Ithomo Rĩa 13

Ũgo Na Ũragũria Nĩ Maũndũ Moru

Shaitani endaga wĩmenyerie ũgo. Andũ aingĩ nĩmarutagĩra mahaki maguka mao arĩa akuũ kana maroho nĩguo megitĩre matigathũkio. Mekaga ũguo tondũ nĩmetigagĩra ũhoti wa thĩ ya kĩĩroho. Nĩmehumbaga mbete kana bangiri cia ũgo. Nĩmanyuaga kana makehaka mĩĩrĩ yao “ndawa” iria gũtuĩkaga atĩ nĩ irĩ ũhoti wa ũgo. Mĩciĩ-inĩ yao kana nja-rĩ, andũ amwe nĩmahithaga indo ciĩtĩkĩtio atĩ irĩ na ũhoti wa kũgitĩra. Angĩ mahũthagĩra “ndawa” cia ũgo tondũ metĩkĩtie atĩ nĩikũmarehere ũgaacĩru biacara-inĩ, igeranio-inĩ, kana uuhani-inĩ.

Ũgitĩri waku ũrĩa mwega makĩria harĩ Shaitani nĩ kũgĩa na Jehova arĩ mũrata waku. Jehova Ngai na araika ake me ũhoti makĩria gũkĩra Shaitani na ndaimono ciake. (Jakubu 2:19; Kũguũrĩrio 12:9) Jehova nĩendaga mũno kuonania hinya wake ateithie arata ake—arĩa ehokeku mũno harĩ we.—2 Maũndũ ma Matukũ ma Tene 16:9.

Kiugo kĩa Ngai kiugaga ũũ: ‘Mũtikanaragũrie.’ Jehova nĩonaga arĩ mahĩtia kũhũthĩra ũgo kana ũragũria tondũ kwĩmenyeria ũguo no kũrehe mũndũ o biũ ruungu-inĩ rwa ũhoti wa Shaitani Mũcukani.—Maũndũ ma Alawii 19:29.