Maũndũ Marĩa Marĩ Thĩinĩ wa Gĩcigo gĩa 2

Nĩ kĩĩ gĩatũmire Jehova arehe mũiyũro ũrĩa waniinire andũ arĩa maatũũraga hĩndĩ ĩyo? Kuuma o kĩambĩrĩria, nĩ kwagĩire ngucanio gatagatĩ ga gwĩka wega na gwĩka ũũru. Andũ amwe ta Adamu, Hawa, na mũrũ wao Kaini, nĩ maathuurire gwĩka ũũru. Nao andũ anini ta Habili na Nuhu, magĩthuura gwĩka wega. Andũ aingĩ maatuĩkire aganu mũno nginya Jehova akĩrehe mũiyũro na akĩmaniina. Gĩcigo gĩkĩ nĩ gĩgũtũteithia kwĩruta atĩ Jehova nĩ onaga mwena ũrĩa tũthuuraga, na ndarĩ hingo agetĩkĩria wega ũtoorio nĩ waganu.