Hihi Kiugo kĩa Ngai nĩ Gĩkoragwo na Ũhoti Ũtũũro-inĩ Waku wa o Mũthenya?

Gũthomaga Bibilia o mũthenya no gũtũteithie ‘twĩhande wega’ na ‘twĩgwatĩrie ũhoro ũrĩa twĩtĩkĩtie.’ (Kol. 2:6, 7) O na kũrĩ ũguo, nĩguo Kiugo kĩa Jehova gĩkoragwo na ũhoti ũtũũro-inĩ witũ, no mũhaka twĩcũranagie na tũkahũthĩra motaaro makĩo. (Ahib. 4:12; Jak. 1:22-25) Rĩandĩko rĩa Joshua 1:8 nĩ rĩonanagia maũndũ maya matatũ tũngĩhũthĩra rĩrĩa tũrathoma: (1) Thomaga Kiugo kĩa Ngai “mũthenya o na ũtukũ.” (2) ‘Wĩciragie mohoro macio,’ ũguo nĩ kuuga ũgathomaga ũtegũtengʼera nĩguo ũkagĩa na ihinda rĩa gwĩcũrania na kũhũũra mbica maũndũ marĩa ũrathoma. (3) Wĩrutanĩrie kũhũthĩra ‘ũhoro wothe ũrĩa wandĩkĩtwo thĩinĩ.’ Kũhũthĩra motaaro macio nĩ kũrĩtũmaga ‘tũgaacĩre’ na ‘tũkagĩa na ũũgĩ’ ũtũũro-inĩ witũ wa o mũthenya.