Gĩkuũ kĩa Jesu Kĩngĩtũhonokia Atĩa?

Tondũ aciari aitũ a mbere, Adamu na Hawa, nĩ maaremeire Ngai, nĩ twĩhagia, tũgathĩnĩka, na tũgakua.a No harĩ na mwĩhoko. Jehova nĩ aarutire njĩra ya gũtũhonokia kuuma harĩ mehia na gĩkuũ kũgerera harĩ Mũrũwe, Jesu Kristo. Bibilia ĩrutanaga atĩ Jesu nĩ aarutire ũkũũri kũgerera gĩkuũ gĩake. Ũkũũri nĩ marĩhi marĩa marĩhagwo nĩguo mũndũ arekererio. Jesu aarĩhire na thogora wa muoyo wake mũkinyanĩru. (Thoma Mathayo 20:28.) Rĩrĩa Jesu eeimire mweke wa gũtũũra tene na tene gũkũ thĩ, nĩ aatũhingũrĩire njĩra ya kũgĩa na kĩrĩa gĩothe Adamu na Hawa maateire. Ningĩ ũndũ ũcio nĩ woonanirie ũrĩa Jesu na Jehova matwendete. Ithomo rĩrĩ nĩ rĩgũgũteithia gũkorũo na ngatho makĩria nĩ ũndũ wa gĩkuũ kĩa Jesu.

1. Tũngĩgunĩka atĩa kuumana na gĩkuũ kĩa Jesu ihinda-inĩ rĩrĩ?

Tondũ nĩ twagaire mehia, nĩ twĩkaga maũndũ maingĩ matakenagia Jehova. O na kũrĩ ũguo, tũngĩĩrira mehia maitũ biũ na tũhoe Jehova atuohere kũgerera harĩ Jesu Kristo na twĩrutanĩrie biũ kwaga gũcokera mahĩtia macio, no tũkorũo na ũrata wa hakuhĩ hamwe na Ngai. (1 Johana 2:1) Bibilia yugaga ũũ: “Kristo aakuire riita rĩmwe rĩa kũigana nĩ ũndũ wa mehia, mũndũ mũthingu nĩ ũndũ wa andũ matarĩ athingu, nĩgetha amũtongorie harĩ Ngai.”—1 Petero 3:18.

2. Tũkaagunĩka atĩa kuumana na gĩkuũ kĩa Jesu ihinda-inĩ rĩrĩa rĩũkĩte?

Jehova aatũmire Jesu arute muoyo wake mũkinyanĩru “nĩguo mũndũ o wothe ũrĩonanagia wĩtĩkio harĩ [Jesu] ndakananiinwo no akaagĩa na muoyo wa tene na tene.” (Johana 3:16) Tondũ Jesu nĩ aarutire muoyo wake, ica ikuhĩ Jehova nĩ arĩeheria maũndũ mothe moru marĩa mooimanire na ũremi wa Adamu. Ũguo nĩ kuuga atĩ tũngĩonania wĩtĩkio harĩ igongona rĩa Jesu, nĩ tũkaagĩa na mweke wa gũkenera ũtũũro tene na tene thĩinĩ wa paradiso gũkũ thĩ!—Isaia 65:21-23.

THUTHURIA MAKĨRIA

3. Gĩkuũ kĩa Jesu nĩ gĩtũkũũraga kuuma harĩ mehia na gĩkuũ

VIDEO: Jesu Aakuire Nĩkĩ?—Gĩcunjĩ kĩa 1 (2:01)

• Nĩ mweke ũrĩkũ Adamu aateire aremera Ngai?

Thomai Aroma 5:12, mũcoke mwarĩrĩrie kĩũria gĩkĩ:

• Mehia ma Adamu mahutĩtie ũtũũro waku na njĩra ĩrĩkũ?

Thomai Johana 3:16, mũcoke mwarĩrĩrie kĩũria gĩkĩ:

• Jehova aatũmire Mũrũwe gũkũ thĩ nĩkĩ?

1. Adamu aarĩ mũndũ mũkinyanĩru ũrĩa waremeire Ngai, akĩrehera andũ mehia na gĩkuũ

2. Jesu aarĩ mũndũ mũkinyanĩru ũrĩa wathĩkĩire Ngai, agĩtũma andũ magĩe na kĩĩrĩgĩrĩro gĩa gũtuĩka akinyanĩru na kũgĩa na muoyo wa tene na tene

4. Andũ othe no magunĩke kuumana na gĩkuũ kĩa Jesu

VIDEO: Jesu Aakuire Nĩkĩ?—Gĩcunjĩ gĩa 2 (2:00)

• Kũngĩhoteka atĩa andũ othe magunĩke kuumana na gĩkuũ kĩa mũndũ ũmwe?

Thomai 1 Timotheo 2:5, 6, mũcoke mwarĩrĩrie kĩũria gĩkĩ:

• Adamu aarĩ mũndũ mũkinyanĩru ũrĩa wareheire andũ mehia na gĩkuũ. Jesu o nake aarĩ mũndũ mũkinyanĩru. Nĩ na njĩra ĩrĩkũ Jesu aarutire “ũkũũri ũringaine”?

5. Ũkũũri nĩ kĩheo Jehova akũheete

Arata a Jehova monaga ũkũũri ũrĩ kĩheo maheetwo o ene. Kwa ngerekano, thomai Agalatia 2:20, mũcoke mwarĩrĩrie kĩũria gĩkĩ:

• Mũtũmwo Paulo oonanirie atĩa atĩ oonaga ũkũũri ũrĩ kĩheo aaheetwo we mwene?

Rĩrĩa Adamu eehirie, we hamwe na njiarũa ciake ciothe maatuĩrĩirũo gĩkuũ. No Jehova nĩ aatũmire Mũrũ wake akue nĩguo ũgĩe na mweke wa gũkaagĩa na muoyo wa tene na tene.

Ũgĩthoma mĩhari ĩno, geria kũhũũra mbica ũrĩa Jehova angĩkorũo aaiguire rĩrĩa Mũrũ wake aanyariragũo. Thomai Johana 19:1-7, 16-18, mũcoke mwarĩrĩrie kĩũria gĩkĩ:

• Ũndũ ũrĩa Jehova na Jesu maagwĩkĩire ũratũma ũigue atĩa?

ŨRĨA TWERUTA

Gĩkuũ kĩa Jesu nĩ gĩtũmaga Jehova atuohere mehia, na gĩgatũhe mweke wa gũgaakenera ũtũũro tene na tene.

Ciũria cia gũcokera

• Jesu aakuire nĩkĩ?

• Nĩ na njĩra ĩrĩkũ muoyo mũkinyanĩru wa Jesu warĩ ũkũũri ũringaine?

• Ũngĩgunĩka atĩa kuumana na gĩkuũ kĩa Jesu?

RIKĨRA

Thoma wone kĩrĩa gĩtũmaga muoyo mũkinyanĩru wa Jesu wĩtwo ũkũũri.

“Igongona rĩa Jesu ‘Rĩkũũraga Andũ Aingĩ’ na Njĩra Ĩrĩkũ?” (Gĩcunjĩ thĩinĩ wa jw.org/ki)

Wĩrute ũrĩa tũrabatara gwĩka nĩguo tũkũũrũo kuuma harĩ mehia na gĩkuũ.

“Jesu Ahonokanagia Atĩa?” (Gĩcunjĩ thĩinĩ wa jw.org/ki)

Hihi Jehova nĩ ohanagĩra nginya mehia maritũ?

“Macokio ma Ciũria cia Bibilia” (Mũrangĩri, Mĩĩ 1, 2013)

Thoma wone ũrĩa kwĩruta ũhoro wĩgiĩ igongona rĩa Kristo gwateithirie mũndũ ũmwe kũgarũrĩra ũmũndũ wake.

“Rĩu Ndirĩ Ngombo ya Maũndũ ma Ũhinya” (Gĩcunjĩ thĩinĩ wa jw.org/ki)