Gũkenio nĩ Arĩa Angĩ

Ũrĩa Jesu Eekire

VIDEO: Jesu na Mũtumia Marĩ Gĩthima-inĩ

1. Wĩrorere VIDEO ĩno, kana ũthome Johana 4:6-9. Ũcoke ũcokie ciũria ici:

1. Jesu oonire ũndũ ũrĩkũ wĩgiĩ mũtumia ũcio atanambĩrĩria ndeereti?

2. Jesu aaugire: “He maĩ nyue.” Nĩkĩ ĩyo yarĩ njĩra njega ya kwambĩrĩria ndeereti?

Tũreruta Atĩa na Jesu?

2. Kwĩna ũhotekeku tũkorũo na ndeereti njega tũngĩambĩrĩria na ũndũ ũrakenia mũndũ ũcio ũngĩ.

Wĩgerekanie na Jesu

3. Wĩhaarĩrie kũgarũrĩra. To mũhaka wambĩrĩrie ndeereti na ũndũ ũrĩa wee uuma naguo meciria-inĩ. Ambĩrĩria na ũndũ ũrĩa arĩa angĩ mareciria ihinda-inĩ rĩu. Wĩyũrie:

1. ‘Nĩ maũndũ marĩkũ marĩ mohoro-inĩ?’

2. ‘Andũ arĩa tũriganĩtie nao, arĩa tũrutithanagia wĩra nao, kana arĩa tũthomaga nao mararĩrĩria maũndũ marĩkũ?’

4. Korũo ũrĩ maitho. Wĩyũrie:

1. ‘Mũndũ ũyũ areka atĩa ihinda-inĩ rĩrĩ? Nĩ ũndũ ũrĩkũ angĩkorũo agĩciria?’

2. ‘Mwĩhumbĩre wake, ũrĩa ahaana, kana mũciĩ wake ironania ũndũ ũrĩkũ wĩgiĩ wĩtĩkio wake kana ũndũire wake?’

3. ‘Ihinda rĩrĩ nĩrĩo rĩega rĩa kwaria nake?’

5. Thikĩrĩria.

1. Ndũkarie mũno.

2. Reke mũndũ ũcio ũngĩ eyarie. Mũũrie ciũria rĩrĩa wona kwagĩrĩire.