĩ ũhoro ũcio nĩ wa ma.
No mũndũ-rĩ, angĩkorũo arĩ mwagĩrĩru atĩa mbere ya Ngai?+
3 Mũndũ angĩenda gũkararania nake-rĩ,*+
Mũndũ ũcio ndangĩhota kũmũcokeria kĩũria o na kĩmwe harĩ ciũria ciake ngiri ĩmwe.
4 We nĩ arĩ ũũgĩ wa ngoro na hinya mũingĩ.+
Nũũ ũngĩmũkararia na age kuona ũũru?+
5 Athaamagia* irĩma gũtarĩ mũndũ ũkũmenya;
Na agacingʼaũrania nĩ ũndũ wa ũrĩa arakarĩte.
6 Athingithagia thĩ ĩkoima harĩa ĩkoragwo,
Nacio itugĩ ciayo ikainaina.+
7 Athaga riũa rĩtikaare
Na agathiĩka ũtheri wa njata;+
8 Atambũrũkagia igũrũ arĩ o wiki,+
Na agathiĩra igũrũ rĩa makũmbĩ manene ma iria.+
9 Nĩwe wombire gĩkundi kĩa njata kĩrĩa gĩtagwo Ashi,* Kesili,* na Kima,*+
O hamwe na ikundi cia njata cia mwena wa mũhuro;*
10 Ekaga maũndũ manene matangĩtuĩrĩka,+
Maũndũ ma magegania matangĩtarĩka.+
11 Ageraga harĩa ndĩ na ndingĩmuona;
Akahĩtũka, no ndingĩmũkũũrana.
12 Angĩgutha kĩndũ-rĩ, nũũ ũngĩmũgiria?
Nũũ ũngĩmũũria, ‘Nĩ kĩĩ ũreka?’+
14 Na githĩ rĩrĩa ndĩramũcokeria ndikĩagĩrĩirũo o na makĩria
Gũthuura wega ciugo cia gũcokanĩria nake!
15 O na ingĩkorũo itahĩtĩtie-rĩ, ndingĩmũcokeria.+
No gũthaitha ingĩthaitha mũtuanĩri ciira* wakwa anjiguĩre tha.
16 Ingĩmwĩta-rĩ, hihi no anjĩtĩke?
Ndiĩtĩkĩtie atĩ no athikĩrĩrie mũgambo wakwa,
17 Nĩ gũkorũo atũmaga hehenjwo nĩ kĩhuhũkanio
Na akaingĩhia ironda ciakwa hatarĩ gĩtũmi.+
18 Ndarekaga hũmũke;
Aikaraga o akĩndehagĩra maũndũ marĩ ruo.
19 Angĩkorũo nĩ ũhoro wĩgiĩ hinya-rĩ, ũcio nĩwe ũrĩ na hinya.+
Angĩkorũo nĩ ũhoro wĩgiĩ kĩhooto-rĩ, oigaga ũũ: ‘Nũũ ũngĩnjirithia?’*
20 O na ingĩkorũo itahĩtĩtie, kanua gakwa mwene no kandue mwĩhia;
O na ingĩtũũria wĩkindĩru wakwa,* we no atue atĩ nĩ hĩtĩtie.*
22 Maũndũ macio mothe no ũndũ ũmwe. Nĩkĩo njugaga atĩ,
‘Aniinaga andũ matarĩ ũcuke* na arĩa aganu o ũndũ ũmwe.’
23 Kũngĩgĩa na mũiyũro mũnene wa maĩ ũrehe gĩkuũ o rĩmwe,
We no athekerere arĩa matarĩ ũcuke thĩna-inĩ ũcio wao.
Angĩkorũo tiwe wĩkaga ũguo-rĩ, nũũ?
25 Matukũ makwa marathiĩ na ihenya gũkĩra mũtengʼeri;+
Mathiraga itekuona maũndũ mega.
26 Mathiaga na ihenya o ta tũtarũ twa mathanjĩ,
O ta nderi cigĩikũrũka kũhuria gĩa kũrĩa.
27 Ingiuga, ‘Nĩ ngũriganĩrũo nĩ mathĩna makwa,
Nĩ ngũtiga gũkorũo na kĩeha na ngene,’
28 O na hĩndĩ ĩyo no ngorũo na guoya nĩ ũndũ wa ruo rwakwa ruothe,+
Na nĩ njũĩ atĩ o na hĩndĩ ĩyo ndũngĩndua mũthingu.
30 Ingĩĩthamba na maĩ moimĩte mbarabu-inĩ ĩraringũka,
Na ndĩĩthambe moko na thabuni-rĩ,*+
31 No kũnjikia ũngĩnjikia irima-inĩ,
Na hĩndĩ ĩyo o na nguo ciakwa no gũũthũũra cingĩthũũra.
32 Nĩ gũkorũo we ti mũndũ ta niĩ atĩ ndĩmũcokerie,
Atĩ nĩguo tũthiĩ igooti-inĩ hamwe nake.+
34 Angĩtiga kũũhũũra*
Na atige kũũmakia na maũndũ make ma gwĩkĩra guoya,+
35 No ndĩmwarĩrie itegwĩtigĩra,
Nĩ gũkorũo niĩ ndirĩ guoya wa kwaria.
10 “Nĩ thũũrĩte muoyo wakwa.+
Ngũitũrũra mateta makwa.
Na njarie ndĩ na marũrũ manene!
2 Ngwĩra Ngai atĩrĩ: ‘Ndũkandue mwĩhia.
Njĩĩra kĩrĩa kĩratũma ũnjirithie.
3 Hihi nĩ ũgunĩkaga nĩ ũndũ wa kũhinyĩrĩria,
Kũnyarara wĩra wa moko maku+
Na gũkenio nĩ ũtaaro wa arĩa aganu?
4 Kaĩ maitho maku matariĩ ta ma andũ,
Kana wonaga ta ũrĩa andũ monaga?
5 Hihi matukũ maku nĩ ta ma andũ,
Kana mĩaka yaku ĩgakĩhaana ta ya mũndũ,+
6 Atĩ nĩguo ũcarĩrĩrie mahĩtia makwa
Na ũikare ũgĩtuĩragia mehia makwa?+
8 Moko maku nĩmo maangũmbire na makĩnyũmba,+
No rĩu ũrenda kũũniina biũ.
10 Githĩ ndwanjitire ta iria
Na ũgĩtũma haane ta makindi ma iria?
11 Wahumbĩrire na ngothi na nyama,
Na ũkĩnjĩkĩra mahĩndĩ na mĩkiha ũgĩcinyitithania.+
13 Ĩndĩ wabangĩte gwĩka maũndũ macio na hitho.*
Nĩ njũĩ atĩ maũndũ macio moimĩte kũrĩ wee.
14 Ingĩehirie-rĩ, nĩ ũngĩanyonire,+
Na ndũngĩanjehereirie mehia makwa.
15 Angĩkorũo nĩ hĩtĩtie-rĩ, kaĩ ndĩ na haaro-ĩ!
O na angĩkorũo ndihĩtĩtie, ndingĩhota kũinamũra mũtwe wakwa,+
Nĩ gũkorũo njiyũirũo nĩ thoni na mathĩna.+
16 Ingĩinamũra mũtwe, wee ũũhĩtaga ta mũrũthi+
Na ũkonania ũhoti waku wa kũnjũkĩrĩra.
17 Ũrehaga aira angĩ manjũkĩrĩre
Na ũkongerera marakara maku kũnjerekera,
O ũrĩa ndĩracemania na thĩna ũmwe thutha wa ũrĩa ũngĩ.
18 Nĩ kĩĩ gĩatũmire ũndute thĩinĩ wa nda ya maitũ?+
Kaba ingĩakuire itonetwo nĩ riitho rĩa mũndũ o na ũrĩkũ.
19 Kũngĩahaanire ta itarĩ ndakorũo kuo;
Ingĩoimire nda ya maitũ ndwarĩtwo mbĩrĩra-inĩ.’
20 Githĩ matukũ makwa ti manini?+ Nĩ atigane na niĩ;
Nĩ eherie maitho make harĩ niĩ nĩgetha ngĩe na thayũ hanini*+
22 Bũrũri ũrĩ na nduma nene,
Bũrũri ũrĩ na kĩĩruru kĩnene na ũtarĩ mũbango,
Kũrĩa ũtheri o naguo ũtariĩ ta nduma.”
11 Nake Zofaru+ ũrĩa Mũnaamathi agĩcokia akiuga atĩrĩ:
2 “Hihi ciugo icio ciothe nĩ ikwaga gũcokio,
Kana kwaria mũno no gũtũme mũndũ atuĩke mwagĩrĩru?*
3 Hihi mĩario ĩyo yaku ya tũhũ no ĩtũme andũ makire?
Kaĩ gũtarĩ mũndũ ũngĩgũkaania nĩ ũndũ wa ciugo ciaku cia kĩnyũrũri?+
5 Na arĩ korũo Ngai no arie,
Atumũre mĩromo yake akwarĩrie!+
6 No akũguũrĩrie hitho cia ũũgĩ,
Nĩ gũkorũo ũũgĩ* nĩ ũrĩ mĩena mĩingĩ.
Hĩndĩ ĩyo no ũmenye atĩ Ngai nĩ arekaga mahĩtia mamwe maku mariganĩre.
7 Hihi no ũhote kũmenya maũndũ marĩa marikĩru ma Ngai
Kana ũtaũkĩrũo nĩ maũndũ mothe megiĩ* Mwene-Hinya-Wothe?
8 Ũũgĩ wake nĩ mũtũũgĩru gũkĩra igũrũ. Nĩ ũndũ ũrĩkũ wee ũngĩhingia?
Nĩ mũrikĩru gũkĩra Mbĩrĩra.* Nĩ ũndũ ũrĩkũ wee ũngĩmenya?
9 Nĩ mũraihu gũkĩra thĩ
Na nĩ mwariĩ gũkĩra iria.
10 Angĩũka anyite mũndũ acoke etane ciira-rĩ,
Nũũ ũngĩmũgiria?
11 Nĩ gũkorũo we nĩ amenyaga rĩrĩa andũ maraheenania.
Hĩndĩ ĩrĩa ona ũndũ mũũru-rĩ, na githĩ ndawĩcũranagia?
12 No mũndũ ũtarĩ mũũgĩ ndangĩtaũkĩrũo
Tiga o rĩrĩa ndigiri ya gĩthaka ĩngĩciara mũndũ.*
13 Na arĩ korũo no ũhaarĩrie ngoro yaku
Na ũmũtambũrũkĩrie moko maku.
14 Angĩkorũo guoko gwaku nĩ kũreka ũndũ mũũru-rĩ, kweherie ũkũige haraya,
Na ndũkareke ũndũ o na ũmwe ũtarĩ wa ũthingu ũikare hema-inĩ ciaku.
15 Nĩ gũkorũo hĩndĩ ĩyo no ũhote kũinamũra ũthiũ waku ũtegũconoka;
No ũhote kũrũgama wĩhandĩte ũtarĩ na guoya.
16 Nĩ gũkorũo hĩndĩ ĩyo no ũriganĩrũo nĩ mathĩna maku;
Ũmaririkanage ta maĩ marĩkĩtie gũtherera magakũhĩtũka.
17 Ũtũũro waku ũkũgĩa ũtheri ũkĩrĩte wa mũthenya gatagatĩ;
O na nduma yaguo ĩhaane ta rũcinĩ.
18 Nĩ ũkũgĩa na mwĩhoko tondũ harĩ na kĩĩrĩgĩrĩro,
Na wĩhũgũrage na mĩena yothe ũgacoka ũgakoma ũrĩ na thayũ.
19 Ũrĩkomaga gũtarĩ mũndũ ũngĩtũma ũigue guoya,
Na andũ aingĩ makeyendithĩrĩria harĩ wee.
20 No maitho ma andũ arĩa aganu nĩ magaatiga kuona;
Na matikaagĩa na handũ ha kũũrĩra,
12 Nake Ayubu agĩcokia akiuga atĩrĩ:
2 “Hatarĩ nganja inyuĩ nĩ inyuĩ andũ arĩa moĩ,*
Na ũũgĩ ũgaathiranĩra na inyuĩ!
3 No rĩrĩ, o na niĩ ndĩ na ũtaũku.*
Gũtirĩ ũndũ mũngĩrĩte naguo.
Nũũ ũtoĩ maũndũ macio?
4 Nduĩkĩte mũndũ wa gũthekererũo nĩ arata akwa,+
Nĩ ũndũ wa gũkaĩra Ngai na ngerĩgĩrĩra atĩ nĩ ekũnjigua.+
Mũndũ mũthingu na ũtarĩ ũcuke atuĩkĩte wa gũthekererũo.
5 Mũndũ ũrĩa ũikaraga na thayũ nĩ anyararĩte mathĩna,
Ageciria atĩ makoraga o andũ arĩa magũrũ mao matehandĩte.*
6 Hema cia atunyani ikoragwo na thayũ,+
Nao arĩa marakaragia Ngai maikaraga marĩ na ũgitĩri,+
O acio makuuaga ngai wao na moko.
7 No rĩrĩ, ta tuĩria ũhoro harĩ nyamũ, na nĩ igũgũtaara;
Ningĩ ũũrie nyoni cia rĩera-inĩ,* na nĩ igũkwĩra.
8 Kana ũrũmbũiye ũhoro wa thĩ na nĩ ĩgũgũtaara;
Nacio thamaki cia iria-inĩ nĩ igũkũhe ũhoro.
9 Nĩ kĩũmbe kĩrĩkũ harĩ icio ciothe gĩtoĩ
Atĩ guoko kwa Jehova nĩkuo gwĩkĩte maũndũ macio?
12 Githĩ ũũgĩ ndũkoragwo na andũ arĩa akũrũ+
Namo matukũ maingĩ magatũma mũndũ agĩe na ũtaũku?
14 Angĩmomora kĩndũ, gĩtingĩcoka gwakwo rĩngĩ;+
Kĩrĩa ahingĩte-rĩ, gũtirĩ mũndũ ũngĩkĩhingũra.
15 Rĩrĩa ahingĩrĩria maĩ, indo ciothe no kũũma ciũmaga;+
Rĩrĩa amahingũrĩra, maiyũraga thĩinĩ wa thĩ makamĩtooria.+
Mũndũ ũrĩa ũhĩtĩtie njĩra o na ũrĩa ũhĩtithagia andũ arĩa angĩ njĩra, othe nĩ ake;
17 Atũmaga ataarani mathiĩ magũrũ matheri,*
Na agatũma atuanĩri ciira matuĩke irimũ.+
18 Nĩ ohoraga mĩnyororo ya athamaki,+
Na akamoha mũcibi njohero-inĩ ciao.
19 Atũmaga athĩnjĩri-Ngai mathiĩ magũrũ matheri,+
Na akeheria arĩa mehandĩte wega ũnene-inĩ;+
20 Atũmaga ataarani arĩa mehoketwo mage ciugo cia kwaria
Na agatunya athuri arĩa akũrũ* ũtaũku;
21 Nĩ atũmaga andũ arĩa marĩ igweta manyararũo,+
Na agatũma arĩa marĩ ũhoti mage hinya;*
22 Nĩ aguũragia maũndũ marĩa marikĩru kuuma nduma-inĩ,+
Nayo nduma nene akamĩrehe ũtheri-inĩ;
23 Atũmaga ndũrĩrĩ igĩe na hinya nĩguo acianange;
Na akanenehia ndũrĩrĩ nĩguo acitware ithamĩrio.
13 “Atĩrĩrĩ, riitho rĩakwa nĩ rĩonete maũndũ macio mothe,
Gũtũ gwakwa nĩ kũiguĩte na gũgataũkĩrũo nĩmo.
2 Maũndũ marĩa mũĩ, o na niĩ nĩ ndĩmoĩ;
Gũtirĩ ũndũ mũngĩrĩte naguo.
3 Niĩ-rĩ, nĩ kaba njarie na Mwene-Hinya-Wothe we mwene;
Ndĩrerirĩria gũciira na Ngai.+
4 No inyuĩ nĩ kũhaka mũrahaka maheeni;
Inyuothe mũrĩ ndagĩtarĩ cia tũhũ.+
5 Na arĩ korũo no mũkire ki,
Mũngĩka ũguo no muonanie atĩ mũrĩ ogĩ.+
6 Ta thikĩrĩriai maũndũ marĩa nguuga,
Na mũthikĩrĩrie mathaithana ma mĩromo yakwa.
7 Kaĩ mũkwaria maũndũ matarĩ ma kĩhooto handũ-inĩ ha Ngai,
Na kaĩ mũkwaria maheeni handũ-inĩ hake?
8 Kaĩ mũkũmũnyita mbaru,
Kaĩ mũkũgeria gũciira handũ-inĩ ha Ngai ũrĩa wa ma?
9 Angĩmũthuthuria-rĩ, hihi no muonwo mũrĩ agĩrĩru?+
Hihi no mũmũheenie ta ũrĩa mũngĩheenia mũndũ?
10 Hatarĩ nganja nĩ ekũmũrũnga
Mũngĩgeria kuonania kĩmenyano na hitho.+
11 Githĩ riri wake to ũtũme mwĩtigĩre
Na mũnyitwo nĩ guoya nĩ ũndũ wake?
12 Ciugo cianyu cia ũũgĩ* nĩ thimo cia tũhũ o ta mũhu;
Ihooto* cianyu ciagĩte hinya o ta thingo cia rĩũmba.
13 Kirai nĩguo njarie.
Na mũreke nyone ũrĩa nguona!
14 Ndĩretwarĩrĩria ũgwati-inĩ nĩkĩ*
Na ngaiga muoyo wakwa guoko-inĩ gwakwa?
15 O na gũtuĩka no anjũrage, nowe ngweterera;+
Ngũtetera mĩthiĩre yakwa o ũthiũ-inĩ wake.
16 Hĩndĩ ĩyo angĩtuĩka ũhonokio wakwa,+
Nĩ gũkorũo gũtirĩ mũndũ ũtetigĩrĩte Ngai* ũngĩthiĩ mbere yake.+
17 Thikĩrĩriai kiugo gĩakwa na kinyi;
Tegai matũ mũigue ũrĩa nguuga.
18 Atĩrĩrĩ, niĩ nĩ haarĩirie ciira wakwa;
Nĩ njũĩ atĩ ndihĩtĩtie.
19 Nũũ ũkũnjirithia?
Ingĩikara ngirĩte-rĩ, no gũkua ingĩkua!*
20 Ndĩrakũhoya o maũndũ merĩ, wee Ngai,*
Nĩguo ndige kwĩhitha kuuma harĩ wee:
21 Eheria guoko kũu gwaku kũritũ ũkũige haraya na niĩ,
Na ndũkareke maũndũ maku ma kũmakania matũme ndĩtigĩre.+
22 Ĩtana na nĩ ngũgwĩtĩka,
Kana ũreke njarie, nawe ũnjokerie.
23 Mahĩtia makwa o na mehia makwa nĩ marĩkũ?
Nguũrĩria mahĩtia o na mehia makwa.
25 Hihi nĩ ũkũgeria kũmakia ithangũ rĩrahurutwo nĩ rũhuho
Kana gũtengʼerania na mahuti momũ?
26 Nĩ gũkorũo ũikaraga ũkĩandĩkaga maũndũ moru marĩa thitangĩirũo,
Na ũkaherithia nĩ ũndũ wa mehia ma ũnyinyi wakwa.
27 Wĩkĩrĩte magũrũ makwa ndungu-inĩ,
Ũthuthuragia njĩra ciakwa ciothe,
Na ũgatuĩria makinya makwa mothe.
28 Nĩ ũndũ ũcio, mũndũ* atariĩ ta kĩndũ kĩbuthu gĩtarĩ bata,
O ta nguo ĩrĩĩtwo nĩ memenyi.
3 Atĩrĩrĩ, werekeirie riitho rĩaku harĩ we,
Na ũkamũtwara ciira-inĩ nĩguo mũciire nake.+
4 Hihi nũũ ũtarĩ mũtheru ũngĩhota gũciara mũndũ mũtheru?+
Gũtirĩ mũndũ ũngĩhota!
5 Angĩkorũo matukũ make nĩ matuĩtwo,
Wee nĩwe ũrĩ na mũigana wa mĩeri yake;
Nĩ ũmũigĩire mũhaka ũrĩa atangĩkĩra.+
6 Wĩhũgũre ũtige kũmũrora nĩguo ahurũke,
O nginya arĩkie mũthenya wake ta mũruti wĩra wa mũcara.+
7 Nĩ gũkorũo nĩ kũrĩ kĩĩrĩgĩrĩro nginya harĩ mũtĩ.
Ũngĩtemwo, no ũthundũke rĩngĩ,
Na honge ciaguo ithiĩ na mbere gũkũra.
8 Mĩri yaguo ĩngĩkũrĩra na thĩ
Na gĩthukĩ kĩaguo kĩũmĩre tĩri-inĩ,
9 No ũthundũke ũngĩgucia tũmaĩ o tũnini;
Na ũgĩe honge o ta mũmera mwerũ.
10 No rĩrĩ, mũndũ akuaga na agakoma atarĩ na ũhoti;
Mũndũ akua-rĩ, athiaga kũ?+
11 Maĩ nĩ mathiraga iria-inĩ,
Naruo rũũĩ rũkahũa na rũkaniara.
12 O nake mũndũ akomaga na ndacokaga gũũkĩra.+
Matingĩũkĩra o nginya rĩrĩa igũrũ rĩgaathira,
Ningĩ matingĩũkĩrio kuuma toro ũrĩa marĩ.+
13 Na arĩ korũo no ũũhithe thĩinĩ wa Mbĩrĩra,*+
Ũũhithe nginya rĩrĩa marakara maku magaathira,
Na ũnduĩre ihinda, ũgaacoka kũndirikana!+
14 Mũndũ angĩkua-rĩ, hihi no atũũre muoyo rĩngĩ?+
Niĩ ngweterera matukũ mothe ma wĩra wakwa wa ũkombo
O nginya rĩrĩa hĩndĩ yakwa ya gũkũũrũo ĩgaakinya.+
15 Nĩ ũgeetana, na niĩ nĩ ngaagwĩtĩka.+
Nĩ ũkeerirĩria wĩra wa moko maku.
16 No ihinda-inĩ rĩrĩ, ũikaraga ũgĩtaraga makinya makwa mothe;
Ũroraga o mehia makwa.
17 Mahĩtia makwa mahingĩrĩirio mondo-inĩ,
Namo mehia makwa makahingwo na ngamu.
18 O ta ũrĩa kĩrĩma kĩgũaga na gĩgatuĩkanga
Na o ta ũrĩa rwaro rwa ihiga rweheragio harĩa rũkoragwo,
19 O ta ũrĩa maĩ matũmaga mahiga mamumuthũke
Na mũiyũro wamo ũgakuua tĩri,
Ũguo noguo wanangĩte kĩĩrĩgĩrĩro kĩa mũndũ.
20 Ũikaraga ũkĩmũtooragia nginya agathira;+
Ũgarũraga mũhianĩre wake ũgacoka ũkamweheria.
21 Ariũ ake matuĩkaga andũ atĩĩku, no we ndamenyaga;
Magatuĩka andũ matarĩ bata, no we ndamenyaga.+
22 Aiguaga ruo o rĩrĩa arĩ na mwĩrĩ;
Acakayaga o rĩrĩa arĩ muoyo.”
15 Nake Elifazu+ ũrĩa Mũtemani agĩcokia akiuga atĩrĩ:
2 “Kaĩ mũndũ mũũgĩ angĩgĩcokia na ciugo cia tũhũ,*
Kana aiyũrie nda yake rũhuho rwa mwena wa irathĩro?
3 Kũhũthĩra ciugo theri harĩ kũrũnga gũtingĩteithia,
Na kwaria gwiki gũtirĩ ũguni.
4 Nĩ gũkorũo nĩ ũhũthagia ũhoro wa gwĩtigĩra Ngai,
Na ũgatũma ũhoro o wothe wa gwĩcũrania igũrũ rĩgiĩ Ngai wage bata.
5 Nĩ gũkorũo mahĩtia maku nĩmo maratũma uuge maũndũ macio ũroiga,*
Na ũgathuura kũhũthĩra mĩario ya wara.
6 Kanua gaku mwene nĩko karagũtuĩra ciira, no ti niĩ;
Mĩromo yaku mwene nĩyo ĩraruta ũira wa gũgũũkĩrĩra.+
7 Hihi wee nĩwe warĩ wa mbere gũciarũo,
Kana waciarirũo mbere ya irĩma?
8 Kaĩ ũthikagĩrĩria mĩario ya hitho ya Ngai,
Kana wee nowe ũkoragwo na ũũgĩ?
9 Nĩ ũndũ ũrĩkũ ũĩ ithuĩ tũtoĩ?+
Nĩ ũndũ ũrĩkũ ũtaũkĩirũo ithuĩ tũkaga gũtaũkĩrũo?
10 Gatagatĩ-inĩ gaitũ harĩ na athuri marĩ na mbuĩ o na arĩa akũrũ,+
Athuri akũrũ gũkĩra thoguo.
11 Kaĩ maũndũ marĩa Ngai arakũũmĩrĩria namo matakũiganĩte,
Kana ciugo iria wĩrĩtwo na njĩra ya ũhooreri?
12 Ũretĩkĩria ngoro yaku ĩgũtongorie ũũru nĩkĩ,
Na maitho maku magakorũo na marakara?
13 Nĩ gũkorũo werekeirie marakara maku harĩ Ngai we mwene,
Na ũkareka ciugo ta icio ciume kanua-inĩ gaku.
14 Mũndũ-rĩ, nĩwe kĩ atĩ nĩguo akorũo arĩ mũtheru,
Kana mũndũ o wothe ũciarĩtwo nĩ mũtumia atĩ nĩguo akorũo arĩ mũthingu?+
15 Atĩrĩrĩ, Ngai ndakoragwo ehokete arĩa ake atheru,
Na nginya igũrũ rĩtikoragwo rĩrĩ itheru maitho-inĩ make.+
16 Angĩkĩĩhoka atĩa mũndũ wonagwo arĩ kĩndũ kĩrĩ magigi na mwaganu,+
Mũndũ ũnyuaga maũndũ matarĩ ma ũthingu ta ũrĩa anyuaga maĩ!
17 Nĩ ngũkũhe ũhoro; thikĩrĩria!
Nĩ ngũgũtaarĩria maũndũ marĩa nyonete,
18 Maũndũ marĩa andũ ogĩ moigĩte marutĩte kũrĩ maithe mao,+
Makamoiga matekũhithĩrĩra.
19 Acio oiki nĩo maaheirũo bũrũri,
Na gũtirĩ mũgeni watuĩkanagĩria gatagatĩ-inĩ kao.
20 Mũndũ mwaganu anyamarĩkaga matukũ make mothe,
Mĩaka yothe ĩrĩa ĩigĩirũo mũndũ ũrĩa ũhinyanagĩrĩria.
21 Aiguaga mĩgambo ya gũtũma etigĩre;+
Atharĩkagĩrũo nĩ atunyani hĩndĩ ĩrĩa kũrĩ na thayũ.
22 Ndetĩkĩtie atĩ no ahonoke kuuma nduma-inĩ;+
Akoragwo aigĩirũo rũhiũ rwa njora.
23 Orũraga agĩcaria irio,* na akoria atĩrĩ: “Irĩ kũ?”
Nĩ amenyaga wega atĩ mũthenya wa nduma ũrĩ hakuhĩ.
24 Aikaraga na guoya nĩ ũndũ wa mĩtangĩko na ruo;
Ikamũtooria o ta mũthamaki wĩhaarĩirie gũtharĩkĩra.
25 Nĩ gũkorũo atambũrũkagia guoko okĩrĩre Ngai we mwene
Na akageria gũkararia* Mwene-Hinya-Wothe;
26 Amũhanyũkagĩra omĩtie kĩongo,
Arĩ na ngo yake njariĩ na ĩrĩ hinya;
27 Ũthiũ wake ũhumbĩrĩtwo nĩ maguta,
Nayo njohero yake ĩkaimbio nĩ maguta;
28 Aikaraga thĩinĩ wa matũũra marĩcoka kwanangwo,
Thĩinĩ wa nyũmba itagaatũũrũo nĩ mũndũ,
O icio igaatuĩka irũndo cia mahiga.
29 Ndagaatonga, na ũtonga wake ndũkaingĩha,
O na indo ciake itigaatherema thĩinĩ wa bũrũri.
30 Ndakaahonoka kuuma nduma-inĩ;
Rũrĩrĩmbĩ nĩ rũkoomia karũhonge gake,*
Na nĩ akaaniinwo nĩ mũtuthũko wa kanua ka Ngai.+
31 Ndagĩrĩirũo kũũra njĩra ehoke maũndũ ma tũhũ,
Tondũ moimĩrĩro magaakorũo marĩ o maũndũ ma tũhũ;
32 Ũndũ ũcio ũgeekĩka mbere ya mũthenya wake,
Na gũtirĩ hĩndĩ honge ciake igaatherema.+
33 Agaakorũo atariĩ ta mũthabibũ ũraita thabibũ itarĩ ngũrũ,
Na ahaane ta mũtamaiyũ ũraita kĩro kĩaguo.
34 Tondũ gĩkundi kĩa andũ arĩa matetigĩrĩte Ngai* gĩtingĩgĩa na maciaro,+
Na mwaki nĩ ũgaacina hema cia arĩa moyaga mahaki.
35 Mohaga nda cia mathĩna na magaciara maũndũ ma waganu,
Nacio nda ciao irutaga o maũndũ ma maheeni.”
16 Nake Ayubu agĩcokia akiuga atĩrĩ:
2 “Ndanaigua maũndũ maingĩ ta macio
Inyuothe mũrĩ ahoorerania a kũrehera mũndũ mĩtangĩko!+
3 Hihi ciugo ici cia tũhũ* nĩ irĩkinya mũthia?
Nĩ kĩĩ gĩkũrakarĩtie nĩguo ũnjokerie na njĩra ta ĩyo?
4 O na niĩ no njarie ta ũguo mũraria.
Korũo nĩ inyuĩ mũrĩ harĩa ndĩ,*
No hote kwaria ciugo iragucĩrĩria cia kũmũũkĩrĩra
Na ndĩmũinainĩrie mũtwe.+
5 No handũ ha ũguo, ingĩmwĩkĩra hinya na ciugo cia kanua gakwa,
Na maũndũ ma kũmũũmĩrĩria marĩa ingĩaria mamũhoorerie.+
6 O na ndaria, ruo rwakwa rũtirathira,+
Na ingĩtiga kwaria-rĩ, ruo rwakwa rũngĩkĩnyihio nĩ kĩĩ?
8 Ningĩ nĩ ũnyitĩte, na ũndũ ũcio nĩ ũroneka wega,
Na mwĩrĩ ũyũ wakwa mũhĩnju ũkaarahũka kũruta ũira wa kũnjũkĩrĩra.
9 Andembũrangĩte icunjĩ nĩ ũndũ wa ũrĩa arakarĩte, na akagĩa muku na niĩ.+
Ahagaranagia magego nĩ ũndũ wakwa.
Thũ yakwa ĩthecaga na maitho mayo.+
10 Nĩ matumũrĩte tũnua twao manjũkĩrĩre,+
Na makangũtha makai makĩnyũrũragia;
Macemanagia marĩ aingĩ nĩguo manjũkĩrĩre.+
11 Ngai nĩ andekereirie kũrĩ imwana,
Na akanjikia moko-inĩ ma andũ aganu.+
12 Niĩ ndatũũrĩte itarĩ na mĩtangĩko, no akĩhehenja;+
Aanyitire ngingo mwena wa thutha akĩmemenda;
Agĩcoka akĩndua kĩndũ gĩa gũtharĩkĩrũo nĩwe.
13 Andũ ake a gũikia mĩguĩ nĩ mandigicĩirie;+
Athecaga higo ciakwa+ atekũnjaĩra;
Agaita maĩ ma nyongo yakwa thĩ.
14 Aikaraga agĩtharĩkagĩra akandiga na mĩanya ta rũthingo;
Anguthũkagĩra ta njamba ya ita.
16 Ũthiũ wakwa ũtunĩhĩte nĩ ũndũ wa kũrĩra,+
Nacio imone ciakwa ikagĩa kĩĩruru kĩnene,*
17 O na gũtuĩka moko makwa matiĩkĩte ũndũ o na ũmwe wa ũhinya
Na mahoya makwa nĩ matheru.
18 Wee thĩ-rĩ, ndũkahumbĩre thakame yakwa!+
Na ndũkareke kĩrĩro gĩakwa kĩgĩe na handũ ha kũhurũka!
19 O na rĩu, mũira wakwa arĩ matu-inĩ;
Ũrĩa ũngĩruta ũira wa kũndetera arĩ igũrũ.
21 Nĩ kũgĩe mũndũ ũgũtua ciira gatagatĩ ka mũndũ na Ngai,
O ta ũrĩa angĩtuithania gatagatĩ ka mũndũ na ũrĩa ũngĩ.+
22 Nĩ gũkorũo mĩaka ĩrĩa ĩtigarĩte nĩ mĩnini,
Njoke thiĩre njĩra ĩrĩa ĩthiagĩrũo na ndĩcokagwo.+
17 “Roho wakwa nĩ mũthuthĩku, namo matukũ makwa magathira;
Mbĩrĩra nĩ ĩnjetereire.+
3 Ndagũthaitha wĩtĩkĩre kĩndũ gĩakwa gĩa kũndũgamĩrĩra, ũikare nakĩo.
Nũũ ũngĩ ũngĩtĩkĩra kũndũgamĩrĩra?+
4 Nĩ gũkorũo nĩ ũtũmĩte ngoro ciao ciage ũtaũku;+
Na nĩkĩo ũtamatũũgagĩria.
5 Mũndũ no erutĩre kũgayana indo ciake na arata ake,
Na hĩndĩ ĩyo maitho ma ciana ciake matirahota kuona.
6 We atũmĩte nduĩke kĩndũ gĩa kũnyararũo* gatagatĩ-inĩ ka ikundi cia andũ,+
Ngagĩtuĩka wa gũtuagĩrũo mata ũthiũ nĩo.+
7 Maitho makwa marĩ na nduma tondũ wa kĩeha,+
Nacio ciĩga ciakwa ciothe ikahaana o ta kĩĩruru.
8 Andũ arĩa arũngĩrĩru nĩ maragegio nĩ ũndũ ũcio,
Nao arĩa matarĩ ũcuke magatangĩka nĩ ũndũ wa arĩa matetigĩrĩte Ngai.*
9 Mũndũ ũrĩa mũthingu aikaraga arũmĩtie njĩra yake,+
Nake ũrĩa ũrĩ na moko matheru akagĩa na hinya makĩria.+
10 No rĩrĩ, inyuothe no mũthiĩ na mbere na ngarari cianyu,
Tondũ ndionete mũndũ o na ũmwe mũũgĩ gatagatĩ-inĩ kanyu.+
12 Acio maikaraga makĩgarũraga ũtukũ makaũtua mũthenya,
Makoiga ũũ, ‘No mũhaka ũtheri ũkorũo nĩ ũkuhĩrĩirie tondũ kũrĩ na nduma.’
14 Ngaanĩrĩra njĩre irima atĩrĩ,*+ ‘Wee nĩwe baba!’
Ningĩ njĩre kĩgunyũ atĩrĩ, ‘Wee nĩwe maitũ na mwarĩ wa maitũ!’
15 Kĩĩrĩgĩrĩro gĩakwa gĩkĩrĩ kũ?+
Nũũ ũrona kĩĩrĩgĩrĩro gĩakwa?
18 Nake Bilidadi+ ũrĩa Mũshuhi agĩcokia akiuga atĩrĩ:
2 “Ũgũthiĩ na mbere kwaria mĩario ta ĩyo nginya rĩ?
Onania ũtaũku nĩguo o na ithuĩ twarie.
4 O na ũngĩrakara wĩtinangie tũcunjĩ-rĩ,
Hihi thĩ no ĩthamwo nĩ ũndũ waku,
Kana rwaro rwa ihiga rwehere harĩa rũkoragwo?
5 Ũtheri wa mũndũ mwaganu nĩ ũkaahorio,
Na rũrĩrĩmbĩ rwa mwaki wake rũtikaaruta ũtheri.+
6 Ũtheri ũrĩa ũrĩ thĩinĩ wa hema yake no mũhaka ũtuĩke nduma,
Naguo tawa ũrĩa ũrĩ igũrũ rĩake ũhorio.
7 Mũtacũ wake mũraihu nĩ mũnyihie,
Na ũtaaro wake we mwene nĩ ũgũtũma agwe.+
8 Nĩ gũkorũo magũrũ make mekũmũtongoria o thĩinĩ wa neti,
Nake orũrage thĩinĩ wayo.
9 Mũtego ũkũmũnyitĩra ndiira-inĩ;
Mũtego nĩguo ũkũmũnyita.+
10 Ahithĩirũo mũkanda tĩri-inĩ,
Na akambĩrũo mũtego njĩra-inĩ ĩrĩa ageraga.
11 Arigicĩirio nĩ maũndũ ma kũmakania mĩena yothe+
Namo maramũtengʼeria marĩ o makinya-inĩ make.
13 Ngothi yake ĩrĩĩkĩte ĩgathira;
Ciĩga ciake iniinĩtwo nĩ mũrimũ ũrĩa mũũru biũ.*
16 Mĩri yake nĩ kũũma ĩkoomĩra thĩ,
Na igũrũ honge ciake ihoohe.
17 Ndagaacoka kũririkanwo thĩinĩ wa thĩ,
Na rĩĩtwa rĩake rĩtikaamenyeka* barabara-inĩ.
18 Akaarutwo ũtheri-inĩ atwarũo nduma-inĩ
Na aingatwo kuuma bũrũri-inĩ ũrĩa ũrĩ maciaro.
19 Ndagaakorũo na ciana kana njiarũa thĩinĩ wa andũ ao,
Na gũtirĩ mũndũ wake ũgaatigara kũrĩa aikaraga.*
20 Rĩrĩa mũthenya wake ũgaakinya, andũ a mwena wa Ithũĩro nĩ kũmaka makaamaka
Nao andũ a mwena wa Irathĩro manyitwo nĩ guoya.
21 Ũguo nĩguo gũthiaga harĩ hema cia ũrĩa wĩkaga ũũru
Na kũndũ kwa mũndũ ũrĩa ũtamenyete Ngai.”
19 Nake Ayubu agĩcokia akiuga atĩrĩ:
4 Angĩkorũo na ma nĩ hĩtĩtie,
No niĩ ngũikara na mahĩtia makwa.
5 Mũngĩthiĩ na mbere gwĩtũũgĩria igũrũ rĩakwa,
Mũkiugaga atĩ nĩ njagĩrĩire gũũkĩrĩrũo-rĩ,
6 Kĩmenyei atĩ Ngai nĩwe ũũhĩtithĩtie,
Na nĩ anyitĩte na neti yake ya gũtega.
7 Atĩrĩrĩ, nyanagĩrĩra ngoiga ũũ, ‘Nĩ njĩkĩtwo maũndũ moru!’ no gũtirĩ ũndũ njokagĩrio;+
Hoyaga ũteithio, no gũtirĩ kĩhooto nyonaga.+
8 Aigĩte rũthingo rwa ihiga njĩra-inĩ yakwa akamĩhinga, ndingĩhota kũhĩtũka;
Ahumbĩrĩte tũcĩra twakwa na nduma.+
9 Nĩ anjaũrĩte riri wakwa
Na akanduta thũmbĩ mũtwe.
10 Ahehenjaga na mĩena yothe nginya ngathira;
Nakĩo kĩĩrĩgĩrĩro gĩakwa agakĩmunya ta mũtĩ.
11 Marakara make mahiũ nĩ manjũkĩrĩire,
Na anyonaga ndĩ thũ yake.+
12 Thigari ciake icokanagĩrĩra hamwe ikandigicĩria,
Na igaka kambĩ gũthiũrũrũkĩria hema yakwa.
13 Nĩ atwarĩte ariũ a maitũ kũndũ kũraihu na niĩ,
Nao andũ arĩa manjũĩ makandiganĩria.+
15 Andũ arĩa maceerete gwakwa+ o na ngombo ciakwa cia airĩtu monaga ta ndĩ mũgeni;
Manyonaga haana ta mũndũ wa kũngĩ.
16 Njĩtaga ndungata yakwa no ndĩngĩnjĩtĩka;
Ndĩmĩthaithaga na kanua gakwa ĩnjaĩre.
17 Mĩheehũ yakwa ĩtuĩkĩte kĩndũ kĩrĩ magigi harĩ mũtumia wakwa,+
Nao ariũ a maitũ* manyonaga haana kĩndũ kĩranunga ũũru.
18 O na ciana nyinyi nĩ cinyararĩte;
Rĩrĩa ndarũgama, ciambagĩrĩria kũnyũrũria.
20 Mahĩndĩ makwa manyitanĩte na ngothi na nyama ciakwa,+
Na honokete na ngothi ya magego makwa.
21 Njiguĩrai tha inyuĩ arata akwa, njiguĩrai tha,
Nĩ gũkorũo nĩ hutĩtio nĩ guoko kwa Ngai we mwene.+
22 Nĩ kĩĩ gĩtũmaga mũthiĩ na mbere kũũnyarira ta ũrĩa nyariragwo nĩ Ngai,+
23 Na arĩ korũo ciugo ciakwa no ciandĩkwo,
Na arĩ korũo no ciandĩkwo ibuku-inĩ!
24 Na arĩ korũo ciatũũra icongetwo rwaro-inĩ rwa ihiga tene na tene,
Ciandĩkĩtwo na karamu ga kĩgera na ngocorai!*
26 Ngothi yakwa yarĩkia kwanangwo,
O ndĩ na mwĩrĩ ũyũ wakwa, nĩ ngoona Ngai,
27 Ndĩmuone niĩ mwene,
Maitho makwa mwene nĩmo makaamuona, ti ma mũndũ ũngĩ.+
No thĩinĩ wakwa ndĩraigua itarĩ na hinya!
28 Nĩ gũkorũo muugĩte atĩrĩ, ‘Tũramũnyarira na njĩra ĩrĩkũ?’+
Tondũ niĩ nĩ niĩ kĩhumo gĩa thĩna ũyũ.
29 Mwĩtigĩrei rũhiũ rwa njora,+
Nĩ gũkorũo rũhiũ rwa njora nĩ rũherithanagia nĩ ũndũ wa mehia;
Nĩ mwagĩrĩirũo kũmenya atĩ nĩ kũrĩ mũtuanĩri ciira.”+
20 Nake Zofaru+ ũrĩa Mũnaamathi agĩcokia akiuga atĩrĩ:
2 “Meciria makwa nĩ marathĩnĩka na nĩkĩo ndĩracokia
Tondũ wa mĩtangĩko ĩrĩa ndĩ nayo.
3 Nĩ ndaigua ciugo cia kũnduurithia;
Na ũtaũku wakwa* nĩ ũratũma njokie.
4 No mũhaka ũkorũo nĩ ũĩ ũndũ ũyũ,
Tondũ nĩguo gũkoretwo kuuma o rĩrĩa mũndũ* aaigirũo thĩinĩ wa thĩ,+
5 Atĩ gĩkeno kĩa mũndũ mwaganu no gĩa kahinda kanini
Na gũkena kwa mũndũ ũrĩa ũtetigĩrĩte Ngai* no gwa kahinda kanini.+
6 O na gũtuĩka ũnene wake ũkinyaga o igũrũ
Na kĩongo gĩake gĩgakinya matu-inĩ,
7 Agaathira tene na tene o ta mai make we mwene;
Andũ arĩa maamuonaga makooria atĩrĩ, ‘Arĩ kũ?’
8 Agaathira o ta kĩroto, na matikamuona;
Akaaingatwo o ta kĩoneki kĩa ũtukũ.
9 Riitho rĩrĩa rĩamuonaga rĩtigacoka kũmuona rĩngĩ,
O na gĩikaro gĩake gĩtikaamuona rĩngĩ.+
10 Ciana ciake nĩ ikeyendithĩrĩria harĩ andũ arĩa athĩni,
Na moko make mwene nĩ magaacokia ũtonga wake kũrĩa aaũrutĩte.+
11 Mahĩndĩ make maaiyũrĩte hinya wa wĩthĩ,
No hinya ũcio ũgaakoma hamwe nake tĩri-inĩ.
12 Angĩkorũo ũndũ ũrĩa mũũru ũkoragwo na cama ũrĩ kanua-inĩ gake,
Angĩkorũo aũhithaga rungu rwa rũrĩmĩ rwake,
13 Angĩkorũo no gũkenera aũkenagĩra na ndangĩtigana naguo
No agaikara aũigĩte kanua-inĩ gake-rĩ,
14 Irio ciake nĩ ikaarũra irĩ thĩinĩ wa nda yake;
Igaatuĩka o ta thumu wa* nduĩra irĩ thĩinĩ wake.
15 Nĩ ameretie ũtonga, no nĩ akaaũtahĩka;
Ngai nĩ akaaũruta thĩinĩ wa nda yake.
16 Nĩ akaanyua thumu wa nduĩra;
Akooragwo nĩ magego ma* nyoka ĩrĩ thumu.
17 Ndakona tũrũũĩ twa maĩ,
O na njũũĩ cia ũũkĩ na thiagĩ.
19 Nĩ gũkorũo nĩ ahinyĩrĩirie arĩa athĩni na akamatiganĩria;
Nĩ oete nyũmba ataakire.
20 No ndagaakorũo na thayũ thĩinĩ wake;
Ũtonga wake ndũkaamũteithia kũhonoka.
21 Gũtirĩ kĩndũ gĩtigaru angĩrĩa;
Na nĩkĩo ũtonga wake ũtagaakorũo ũrĩ wa gũtũũra.
22 Hĩndĩ ĩrĩa akaaingĩhia ũtonga biũ, mĩtangĩko nĩ ĩkaamũtooria;
Maũndũ maingĩ moru nĩ makaamũkora.
23 Rĩrĩa agaakorũo akĩiyũria nda yake,
Ngai nĩ akaamũrehera marakara make mahiũ,
Amurĩrie o ta mbura thĩinĩ wake.
24 Angĩũrĩra matharaita ma kĩgera,
Mĩguĩ kuuma harĩ ũta wa gĩcango nĩ ĩkaamũtheca.
25 Acomoraga mũguĩ mũgongo-inĩ wake,
Agacomora itharaita rĩrahenia nyongo-inĩ yake,
Na akanyitwo nĩ guoya mũnene.+
26 Mĩthithũ yake yetereirũo nĩ nduma nene;
Agaacinwo nĩ mwaki ũtarĩ mũhurutĩre nĩ mũndũ;
Thĩna nĩ wetereire mũndũ o wothe ũgaatigara thĩinĩ wa hema yake.
27 Igũrũ nĩ rĩkaaguũria mahĩtia make;
Nayo thĩ nĩ ĩkaamũũkĩrĩra.
28 Nyũmba yake nĩ ĩgaathererio nĩ kĩguũ;
Gũgaakorũo na mũiyũro mũnene mũno mũthenya wa marakara ma Ngai.
29 Rĩu nĩrĩo igai rĩrĩa Ngai akaahe mũndũ mwaganu,
Nĩrĩo igai rĩrĩa Ngai atuĩte atĩ nĩ akaamũhe.”
21 Nake Ayubu agĩcokia akiuga atĩrĩ:
2 “Thikĩrĩriai na kinyi ũrĩa nguuga;
Mũreke ũndũ ũcio ũtuĩke nĩguo mũkũnyũmĩrĩria naguo.
3 Ngirĩrĩriai njarie;
Ndarĩkia kwaria, hĩndĩ ĩyo no mũnyũrũrie.+
4 Kaĩ mateta makwa merekeirio harĩ mũndũ?
Kũngĩrĩ ũguo-rĩ, githĩ niĩ ndingĩnogete* nĩ gweterera?
5 Ndorai na mũrorie maitho manyu harĩ niĩ mũgegete;
Humbĩrai tũnua twanyu na guoko.
6 Rĩrĩa ndeciria ũndũ ũcio, njiguaga ngĩtangĩka,
Na mwĩrĩ wakwa wothe ũkainaina.
8 Makoragwo hamwe na ciana ciao hĩndĩ ciothe,
Na makona njiarũa ciao.
9 Mĩciĩ yao ĩkoragwo na thayũ na matikoragwo na guoya,+
Ningĩ Ngai ndamaherithagia na rũthanju rwake.
10 Ndegwa ciao itiagaga kũgwatithia;
Ngʼombe ciao iciaraga na itihunaga.
11 Tũmwana twao tũtengʼeraga nja o ta rũũru,
Na ciana ciao ikarũgarũga.
12 Mainaga makĩinagia manyanga na makahũũra kĩnanda kĩa mũgeeto
Na magakena maigua mũgambo wa mũtũrirũ.+
14 No meraga Ngai ũrĩa wa ma atĩrĩ, ‘Tigana na ithuĩ!
Tũtirenda kũmenya njĩra ciaku.+
15 Mwene-Hinya-Wothe nĩwe ũ, atĩ nĩguo tũmũtungatĩre?+
Tũkũgunĩka atĩa twamũmenya?’+
16 No nĩ njũĩ atĩ kũgaacĩra kwao gũtirĩ moko-inĩ mao.+
Niĩ ndinyitanagĩra na mwĩcirĩrie* wa andũ arĩa aganu.+
17 Tawa wa andũ arĩa aganu-rĩ, ũhoraga maita maigana?+
Nĩ maita maigana makoragwo nĩ maũndũ moru?
Nĩ maita maigana Ngai amarehagĩra mwanangĩko nĩ ũndũ wa ũrĩa arakarĩte?
18 Hihi nĩ kũrĩ hĩndĩ mahaanaga ta nyeki nyũmũ ĩrahurutwo nĩ rũhuho?
Kana ta mahuti marĩa makuuagwo nĩ rũhuho rũnene?
19 Ngai nĩ aigagĩra ariũ a mũndũ iherithia rĩa ithe wao.
No Ngai aromũrĩha nĩguo arĩmenye.+
20 Kaba maitho make mwene meyonere mwanangĩko wake,
Na gũtuĩke atĩ we mwene nĩwe ũkũnyua marakara ma Mwene-Hinya-Wothe.+
21 Tondũ rĩrĩ, angĩkĩmakio atĩa nĩ maũndũ marĩa magaakora nyũmba yake thutha-inĩ
22 Hihi nĩ kũrĩ mũndũ ũngĩruta Ngai nĩguo agĩe na ũmenyo,*+
Na nĩwe ũtuagĩra nginya andũ arĩa matũũgĩrĩte mũno?+
23 Mũndũ ũmwe akuaga arĩ na hinya wake wothe+
Arĩ na thayũ na atarĩ na mĩtangĩko,+
24 Ciero ciake igakorũo ciyũire maguta
Na mahĩndĩ make marĩ na hinya.*
25 No nĩ kũrĩ ũngĩ ũkuaga aiyũire mĩtangĩko,
Atarĩ acama ũndũ o na ũmwe mwega.
28 Nĩ gũkorũo mũũragia atĩrĩ, ‘Nyũmba ya mũndũ ũrĩa ũrĩ igweta ĩrĩ ha,
Nayo hema ĩrĩa mũndũ mwaganu araikaraga ĩrĩ ha?’+
29 Kaĩ mũtorĩtie agendi?
Kaĩ mũtathuthurĩtie na kinyi maũndũ marĩa meyoneire,*
30 Atĩ mũndũ mwaganu ndaniinagwo mũthenya ũrĩa kũrĩ na mwanangĩko
Na atĩ nĩ ahonokagio mũthenya wa marakara?
31 Hihi nũũ ũkũmũmenyithia ũhoro wa mĩthiĩre yake,
Na nũũ ũkũmũherithia nĩ ũndũ wa maũndũ marĩa ekĩte?
32 Rĩrĩa agaatwarũo mbĩrĩra-inĩ,
Mbĩrĩra yake nĩ ĩgaaikario.
33 Akaaiguaga ngũmba cia tĩri cia mũkuru irĩ na cama,+
Na andũ othe nĩ makaamũrũmĩrĩra*+
O ta andũ aingĩ arĩa maarĩ mbere yake.
34 Nĩ kĩĩ kĩragĩtũma mũnyũmĩrĩrie na ciugo itarandeithia?+
Macokio manyu no maheeni matheri!”
22 Nake Elifazu+ ũrĩa Mũtemani agĩcokia akiuga atĩrĩ:
2 “Hihi mũndũ no akorũo na ũguni harĩ Ngai?
Hihi mũndũ ũrĩ na ũtaũku no akorũo na ũguni harĩ we?+
3 Mwene-Hinya-Wothe-rĩ, hihi nĩ atindanagĩra na ũthingu waku,*
Kana hihi nĩ kũrĩ ũndũ agunĩkaga naguo atĩ tondũ nĩ ũtũũrĩtie wĩkindĩru?+
4 Hihi no akũherithie
Na agũciirithie nĩ ũndũ wa gũkorũo ũmwĩtigĩrĩte?
5 Na githĩ ti tondũ waganu waku nĩ mũingĩ
Na mahĩtia maku nĩ maingĩ mũno?+
6 Nĩ gũkorũo wĩtagia ariũ a thoguo kĩndũ gĩa kũrũgamĩrĩra thiirĩ hatarĩ gĩtũmi,
7 Mũndũ ũrĩa mũnogu ndũmũheaga maĩ ma kũnyua,
Nake ũrĩa mũhũtu nĩ ũmũimaga irio.+
8 Bũrũri nĩ wa mũndũ ũrĩa ũrĩ hinya,+
Na mũndũ ũrĩa ũrĩ igweta nĩwe ũtũũraga thĩinĩ waguo.
9 No wee nĩ waingatire atumia a ndigwa marĩ moko matheri,
Na ũkĩhehenja moko ma ciana iria itarĩ maithe.*
10 Nĩkĩo ũthiũrũrũkĩirio nĩ mĩtego,*+
Na maũndũ ma kũmakania magagũkora o narua;
11 Nĩkĩo kũrĩ na nduma nene nginya ũkaremwo nĩ kuona,
Na mũiyũro wa maĩ ũgakũhumbĩra.
12 Githĩ Ngai ndarĩ igũrũ mũno?
Ningĩ ta rora ũrĩa njata ciothe irĩ kũraihu mũno igũrũ.
13 No wee ũũrĩtie atĩrĩ: ‘Nĩ ũndũ ũrĩkũ Ngai oĩ?
Hihi no ahote gũtuanĩra ciira kũrĩ na nduma ndumanu?
14 Matu nĩ mamũthiĩkaga akaga kuona
Hĩndĩ ĩrĩa araceeranga kũu mũthiũrũrũko wa* igũrũ.’
15 Hihi ũkũrũmĩrĩra njĩra o ĩrĩa ya tene
Ĩrĩa yageragwo nĩ andũ aganu,
16 O acio maahuririo* mbere ya ihinda rĩao,
17 Meeraga Ngai ũrĩa wa ma atĩrĩ: ‘Tigana na ithuĩ!’
Ningĩ makoiga ‘Mwene-Hinya-Wothe angĩtwĩka atĩa?’
18 No rĩrĩ, Ũcio nĩwe waiyũrĩtie indo njega thĩinĩ wa nyũmba ciao.
(Niĩ ndikoragwo na mwĩcirĩrie ta ũcio mwaganu.)
19 Andũ arĩa athingu makoona ũndũ ũcio makene,
Nao arĩa matarĩ ũcuke mamanyũrũrie moige ũũ:
20 ‘Thũ citũ nĩ cianangĩtwo,
Na kĩrĩa gĩtigaru gĩacio nĩ gĩgũcinwo nĩ mwaki.’
21 Wĩrutanĩrie kũmenya Ngai, na nĩ ũgũkorũo na thayũ;
Weka ũguo nĩ ũkuona maũndũ mega.
22 Ĩtĩkĩra watho ũrĩa uumaga kanua-inĩ gake,
Na ũige ciugo ciake ngoro-inĩ yaku.+
23 Ũngĩcokerera Mwene-Hinya-Wothe, nĩ ũkũgaacĩra rĩngĩ;+
Ũngĩeheria maũndũ matarĩ ma ũthingu hema-inĩ yaku,
24 Ũngĩte thahabu ciaku* tĩri-inĩ
Na thahabu ya Ofiri+ ũmĩikie mĩkuru-inĩ ĩrĩa ĩrĩ mahiga,
25 Hĩndĩ ĩyo Mwene-Hinya-Wothe nĩ egũtuĩka thahabu yaku,*
Na atuĩke betha yaku ĩrĩa njega biũ.
26 Tondũ weka ũguo nĩ ũrĩkoragwo na gĩkeno nĩ ũndũ wa Mwene-Hinya-Wothe,
Na ũgatiira ũthiũ waku na igũrũ ũkarora Ngai.
27 Nĩ ũrĩmũhoyaga, nake agakũigua;
Nayo mĩĩhĩtwa yaku nĩ ũrĩmĩhingagia.
28 Ũndũ o wothe ũrĩbangaga gwĩka nĩ ũrĩgaacagĩra,
Na ũtheri nĩ ũrĩaraga njĩra-inĩ yaku.
29 Nĩ gũkorũo waria na mwĩtĩo nĩ ũrĩconorithagio,
No we nĩ arĩhonokagia ũrĩa mwĩnyihia.*
30 Nĩ arĩhonokagia andũ arĩa matarĩ ũcuke;
Kwoguo angĩkorũo moko maku nĩ matheru, hatarĩ nganja nĩ egũkũhonokia.”
23 Nake Ayubu agĩcokia akiuga atĩrĩ:
3 Na arĩ korũo nĩ njũĩ kũrĩa ingĩona Ngai!+
Ingĩthiĩ o kũu gĩikaro-inĩ gĩake.+
4 Ingĩtwara ciira wakwa kũrĩ we
Na njiyũrie kanua gakwa ihooto;
5 Ingĩthikĩrĩria nĩguo menye ũrĩa angĩnjokeria
Na ndĩĩcũranie ũrĩa angĩnjĩra.
6 Hihi no arũe na niĩ akĩhũthĩra hinya wake mũingĩ?
Aca, hatarĩ nganja no aathikĩrĩrie.+
7 Hĩndĩ ĩyo mũndũ ũrĩa mũrũngĩrĩru no atware ciira wake harĩ we,
Na njehererio mahĩtia makwa biũ nĩ Mũtuanĩri Ciira wakwa.
8 No rĩrĩ, ndathiĩ mwena wa irathĩro ndakoragwo kuo;
Na ndacoka, ndimuonaga.
9 Rĩrĩa araruta wĩra mwena wa ũmotho, ndihotaga kũmuona;
Agacoka akehũgũra na mwena wa ũrĩo, ĩndĩ o na rĩo ndimuonaga.
10 No nĩ oĩ njĩra ĩrĩa ngeraga.+
Arĩkia kũngeria, nguuma haana ta thahabu therie.+
11 Magũrũ makwa marũmagĩrĩra o makinya make;
Nĩ nũmĩrĩire njĩra yake itekwĩhũgũra mwena wa ũrĩo kana wa ũmotho.+
12 Niĩ nditiganĩirie rĩathani rĩa mĩromo yake.
Njathĩkagĩra ciugo ciake+ o na gũkĩra ũrĩa njĩrĩgagĩrĩrũo njĩke.*
13 Angĩtua itua-rĩ, nũũ ũngĩmũgirĩrĩria?+
Angĩenda gwĩka ũndũ, ndagaga kũwĩka.+
14 We nĩ ekũhingia biũ maũndũ marĩa matuĩtwo nĩ ũndũ wakwa,
Na arĩ na maũndũ maingĩ ta macio aigĩte.
15 Nĩkĩo ndĩratangĩka nĩ ũndũ wake;
Rĩrĩa ndeciria ũhoro wake, njiguaga ndanyitwo nĩ guoya.
16 Ngai nĩ atũmĩte njũrũo nĩ hinya,
Na Mwene-Hinya-Wothe agatũma ndĩtigĩre.
17 No nduma ndĩtũmĩte ngire
O na nduma ndumanu ĩrĩa ĩhumbĩrĩte ũthiũ wakwa.
24 “Nĩ kĩĩ gĩtũmaga Mwene-Hinya-Wothe age gũtua mũthenya wa ciira?+
Andũ arĩa mamũĩ magaga kuona mũthenya ũcio nĩkĩ?
2 Andũ nĩ mathaamagia indo cia kuonania mĩhaka;+
Maiyaga ndũũru cia ngʼondu nĩguo mathiĩ magacirĩithie.
3 Maiyaga ndigiri cia ciana itarĩ maithe
Na makoya ndegwa ya mũtumia wa ndigwa ĩrũgamĩrĩre thiirĩ.+
4 Meheragia andũ arĩa athĩni njĩra-inĩ;
Andũ arĩa matarĩ hinya thĩinĩ wa thĩ mehithaga nĩ ũndũ wao.+
5 Athĩni macaragia irio ta ndigiri cia gĩthaka+ werũ-inĩ;
Macaragĩria ciana ciao irio werũ-inĩ.
6 Magethaga mĩgũnda-inĩ yene*
Na makahaara mĩgũnda-inĩ ya mĩthabibũ ya andũ arĩa aganu.
7 Mararaga marĩ njaga, matarĩ nguo;+
Matikoragwo na kĩndũ gĩa kwĩhumbĩra nĩ ũndũ wa heho.
8 Maihũgagio nĩ mbura ya irĩma-inĩ;
Na makenyitĩrĩra mahiga-inĩ nĩ ũndũ wa kwaga kũndũ gwa kwĩyũa.
9 Mwana ũtarĩ ithe ahuragio kuuma nyondo-inĩ cia nyina;+
Nacio nguo cia athĩni ikoywo irĩ cia kũrũgamĩrĩra thiirĩ,+
10 Mathiaga marĩ njaga, matarĩ nguo,
Na marĩ ahũtu, makuuĩte itĩa cia ngano.*
11 Marutaga wĩra wa mĩnoga marĩ thingo-inĩ cia mĩgũnda ya mĩthabibũ magĩcinagwo nĩ riũa rĩa mũthenya;*
Nĩo mahihaga ndibei, no maikaraga marĩ anyotu.+
12 Andũ arĩa marakua maikaraga magĩcayaga thĩinĩ wa itũũra;
Nao arĩa agurarie mũno magakaya makĩhoya ũteithio,+
No Ngai ndonaga ũndũ ũcio ũrĩ mũũru.*
14 Mũũragani okĩraga rũcinĩ gũgĩthererũka;
Akooraga andũ arĩa matarĩ hinya na arĩa athĩni,+
Narĩo ũtukũ akaiya.
15 Riitho rĩa mũtharia rĩetagĩrĩra kũgĩe mairia hwaĩ-inĩ,+
Akoiga ũũ, ‘Gũtirĩ mũndũ ũkũnyona!’+
Na akehumbĩra ũthiũ.
16 Rĩrĩa kwagĩa nduma magatua* nyũmba;
Narĩo mũthenya magatinda mehingĩire.
Matiũĩ ũhoro wa ũtheri.+
17 Tondũ rũcinĩ rũkoragwo rũtariĩ ta nduma ndumanu harĩ o;
Nĩ moĩ ũhoro wa maũndũ ma gwĩkĩra guoya ma hĩndĩ ya nduma ndumanu.
18 No makuuagwo o na ihenya nĩ maĩ.*
Igai rĩao thĩinĩ wa bũrũri nĩ rĩkaarumwo.+
Matigaacoka mĩgũnda-inĩ yao ya mĩthabibũ.
20 Nyina nĩ akaariganĩrũo* nĩwe; nacio igunyũ imũrĩe.
Ndagaacoka kũririkanwo rĩngĩ.+
Namo maũndũ matarĩ ma ũthingu makoinangwo o ta mũtĩ.
21 Ahinyagĩrĩria mũtumia ũrĩa thata,
Na akanyarira mũtumia wa ndigwa.
22 Ngai nĩ akaahũthĩra ũhoti wake kũniina andũ arĩa marĩ hinya;
O na mangĩtũũgĩra, matikoragwo na ma atĩ nĩ magaatũũra muoyo.
23 Ngai nĩ ametĩkagĩria makorũo na ũmĩrĩru na meigue marĩ na ũgitĩri,+
24 Matũũgagĩrio o gwa kahinda kanini, thutha ũcio makagwo.+
25 Angĩkorũo tiguo gũtariĩ-rĩ, nũũ ũngiuga atĩ nĩ ndaheenania
Kana akararie kiugo gĩakwa?”
25 Nake Bilidadi+ ũrĩa Mũshuhi agĩcokia akiuga atĩrĩ:
2 “Wathani na hinya wa kũmakania nĩ ciake;
Atũmaga igũrũ* kũgĩe na thayũ.
3 Hihi thigari ciake no itarĩke?
Nũũ ũtakinyagĩrũo nĩ ũtheri wake?
4 Mũndũ angĩkĩhota atĩa gũkorũo arĩ mũthingu mbere ya Ngai,+
5 Angĩkorũo mweri ndũkoragwo na ũtheri harĩ we
Nacio njata itikoragwo irĩ theru maitho-inĩ make-rĩ,
6 Ĩ mũndũ nake ũrĩa wonagwo atariĩ ta kĩgunyũ,
Na mũrũ wa mũndũ, ũrĩa wonagwo ahaana ta mũnyongoro?”
26 Nake Ayubu agĩcokia akiuga atĩrĩ:
2 “Kaĩ nĩ ũteithĩtie ũrĩa ũtarĩ na ũhoti-ĩ!
Kaĩ nĩ ũhonoketie guoko kũrĩa gũtarĩ na hinya-ĩ!+
3 Nake ũrĩa ũtarĩ na ũũgĩ-rĩ, kaĩ nĩ ũmũheete ũtaaro mwega-ĩ!+
Kaĩ nĩ ũguũrĩtie ũũgĩ* waku mũingĩ-ĩ!
4 Nũũ ũrageria kwarĩria,
Na nũũ ũkũhotithĩtie kwaria maũndũ ta macio?*
5 Arĩa magithĩtio hinya nĩ gĩkuũ nĩ mainainaga;
Makoragwo rungu rwa iria na indo iria cikaraga kuo.
6 Mbĩrĩra* ĩkoragwo ĩrĩ njaga mbere ya Ngai,+
Nakuo kũndũ kũrĩa kwa mwanangĩko* gũgaikara gũtarĩ kũhumbĩre.
7 Atambũrũkagia matu ma mwena wa rũgongo* igũrũ rĩa kũndũ gũtarĩ kĩndũ,+
Nayo thĩ hatirĩ kĩndũ amĩcunjurĩtie nakĩo;
8 Akũnjaga maĩ thĩinĩ wa matu make,+
Na matu macio matitumũkaga nĩ ũndũ wa ũritũ wamo;
9 Athiĩkaga gĩtĩ gĩake kĩa ũnene,
Agatambũrũkia itu rĩake igũrũ rĩakĩo.+
11 Itugĩ iria itiiragĩrĩra igũrũ nĩ cinainaga;
Ikanyitwo nĩ kĩmako nĩ ũndũ wa mũgambo wake mũnene.
13 Mĩhũmũ yake ĩtũmaga* igũrũ rĩthere;
Guoko gwake gũthecaga nyoka ĩrĩa ĩtambaga na ihenya.
14 Atĩrĩrĩ, ĩyo no mĩthia ya mawĩko make;+
Maũndũ marĩa maiguĩtwo mamwĩgiĩ matariĩ ta mĩheehũ!
Nũũ ũngĩkĩhota gũtaũkĩrũo nĩ mũrurumo wake mũnene?”+
27 Ayubu agĩthiĩ na mbere kwaria* akiuga atĩrĩ:
2 “O ta ũrĩa Ngai atũũraga muoyo, o we ũnyimĩte kĩhooto,+
O ta ũrĩa Mwene-Hinya-Wothe atũũraga muoyo, o we ũtũmĩte ngĩe na marũrũ,+
3 Hĩndĩ ĩrĩa yothe ngũkorũo na mĩhũmũ
Na roho kuuma kũrĩ Ngai ũkorũo maniũrũ-inĩ makwa,+
4 Mĩromo yakwa ndĩkaaria ũndũ ũtarĩ wa ũthingu;
O na kana rũrĩmĩ rwakwa rũgwete ũndũ wa maheeni!
5 Gũtingĩhoteka njuge atĩ inyuĩ mũrĩ athingu!
O nginya rĩrĩa ngaakua, gũtirĩ hĩndĩ ngaatiganĩria* wĩkindĩru wakwa!+
6 Ngũtũũria ũthingu wakwa na ndikaareka ũnjeherere;+
Ngoro yakwa ndĩkaanjirithia* hĩndĩ ĩrĩa yothe ngũtũũra muoyo.*
7 Thũ yakwa ĩrohaana o ta mũndũ ũrĩa mwaganu,
Nao arĩa maratharĩkĩra mahaane o ta andũ arĩa matarĩ athingu.
8 Tondũ rĩrĩ, mũndũ ũrĩa ũtetigĩrĩte Ngai* angĩkorũo na kĩĩrĩgĩrĩro kĩrĩkũ arĩkia kwanangwo,+
Hĩndĩ ĩrĩa Ngai eheria muoyo wake?
9 Hihi Ngai nĩ akaamũigua akĩmũkaĩra
Hĩndĩ ĩrĩa mĩtangĩko ĩkaamũkora?+
10 Kana rĩrĩ, hihi nĩ agaakenera Mwene-Hinya-Wothe?
Hihi nĩ agaakayagĩra Ngai hĩndĩ ciothe?
11 Nĩ ngũmũruta ũhoro wĩgiĩ hinya wa* Ngai;
Gũtirĩ ũndũ ngũhitha wĩgiĩ Mwene-Hinya-Wothe.
12 Atĩrĩrĩ, angĩkorũo inyuothe nĩ muonete cioneki-rĩ,
Nĩ kĩĩ kĩragĩtũma mĩario yanyu ĩkorũo ĩrĩ ya tũhũ ũguo?
13 Rĩrĩ nĩrĩo igai rĩrĩa Ngai akaahe mũndũ mwaganu,+
Igai rĩrĩa andũ arĩa mahinyanagĩrĩria makaamũkĩra kuuma kũrĩ Mwene-Hinya-Wothe.
14 Ariũ ake mangĩkaingĩha, makaaniinwo na rũhiũ rwa njora,+
Na njiarũa ciake itigaakorũo na irio cia kũigana.
15 Andũ ake arĩa magaatigara magaathikwo nĩ ihũũra,
Na atumia ao a ndigwa matikaamarĩrĩra.
16 O na angĩcokanĩrĩria betha nyingĩ ta rũkũngũ
Na aige mũthithũ wa nguo njega itariĩ ta rĩũmba,
17 O na angĩcicokanĩrĩria,
Mũndũ ũrĩa mũthingu nĩwe ũgaciĩhumba,+
Nao arĩa matarĩ ũcuke magayane betha ciake.
18 Nyũmba yake yagĩte hinya o ta nyũmba ya kĩĩhuruta,
O ta gĩthũnũ+ gĩakĩtwo nĩ mũrangĩri.
19 Agaathiĩ toro arĩ mũtongu no gũtirĩ kĩndũ agaacokanĩrĩria;
Rĩrĩa akaahingũra maitho, gũtirĩ kĩndũ gĩgaakorũo ho.
20 Anyitagwo nĩ guoya o rĩmwe ta arĩ mũiyũro wa maĩ;
Nakĩo kĩhuhũkanio gĩkamũhuria ũtukũ.+
21 Agaakuuo nĩ rũhuho rwa mwena wa irathĩro, na ndakoneka rĩngĩ;
Rũkaamũhaata rũmweherie gĩikaro-inĩ gĩake.+
23 Rũmũhũũragĩra hĩ na kĩnyũrũri
Na rũkamũhuuhĩra mĩrũri+ rũrĩ gĩikaro-inĩ kĩaruo.*
3 Mũndũ aniinaga nduma;
Agatuĩria biũ kũndũ kũrĩa kũriku nduma-inĩ ndumanu,
Agĩcaria mahiga.
4 Atũrĩkagia irima thĩ kũndũ kũraihu na kũrĩa andũ maikaraga,
Kũndũ kũrĩa kwariganĩire, kũraihu na kũrĩa andũ mathiagĩra;
Andũ amwe maikũrũkaga kuo na magaikara macunjurĩte.
5 Irio ikũraga igũrũ rĩa thĩ;
No rungu rwayo gũkoragwo kũgarũranĩtio gũkahaana ta gũcinĩtwo na mwaki.*
6 Kũu mahiga-inĩ gũkoragwo na safia,*
Na tĩri-inĩ gũgakorũo na thahabu.
7 Nyoni iria irĩaga nyama-rĩ, gũtirĩ yũĩ njĩra ya gũthiĩ kuo;
Riitho rĩa hũngũ ĩrĩa njirũ rĩtirĩ rĩamĩona.
8 Gũtirĩ nyamũ nene ĩrĩ yamĩgera;
Mũrũthi mwĩthĩ ndũrĩ wathiĩ kuo.
9 Mũndũ agũthaga rwaro rũũmũ rwa ihiga na guoko gwake;
Akangʼaũrania irĩma mũthingi-inĩ wacio.
10 Enjaga mĩtaro ya maĩ+ rwaro-inĩ rwa ihiga;
Maitho make monaga kĩndũ gĩothe kĩa goro.
11 Ahingagĩrĩria maĩ marĩa mathiaga njũũĩ-inĩ
Nacio indo iria hithe agacirehe ũtheri-inĩ.
13 Gũtirĩ mũndũ ũngĩmenya thogora waguo,+
Na ndũngĩoneka bũrũri-inĩ wa arĩa marĩ muoyo.
14 Maĩ ma kũndũ kũrĩa kũriku moigaga atĩrĩ, ‘Ndũrĩ thĩinĩ wakwa!’
Narĩo iria rĩkoiga atĩrĩ, ‘Niĩ ndirĩ naguo!’+
15 Ndũngĩgũrũo na thahabu ĩrĩa therie;
Kana betha ĩthimwo atĩ nĩguo ĩkũũranio naguo.+
16 Ndũngĩgũrũo na thahabu ya Ofiri+
Kana ũgũrũo na tũhiga twa goro twa onigithi na safia.
17 Thahabu na gĩcicio itingĩringithanio naguo;
Na ndũngĩkũũranio na kĩndũ gĩthondeketwo na thahabu ĩrĩa njega.*+
18 Tũhiga twa goro twa iria-inĩ na tũhiga tũrĩa tũhenagia tũtingĩringithanio naguo,+
Tondũ thogora wa mũhuko ũrĩa ũiyũire ũũgĩ, nĩ mũnene gũkĩra wa mũhuko ũiyũire ruru.
19 Kahiga ga topazi+ ga kuuma Kushi gatingĩringithanio naguo;
O na ndũngĩgũrũo na thahabu therie.
20 No rĩrĩ, ũũgĩ uumaga kũ,
Naguo ũtaũku-rĩ, kĩhumo kĩaguo nĩ kĩrĩkũ?+
22 Mwanangĩko na gĩkuũ ciugaga atĩrĩ,
‘Matũ maitũ maiguĩte o ũhoro mũnini waguo.’
23 Ngai nĩ oĩ njĩra ya kũwona;
We nowe ũĩ kũrĩa ũkoragwo,+
24 Nĩ gũkorũo nĩ onaga ituri cia thĩ,
Na akona maũndũ mothe marĩa marĩ mũhuro wa riũa.+
25 Rĩrĩa aaheire rũhuho hinya* waruo+
Na agĩthima maĩ,+
26 Hĩndĩ ĩrĩa aaigĩire mbura watho ũrĩa ĩrĩrũmagĩrĩra+
Na agĩthondeka njĩra ya kĩhuhũkanio na marurumĩ-rĩ,+
27 Nĩ oonire ũũgĩ na akĩũtaarĩria;
Akĩũhanda na akĩũthuthuria.
28 Na akĩra mũndũ atĩrĩ:
29 Ayubu agĩthiĩ na mbere kwaria* akiuga atĩrĩ:
2 “Na arĩ korũo ndariĩ ta ũrĩa ndatariĩ mĩeri ĩrĩa mĩhĩtũku,
Matukũ-inĩ marĩa Ngai aanũmbũyagia,
3 Hĩndĩ ĩrĩa aarekaga tawa wake ũmũrĩke igũrũ rĩa mũtwe wakwa,
Rĩrĩa ndathiagĩra nduma-inĩ mũrĩkĩirũo nĩ ũtheri wake,+
4 Hĩndĩ ĩrĩa* ndagaacĩrĩte biũ,
Rĩrĩa ũrata wakwa na Ngai warehaga irathimo hema-inĩ yakwa,+
5 Rĩrĩa Mwene-Hinya-Wothe aarĩ o hamwe na niĩ,
Na ciana* ciakwa ciothe ikandigicĩria,
6 Rĩrĩa tũcĩra twakwa twaiyũraga thiagĩ,
Na mahiga makanjikũrũkĩria tũrũũĩ twa maguta.+
7 Hĩndĩ ĩrĩa ndathiaga kĩhingo-inĩ gĩa itũũra+
Na ngaikara thĩ kĩhaaro-inĩ kĩa mũingĩ,+
8 Anake maanyonaga makehera njĩra,*
Na nginya athuri akũrũ maarũgamaga na magaikara marũngiĩ.+
9 Anene nĩ meegiragĩrĩria kwaria;
Makahumbĩra tũnua twao na guoko.
10 Mĩgambo ya andũ arĩa marĩ igweta ndĩaiguĩkaga;
Nĩmĩ ciao cianyitanĩte na mwena wa igũrũ wa tũnua twao.
11 Mũndũ wothe waiguaga ũhoro wakwa aaragia wega igũrũ rĩakwa,
Nao andũ arĩa maanyonaga makaruta ũira mwega ũnjĩgiĩ.
12 Nĩ gũkorũo nĩ ndateithagia athĩni arĩa maahoyaga ũteithio,+
O hamwe na mwana ũtaarĩ na ithe na mũndũ o wothe ũtaarĩ na wa kũmũteithia.+
14 Ndehumbaga ũthingu ta nguo;
Nakĩo kĩhooto gĩakwa gĩatariĩ ta kanjũ* na kĩremba.
15 Ndatuĩkĩte maitho harĩ atumumu
Na magũrũ harĩ arĩa maathuaga.
17 Nĩ ndoinaga thĩa cia mũndũ ũrĩa wekaga maũndũ moru+
Na ngathara mũndũ ũrĩa wakoragwo magego-inĩ make.
18 Ndoigaga atĩrĩ, ‘Niĩ ngaakuĩra gwakwa mũciĩ,*+
Na matukũ makwa magaakorũo marĩ maingĩ o ta mũthanga wa iria-inĩ.
19 Mĩri yakwa ĩgaatherema o nginya maĩ-inĩ,
Na ime rĩkaararaga honge-inĩ ciakwa.
20 Riri wakwa ũikaraga ũkĩerũhagio,
Naguo ũta ũrĩa ũrĩ guoko-inĩ gwakwa ũgũtũũra ũrathaga.’
21 Andũ maathikagĩrĩria mageterera njarie,
Magakira nĩguo maigue ũtaaro wakwa.+
22 Ndarĩkia kwaria, matiakoragwo na ũndũ ũngĩ wa kuuga;
Ciugo ciakwa ciatonyaga* matũ-inĩ mao irĩ hooreru.
23 Maanjetagĩrĩra ta ũrĩa andũ metagĩrĩra mbura;
Maathamagia tũnua twao biũ ta metereire mbura ĩrĩa ya kũrigĩrĩria.+
24 Hĩndĩ ĩrĩa ndamathekia, matietĩkagia;
Ũtheri wa ũthiũ wakwa nĩ wamaheaga mwĩhoko.*
25 Ndamaheaga ũtongoria ta ndĩ mũnene wao,
Na ngaikara ta mũthamaki gatagatĩ-inĩ ga thigari ciake,+
O ta mũndũ ũrĩa ũmagĩrĩria andũ maracakaya.+
30 “Rĩu nĩ gũthekererũo thekagĩrĩrũo+
Nĩ andũ anyinyi kũngĩra,
Arĩa itangĩetĩkĩririe maithe mao
Marutithanie wĩra na ngui iria ciagitagĩra rũũru rwakwa.
2 Hinya wa moko mao-rĩ, warĩ na ũguni ũrĩkũ harĩ niĩ?
Hinya wao rĩu nĩ mũthiru.
3 Mahinyĩrĩrĩkĩte nĩ ũndũ wa ũthĩni na ngʼaragu;
Mathũgũnaga bũrũri mũngʼaru
Ũrĩa wanangĩkĩte na ũgatiganĩrio.
4 Monganagia mahuti marĩ na cumbĩ ihinga-inĩ;
Irio ciao nĩ mĩri ya mũtĩ wa mwethia.
5 Maingatagwo mehere harĩ andũ;+
Andũ mamoigagĩrĩria ta ũrĩa moigagĩrĩria mũici.
6 Maikaraga iharũrũka-inĩ cia mĩkuru,
Marima-inĩ marĩ rungu rwa thĩ na mahiga-inĩ.
7 Makayaga marĩ ihinga-inĩ
Na magacokanĩrĩra hamwe thabai-inĩ.
8 O ta ciana cia andũ matarĩ wĩcirio na matarĩ rĩĩtwa,
Nĩ maingatĩtwo* mehere bũrũri-inĩ.
11 Tondũ Ngai nĩ aregeretie rũrigi rwa ũta wakwa na akanjagithia hinya,
Mekaga maũndũ matekwĩgirĩrĩria* marĩ harĩa ndĩ.
12 Manjũkagĩrĩra mwena-inĩ wakwa wa ũrĩo ta kĩrĩndĩ nĩguo matharĩkĩre;
Manyingatithagia
Magacoka makanjigĩra mĩhĩnga ya kũrehe mwanangĩko njĩra-inĩ yakwa.
14 Mokaga ta magereire mwanya-inĩ mũnene wa rũthingo;
Makaingĩra kũndũ kwanangĩku.
15 Thiũrũrũkĩirio nĩ maũndũ ma kũmakania;
Gĩtĩo gĩakwa gĩthiaga ta kĩhurutĩtwo nĩ rũhuho,
Naguo ũhonokio wakwa ũkabuĩria o ta itu.
18 Nguo yakwa ĩgucagio na hinya mũnene;*
Ĩkanjita ta kara ya nguo yakwa.
19 Ngai nĩ anjikĩtie ndoro-inĩ;
Ngahaana ta tĩri na mũhu.
20 Ngũkayagĩra ũndeithie, no ndũnjĩtĩkaga;+
Ndũgamaga, ĩndĩ wee no kũndora ũndoraga.
21 Nĩ ũnjũkĩrĩire ũtekũnjiguĩra tha;+
Ũũtharĩkĩire na hinya wothe wa guoko gwaku.
22 Ũnjoyaga na igũrũ ũkandekereria thiĩ na rũhuho;
Ũgacoka ũkanjũgia kĩhuhũkanio-inĩ.*
23 Nĩ gũkorũo nĩ njũĩ atĩ nĩ ũgũtũma nyone gĩkuũ,
Ũndware nyũmba ĩrĩa andũ othe arĩa marĩ muoyo magaacemania.
25 Githĩ ndiarĩragĩra arĩa marahiũrania na mahinda maritũ?*
Githĩ ndianyitagwo nĩ kĩeha nĩ ũndũ wa athĩni?+
26 O na gũtuĩka nderĩgagĩrĩra maũndũ mega, marĩa moru nĩmo mookire;
Nderĩgagĩrĩra ũtheri, ĩndĩ nduma nĩyo yokire.
27 Kũruruma kũrĩa ndaiguaga thĩinĩ wakwa gũtiathiraga;
Matukũ ma mĩnyamaro nĩ maangorire.
28 Thiaga ndukĩte gĩthiithi;+ gũtikoragwo na ũtheri wa riũa.
Ndũgamaga kĩrĩndĩ-inĩ ngahoya ũteithio.
29 Nduĩkĩte mũrũ wa nyina na ngui cia gĩthaka
Na mũrata wa nyaga.+
31 Kĩnanda gĩakwa kĩa mũgeeto kĩhũthagĩrũo o gũcakaya,
Naguo mũtũrirũ wakwa ũkahũthĩrũo kũruta mũgambo wa kĩrĩro.
31 “Niĩ nĩ ndĩkanĩire na maitho makwa.+
Nĩ ũndũ ũcio-rĩ, ingĩkĩĩrorera atĩa mũirĩtu ndĩ na merirĩria moru?+
2 Ingĩka ũguo-rĩ, ingĩamũkĩra kĩĩ kuuma kũrĩ Ngai ũrĩa ũrĩ igũrũ,
Ingĩkorũo na igai rĩrĩkũ kuuma kũrĩ Mwene-Hinya-Wothe ũrĩa ũrĩ igũrũ?
3 Na githĩ mwanangĩko tiguo wetereire mũndũ ũrĩa mwĩhia
Naguo thĩna ũgeterera arĩa mekaga maũndũ moru?+
4 Githĩ we ndonaga njĩra ciakwa+
Na agatara makinya makwa mothe?
5 Hihi nĩ ndĩ ndatwarana na ũhoro ũtarĩ wa ma?*
Hihi kũgũrũ gwakwa nĩ kũrĩ kwahiũha gũthiĩ kũheenania?+
7 Angĩkorũo makinya makwa nĩ moimĩte njĩra-inĩ+
Kana ngoro yakwa ĩkarũmĩrĩra maitho makwa+
Kana moko makwa makagĩa thahu,
8 Hĩndĩ ĩyo reke mbeũ iria ngũhanda irĩo nĩ mũndũ ũngĩ,+
Na kĩrĩa handĩte kĩmunywo.*
9 Angĩkorũo ngoro yakwa nĩ ĩgucĩrĩirio nĩ mũtumia+
Na ngaikara njetereire+ mũrango-inĩ wa mũndũ ũngĩ,
10 Mũtumia wakwa arothĩagĩra mũthuri ũngĩ ngano*
11 Tondũ ũcio ũngĩkorũo ũrĩ mũtugo wa thoni,
Nĩ ihĩtia rĩrabatara iherithia kuuma kũrĩ atuanĩri ciira.+
13 Angĩkorũo nĩ ndaimire ndungata yakwa ya mũndũrũme kana ya mũirĩtu kĩhooto
Rĩrĩa manakorũo magĩteta* igũrũ rĩakwa,
14 Ingĩka atĩa Ngai angĩnjũkĩrĩra?*
Ingĩmũcokeria atĩa angĩnjirithia?+
15 Na githĩ Ũrĩa wanyũmbire thĩinĩ wa nda ya maitũ towe wamombire?+
Githĩ towe watũmire tũkorũo ho o na tũtanaciarũo?*+
16 Angĩkorũo nĩ ndaregire kũhe athĩni kĩrĩa meeriragĩria+
Kana ngĩtũma maitho ma mũtumia wa ndigwa maigue ũũru;*+
17 Angĩkorũo ndarĩire irio ciakwa ndĩ o nyiki
Itekũgaĩra ciana cia ndigwa;+
18 (Nĩ gũkorũo mwana wa ndigwa aakũrire arĩ hamwe na niĩ kuuma ndĩ mũnyinyi ta arĩ niĩ ndarĩ ithe,
Na ngoretwo ngĩtongoria mũtumia wa ndigwa kuuma ndĩ o mwana.*)
19 Angĩkorũo nĩ ndonire mũndũ o wothe agĩkua nĩ ũndũ wa kwaga nguo,
Kana mũthĩni ũtarĩ na kĩndũ gĩa kwĩhumbĩra;+
20 Angĩkorũo ndaandathimire+
Nĩ ũndũ wa kũigua ũrugarĩ kuumana na guoya wa ngʼondu ciakwa;
21 Angĩkorũo ndanakũnjĩra mwana wa ndigwa ngundi+
Abataire ũteithio wakwa kĩhingo-inĩ gĩa itũũra;*+
22 Guoko gwakwa kũroahũka kuume kĩande-inĩ,
Na guoko gwakwa kuunĩkĩre kĩgokora-inĩ.*
23 Nĩ gũkorũo nĩ ndetigĩrĩte kwanangwo nĩ Ngai,
Na ndingĩahotire kũrũgama mbere ya riri wake.
24 Angĩkorũo ndaigĩte mwĩhoko wakwa harĩ thahabu
Kana ngĩra thahabu ĩrĩa njega ũũ, ‘Wee nĩwe ũgitĩri wakwa!’+
25 Angĩkorũo ndakenaga nĩ ũndũ wa ũtonga wakwa mũnene+
Tondũ wa indo nyingĩ iria ndarĩ nacio;+
26 Angĩkorũo ndonire riũa rĩarĩte*
Kana mweri ũgĩthiĩ ũrĩ na riri waguo;+
27 Na ngoro yakwa ĩkĩgucĩrĩrio na hitho,
Nako kanua gakwa gakĩmumunya guoko gwakwa nĩguo ndĩcithathaiye;+
28 Rĩu rĩngĩkorũo rĩrĩ ihĩtia rĩrabatara iherithia kuuma kũrĩ atuanĩri ciira,
Tondũ ingĩkorũo ngaanĩte Ngai ũrĩa wa ma ũrĩ igũrũ.
29 Hihi nĩ ndĩ ndakena atĩ tondũ thũ yakwa nĩ yanangĩtwo+
Kana ngakena tondũ nĩ ĩkoretwo nĩ maũndũ moru?
30 Ndirĩ ndetĩkĩria kanua gakwa kehie
Na njĩra ya gwĩtia muoyo wayo na mwĩhĩtwa.+
31 Na githĩ andũ arĩa marĩ thĩinĩ wa hema yakwa matiũrĩtie atĩrĩ,
33 Hihi nĩ ndĩ ndageria kũhithĩrĩra mehia makwa, ta ũrĩa andũ angĩ mekaga,+
Na njĩra ya kũhitha mahĩtia makwa mũhuko-inĩ wa nguo yakwa?
34 Hihi nĩ ndĩ ndetigĩra ũrĩa kĩrĩndĩ gĩkuuga,
Kana ngamakio nĩ kũnyararũo nĩ andũ a famĩlĩ iria ingĩ,
Ũndũ ũcio ũgatũma njikare ngirĩte na ngetigĩra kuuma nja?
35 Na arĩ korũo harĩ mũndũ ũngĩthikĩrĩria!+
Ingĩĩkĩra kĩrore gĩakwa* maũndũ-inĩ macio ndoiga.
Mwene-Hinya-Wothe nĩ anjokerie!+
Na arĩ korũo mũndũ ũrĩa ũrathitanga nĩ andĩkĩte marũa ma kuonania thitango ciakwa!
36 Ingĩmakuuaga na kĩande gĩakwa
Na ndĩmekĩre kĩongo-inĩ gĩakwa ta thũmbĩ.
37 Ingĩmũtaarĩria gĩtũmi kĩa ũndũ o wothe ndaneka;
Ingĩthiĩ harĩ we ndĩ na ũmĩrĩru, o ta mũnene.
38 Korũo mũgũnda wakwa no wanĩrĩre ũtete nĩ ũndũ wakwa
Na mĩtaro yaguo ĩkae ĩrĩ hamwe;
39 Angĩkorũo ndanarĩa maciaro maguo itekũrĩha,+
Kana ngatũma ene mĩgũnda morũo nĩ hinya;+
40 Mũgũnda wakwa ũrokũra mĩigua handũ ha ngano
Na ũkũre mahuti marĩa manungaga ũũru handũ ha cairi.”
Ciugo cia Ayubu ithirĩire hau.
32 Nĩ ũndũ ũcio, athuri acio atatũ magĩtiga gũcokeria Ayubu, tondũ we aarĩ na ma atĩ nĩ mũthingu.*+ 2 No Elihu mũrũ wa Barakeli ũrĩa Mũbuzi+ wa famĩlĩ ya Ramu aarĩ mũrakaru mũno. Aacinĩtwo nĩ marakara nĩ ũndũ wa Ayubu kũgeria kuonania atĩ we nĩ mwagĩrĩru handũ ha Ngai.+ 3 Ningĩ nĩ aarakarĩtio mũno nĩ arata acio atatũ a Ayubu tondũ matiahotete kuona ũndũ wa gũcokia no moonanĩtie atĩ Ngai nĩ mũũru.+ 4 Elihu aaikarĩte etereire gũcokeria Ayubu, tondũ acio maarĩ akũrũ kũmũkĩra.+ 5 Rĩrĩa Elihu oonire atĩ athuri acio atatũ matiarĩ na macokio, agĩcinwo nĩ marakara. 6 Nĩ ũndũ ũcio Elihu mũrũ wa Barakeli ũrĩa Mũbuzi akĩambĩrĩria kwaria akiuga atĩrĩ:
Nĩkĩo ndĩgirĩrĩirie kwaria nĩ ũndũ wa gĩtĩo,+
Na ndetigĩra kũmwĩra maũndũ marĩa njũĩ.
7 Nguugĩte atĩrĩ, ‘Reke matukũ marie,
Nayo mĩaka mĩingĩ ĩheane ũũgĩ.’
8 No rĩrĩ, roho ũrĩa ũrĩ thĩinĩ wa andũ,
O guo mĩhũmũ ya Mwene-Hinya-Wothe, ũcio nĩguo ũmaheaga ũtaũku.+
9 Matukũ maingĩ to mo matũmaga mũndũ akorũo arĩ mũũgĩ,
Ningĩ to athuri arĩa akũrũ moĩ maũndũ marĩa magĩrĩire.+
10 Nĩkĩo ndĩroiga ũũ, ‘Thikĩrĩriai,
O na niĩ nĩ ngũmwĩra maũndũ marĩa njũĩ.’
11 Atĩrĩrĩ, ngwetereire njigue ciugo cianyu;
Ngũikarĩte thikĩrĩirie mwĩcirĩrie wanyu+
Mũgĩcaria maũndũ marĩa mũkuuga.+
12 Ngũmũthikĩrĩirie na kinyi,
No gũtirĩ o na ũmwe wanyu ũhotire kuonia Ayubu atĩ nĩ ahĩtĩtie*
Kana kũmũcokeria.
13 Kwoguo mũtikoige atĩrĩ, ‘Nĩ tuonete ũũgĩ;
Ngai nĩwe ũronania mahĩtia make, no ti mũndũ.’
14 Ndekwerekeirie ciugo ciake harĩ niĩ,
Kwoguo ndikũmũcokeria kũringana na ciugo cianyu.
15 Nĩ amaku, na matirĩ na macokio mangĩ;
Gũtirĩ ũndũ ũngĩ mangiuga.
16 Nĩ njetereire, no matirathiĩ na mbere kwaria;
Marũgamĩte o hau, matarĩ na macokio mangĩ.
17 Kwoguo o na niĩ nĩ ngũcokia;
O na niĩ nĩ nguuga maũndũ marĩa njũĩ,
18 Nĩ gũkorũo njiyũirũo nĩ ciugo;
Roho ũrĩa ũrĩ thĩinĩ wakwa nĩ ũrandindĩka njarie.
19 Thĩinĩ wakwa haana ta ndibei ĩtarĩ na huhĩrio,
O ta mondo njerũ cia ndibei irĩ hakuhĩ gũtumũka.+
20 Reke njarie nĩgetha njigue ndahoorera!
Nĩ ngũtumũra kanua gakwa njokie.
21 Ndikuonania mũthutũkanio harĩ mũndũ o wothe;+
Na gũtirĩ mũndũ ngũhaka maguta,*
22 Tondũ niĩ ndingĩhota kũhaka mũndũ maguta;
Ingĩka ũguo, Mũũmbi wakwa no kũnjeheria angĩnjeheria na ihenya.
33 “No rĩu Ayubu-rĩ, ta igua ciugo ciakwa;
Thikĩrĩria maũndũ mothe marĩa nguuga.
2 Atĩrĩrĩ, no mũhaka ndumũre kanua gakwa;
Rũrĩmĩ rwakwa* no mũhaka rwarie.
3 Ciugo ciakwa cionanagia ũrũngĩrĩru wa ngoro yakwa,+
Na mĩromo yakwa ĩkoiga maũndũ marĩa njũĩ ĩtarĩ na ũhinga.
5 Njokeria angĩkorũo no ũhote;
Wĩhaarĩrie gwĩtetera na werekerie ciugo ciaku harĩ niĩ.
6 Atĩrĩrĩ, niĩ ndariĩ o tawe mbere ya Ngai ũrĩa wa ma;
Nĩ gũkorũo o na niĩ ndombirũo na rĩũmba.+
7 Nĩ ũndũ ũcio, ndwagĩrĩirũo kũgĩa na guoya nĩ ũndũ wakwa,
Na ũritũ wa ciugo ciakwa ndwagĩrĩirũo gũgũtooria.
8 No wee nĩ warĩtie ngĩiguaga,
Ngaigua ũkiuga ciugo ici,
9 ‘Niĩ ndĩ mũtheru, ndirĩ na mehia;+
Ndĩ mũtheru, ndirĩ na mahĩtia.+
10 No Ngai nĩ onete itũmi cia kũnjũkĩrĩra;
Anyonaga ndĩ thũ yake.+
11 Ekĩraga magũrũ makwa ndungu-inĩ;
Athuthuragia njĩra ciakwa ciothe.’+
12 No nĩ ũhĩtĩtie nĩ kuuga ũguo, nĩkĩo ngũgũcokeria ngwĩre atĩrĩ:
Ngai nĩ mũnene mũno gũkĩra mũndũ.+
13 Nĩ kĩĩ kĩratũma ũmũtetie?+
Hihi nĩ tondũ ataagũcokeirie ũndũ o na ũmwe wa marĩa woigire?+
14 Nĩ gũkorũo Ngai aragia riita rĩa mbere na akaria rĩa kerĩ,
No gũtirĩ mũndũ ũtindanagĩra.
15 Ekaga ũguo thĩinĩ wa kĩroto, kĩoneki-inĩ kĩa ũtukũ,+
Hĩndĩ ĩrĩa andũ maanyitwo nĩ toro mũritũ
Makomete marĩrĩ-inĩ mao.
16 Ahingũraga matũ mao+
Agacoka agekĩra* ũtaaro wake thĩinĩ wao,
17 Nĩguo agarũre mũndũ atige gwĩka maũndũ moru+
Na agitĩre mũndũ kuumana na mwĩtĩo.+
18 Ngai nĩ ahonokagia muoyo wake ndũgathiĩ irima-inĩ,*+
Akahonokia muoyo wake ndũkaniinwo na rũhiũ rwa njora.*
19 Ningĩ mũndũ nĩ arũngagwo rĩrĩa arĩ na ruo akomete ũrĩrĩ-inĩ wake
Na rĩrĩa mahĩndĩ make maramũtuura mategũtigithĩria,
20 O nginya we mwene akamena* mũgate,
Na akarega o na irio iria njega.+
21 Nyama cia mwĩrĩ wake igatiga kuoneka,
Namo mahĩndĩ make marĩa mararĩ mahithe makoimĩra,*
22 Muoyo wake ũgakuhĩrĩria irima;*
Muoyo wake ũgakuhĩrĩria arĩa marehaga gĩkuũ.
23 No kũngĩkorũo na mũtũmwo* ũmwe nĩ ũndũ wake,
Mũndũ ũmwe harĩ ngiri wa kũmwarĩrĩria,
Nĩguo ere mũndũ ũndũ ũrĩa mũrũngĩrĩru,
24 Nake Ngai amũiguĩre tha oige atĩrĩ,
Nĩ nyonete ũkũũri!+
25 Nyama cia mwĩrĩ wake nĩ ciĩthĩhe* gũkĩra rĩrĩa aarĩ mũndũ mwĩthĩ;+
Nĩ acokererũo nĩ matukũ marĩa aarĩ na hinya wa wĩthĩ.’+
26 Nĩ agaathaitha Ngai,+ nake nĩ akaamwĩtĩkĩra,
Na nĩ akoona ũthiũ wa Ngai na akene mũno,
Na We nĩ agaacokia ũthingu Wake harĩ mũndũ.
27 Mũndũ ũcio nĩ akeera* andũ atĩrĩ,
‘Nĩ njĩhĩtie+ na ngogomia ũndũ ũrĩa wagĩrĩire,
No ndinaamũkĩra ũndũ ũrĩa ngwagĩrĩirũo kwamũkĩra.*
29 Hatarĩ nganja, Ngai nĩ ekaga maũndũ macio mothe
Akameka maita merĩ, o na kana matatũ nĩ ũndũ wa mũndũ,
30 Nĩguo amũrute irima-inĩ,*
Nĩgetha ũtheri wa muoyo ũmwarĩre.+
31 Tega matũ Ayubu! Thikĩrĩria!
Kira na niĩ thiĩ na mbere kwaria.
32 Angĩkorũo ũrĩ na ũndũ wa kuuga, njokeria.
Aria, tondũ nĩ ndĩrenda kuonania atĩ ndũhĩtĩtie.
33 Angĩkorũo ndũrĩ na ũndũ wa kuuga, wagĩrĩirũo gũũthikĩrĩria;
Kira, na nĩ ngũkũruta ũgĩe na ũũgĩ.”
34 Na rĩrĩ, Elihu agĩthiĩ na mbere kwaria akiuga atĩrĩ:
2 “Thikĩrĩriai ciugo ciakwa, inyuĩ andũ ogĩ;
Njiguai, inyuĩ mũĩ maũndũ maingĩ.
3 Tondũ gũtũ nĩ gũthuthuragia ciugo,
O ta ũrĩa rũrĩmĩ rũcamaga* irio.
4 Nĩ tũthuthuriei ithuĩ ene tũmenye maũndũ marĩa magĩrĩire;
Nĩ tũtuei gatagatĩ-inĩ gaitũ maũndũ marĩa mega.
6 Hihi niĩ no heenanie igũrũ rĩgiĩ ituĩro rĩrĩa njagĩrĩire gũtuĩrũo?
O na gũtuĩka niĩ ndihĩtĩtie, kĩronda gĩakwa gĩtingĩhona.’+
7 Nĩ mũndũ ũrĩkũ ũhaana ta Ayubu,
Mũndũ ũnyuaga kĩnyũrũri ta arĩ maĩ?
8 Atwaranaga na arĩa mekaga maũndũ moru
Na akagĩa thiritũ na andũ aganu.+
9 Tondũ we oigĩte ũũ, ‘Gũtirĩ ũguni mũndũ onaga
Nĩ ũndũ wa kũgeria gũkenia Ngai.’+
10 Nĩ ũndũ ũcio-rĩ, thikĩrĩriai inyuĩ mũrĩ na ũtaũku:*
11 Tondũ we akaarĩha mũndũ kũringana na maũndũ marĩa ekaga+
Na amũrehere moimĩrĩro ma mĩthiĩre yake.
13 Nũũ wamũtuire mũrũgamĩrĩri wa thĩ,
Na nũũ wamwamũrire arorage kũrĩa guothe andũ maikaraga?
14 Angĩerekeria meciria make* harĩ o,
Na oe roho na mĩhũmũ yao,+
15 Andũ othe* no gũkua mangĩkua marĩ hamwe,
Na othe macoke rũkũngũ-inĩ.+
16 Kwoguo angĩkorũo ũrĩ na ũtaũku, thikĩrĩria na kinyi ũndũ ũyũ;
Tega matũ ũigue ũrĩa nguuga.
17 Hihi mũndũ ũthũire kĩhooto nĩ agĩrĩire gwathana,
Kana mũndũ ũrĩ na ũnene na nĩ mũthingu-rĩ, no ũmũtue mwĩhia?
18 Hihi no wĩre mũthamaki, ‘Wee ũrĩ wa tũhũ,’
Kana wĩre arĩa marĩ igweta, ‘Inyuĩ mũrĩ aganu’?+
19 Nĩ kũrĩ ũmwe ũtakoragwo na mũthutũkanio harĩ anene
Na ũtonaga andũ arĩa atongu marĩ a bata gũkĩra athĩni,*+
Tondũ othe nĩ wĩra wa moko make.+
20 No makue o rĩmwe+ ũtukũ gatagatĩ;+
Mainainaga na hinya magacoka magakua;
O na arĩa marĩ na ũnene nĩ meheragio, no matieheragio nĩ moko ma andũ.+
21 Tondũ maitho ma Ngai nĩ maroraga mĩthiĩre ya mũndũ,+
Na nĩ onaga makinya make mothe.
22 Gũtirĩ handũ harĩ nduma kana kĩĩruru kĩnene
Harĩa andũ arĩa mekaga maũndũ moru mangĩhota kwĩhitha.+
23 Nĩ gũkorũo gũtirĩ ihinda Ngai aigĩte rĩa mũndũ o na ũmwe
Rĩa gũthiĩ mbere yake nĩguo aciirithio.
24 Aniinaga arĩa marĩ ũnene-inĩ atekũbatara gũthuthuria
Na akaiga andũ angĩ ithenya rĩao.+
26 Nĩ amaherithagia nĩ ũndũ wa waganu wao,
Ageka ũguo handũ mekuonwo nĩ andũ othe,+
27 Tondũ nĩ matigĩte kũmũrũmĩrĩra+
Na matitĩĩte njĩra o na ĩmwe yake;+
28 Matũmaga athĩni mamũkaĩre,
Nake akaigua kĩrĩro kĩa arĩa matarĩ hinya.+
29 Ngai angĩkira-rĩ, hihi nĩ kũrĩ mũndũ ũngiuga nĩ ekĩte ũũru?
Angĩhitha ũthiũ wake-rĩ, nũũ ũngĩhota kũmuona?
O na angĩka ũguo harĩ rũrĩrĩ kana harĩ mũndũ ũmwe, moimĩrĩro mangĩkorũo marĩ mamwe,
30 Nĩgetha mũndũ ũtetigĩrĩte Ngai* ndagathane+
Kana aigĩre andũ mĩtego.
31 Tondũ rĩrĩ, hihi nĩ kũrĩ mũndũ ũngĩra Ngai atĩrĩ,
‘Nĩ herithĩtio o na gũtuĩka hatirĩ ũndũ mũũru njĩkĩte;+
32 Menyithia ũndũ ũrĩa itahotete kuona;
Angĩkorũo nĩ njĩkĩte ũndũ o na ũmwe mũũru, ndikawĩka rĩngĩ’?
33 Hihi nĩ agĩrĩirũo gũkũrĩha kũringana na ũrĩa wee ũkwenda na nĩ ũreganĩte na itua rĩake?
Wee nĩwe ũgũtua, ti niĩ.
Gũkĩrĩ ũguo-rĩ, njĩĩra maũndũ marĩa ũĩ wega.
34 Andũ arĩa marĩ na ũtaũku,*
Mũndũ o wothe ũrĩ na ũũgĩ ũrĩa ũkũnjigua, mekũnjĩra ũũ,
35 ‘Ayubu aragia atarĩ na ũmenyo+
Na ciugo ciake itikoragwo na ũtaũku.’
36 Reke Ayubu agerio* biũ
Tondũ macokio make matariĩ ta ma andũ aganu!
37 We ongagĩrĩra ũremi harĩ mehia make;+
Ahũũraga hĩ na kĩnyũrũri arĩ mbere itũ
Na akaingĩhia ciugo ciake cia gũũkĩrĩra Ngai ũrĩa wa ma!”+
35 Elihu agĩthiĩ na mbere kwaria akiuga atĩrĩ:
2 “Hihi ũrĩ na ma biũ atĩ ndũhĩtĩtie nginya ũkoiga,
‘Ndĩ mũthingu gũkĩra Ngai’?+
3 Nĩ gũkorũo uugĩte atĩrĩ, ‘Ũndũ ũcio ũrĩ na ũguni ũrĩkũ harĩ wee?*
Nyonete ũguni ũrĩkũ gũkĩra rĩrĩa ingĩtũire njĩhagia?’+
4 Nĩ ngũgũcokeria
O hamwe na arata acio aku+ mũrĩ nao.
5 Ta rora igũrũ wone,
Ũrore matu+ marĩa marĩ kũraihu mũno igũrũ rĩaku.
6 Ũngĩhia-rĩ, ũndũ ũcio ũngĩmũtuurithia atĩa?+
Ũngĩingĩhia mehia maku-rĩ, nĩ ũndũ ũrĩkũ ũngĩmwĩka?+
8 Waganu waku ũhutagia o mũndũ tawe,
Na ũthingu waku ũkahutia o mũrũ wa mũndũ.
9 Andũ nĩ makayaga rĩrĩa maahinyĩrĩrio mũno;
Magakaya makĩhoya ũteithio nĩ ũndũ wa kũhinyĩrĩrio nĩ* arĩa marĩ na hinya.+
10 No gũtirĩ mũndũ ũũragia atĩrĩ, ‘Ngai arĩ kũ, o ũcio Mũũmbi wakwa,+
O we ũtũmaga kũinwo nyĩmbo ũtukũ?’+
11 Atũrutaga+ maũndũ maingĩ gũkĩra nyamũ cia gũkũ thĩ,+
Na agatũma tũgĩe na ũũgĩ gũkĩra nyoni cia rĩera-inĩ.*
14 Na githĩ to age gũkũigua o na makĩria, rĩrĩa ũrateta atĩ ndũramuona!+
Ciira waku ũrĩ mbere yake, kwoguo wagĩrĩirũo kũmweterera ũtegũthethũka.+
15 Nĩ gũkorũo we ndagũciirithĩtie arĩ na marakara;
Kana agatindanĩra na ciugo ciaku itarĩ cia ũũgĩ.+
16 Ayubu atumũraga kanua gake biũ o tũhũ;
Na akaria ciugo nyingĩ atarĩ na ũmenyo.”+
36 Na rĩrĩ, Elihu agĩthiĩ na mbere kwaria akiuga atĩrĩ:
2 “Ngirĩrĩria o hanini thiĩ na mbere gũtaarĩria,
Tondũ nĩ ndigĩtie ciugo cia kwaria handũ-inĩ ha Ngai.
3 Nĩ ngwaria na njĩra ndikĩru igũrũ rĩgiĩ maũndũ marĩa njũĩ,
Na nyonanie atĩ Mũũmbi wakwa nĩ arĩ ũthingu.+
4 Ti itherũ ciugo ciakwa ti cia maheeni;
Ũrĩa wĩ na ũmenyo mũkinyanĩru+ arĩ haha mbere yaku.
5 Hatarĩ nganja Ngai nĩ mũnene+ na ndanyararaga mũndũ o na ũrĩkũ;
Nĩ arĩ ũhoti harĩ hinya wake wa ũtaũku.*
7 Ndeheragia maitho make harĩ andũ arĩa athingu;+
Amaigaga itĩ-inĩ cia ũnene hamwe na athamaki,*+ na magatũũra matũũgĩrĩte tene na tene.
8 No mangĩkorũo mohetwo na mĩnyororo
Na makanyitwo na mĩkanda ya mĩnyamaro,
9 Nĩ amaguũragĩria maũndũ marĩa mekĩte,
Akameera mahĩtia marĩa moimanĩte na mwĩtĩo wao.
10 Ahingũraga matũ mao nĩgetha maigue ũtaaro
Na akameera matigane na maũndũ moru.+
11 Mangĩathĩka na mamũtungatĩre,
Megũtũũra magaacĩrĩte matukũ-inĩ mao mothe,
Na makorũo na gĩkeno mĩaka-inĩ yao.+
13 Arĩa matetigĩrĩte Ngai* ngoro-inĩ ciao nĩ maigaga muku.
Matihoyaga ũteithio o na rĩrĩa amohete.
15 No Ngai nĩ ahonokagia arĩa maranyamarĩka hĩndĩ ĩrĩa marĩ na mĩnyamaro;
Akahingũra gũtũ kwao rĩrĩa marahinyĩrĩrio.
16 Nĩ agũtharaga ndũgatoorio nĩ mĩtangĩko+
Agagũtwara kũndũ kwariĩ gũtarĩ gũkunderu,+
Na metha yaku ĩkaiyũra irio njega nĩguo ũmĩrĩrio.+
17 Nawe nĩ ũkaaiganĩra nĩ ũndũ wa ituĩro rĩrĩa andũ aganu magaatuĩrũo,+
Rĩrĩa ciira ũgaatuo, na kĩhooto kĩrũmĩrĩrũo.
18 No rĩrĩ, wĩmenyerere nĩgetha marakara matigatũme wĩke maũndũ ma kũnyũrũria,*+
Na ndũkareke ihaki inene rĩkũhĩtithie njĩra.
19 Hihi kĩrĩro gĩaku gĩa kũhoya ũteithio
Kana kĩyo gĩaku kĩnene no kĩgirie ũgĩe na mĩtangĩko?+
20 Ndũkerirĩrie ũtukũ,
Rĩrĩa andũ meheraga ciikaro-inĩ ciao makaga kuoneka.
21 Wĩmenyerere ndũkambĩrĩrie gwĩka maũndũ moru,
Atĩ ũthuure gwĩka ũguo handũ ha kũũmĩrĩria mĩnyamaro.+
22 Atĩrĩrĩ, Ngai nĩ mũtũũgĩru nĩ ũndũ wa hinya wake;
Nĩ mũrutani ũrĩkũ ũhaana take?
25 Andũ othe nĩ mawonete
Mũndũ awĩroragĩra arĩ o haraihu.
27 Atũmaga mataata ma maĩ mambate na igũrũ;+
Magacokanĩrĩra thĩinĩ wa kĩbii gĩake magatuĩka mbura;
28 Namo matu magaita mbura ĩyo;+
Magatũma yurĩre andũ.
29 Hihi nĩ kũrĩ mũndũ ũngĩtaũkĩrũo nĩ ũrĩa matu matambũrũkĩte,
32 Ahumbĩraga rũheni na moko make,
Na akarwerekeria harĩ kĩrĩa rũkũringa.+
33 Marurumĩ make nĩ maragia ũhoro wake,
Na mahiũ o namo nĩ mamenyithanagia nũũ ũroka.*
37 “Rĩu ngoro yakwa nĩ ĩrahũũra mũno
Na ĩkarũga ĩkoima harĩa ĩkoragwo.
2 Thikĩrĩria na kinyi mũraramo wa mũgambo wake
Na mũrurumo ũrĩa uumaga kanua-inĩ gake.
3 Atũmaga ũiguĩke rungu rwa igũrũ guothe
Na agatũma rũheni rwake+ rũkinye ituri-inĩ ciothe cia thĩ.
4 Thutha ũcio gũkaiguĩka mũraramo;
Akaruruma na mũgambo mũnene mũno,+
Na ndagiragĩrĩria rũheni rĩrĩa mũgambo wake waiguĩka.
5 Ngai arurumaga na mũgambo wake+ na njĩra ya magegania;
Ekaga maũndũ manene tũtangĩhota gũtaũkĩrũo nĩmo.+
7 Ngai nĩ arũgamagia mawĩra mothe ma andũ*
Nĩgetha wĩra wake ũmenyeke nĩ mũndũ o wothe.
8 Nyamũ cia gĩthaka itonyaga marima-inĩ ma cio
Na igaikara imamo-inĩ ciacio.
9 Rũhuho rũnene rũhurutanaga ruumĩte kanyũmba-inĩ karuo,+
Nayo heho ĩkarehwo nĩ huho cia mwena wa rũgongo.+
11 We aritũhagia matu na ũigũ;
Na akahurunja rũheni+ rwake matu-inĩ;
12 Matu macio mathiũrũrũkaga kũrĩa guothe amatongoragia;
Na makahingia ũndũ o wothe amaathaga+ thĩinĩ wa thĩ ĩrĩa ĩikaragwo.*
13 Ahũthagĩra matu kũrehe iherithia,*+ kuuria mbura thĩinĩ wa bũrũri,
O na kuonania wendo wake mwĩhokeku.+
14 Thikĩrĩria ũndũ ũyũ Ayubu;
Tithia wĩcũranie biũ ũhoro wa mawĩra ma magegania ma Ngai.+
15 Hihi wee nĩ ũĩ ũrĩa Ngai atongoragia* matu
Na ũrĩa atũmaga rũheni rũhenũke ruumĩte itu-inĩ rĩake?
16 Hihi nĩ ũĩ ũrĩa matu mareraga rĩera-inĩ?+
Macio nĩ mawĩra ma magegania ma ũcio ũrĩ ũmenyo mũkinyanĩru.+
17 Nguo ciaku-rĩ, nĩ kĩĩ gĩtũmaga ihiũhe
Na hĩndĩ ĩyo thĩ ĩkirĩte ki nĩ ũndũ wa rũhuho rwa mwena wa mũhuro?+
18 Hihi no ũhote gũtambũrũkia matu ta ũrĩa ekaga+
O macio makoragwo momĩte ta gĩcicio gĩa cuma?
19 Twĩre ũrĩa twagĩrĩirũo kũmwĩra;
Tũtingĩhota gũcokia tondũ tũrĩ nduma-inĩ.
20 Hihi nĩ agĩrĩire kwĩrũo atĩ nĩ ndĩrenda kwaria nake?
Kana hihi nĩ harĩ mũndũ uugĩte ũndũ agĩrĩire kwĩrũo?+
21 Matingĩhota kuona nginya ũtheri,*
O na gũtuĩka nĩ ũcangararĩte igũrũ,
O nginya rũhuho rũhĩtũke na rweherie matu.
22 Mwena wa rũgongo kuumaga riri ũtariĩ ta wa thahabu;
Ũnene wa Ngai+ nĩ wa magegania mũno.
23 Tũtingĩhota gũtaũkĩrũo nĩ Mwene-Hinya-Wothe;+
We nĩ arĩ hinya mũingĩ,+
Na gũtirĩ hĩndĩ agararaga kĩhooto gĩake+ na ũthingu wake mũingĩ.+
24 Nĩ ũndũ ũcio-rĩ, andũ nĩ magĩrĩirũo kũmwĩtigĩra.+
Tondũ we ndakenagio nĩ andũ arĩa meyonaga marĩ ogĩ.”*+
38 Nake Jehova arĩ kĩhuhũkanio-inĩ akĩarĩria Ayubu akĩmwĩra atĩrĩ:+
2 “Nũũ ũyũ ũrekĩra ũtaaro wakwa nduma
Na akaria atarĩ na ũmenyo?+
3 Ta wĩhotore ta mũndũrũme;
Nĩ ngũkũũria ciũria, nawe ũnjokerie.
4 Wee-rĩ, warĩ kũ rĩrĩa ndakire mĩthingi ya thĩ?+
Njĩĩra angĩkorũo nĩ ũrona ta ũngĩmenya.
5 Nũũ waigire ithimi ciayo, angĩkorũo nĩ ũĩ,
Kana nũũ watambũrũkirie rũrigi rwa gũthima igũrũ rĩayo?
6 Itugĩ ciayo-rĩ, ciaigĩrĩirũo igũrũ rĩa kĩĩ,
Kana nũũ waigire ihiga rĩayo rĩa kona,+
8 Ningĩ nũũ wahingĩrĩirie iria akĩrĩigĩra mĩrango+
Hĩndĩ ĩrĩa rĩatumũkire kuuma kĩhumo-inĩ kĩarĩo,*
9 Rĩrĩa ndarĩhumbire matu
Na ngĩrĩthaya thĩinĩ wa nduma ndumanu,
10 Hĩndĩ ĩrĩa ndarĩigĩire mĩhaka
Na ngĩĩkĩra mĩgamba na mĩrango yarĩo,+
11 Ngiuga atĩrĩ, ‘No ũũkage nginya haha, no ndũkanakĩre ho;
Haha nĩho makũmbĩ maku manene marĩkinyaga’?+
12 Hihi nĩ ũrĩ* watha rũcinĩ rũkĩe
Kana ũkĩonia ũtheri wa rũcinĩ harĩa ũriumagĩra,+
13 Nĩgetha ũkinye ituri-inĩ cia thĩ
Na ũinainie arĩa aganu moime thĩinĩ wayo?+
14 Thĩ ĩgarũrũkaga ta rĩũmba rĩrĩ rungu rwa mũhũũri,
Na indo iria irĩ thĩinĩ wayo ikoneka wega ta magemio ma nguo.
15 No ũtheri wa andũ arĩa aganu nĩ weheragio harĩ o,
Na guoko kwao kũrĩa kwambararĩtio na igũrũ gũkoinwo.
16 Hihi nĩ ũrĩ waikũrũka na thĩ kũrĩa iria riumaga
Kana ũgaceera maĩ-inĩ marĩa mariku?+
18 Wee-rĩ, nĩ ũmenyete wariĩ wa thĩ?+
Njĩĩra angĩkorũo nĩ ũĩ maũndũ macio mothe.
19 Ũtheri ũikaraga mwena ũrĩkũ?+
Nakĩo gĩikaro kĩa nduma gĩkoragwo kũ,
20 Atĩ nĩguo ũcitware kũrĩa cikaraga
Na ũmenye tũcĩra twa gũthiĩ mũciĩ wacio?
21 Hihi ũmenyete maũndũ macio tondũ warĩ mũciare
Na mũigana wa mĩaka yaku* nĩ mũnene?
22 Nĩ ũrĩ waingĩra thitoo iria cigagwo mbarabu,+
Kana ũkona thitoo iria cigagwo mbura ya mbembe,+
23 Iria njigĩte nĩ ũndũ wa ihinda rĩa thĩna,
Nĩ ũndũ wa mũthenya wa kũrũa na wa mbaara?+
24 Ũtheri-rĩ,* uumaga mwena ũrĩkũ ũgakinya kũndũ guothe,
Naruo rũhuho rwa irathĩro rũhurutanaga thĩinĩ wa thĩ ruumĩte kũ?+
25 Nũũ wenjeire mũiyũro mũtaro
Na agĩthondeka njĩra ya kĩhuhũkanio na marurumĩ,+
26 Nĩgetha mbura yurage kũrĩa gũtaikaragwo nĩ mũndũ,
Werũ-inĩ kũrĩa gũtarĩ andũ,+
27 Nĩguo kũndũ kũrĩa kwanangĩku na gũtiganĩrie kũhũnio
Na ĩtũme nyeki ĩmere?+
29 Nayo mbarabu-rĩ, yoimire thĩinĩ wa nda ya ũ,
Na nũũ waciarire mbaa ĩrĩa yumaga igũrũ+
30 Rĩrĩa maĩ makoragwo mahaana ta mahumbĩirũo na ihiga,
Na maĩ ma kũndũ kũrĩa kũriku makaheha makanyitana?+
31 Hihi no ũhote kuoha mĩkanda ya gĩkundi kĩa njata kĩrĩa gĩtagwo Kima*
32 Hihi no ũhote gũtongoria gĩkundi kĩa njata* ihinda rĩakĩo rĩakinya
Kana ũtongorie gĩkundi kĩrĩa gĩtagwo Ashi hamwe na ariũ akĩo?
33 Wee-rĩ, nĩ ũĩ mawatho marĩa matongoragia igũrũ,+
Kana hihi no ũhote gwathana atĩ mawatho macio mahũthagĩrũo thĩinĩ wa thĩ?
34 Hihi no ũhote kwanĩrĩra mũgambo waku ũkinye matu-inĩ
Nĩgetha kũgĩe mũiyũro wa maĩ ũkũhumbĩre?+
35 Wee-rĩ, no ũhote gũtũma heni ithiĩ ikarute wĩra wacio?
Na thutha ũcio icoke kũrĩ wee ikwĩre, ‘Nĩ twacoka!’
37 Nũũ ũrĩ na ũũgĩ mũingĩ ũũ atĩ no ahote gũtara matu,
Kana nũũ ũngĩhota kũngʼaũrania ndigithũ cia maĩ iria irĩ igũrũ+
38 Rĩrĩa rũkũngũ rwatuĩka ndoro
Na ngũmba cia tĩri cianyitana?
39 Hihi no ũhote gũcarĩria mũrũthi kĩndũ gĩa kũrĩa
Kana ũhũnie mĩrũthi mĩthĩ+
40 Rĩrĩa ĩkomereire imamo-inĩ ciayo
Kana rĩrĩa ĩikarĩte yohetie marima-inĩ mayo?
41 Nũũ ũhaaragĩria ihuru irio+
Rĩrĩa tũcui twarĩo twakaĩra Ngai
Na tũkorũra nĩ ũndũ wa kwaga kĩndũ gĩa kũrĩa?
39 “Hihi nĩ ũĩ hĩndĩ ĩrĩa mbũri cia irĩma-inĩ iciaraga?+
Ũrĩ werorera thwariga igĩciara twana twacio?+
2 Hihi nĩ ũtaraga mĩeri ĩrĩa iniinaga ingĩgaciara?
Nĩ ũĩ hĩndĩ ĩrĩa iciaraga?
3 Cinamagĩrĩra rĩrĩa iraciara twana twacio,
Na ruo rwacio rwa gũciara rũgathira.
4 Twana twacio tũgĩaga na hinya na tũgakũrĩra werũ-inĩ;
Rĩrĩa twoimagara, tũticokaga kũrĩ cio.
5 Nũũ warekereirie ndigiri ya gĩthaka,+
Na nũũ wohorire mĩkanda ya ndigiri ya gĩthaka?
6 Werũ ũrĩa mwaraganu nĩguo nduĩte mũciĩ wayo
Na bũrũri ũrĩa ũrĩ cumbĩ ngaũtua gĩikaro kĩayo.
7 Ĩnyũrũragia inegene rĩrĩa rĩrĩ thĩinĩ wa itũũra;
Na ndĩiguaga inegene rĩa mũndũ ũrĩa ũrutithagia nyamũ wĩra.
8 Yũrũraga irĩma-inĩ ĩgĩetha gĩa kũrĩa,
Ĩgacaria ihuti o rĩothe iruru.
9 Hihi ndegwa ya gĩthaka no ĩtĩkĩre gũkũrutĩra wĩra?+
Hihi no ĩraare kiugũ-inĩ gĩaku?*
10 Hihi no ũhote kuoha ndegwa ya gĩthaka na mũkanda nĩguo ĩgũtemere mĩtaro,
Kana hihi no ĩkũrũmĩrĩre ũgĩthiĩ kũrĩma* mũkuru-inĩ?
11 Hihi no wĩhoke hinya wayo mũingĩ
Ĩkũrutĩre wĩra waku ũrĩa mũritũ?
12 Hihi no ũmĩĩhoke ĩkũrehere magetha maku,*
Na hihi no ĩmacokanĩrĩrie kĩhuuhĩro-inĩ gĩaku?
13 Mathagu ma nyaga nĩ mabatabataga nĩ gũkena,
No hihi njoya na mathagu mayo no iringithanio na cia njũũ?+
14 Nĩ gũkorũo ĩtigaga matumbĩ mayo tĩri-inĩ,
Na ĩkamaiga rũkũngũ-inĩ nĩguo magĩe ũrugarĩ.
15 Ĩkariganirũo atĩ no makinywo na magũrũ makue
Kana nyamũ ya gĩthaka ĩmarangĩrĩrie thĩ.
16 Ĩĩkaga twana twayo ũũru ta tũtarĩ twayo;+
Ndĩĩtigagĩra atĩ wĩra wayo no ũtuĩke wa tũhũ.
17 Nĩ gũkorũo Ngai nĩ amĩimĩte* ũũgĩ
Na ndamĩheete ũtaũku.
18 No rĩrĩa yarahũka na ĩkabatabata mathagu mayo,
Ĩthekagĩrĩra mbarathi na mũmĩtwarithia.
19 Hihi wee nĩwe ũheaga mbarathi hinya wayo?+
Hihi nĩwe ũmĩĩkĩraga mũreera ũcio ĩinagia ngingo-inĩ?
20 Hihi no ũhote gũtũma ĩrũge ta ũrĩa ngigĩ irũgaga?
Mũhuhĩrie wayo nĩ wa kũmakania.+
22 Ĩthekagĩrĩra guoya na gũtirĩ kĩndũ ĩĩtigagĩra.+
Ndĩcokaga na thutha atĩ tondũ wa rũhiũ rwa njora.
23 Thiaka ũgambaga ũrĩ mwena-inĩ wayo,
Narĩo itimũ na mũguĩ ikahenia.
24 Ĩinainaga nĩ ũndũ wa kũhĩahĩa, na ĩgatengʼera na mbere,*
Ndĩngĩrũgama ĩkindĩirie* thutha wa kũigua mũgambo wa coro.
25 Rĩrĩa coro wahuuhwo, yugaga atĩrĩ, ‘Aha!’
Ĩiguaga mũnungo wa mbaara ĩrĩ o kũraihu
Na ĩkaigua mĩgambo ya anene a mbũtũ na mbugĩrĩrio ya mbaara.+
26 Hihi ũtaũku waku nĩguo ũtũmaga rwĩgĩ rũmbũke,
Rũgatambũrũkia mathagu maruo na mwena wa mũhuro?
27 Kana nĩwe wathaga nderi yũmbũke na igũrũ+
Na ĩgaka gĩtara kĩayo kũndũ kũraihu igũrũ,+
28 Ĩkaraaraga kĩharũrũka-inĩ igũrũ,
Na ĩgaikaraga ndũmba-inĩ ya* harĩa harĩ na mwĩgitio?
30 Tũcui twayo tũnyuaga thakame;
Na harĩa harĩ ciimba, hau nĩho ĩkoragwo.”+
40 Na rĩrĩ, Jehova agĩthiĩ na mbere kwarĩria Ayubu akĩmwĩra atĩrĩ:
2 “Hihi mũndũ ũcaragĩrĩria mahĩtia nĩ agĩrĩirũo gũtetia Mwene-Hinya-Wothe?+
Mũndũ ũrĩa ũrenda kũrũnga Ngai-rĩ, nĩ acokie.”+
3 Nake Ayubu agĩcokeria Jehova akĩmwĩra ũũ:
4 “Atĩrĩrĩ, niĩ ndĩ mũndũ ũtarĩ bata.+
Ingĩgĩgũcokeria ngwĩre atĩa?
Nĩ ndahumbĩra kanua gakwa na guoko.+
5 Nĩ ndaririe riita rĩa mbere, no ndigũcokia rĩngĩ;
O na ngĩaria rĩa kerĩ, no gũtirĩ ũndũ ũngĩ nguuga.”
6 Nake Jehova arĩ kĩhuhũkanio-inĩ agĩcokeria Ayubu akĩmwĩra atĩrĩ:+
7 “Ta wĩhotore ta mũndũrũme;
Nĩ ngũkũũria ciũria, nawe ũnjokerie.+
8 Kaĩ ũrenda gwĩkĩrĩra nganja kĩhooto gĩakwa?
Hihi ũrenda kũndua mwĩhia nĩgetha ũtuĩke atĩ ndũhĩtĩtie?+
9 Guoko gwaku-rĩ, hihi nĩ kũrĩ hinya ta kwa Ngai ũrĩa wa ma,+
Kana hihi mũgambo waku no ũrurume ta wake?+
10 Ta wĩgemie na riri na ũnene;
Wĩhumbe gĩtĩo na ũkaru.
11 Rekereria marakara maku marũrũ;
Ũrore mũndũ o wothe mwĩtĩi ũmũcokie thĩ.
12 Ũrore mũndũ o wothe mwĩtĩi, ũmũnyihie,
Na ũrangĩrĩrie andũ arĩa aganu o harĩa marũgamĩte.
13 Ũmahithe tĩri-inĩ othe;
Ũmohe* kũndũ kũrĩa kwĩhithĩte,
14 Ũngĩka ũguo, o na niĩ no njĩtĩkanie nawe
Atĩ guoko gwaku kwa ũrĩo no gũkũhonokie.
15 Ta rora nyamũ ĩrĩa ĩtagwo Behemothu,* o ĩyo ndombire ta ũrĩa ndakũmbire.
Ĩrĩaga nyeki o ta ndegwa.
16 Ta rora hinya ũrĩa ũrĩ njohero-inĩ yayo
Na ũhoti ũrĩa ũrĩ mĩkiha-inĩ ya nda yayo!
17 Yũmagia mũtingʼoe wayo ta mũtarakwa;
Mĩkiha ĩrĩa ĩrĩ njohero-inĩ yayo ĩkoragwo yohanĩtio hamwe.
18 Mahĩndĩ mayo mahaana ta mĩberethi ya gĩcango;
Ciĩga ciayo ihaana ta ithondeketwo na kĩgera.
19 Nĩyo ya mbere harĩ* mawĩra ma Ngai;
Mũũmbi wayo nowe ũngĩhota kũmĩkuhĩrĩria arĩ na rũhiũ rwake rwa njora.
20 Irĩma nĩ irutaga irio ciayo,
Kũrĩa nyamũ ciothe cia gĩthaka ithaakagĩra.
21 Ĩkomaga ihinga-inĩ,
Ĩgaikara ĩĩgitĩtie mathanjĩ-inĩ kũrĩa kũrĩ na itomboya.
22 Ihinga icio nĩ imĩheaga kĩĩruru,
Nayo mĩtĩ ya mĩcũgũcũgũ ya mũkuru-inĩ ĩkamĩrigicĩria.
23 O na rũũĩ rũngĩkorũo rũgĩtherera na hinya, ndĩmakaga.
Ĩkoragwo na ũmĩrĩru o na maĩ ma Rũũĩ rwa Jorodani+ mangĩmĩhũũra kanua.
24 Hihi nĩ kũrĩ mũndũ ũngĩhota kũmĩnyita ĩkĩonaga,
Kana amĩthece iniũrũ na ndwano?*
2 Hihi no ũhote kũharũkia mũkanda maniũrũ-inĩ mayo
Kana ũthece thĩa ciayo na ndwano?*
3 Hihi no ĩgũthaithe ũmĩiguĩre tha,
Kana ĩkwarĩrie na ũhooreri?
4 Hihi no ĩrĩkanĩre nawe
Atĩ nĩguo ĩtũũre ĩrĩ ngombo yaku?
5 Hihi no ũthaake nayo ta ũrĩa ũngĩthaaka na nyoni
Kana ũmĩoherere handũ nĩguo tũirĩtu twaku tũthaakage nayo?
6 Hihi onjorithia no mamĩkũũranie na indo ingĩ?
Hihi no mamĩgayanĩrie ahũũri biacara?
7 Hihi no ũhote gũtheca ngothi yayo na mĩcengi mĩingĩ+
Kana ũthece mũtwe wayo na matimũ ma gũtega thamaki?
8 Ũngĩmĩhutia na guoko,
Ũngĩtũũra ũririkanaga mbaara yayo na ndũngĩgeeka ũguo rĩngĩ!
9 Kwĩrĩgĩrĩra atĩ no ũmĩhoote nĩ ũndũ wa tũhũ.
O kũmĩona gwiki no gũtũme ũũrũo nĩ hinya.*
10 Gũtirĩ mũndũ ũgeragia kũmĩũgita.
Gũkĩrĩ ũguo-rĩ, nũũ ũcio ũngĩhota gwĩtiiria harĩ niĩ?+
11 Nĩ mũndũ ũrĩkũ ũrĩ wahe kĩndũ atĩ nĩguo ndĩmũrĩhe?+
Indo ciothe iria irĩ mũhuro wa riũa nĩ ciakwa.+
12 Ndingĩaga kwaria ũhoro wĩgiĩ ciĩga ciayo,
Ũhoro wĩgiĩ hinya wayo na mwĩrĩ wayo ũrĩa ũmbĩtwo na njĩra ya magegania.
13 Nũũ ũngĩhota kũmĩaũra nguo yayo ya igũrũ?
Nũũ ũngĩkuhĩrĩria thĩa ciayo iria irĩ hinya?
14 Nĩ mũndũ ũrĩkũ ũngĩhingũra mĩrango ya kanua kayo?*
Magego mayo mothe nĩ ma kũmakania.
15 Mũgongo-inĩ wayo ĩkoragwo na ngũũcĩ*
Inyitithanĩtio hamwe wega.
16 O ĩmwe yacio ĩkoragwo ĩnyitanĩte biũ na ĩrĩa ĩngĩ
Ũũ atĩ gũtirĩ rĩera rĩngĩtonya gatagatĩ-inĩ gacio.
17 Ikoragwo inyitanĩte biũ;
Ikarũma biũ na itingĩamũranio.
18 Ĩrutaga mĩmenũko ya ũtheri rĩrĩa ĩrahuhia
Namo maitho mayo mahaana ta mĩrũri ya ũtheri wa rũcinĩ.
19 Kanua kayo koimaga mĩhenũko ya rũheni;
Ĩkaruta thandĩ cia mwaki.
20 Maniũrũ mayo moimaga ndogo,
O ta riiko rĩakĩtio na nyeki.
21 Mĩhũmũ yayo ĩgwatagia makara mwaki,
Naruo rũrĩrĩmbĩ rũkoima kanua-inĩ kayo.
22 Ngingo yayo ĩkoragwo na hinya mũingĩ,
Na arĩa othe macemanagia nayo nĩ manyitagwo nĩ guoya.
23 Mĩgũtha ya nyama ciayo ĩkoragwo ĩnyitanĩte biũ;
Ĩkoragwo ĩrĩ mĩrũmu ta ĩthondeketwo na cuma na ndĩngĩenyenyeka.
24 Ngoro yayo nĩ nyũmũ ta ihiga,
Ĩkoma o ta ihiga rĩa na thĩ rĩa gũthĩa.
25 Hĩndĩ ĩrĩa yokĩra, o na andũ arĩa marĩ hinya nĩ metigagĩra;
Mũthiĩre wayo maĩ-inĩ ũtũmaga matukanĩrũo.
26 Gũtirĩ rũhiũ rwa njora rũngĩmĩtooria;
O na kana itimũ, mũguĩ, kana mũcengi.+
27 Harĩ yo-rĩ, kĩgera nĩ ta nyeki,
Nakĩo gĩcango nĩ ta rũbaũ rũbuthu.
28 Mũguĩ ndũngĩtũma yũre;
Na mahiga ma kĩgũtha mahaanaga o ta mahuti harĩ yo.
29 Harĩ yo njũgũma nĩ ta ihuti,
Na nĩ ĩthekagĩrĩra mũgambo wa itimũ.
30 Nda yayo ĩtariĩ ta icere cia nyũngũ;
Ĩtigaga mĩkururo ndoro-inĩ ta rũbaũ rwa kũhũũra ngano.+
31 Ĩtũmaga kũrĩa kũriku gũtherũke o ta nyũngũ;
Yunjugaga iria o ta nyũngũ ya gũtherũkia maguta.
32 Ĩtigaga mũhari ũrahenia njĩra-inĩ yayo.
O na mũndũ no ecirie atĩ iria-inĩ kũrĩa kũriku kũrĩ na mbuĩ.
33 Gũtirĩ kĩndũ kĩngĩ kĩhaana tayo thĩinĩ wa thĩ,
Nĩ nyamũ yombirũo ĩtarĩ guoya.
34 Ĩĩroragĩra kĩndũ o gĩothe kĩrĩ mwĩtĩo ĩtegwĩtigĩra.
Nĩyo mũthamaki wa nyamũ ciothe cia gĩthaka iria irĩ hinya.”
42 Nake Ayubu agĩcokeria Jehova akĩmwĩra atĩrĩ:
2 “Rĩu nĩ menyete atĩ no ũhote gwĩka maũndũ mothe
Na atĩ gũtirĩ ũndũ ũbangĩte gwĩka ũngĩkũrema.+
3 Wee woigire atĩrĩ, ‘Nũũ ũyũ ũrekĩra ũtaaro wakwa nduma atarĩ na ũmenyo?’+
Na niĩ ngĩaria, no ndaririe itarĩ na ũtaũku
Igũrũ rĩgiĩ maũndũ ma magegania mũno harĩ niĩ, marĩa itamenyaga.+
4 Nawe ũkiuga ũũ, ‘Thikĩrĩria, na niĩ njarie.
Nĩ ngũkũũria ciũria, nawe ũnjokerie.’+
5 Matũ makwa nĩ maiguĩte ũhoro waku,
No rĩu nĩ nguonete na maitho makwa.
7 Thutha wa Jehova kwĩra Ayubu ciugo icio, Jehova akĩra Elifazu ũrĩa Mũtemani atĩrĩ:
“Nĩ ndakarĩte mũno nĩ ũndũ waku na arata acio aku erĩ,+ tondũ mũtiarĩtie ũhoro wa ma ũngoniĩ+ ta ũrĩa Ayubu ndungata yakwa ekĩte. 8 Nĩ ũndũ ũcio oyai ndegwa mũgwanja na ndũrũme mũgwanja mũthiĩ kũrĩ Ayubu ndungata yakwa, mũkarute igongona rĩa njino nĩ ũndũ wanyu inyuĩ ene. Nake Ayubu ndungata yakwa nĩ ekũmũhoera.+ Na niĩ hatarĩ nganja nĩ ngwĩtĩkĩra ihoya rĩake* atĩ ndikamwĩke kũringana na ũrimũ wanyu, tondũ mũtiarĩtie ũhoro wa ma ũngoniĩ ta ũrĩa Ayubu ndungata yakwa ekĩte.”
9 Elifazu ũrĩa Mũtemani, Bilidadi ũrĩa Mũshuhi, na Zofaru ũrĩa Mũnaamathi magĩgĩthiĩ na magĩka ũrĩa Jehova aameerĩte meke. Nake Jehova agĩtĩkĩra ihoya rĩa Ayubu.
10 Thutha wa Ayubu kũhoera arata ake,+ Jehova akĩmwehereria mathĩna+ na akĩmũcokeria ũtonga wake.* Jehova akĩmũhe maita merĩ ma kĩrĩa aarĩ nakĩo hau kabere.+ 11 Ariũ na aarĩ a nyina othe hamwe na arata arĩa othe aarĩ nao mbere ĩyo+ magĩthiĩ kũrĩ we na makĩrĩanĩra nake nyũmba-inĩ yake. Makĩmũhooreria na makĩmũũmĩrĩria nĩ ũndũ wa mathĩna mothe marĩa Jehova eetĩkĩrĩtie mamũkore. O ũmwe wao akĩmũhe gĩcunjĩ gĩa betha na gĩcũhĩ gĩa thahabu.
12 Jehova agĩkĩrathima matukũ ma mũthia ma ũtũũro wa Ayubu gũkĩra ma kĩambĩrĩria,+ na Ayubu akĩgĩa ngʼondu 14,000, ngamĩra 6,000, ngʼombe 2,000,* na ndigiri 1,000 cia mũgoma.+ 13 Ningĩ nĩ aagĩire ariũ angĩ mũgwanja o na aarĩ angĩ atatũ.+ 14 Mũirĩtu wa mbere aamwĩtire Jemima, wa kerĩ akĩmwĩta Kezia, na wa gatatũ Kereni-hapuku. 15 Gũtirĩ atumia angĩ maarĩ athaka ta aarĩ acio a Ayubu bũrũri-inĩ ũcio wothe, na ithe wao nĩ aamaheire igai hamwe na ariũ a nyina.
16 Thutha wa maũndũ macio Ayubu aatũũrire mĩaka 140, na akĩona ciana ciake na ciana cia ciana ciake, njiarũa inya. 17 Mũthia-inĩ, Ayubu agĩkua thutha wa gũtũũra ihinda iraya na akaiganĩra.*
No kũhoteke rĩĩtwa rĩu riugĩte “Kĩndũ gĩa Kũmenwo.”
Kana “mũndũ ũtarĩ ũcuke na mũrũngĩrĩru.”
Ũkk., “ngʼombe igĩrĩ igĩrĩ maita 500.”
Ũkk., “ndigiri 500 cia mũgoma.”
Kana “o kwa mũndũ mũciĩ riita rĩake.”
Nĩ ciugo cia Kĩhibirania iria ikoragwo ikĩaria ũhoro wa araika marĩ ariũ a Ngai.
Ũkk., “werekeirie ngoro yaku harĩ.”
Kana “mũndũ ũtarĩ ũcuke na mũrũngĩrĩru.”
Kana “rungu rwaku.”
Ũkk., “ũthiũ-inĩ wa.”
Kana hihi, “Rũheni.”
Nĩ ciugo cia Kĩhibirania iria ikoragwo ikĩaria ũhoro wa araika marĩ ariũ a Ngai.
Ũkk., “werekeirie ngoro yaku harĩ.”
Kana “mũndũ ũtarĩ ũcuke na mũrũngĩrĩru.”
Ũkk., “ndĩmũmerie.”
Kana “Gĩkonde.”
Kana “rungu rwaku.”
Ũkk., “ũthiũ-inĩ wa.”
Kana “ironda njũru.”
Ũkk., “kũruma mũthenya wake.”
Kana “nduma na kĩĩruru gĩa gĩkuũ.”
Gwĩciragĩrio atĩ nyamũ ĩyo nĩ mamba (kĩngʼangʼi) kana nyamũ ĩngĩ nene mũno na ĩrĩ hinya ya maĩ-inĩ.
Kana hihi, “arĩa meeyakĩire kũndũ gũtiganĩrie.”
Ũkk., “nawe ũkorũo nĩ hinya.”
Kana “mabangaga.”
Kana “mĩrũthi mĩthĩ ya njamba.”
Kana “atũmwo.”
Kana “nĩ makaagĩa kĩrĩkanĩro hamwe nawe.”
Ũkk., “thayũ.”
Kana “cairi.”
Kana “itegwĩciria.”
Kana “nĩguo ndaihie muoyo wakwa.”
Kana “Nakĩo gĩkundi kĩa agendi Asabea gĩgatweterera.”
Ũkk., “ngũũrũo.”
Kana “mũkũũranie.”
Kana “nginya rũcinĩ kũrĩ na mairia.”
Ũkk., “rĩtikoona ũndũ mwega.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Ũkk., “roho wakwa.”
Ũkk., “handũ ha mahĩndĩ makwa.”
Ũkk., “werekerie ngoro yaku harĩ we.”
Ũkk., “Aamarekereirie guoko-inĩ kwa ũremi wao.”
Kana “nĩ ekwarahũka nĩ ũndũ waku.”
Ũkk., “Na marute ciugo iria irĩ ngoro-inĩ ciao?”
Ũkk., “Ĩyo nĩyo njĩra ya.”
Kana “mũregenyũki.”
Ũkk., “nyũmba ya.”
Kana “Acaragia nyũmba ya mahiga.”
Kana “akaamerio.”
Kana “ũguo nĩguo njĩra yake ĩgaathira.”
Kana “arĩa matarĩ ũcuke.”
Ũkk., “ndakanyita guoko kwa.”
Kana “kũmũtwara igooti-inĩ.”
Kana “Eheragia.”
No kũhoteke nĩ gĩkundi kĩa njata kĩrĩa gĩtagwo Great Bear (Ursa Major).
No kũhoteke nĩ gĩkundi kĩa njata kĩrĩa gĩtagwo Orion.
No kũhoteke nĩ njata iria ciĩtagwo Pleiades iria ikoragwo gĩkundi-inĩ kĩa njata gĩtagwo Taurus.
Ũkk., “rumu cia thĩinĩ cia mwena wa mũhuro.”
No kũhoteke ĩyo nĩ nyamũ nene ya iria-inĩ.
Kana hihi, “ũrĩa tũrĩ na ciira nake.”
Ũkk., “ũngĩnjĩta?”
Kana “O na ingĩkorũo itarĩ na ũcuke.”
Ũkk., “ndirĩ mũrũngĩrĩru.”
Kana “O na ingĩkorũo itarĩ na ũcuke.”
Kana “ndiũĩ muoyo wakwa.”
Kana “Nĩ ndarega.”
Kana “arĩa matũũragia wĩkindĩru.”
Ũkk., “mothiũ.”
Ũkk., “mwaganu.”
Mũthemba wa thabuni ũthondekagwo na mũhu.
Kana “gũtũiguithania.”
Ũkk., “ũngĩigĩrĩra guoko gwake igũrũ ritũ ithuerĩ.”
Ũkk., “Angĩeheria rũthanju rwake igũrũ rĩakwa.”
Kana “mĩhũmũ; muoyo.”
Ũkk., “Na nĩ ũhithĩte maũndũ macio ngoro-inĩ yaku.”
Kana “ngene hanini.”
Kana “ũiyũire nduma na kĩĩruru gĩa gĩkuũ.”
Kana “kwĩraha no gũtũme mũndũ atuĩke mwagĩrĩru?”
Kana “ũũgĩ ũrĩa ũrĩ ũguni.”
Kana “ũmenye mĩhaka ya.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “ndigiri ya gĩthaka ĩngĩciarũo ĩrĩ mũndũ.”
Kana “kĩrĩ gũthira kwa muoyo.”
Ũkk., “inyuĩ nĩ inyuĩ andũ.”
Ũkk., “ngoro.”
Kana “matenderũkaga.”
Kana “nyoni cia igũrũ.”
Kana “Muoyo wa mũndũ o wothe.”
Kana “mĩheehũ ya.”
Ũkk., “wa mĩĩrĩ ya andũ othe.”
Ũkk., “mwena wa igũrũ wa kanua ũcamaga.”
Kana “ũũgĩ ũrĩa ũrĩ ũguni.”
Kana “maũrĩtwo indo ciothe.”
Kana “athuri arĩa meehokeirũo maũndũ.”
Ũkk., “nĩ ohoraga mũcibi wa arĩa marĩ ũhoti.”
Ũkk., “ngoro.”
Kana “itangĩriganĩra.”
Kana “ngo.”
Ũkk., “Ndĩrakuua mwĩrĩ wakwa magego-inĩ makwa nĩkĩ?”
Kana “gũtirĩ mũregenyũki.”
Kana hihi, “Angĩkorũo nĩ harĩ, ngũikara ngirĩte na ngue.”
Ũkk., “Ndũkanjĩke maũndũ maya merĩ.”
No kũhoteke nĩ Ayubu.
Kana “mĩtangĩko.”
Kana hihi, “agatemwo.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “ũmenyo ũtariĩ ta rũhuho.”
Kana “mahĩtia maku nĩmo marataara kanua gaku.”
Ũkk., “mũgate.”
Kana “akageria kũhoota.”
Ũguo nĩ kuuga, ndagaakorũo na mwĩhoko o wothe.
Kana “aregenyũki.”
Kana “itariĩ ta rũhuho.”
Kana “Korũo muoyo wanyu ũrĩ harĩa muoyo wakwa ũrĩ.”
Kana “arĩa othe makoragwo hamwe na niĩ.”
Kana “hinya wakwa.” Ũkk., “rũhĩa.”
Kana “kĩĩruru gĩa gĩkuũ.”
Kana hihi, “rĩraaga toro rĩrorete.”
Kana “rĩikare rĩrorete.”
Ũkk., “thimo.”
Kana “aregenyũki.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “mbĩrĩra.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana hihi, “ta tũrĩ na thahu.”
Kana “athue.”
Ũkk., “irigithathi rĩa gĩkuũ.”
Kana “gĩkuũ kĩũru.”
Ũkk., “Kĩndũ gĩtarĩ gĩake nĩkĩo gĩgaatũũra.”
Ũkk., “ndagaakorũo na rĩĩtwa.”
Kana “kũrĩa aikaraga arĩ mũgeni.”
Kana “mũnumĩte.”
Kana “Andũ aitũ.”
Ũkk., “ariũ a nda yakwa,” ũguo nĩ kuuga, nda ĩrĩa yanjiarire (nda ya maitũ).
Ũkk., “Mũtekũiganwo nĩ nyama ciakwa?”
Rora Ũthathaũri wa Ciugo.
Ũkk., “igũrũ rĩa tĩri.”
Ũkk., “roho uumanĩte na ũtaũku wakwa.”
Kana “Adamu.”
Kana “mũregenyũki.”
Kana “maĩ ma nyongo ma.”
Ũkk., “rũrĩmĩ rwa.”
Ũkk., “na ndagaacimeria.”
Ũkk., “roho wakwa ndũngĩnogete.”
Kana “ũhoti.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “narua,” ũguo nĩ kuuga, gĩkuũ kĩa na ihenya na gĩtarĩ na ruo.
Kana “ũtaaro.”
Kana “ũgayanĩtio maita merĩ.”
Kana “ũngĩruta Ngai ũndũ o wothe.”
Ũkk., “maguta ma mahĩndĩ make marĩ maigũ.”
Kana hihi, “mũnjĩke maũndũ ma ũhinya.”
Ũkk., “imenyithia.”
Ũkk., “Na akururie andũ othe mamũrũmĩrĩre.”
Kana “hihi nĩ akenagio nĩ ũthingu waku.”
Ũkk., “ũkaruta nguo cia arĩa marĩ njaga.”
Kana “ciana cia ndigwa.”
Ũkk., “mĩtego ya nyoni.”
Kana “gĩthiũrũrĩ kĩa.”
Kana “acio ũtũũro wao wakuhĩhirio.”
Ũkk., “rũũĩ.”
Kana “ngũmba ciaku cia thahabu.”
Kana “ngũmba ciaku cia thahabu.”
Kana “ũrĩa ũinamĩtie maitho.”
Kana “mateta makwa nĩ ma ũremi.”
Kana “nduĩrĩirũo.”
Kana hihi, “Macokanagĩrĩria nyeki mĩgũnda-inĩ.”
Kana “cairi.”
Kana hihi, “Mahihaga maguta marĩ thingo-inĩ cia mĩgũnda ya mĩthabibũ.”
Kana hihi, “gũtirĩ mũndũ Ngai atuagĩra nĩ ũndũ wa gwĩka ũguo.”
Ũkk., “makenja.”
Ũkk., “Athiaga na ihenya arĩ igũrũ rĩa maĩ.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Ũkk., “Nda ya nyina nĩ ĩkaariganĩrũo.”
Ũkk., “njĩra ciao.”
Kana “cairi.”
Ũkk., “kũndũ gwake gũtũũgĩru.”
Kana “arĩ mũtheru.”
Kana “ũũgĩ ũrĩa ũrĩ ũguni.”
Ũkk., “Na nĩ mĩhũmũ (roho) ya ũ yumĩte thĩinĩ waku?”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “Nakuo Abadoni.”
Ũkk., “Atambũrũkagia mwena wa rũgongo.”
Ũkk., “gĩthiũrũrĩ.”
Ũkk., “Rahabu.”
Kana “Rũhuho rwake rũtũmaga.”
Ũkk., “kwaria na thimo.”
Kana “ndikeyehereria; nĩ ngũtũũria.”
Kana “ndĩkaanyũrũria.”
Kana “matukũ makwa mothe.”
Kana “mũregenyũki.”
Kana hihi, “kũgerera guoko kwa.”
Kana hihi, “Mamũhũũragĩra hĩ na makamũhuhĩra mĩrũri marĩ gĩikaro-inĩ kĩao.”
Ũkk., “gĩgaitwo.”
Kwahoteka ciugo ici irataarĩria maũndũ marĩa mekĩkaga mahiga makĩenjwo.
Nĩ mũthemba wa tũhiga twa goro.
Kana “therie.”
Kana “nyoni cia igũrũ.”
Ũkk., “ũritũ.”
Ũkk., “kwaria na thimo.”
Ũkk., “Matukũ marĩa.”
Kana “ndungata.”
Ũkk., “makehitha.”
Kana “kagooti gatarĩ moko.”
Ũkk., “gĩtara-inĩ gĩakwa.”
Ũkk., “ciataataga.”
Kana hihi, “Matiatukagia ũtheri wa ũthiũ wakwa.”
Ũkk., “mahũũrĩtwo iboko.”
Ũkk., “thimo.”
Kana “Mateaga matamu.”
Kana hihi, “ũngĩmateithia.”
Ũkk., “Mahĩndĩ makwa mathegethagwo.”
Kana hihi, “Mwĩrĩ wakwa nĩ ũgarũrũkĩte nĩ ũndũ wa ũrĩa nyamarĩkĩte.”
Kana hihi, “ũkanyananga na kĩhuhũkanio.”
Ũkk., “hĩba ya mwanangĩko.”
Kana “arĩa marĩ na mũthenya mũritũ?”
Kana hihi, “kũhiũha mwĩrĩ.”
Kana hihi, “na andũ mataaragia ma?”
Kana “njiarũa ciakwa iniinwo.”
Kana “cairi.”
Ũkk., “Na arũme angĩ maturie maru igũrũ rĩake.”
Ũkk., “ũngĩrĩa nginya wanange.”
Kana “Ũmunye.”
Kana “marĩ na ciira.”
Ũkk., “angĩarahũka?”
Ũkk., “thĩinĩ wa nda ya maitũ.”
Ũkk., “ngĩtũma maitho ma mũtumia wa ndigwa mage kuona.”
Ũkk., “kuuma ndĩ o nda ya maitũ.”
Kana hihi, “Rĩrĩa ndonire atĩ harĩ andũ mangĩanyitire mbaru kĩhingo-inĩ gĩa itũũra.”
Kana “ihĩndĩ-inĩ rĩa mwena wa rũgongo.”
Ũkk., “ũtheri warĩte.”
Ũkk., “nyama.”
Kana “mũndũ wa kũngĩ.”
Kana “thaĩri yakwa.”
Kana “tondũ we aarĩ mũthingu maitho-inĩ make.”
Ũkk., “ndĩ na matukũ manini.”
Kana “kũrũnga Ayubu.”
Kana “gũtirĩ mũndũ ngũhumba thũmbĩ.”
Ũkk., “Rũrĩmĩ rwakwa na mwena wa igũrũ wa kanua gakwa.”
Ũkk., “agekĩra mũhũũri igũrũ rĩa.”
Kana “mbĩrĩra-inĩ.”
Kana “na itharaita.”
Ũkk., “muoyo wake ũkamena.”
Kana “makaguũrio.”
Kana “mbĩrĩra.”
Kana “mũraika.”
Kana “mbĩrĩra-inĩ.”
Kana “nĩ ikorũo na ũgima mwega.”
Ũkk., “akainĩra.”
Kana hihi, “Na ũndũ ũcio ndũnangʼuna.”
Kana “mbĩrĩra-inĩ.”
Kana “mbĩrĩra-inĩ.”
Ũkk., “mwena wa igũrũ wa kanua ũcamaga.”
Ũkk., “ngoro.”
Ũkk., “ngoro yake.”
Ũkk., “Mĩĩrĩ yothe ya nyama.”
Kana “arĩa marĩ igweta marĩ a bata gũkĩra arĩa matarĩ hinya.”
Kana “mũregenyũki.”
Ũkk., “ngoro.”
Kana hihi, “Awa, reke Ayubu agerio.”
No kũhoteke nĩ Ngai.
Ũkk., “guoko kwa.”
Kana “nyoni cia igũrũ.”
Kana “ndaiguaga maheeni.”
Ũkk., “ngoro.”
Kana hihi, “Aigaga athamaki itĩ-inĩ cia ũnene.”
Kana “na itharaita.”
Kana “aregenyũki.”
Kana hihi, “Makaniina.”
Kana “ũhũũre hĩ na kĩnyũrũri.”
Kana hihi, “ũrutĩte mahĩtia; ũmũciirithĩtie nĩ ũndũ wa.”
Kana “ndũngĩtuĩrĩka.”
Ũkk., “gĩthũnũ-inĩ gĩake.”
Ũkk., “ũtheri wake.”
Ũkk., “mĩri ya iria.”
Kana hihi, “Nĩ atetagĩra.”
Kana hihi, “nĩ kĩĩ kĩroka.”
Ũkk., “ekĩraga mũhũũri guoko-inĩ kwa mũndũ wothe.”
Kana “bũrũri ũrĩa ũrĩ maciaro thĩinĩ wa thĩ.”
Ũkk., “rũthanju.”
Kana “athaga.”
Ũcio nĩ ũtheri wa riũa.
Ũkk., “marĩ ogĩ ngoro-inĩ.”
Nĩ ciugo cia Kĩhibirania iria ikoragwo ikĩaria ũhoro wa araika marĩ ariũ a Ngai.
Ũkk., “nda ya nyina.”
Ũkk., “matukũ-inĩ maku nĩ ũrĩ.”
Kana “kĩĩruru gĩa gĩkuũ.”
Ũkk., “matukũ maku.”
Kana hihi, “Rũheni.”
No kũhoteke nĩ njata iria ciĩtagwo Pleiades iria ikoragwo gĩkundi-inĩ kĩa njata gĩtagwo Taurus.
No kũhoteke nĩ gĩkundi kĩa njata kĩrĩa gĩtagwo Orion.
Ũkk., “Mazarothu.” Thĩinĩ wa 2Ath 23:5, kiugo kĩrĩa gĩkonainiĩ nakĩo kĩhũthĩrĩtwo na ũingĩ gĩkĩarĩrĩria ikundi cia njata cia zodiaki.
Kana hihi, “thĩinĩ wa mũndũ.”
Kana hihi, “meciria magĩe.”
Kana “mũharatĩ-inĩ waku.”
Kana “kũhũũra hianyũ.”
Ũkk., “mbeũ ciaku.”
Ũkk., “atũmĩte ĩriganĩrũo nĩ.”
Ũkk., “Ĩgathiĩ gũcemania na matharaita.”
Ũkk., “ĩkameria thĩ.”
Kana hihi, “Ndĩĩtĩkagia.”
Ũkk., “igego-inĩ rĩa ndũmba ya ihiga.”
Ũkk., “Wohe mothiũ mao.”
No kũhoteke nĩ nguuũ.
Ũkk., “Nĩyo kĩambĩrĩria kĩa.”
Ũkk., “mũtego.”
No kũhoteke nĩ mamba (kĩngʼangʼi).
Ũkk., “mũigua.”
Kana “gũtũme ũgwe thĩ.”
Ũkk., “ũthiũ wayo.”
Kana hihi, “Ngũũcĩ ciayo nĩcio ĩĩrahagĩra.”
Ũkk., “Hatarĩ nganja nĩ ngũũkĩria ũthiũ wake.”
Ũkk., “Jehova akĩruta Ayubu ũkombo-inĩ ũcio.”
Ũkk., “ngʼombe igĩrĩ igĩrĩ maita 1,000.”
Ũkk., “arĩ mũkũrũ na aiyũrĩtwo nĩ matukũ.”