Wĩrutage Wĩna Muoroto wa Kũguna Arĩa Angĩ

Mahinda ma wĩruti nĩ matũcanjamũraga, no nĩ tũcanjamũragwo o na makĩria rĩrĩa twagayana na arĩa angĩ maũndũ ma gwĩkĩra ngoro marĩa twĩrutĩte. Thimo 11:25 nĩ ĩtaaragĩria ũndũ ũcio na ngerekano ĩkoiga: “Ũrĩa ũheaga arĩa angĩ maĩ ma kũnyua o nake nĩ arĩheagwo maĩ ma kũnyua.”

Rĩrĩa twagayana na arĩa angĩ maũndũ marĩa twĩrutĩte, ũndũ ũcio nĩ ũtũteithagia kũririkana maũndũ macio na njĩra hũthũ na tũkarikĩria ũtaũku witũ o na makĩria. Ningĩ nĩ tũgĩaga na gĩkeno rĩrĩa twagayana maũndũ macio na arĩa angĩ tondũ nĩ tũĩ nĩ mekũgunĩka.—Atũm. 20:35.

Geria ũũ: Kiumia gĩũkĩte, caria mweke wa kũgayana na mũndũ ũngĩ kaũndũ wĩrutĩte. No ũgayane na mũndũ famĩlĩ-inĩ, kĩũngano-inĩ, wĩra-inĩ, cukuru, itũũra-inĩ, kana ũtungata-inĩ. Geria gũtaarĩria kaũndũ kau na njĩra hũthũ na ĩrataũkĩka, ũkĩhũthĩra ciugo ciaku.

Ririkana: Gayanaga na arĩa angĩ kĩrĩa wĩrutĩte wĩna muoroto wa kũmekĩra ngoro, no ti gwĩtũũgĩria.—1 Kor. 8:1.