Jesu nĩ Akaaniina Wĩki-naĩ

Jesu nĩ ataũkagĩrũo nĩ ũrĩa mũndũ aiguaga rĩrĩa aratangĩka nĩ ũndũ wa wĩki-naĩ na wagi wa kĩhooto. Nĩ aaigĩrĩirũo igenyo, akĩhũũrũo na agĩciirithio hatarĩ kĩhooto, agĩtuĩrũo ũrĩa gũtagĩrĩire, na akĩũragwo gĩkuũ kĩa ruo. O na gũtuĩka gũtirĩ ũndũ mũũru eekĩte, nĩ eeimire akĩruta “muoyo wake ũtuĩke ũkũũri nĩ ũndũ wa gũkũũra andũ aingĩ.” (Mathayo 20:28; Johana 15:13) Rĩu Jesu nĩ Mũthamaki wa Ũthamaki wa Ngai, na ica ikuhĩ nĩ ekũrehe kĩhooto thĩinĩ wa thĩ yothe na aniine wĩki-naĩ kaimana.—Isaia 42:3.

Bibilia nĩ ĩtaarĩirie ũrĩa thĩ ĩgaakorũo ĩhaana thutha wa Jesu kuoya ikinya. Yugĩte ũũ:

• “Andũ arĩa aganu matigaakorũo kuo rĩngĩ; ũkaarora kũrĩa maakoragwo, na matigaakorũo kuo. No andũ arĩa ahooreri nĩ makaagaya thĩ, na nĩ magaakena mũno nĩ ũndũ wa kũingĩhĩrũo nĩ thayũ.”—Thaburi 37:10, 11.

Tũngĩonania ngatho atĩa nĩ ũndũ wa maũndũ mothe marĩa Jesu atwĩkĩire na marĩa arĩtwĩkĩra? Ũndũ ũmwe tũngĩka nĩ kwĩruta makĩria igũrũ rĩgiĩ ndũmĩrĩri ĩrĩa Jesu aahunjagia ya “ũhoro ũrĩa mwega wa Ũthamaki wa Ngai.” (Luka 4:43) Thoma gĩcunjĩ kĩrĩ na kĩongo “Ũthamaki wa Ngai nĩ Kĩĩ?”